 |
ການທັດສະນະໃນຄັ້ງນີ້, ບັນດາຫຼານນ້ອຍໄດ້ຢ້ຽມຊົມຫ້ອງມູນເຊື້ອຂອງລັດວິສາຫະກິດໄຟຟ້າລາວ ເພື່ອຮຽນຮູ້ປະຫວັດຄວາມເປັນມາ ການສ້າງຕັ້ງລັດວິສາຫະກິດໄຟຟ້າລາວ, ຄວາມສຳຄັນຂອງພະລັງງານໄຟຟ້າ, ການປະກອບສ່ວນໃນວຽກງານປົກປັກຮັກສາ ແລະ ສ້າງສາພັດທະນາປະເທດຊາດ, ປະກອບສ່ວນອັນສຳຄັນໃນການພັດທະນາເສດຖະກິດ-ສັງຄົມ ຕະຫຼອດໄລຍະ 65 ປີຜ່ານມາ ພ້ອມທັງໄດ້ຮ່ວມກິດຈະກຳຖາມ-ຕອບ ເພື່ອຮັບຂອງຂວັນຈາກລັດວິສາຫະກິດໄຟຟ້າລາວ.
 |
ໂອກາດນີ້, ລັດວິສາຫະກິດໄຟຟ້າລາວ ໄດ້ປະກອບສ່ວນເປັນເງິນຈຳນວນໜຶ່ງ ເພື່ອເປັນກຳລັງໃຈ ແລະ ສົ່ງເສີມໃຫ້ບັນດາຫຼານນ້ອຍ ໄດ້ສ້າງຜົນງານໃນການເຂົ້າຮ່ວມງານແຂ່ງຂັນດັ່ງກ່າວ ເພື່ອເປັນກຽດສັກສີໃຫ້ປະເທດຊາດອີກດ້ວຍ.
 |
ການແຂ່ງຂັນບານເຕະ ຮຸ່ນອາຍຸບໍ່ເກີນ 10 ປີ ຊີງແຊັມເຍົາວະຊົນອາຊຽນ ປະຈຳປີ 2026 ຫຼື “U10 ASIAN YOUTH CHAMPIONSHIPS CUP 2026” ຄັ້ງນີ້, ມີທີມເຂົ້າຮ່ວມຫຼາຍກວ່າ 40 ທີມຈາກ 10 ກວ່າຊາດເຂົ້າຮ່ວມ ຊຶ່ງຫຼານນ້ອຍ ເບ ສະຫວັນ ຈະອອກເດີນທາງໃນວັນທີ 3 ເມສານີ້ ແລະ ຈະເດີນທາງກັບໃນວັນທີ 6 ເມສາ 2026.
ຂ່າວ: ສົງການ
ຄໍາເຫັນ