 |
ໃນໂອກາດດັ່ງກ່າວ, ທ່ານນາຍົກລັດຖະມົນຕີຍີ່ປຸ່ນ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ສະແດງຄວາມຊົມເຊີຍ ທ່ານ ສອນໄຊ ສີພັນດອນ ທີ່ໄດ້ຮັບການເລືອກຕັ້ງໃຫ້ດໍາລົງຕໍາແໜ່ງ ນາຍົກລັດຖະມົນຕີແຫ່ງ ສປປ ລາວ ອີກສະໄໝໜຶ່ງໃນເດືອນມີນາ 2026 ຜ່ານມາ, ພ້ອມທັງ ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນລາວທີ່ໄດ້ໃຫ້ການຕ້ອນຮັບອັນອົບອຸ່ນແກ່ ການຢ້ຽມຢາມທາງການຢູ່ ສປປ ລາວ ຂອງສົມເດັດເຈົ້າຍິງໄອໂກະແຫ່ງປະເທດຍີ່ປຸ່ນໃນເດືອນພະຈິກ 2025 ຜ່ານມາ ຊຶ່ງ ສປປ ລາວ ແມ່ນປະເທດທໍາອິດທີ່ພະອົງສະເດັດຢ້ຽມຢາມທາງການ ແລະ ຍັງໄດ້ຕີລາຄາສູງຕໍ່ຜົນສໍາເລັດຂອງການຈັດງານບຸນລາວປະຈໍາປີ 2026 ຢູ່ນະຄອນຫຼວງໂຕກຽວ, ປະເທດຍີ່ປຸ່ນໃນທ້າຍເດືອນພຶດສະພາ 2026 ຜ່ານມາ, ໂດຍການໃຫ້ກຽດເຂົ້າຮ່ວມຂອງສົມເດັດເຈົ້າຍິງ ໄອໂກະແຫ່ງປະເທດຍີ່ປຸ່ນ ແລະ ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ທີ່ໄດ້ປະສົບຜົນສໍາເລັດເປັນຢ່າງດີ.
ທ່ານ ສອນໄຊ ສີພັນດອນ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ສະ ແດງຄວາມຊົມເຊີຍທ່ານ ນາງ ທະກະອິຈິ ຊະນາເອະ ທີ່ໄດ້ຮັບການເລືອກຕັ້ງໃຫ້ດໍາລົງຕໍາແໜ່ງນາຍົກ ລັດຖະມົນຕີແຫ່ງປະເທດຍີ່ປຸ່ນອີກຄັ້ງໃນເດືອນກຸມພາ 2026 ຜ່ານມາ, ພ້ອມທັງໄດ້ຕີລາຄາສູງຕໍ່ຜົນ ສໍາເລັດຂອງກອງປະຊຸມສຸດຍອດ AZEC Plus ກ່ຽວກັບຄວາມເຂັ້ມແຂງດ້ານພະລັງງານໃນເດືອນ ເມສາ 2026 ຜ່ານມາ ແລະ ສະໜັບສະໜູນຂອບການຮ່ວມມື POWERR Asia (Partnership On Wide Energy and Resources) ທີ່ຍີ່ປຸ່ນໄດ້ສະເໜີໃນກອງປະຊຸມສຸດຍອດ AZEC Plus ດັ່ງກ່າວ. ພ້ອມນັ້ນ, ຍັງໄດ້ຢືນຢັນທັດສະນະອັນສະເໝີຕົ້ນສະເໝີປາຍຕໍ່ການຮ່ວມມືໃນຂອບສອງຝ່າຍ ລາວ-ຍີ່ປຸ່ນທີ່ມີມູນເຊື້ອມາແຕ່ດົນນານ ແລະ ຂອບການຮ່ວມມືຫຼາຍຝ່າຍກໍຄືຂອບການຮ່ວມມືອາຊຽນ-ຍີ່ປຸ່ນ ອີກດ້ວຍໃນຖານະທີ່ຍີ່ປຸ່ນເປັນຄູ່ຮ່ວມມືທີ່ສໍາຄັນຂອງອາຊຽນ ແລະ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວສະແດງຄວາມຂອບໃຈມາຍັງລັດຖະບານ ແລະ ປະຊາຊົນຍີ່ປຸ່ນຕໍ່ການສະໜັບສະ ໜູນ ແລະ ຊ່ວຍເຫຼືອທີ່ມີປະສິດທິພາບໃຫ້ແກ່ ສປປ ລາວ ຕະຫຼອດໄລຍະຜ່ານມາອັນໄດ້ປະກອບ ສ່ວນສໍາຄັນເຂົ້າໃນການພັດທະນາເສດຖະກິດ - ສັງຄົມຂອງ ສປປ ລາວ, ເປັນຕົ້ນແມ່ນການພັດທະ ນາຊັບພະຍາກອນມະນຸດ, ໂຄງລ່າງພື້ນຖານ, ສາທາລະນະສຸກ, ກະສິກໍາ-ປ່າໄມ້, ການສົ່ງຊ່ຽວຊານ ແລະ ອາສາສະໝັກຂອງອົງການ JICA ມາປະຕິບັດໜ້າທີ່ຢູ່ບັນດາຂະແໜງການ ຂອງລາວທັງ ໃນສູນກາງ ແລະ ທ້ອງຖິ່ນ. ພິເສດແມ່ນການຊ່ວຍເຫຼືອໃນໂຄງການມະນຸດສະທໍາເກັບກູ້ລະເບີດບໍ່ ທັນແຕກທີ່ຕົກຄ້າງ (UXO) ຢູ່ ສປປ ລາວ. ພ້ອມນັ້ນ, ຍັງໄດ້ສະເໜີທ່ານນາຍົກລັດຖະມົນ ຕີຍີ່ປຸ່ນພິ ຈາລະນາມອບໝາຍໃຫ້ການນໍາຂັ້ນສູງ ຂອງຍີ່ປຸ່ນເຂົ້າຮ່ວມກອງປະຊຸມທົບທວນສົນທິສັນຍາວ່າດ້ວຍ ການເກືອດຫ້າມລະເບີດລູກຫວ່ານຮອບວຽນທີ 3 (3RC CCM) ພາຍໃຕ້ການເປັນປະທານຂອງ ສປປ ລາວ ໃນເດືອນກັນຍາ 2026 ທີ່ຈະ ມາເຖິງນີ້ທີ່ນະຄອນຫຼວງວຽງຈັນ ແລະ ເຊື້ອເຊີນຄູ່ຮ່ວມຕໍາແໜ່ງ ຝ່າຍຍີ່ປຸ່ນຢ້ຽມຢາມ ສປປ ລາວ ໃນເວ ລາທີ່ສອງຝ່າຍມີຄວາມສະດວກ.
ສອງຝ່າຍຍັງໄດ້ເຫັນດີເປັນເອະພາບໃນການສືບຕໍ່ເພີ່ມທະວີຮັດແໜ້ນການພົວພັນ ແລະ ການ ຮ່ວມມືລາວ-ຍີ່ປຸ່ນໃນຖານະຄູ່ຮ່ວມຍຸດທະສາດຮອບດ້ານໃຫ້ໄດ້ຮັບການພັດທະນາ ແລະ ແໜ້ນແຟ້ນ ຍິ່ງໆຂຶ້ນໃນຊຸມປີຕໍ່ໜ້າ, ໂດຍສະເພາະການສົ່ງເສີມການຮ່ວມມືດ້ານເສດຖະກິດກໍຄືການຄ້າ ແລະ ການລົງທຶນໃນຂະແໜງການທີ່ສອງຝ່າຍມີທ່າແຮງໃນການຮ່ວມມືເປັນຕົ້ນແມ່ນກະສິກໍາ ແລະ ອຸດສາຫະ ກໍາປຸງແຕ່ງທີ່ທັນສະໄໝ, ພະລັງງານສະອາດ, ພະລັງງານທາງເລືອກ, ຂະແໜງບໍ່ແຮ່, ການທ່ອງທ່ຽວ, ເຕັກໂນໂລຊີ ແລະ ອື່ນໆ. ສອງຝ່າຍຍັງໄດ້ແລກປ່ຽນຄໍາຄິດເຫັນ ກ່ຽວກັບສະພາບການໃນພາກພື້ນ ແລະ ສາກົນທີ່ສອງຝ່າຍມີຄວາມສົນໃຈຮ່ວມກັນອີກດ້ວຍ.
ໃນໂອກາດຢ້ຽມຢາມປະເທດຍີ່ປຸ່ນຄັ້ງນີ້, ທ່ານ ສອນໄຊ ສີພັນດອນ ຍັງໄດ້ພົບປະກັບສະມາ ຄົມມິດຕະພາບລັດຖະສະພາຍີ່ປຸ່ນ-ລາວ, ພົບປະກັບອົງການສະພາແລກປ່ຽນມິດຕະພາບສາກົນ (ອົງ ການ FEC), ພາກທຸລະກິດຂອງຍີ່ປຸ່ນຈໍານວນໜຶ່ງ, ຕາມລໍາດັບ ແລະ ເຂົ້າຮ່ວມກອງປະຊຸມພົບປະ ແລກປ່ຽນລະຫວ່າງພາກທຸລະກິດຂອງລາວ ແລະ ຍີ່ປຸ່ນອີກດ້ວຍ.
(ຂ່າວ: ກຕທ)
ຄໍາເຫັນ