ຕິດພັນກັບວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານ. ພ້ອມນັ້ນ, ຈະສືບຕໍ່ຈັດຕັ້ງຜັນຂະຫຍາຍມະຕິກົມການເມືອງສູນກາງພັກ ສະບັບເລກທີ 04/ກມສພ ວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງ ໃນໄລຍະໃໝ່ (ສອຈ) ແລະ ມະຕິຂອງລັດຖະບານ ສະບັບເລກທີ 05/ລບ ຄຽງຄູ່ກັບການຈັດຕັ້ງປະຕິບັດບັນດາມາດຕະການຫຼາຍບັນຫາ.
ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ລາຍງານກ່ຽວກັບແຜນການຈັດສັນງົບປະມານແຫ່ງລັດ ໃຫ້ກະຊວງ-ອົງການ ແລະ ທ້ອງຖິີ່ນ ປະຈໍາປີ 2025; ການດັດແກ້ແຜນງົບປະມານແຫ່ງລັດ ປີ 2024 ຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 18 ພະຈິກນີ້ ໂດຍການເປັນປະທານຂອງທ່ານ ໄຊສົມພອນ ພົມວິຫານ ປະທານສະພະແຫ່ງຊາດ.
ທ່ານ ສັນຕິພາບ ພົມວິຫານ ກ່າວວ່າ: ຈະສືບຕໍ່ເອົາໃຈໃສ່ໃນການຄົ້ນຄວ້າສ້າງ ແລະ ປັບປຸງນິຕິກຳໃຫ້ສຳເລັດຄື: ປັບປຸງກົດໝາຍອາກອນລາຍໄດ້ ເພື່ອໃຫ້ສາມາດຮັບຮອງໃນກອງປະຊຸມສະພາ ປີ 2025, ຄົ້ນຄວ້າຮ່າງດໍາລັດການປັບໃໝຂອງຂະແໜງສ່ວຍສາອາກອນ, ອອກຄໍາແນະນໍາການຈັດຕັ້ງຜັນຂະຫຍາຍກົດໝາຍອາກອນມູນຄ່າເພີ່ມ(ອມພ), ຄໍາແນະນໍາການຄຸ້ມຄອງການສົ່ງອອກສິນຄ້າກະສິກຳ ແລະ ອື່ນໆ; ຈະຈັດຕັ້ງປະຕິບັດເງິນເດືອນ ຂັ້ນຕໍ່າຈາກ 1,850,000 ກີບ ມາເປັນ 2,200,000ກີບ/ຄົນ/ເດືອນ ເລີ່ມແຕ່ງວດທີ 1 ປີ 2025 ເປັນຕົ້ນໄປ ແລະ ສືບຕໍ່ສົມທົບກັບກະຊວງພາຍໃນ ແລະ ພາກສ່ວນທີ່ກ່ຽວຂ້ອງ ເພື່ອຄົ້ນຄວ້າປັບປຸງໂຄງສ້າງດັດສະນີເງິນເດືອນໃນໄລຍະຍາວ ໃຫ້ໃກ້ຄຽງກັບສະພາບເສດຖະກິດ ໃນແຕ່ລະໄລຍະຕາມຄວາມສາມາດຂອງງົບປະມານ; ສຸມໃສ່ອອກຄໍາແນະນໍາການຈັດຕັ້ງປະຕິບັດວຽກງານ ອມພ 9 ສະບັບ ແລະຂະຫຍາຍຖານ ອມພ ໃຫ້ຖືກຕ້ອງຄົບຖ້ວນ ຄັດເລືອກປະເພດກຸ່ມທຸລະກິດ ເພື່ອເປັນເປົ້າໝາຍ ໃນການຂະຫຍາຍຢ່າງຈິງຈັງ ໂດຍເລີ່ມຈາກກຸ່ມໂຮງແຮມ, ບ້ານພັກ, ຮ້ານອາຫານ, ຮ້ານຂາຍຄໍາ ແລະວັດຖຸມີຄ່າ, ມິນີມາກ, ຮ້ານຂາຍລົດ, ຮ້ານຂາຍເຄື່ອງກໍ່ສ້າງ ແລະອື່ນໆ ພ້ອມທັງການຕິດຕັ້ງ ເຄື່ອງບັນທຶກການຂາຍ ແລະ ການບໍລິການ (POS) ໃຫ້ຫົວໜ່ວຍທຸລະກິດດັ່ງກ່າວ; ພ້ອມທັງຄົ້ນຄວ້ານະໂຍບາຍ ເພື່ອຊຸກຍູ້ໃຫ້ບຸກຄົນ, ນິຕິບຸກຄົນ ແລະອົງການຈັດຕັ້ງຫັນມານໍາໃຊ້ໃບເກັບເງິນ ໃຫ້ຫຼາຍຂຶ້ນ; ຄຸ້ມຄອງການເກັບຄ່າທໍານຽມ, ຄ່າບໍລິການ ແລະ ບັນດາກອງທຶນຕ່າງໆ ໂດຍຫັນເປັນທັນສະໄໝ ຢ່າງລວມສູນ ໃຫ້ສອດຄ່ອງກັບມະຕິ 09/ລບ;ຄົ້ນຄວ້າເອົາອາກອນມອບເໝົາຈາກຊັບສິນດີຈີຕອນ ບວກເຂົ້າກັບຄ່າກະແສໄຟຟ້າ ເພື່ອຮັບປະກັນໃຫ້ ການເກັບລາຍຮັບດັ່ງກ່າວ ເຂົ້າງົບປະມານໃຫ້ຖືກຕ້ອງຄົບຖ້ວນ; ສຸມໃສ່ການເກັບອາກອນຈາກລັດຖະບັນຍັດປະທານປະເທດ ວ່າດ້ວຍອັດຕາອາກອນແບບເດັດຖານສະເພາະທຸລະກິດກາຊີໂນ ຊຶ່ງຄາດວ່າຈະເກັບໄດ້ 26.73 ລ້ານໂດລາ ເທົ່າກັບ 615 ຕື້ກີບ ຊຶ່ງລັດຖະບານຈະເກັບລາຍຮັບໄດ້ເພີ່ມຂຶ້ນ 150% ຕໍ່ປີ ຈາກພັນທະອາກອນມອບເໝົາຕາມສັນຍາທີ່ເກັບໃນປັດຈຸບັນ (10 ລ້ານໂດລາແລະ 15.1 ຕື້ກີບ/ປີ); ສືບຕໍ່ຕິດຕາມກວດກາ ບັນດາຫົວໜ່ວຍທຸລະກິດ ທີ່ນໍາເຂົ້າຜະລິດຕະພັນເຄື່ອງດື່ມທີ່ມີທາດເຫຼົ້າ ເພື່ອໄລ່ລຽງອາກອນຊົມໃຊ້ ໃຫ້ສອດຄ່ອງກັບກົດໝາຍ ແລະລະບຽບການ, ປະສານສົມທົບກັບພາກສ່ວນກ່ຽວຂ້ອງ ເພື່ອກວດກາຄືນ ການຈັດຕັ້ງປະຕິບັດອາກອນຊົມໃຊ້ ຂອງຫົວໜ່ວຍທຸລະກິດຜະລິດຢາສູບ ແລະ ເຄື່ອງດື່ມທີ່ມີທາດເຫຼົ້າ ລວມທັງການເຄື່ອນໄຫວຂອງຕົວແທນຈໍາໜ່າຍ; ຄຸ້ມຄອງການເກັບອາກອນທຸລະກິດການຂົນສົ່ງ, ການຄ້າທາງດີຈີຕອນ, Platform, Facebook ແລະ ອື່ນໆ ລວມທັງການຄ້າຂາຍອອນລາຍຈາກນິຕິບຸກ ຄົນພາຍໃນ ແລະ ຕ່າງປະເທດ ໂດຍສົມທົບກັບກົມດີຈີຕອນ ແລະ ທະນາຄານ, ກະຊວງອຸດສາຫະກຳ ແລະ ການຄ້າ, ກະຊວງປ້ອງກັນຄວາມສະຫງົບ ເພື່ອຂຶ້ນທະບຽນ ແລະ ປະຕິບັດພັນທະຢ່າງຖືກຕ້ອງ ຊຶ່ງໃນປັດຈຸບັນລົງທະບຽນແລ້ວ 20 ຫົວໜ່ວຍ.
