 |
ທ່ານ ພອນໄຊ ແສນສິນບັນດິດ ຫົວໜ້າຫ້ອງການສຶກສາທິການ ແລະ ກິລາ ເມືອງລະມາມ ໃຫ້ຮູ້ວ່າ: ການສອບເສັງຈົບຊັ້ນມ4 ໃນປີນີ້ ຈະໄດ້ດຳເນີນໄປເປັນເວລາ 3 ວັນ (ວັນທີ 11-13 ມິຖຸນາ 2025):ສະເພາະ ຢູ່ເມືອງ ລະມາມ ມີ 5 ສູນສອບເສັງຄື: ສູນໂຮງຮຽນມິດຕະພາບລາວ-ຫວຽດ, ສູນໂຮງຮຽນ ມສ ອົງແກ້ວ, ສູນໂຮງຮຽນ ມສ ດອນຈັນ, ສູນໂຮງຮຽນ ມສ ບ້ານໂພນ ແລະ ສູນໂຮງຮຽນ ມຕ ວາງສາງ, ມີຈຳນວນໂຮງຮຽນ 18 ແຫ່ງເຂົ້າຮ່ວມສອບເສັງ, ມີ 29 ຫ້ອງ, ສະເລ່ຍ 17-18 ຄົນຕໍ່ຫ້ອງ, ມີກໍາມະການຍາມຫ້ອງສອບເສັງທັງໜົດ 58 ທ່ານ, ມີນັກຮຽນຊັ້ນມ4 ເຂົ້າສອບເສັງທັງໝົດ 488 ຄົນຍິງ 246 ຄົນ.
 |
ສຳລັບວິຊາສອບເສັງແມ່ນມີ 5 ວິຊາຄື: ວິຊາພາສາລາວ-ວັນນະຄະດີ,ວິທະຍາສາທຳມະຊາດ, ວິທະຍາສາດສັງຄົມ,ຄະນິດສາດ ແລະ ວິຊາພາສາອັງກິດ.
(ຂ່າວ: ດາວສະຫວັນ)
ຄໍາເຫັນ