ຜັນຂະຫຍາຍ ໂມດຸນ FinPassຂອງລະບົບຊຳລະພັນທະງົບປະມານແຫ່ງລັດ ແບບລວມສູນ (Fin Link)ເພື່ອລວມສູນການເກັບລາຍຮັບ ພາສີ-ອາກອນ, ຄ່າທໍານຽມ-ຄ່າບໍລິການ (ຕາມລັດຖະບັນຍັດ 002/ປປທ) ແລະ ສືບຕໍ່ຜັນຂະຫຍາຍລະບົບແກ່ບັນດາ ຜູ້ໃຫ້ບໍລິການຈັດເກັບລາຍຮັບ ແລະ ພັນທະອື່ນໆ ໃຫ້ຮອງຮັບການເກັບລາຍຮັບຂອງບັນດາຫົວໜ່ວຍງົບປະມານ, ຢູ່ບັນດາດ່ານ, ຢູ່ຂັ້ນສູນກາງ ແລະ ທ້ອງຖິ່ນ ຫັນການຊຳລະເຂົ້າລະບົບລວມສູນຜ່ານຊ່ອງທາງດຽວ; ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງເປັນຕົ້ນ ກະຊວງປ້ອງກັນຄວາມສະຫງົບ, ກະຊວງໂຍທາທິການ ແລະ ຂົນສົ່ງ, ກະຊວງສາທາລະນະສຸກ, ກະຊວງອຸດສາຫະກຳ ແລະ ການຄ້າ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ກະຊວງກະສິກຳ ແລະ ປ່າໄມ້ ແລະ ກະຊວງການຕ່າງປະເທດ ເພື່ອປຶກສາຫາລື ໃນການລວມສູນການເກັບລາຍຮັບຂອງຂະແໜງການຕ່າງໆ ຜ່ານໂມດູນຊໍາລະຄ່າທໍານຽມ-ຄ່າບໍລິການ ຢູ່ດ່ານພາສີ ແບບລວມສູນ (FinPass);ເພີ່ມທະວີການໂຄສະນາ ແລະ ຜັນຂະຫຍາຍ ແນະນໍາໃຫ້ຜູ້ປະກອບການ ແລະ ຜູ້ໂດຍສານໃຊ້ບໍລິການຊຳລະຜ່ານຊ່ອງ Application, ການຊຳລະຂ້າມທະນາຄານ, ການຊຳລະຜ່ານຕູ້ຮັບເງິນສົດ ແລະ ບໍ່ຮັບເງິນສົດ (KIOSK), ການຊຳລະຜ່ານ LAO QR, ການຊຳລະດີຈີຕອນຜ່ານ Mobile Banking ແລະ Mobile APP ຂອງບັນດາທະນາຄານ, EASY KIP, Wallet, ສ້າງຄໍາແນະນໍາໃນການຄຸ້ມຄອງນໍາໃຊ້ ລະບົບການຈັດເກັບຄ່າທໍານຽມ ແລະ ຄ່າບໍລິການແບບລວມສູນ ຜ່ານທະນາຄານ (FinPass) ຢູ່ດ່ານສາກົນ; ສືບຕໍ່ເຊື່ອມໂຍງຖານຂໍ້ມູນກັບຂະແໜງການທີ່ກ່ຽວຂ້ອງ ເພື່ອເຊື່ອມຕໍ່ຂໍ້ມູນເຂົ້າໃນລະບົບຖານຂໍ້ມູນໃຫຍ່ລວມສູນ, ເຊື່ອມຕໍ່ແລກປ່ຽນຂໍ້ມູນ ແລະ ວິເຄາະ-ວິໄຈຂໍ້ມູນ (LaoFIDA);13.ຄົ້ນຄວ້ານິຕິກຳໃນການຄຸ້ມຄອງ, ຕິດຕາມການເກັບອາກອນຈາກການຂາຍ Carbon Credit ຂອງຫົວໜ່ວຍທຸລະກິດ ທີ່ດຳເນີນທຸລະກໍາດັ່ງກ່າວ ຊຶ່ງກໍາລັງເປັນແຫຼ່ງລາຍຮັບໃໝ່, ປັດຈຸບັນ ມີ 11 ຫົວໜ່ວຍ ທີ່ໄດ້ໃຫ້ຄວາມສົນໃຈ.
ຄໍາເຫັນ