ເລຂາພັກແຂວງໄຊຍະບູລີ ຕິດ​ຕາມໂຄງການກໍ່ສ້າງປ້ອງກັນຕາຝັ່ງເຈື່ອນ ຢູ່ເມືອງແກ່ນທ້າວ

ການລົງຕິດຕາມຄັ້ງນີ້, ທ່ານ ເພັງນິລັນ ຄໍາພັນເພັງ ພ້ອມຄະນະ ໄດ້ລົງກວດກາຄວາມຄືບໜ້າການກໍ່ສ້າງຢູ່ 2 ຈຸດ ຄື: ຈຸດບ້ານໂພນສະຫວ່າງ ຕອນເໜືອມີຄວາມຍາວ 2,500 ແມັດ, ມູນຄ່າການກໍ່ສ້າງ 104 ກວ່າຕື້ກີບ, ຮັບເໝົາໂດຍ ບໍລິສັດ ດວງຈັນຮຸ່ງເຮືອງ ຈໍາກັດຜູ້ດຽວ,ມາຮອດປັດຈຸບັນ ການຈັດຕັ້ງປະຕິບັດ ສໍາເລັດແລ້ວ 30,1% ແລະ ຈຸດກາງບ້ານໂພນສະຫວ່າງມີຄວາມຍາວ 1,500 ແມັດ, ມູນຄ່າການກໍ່ສ້າງ 97 ກວ່າຕື້ກີບ, ຮັບເໝົາໂດຍ ບໍລິສັດ SLKກໍ່ສ້າງ-ຂົວທາງ ແລະ ເຄຫະສະຖານ ຈໍາກັດຜູ້ດຽວ, ມາຮອດປັດຈຸບັນ ການຈັດຕັ້ງປະຕິບັດ ສໍາເລັດແລ້ວ 32,4%.

ໂອກາດດັ່ງກ່າວ, ທ່ານ ເລຂາຄະນະບໍລິຫານງານພັກແຂວງ ໄດ້ເນັ້ນໃຫ້ຂະແໜງການທີ່ກ່ຽວຂ້ອງ ສືບຕໍ່ຕິດຕາມ, ກວດກາ ແລະ ຊຸກຍູ້ໂຄງການດັ່ງກ່າວຢ່າງໃກ້ຊິດ ເພື່ອໃຫ້ການກໍ່ສ້າງສໍາເລັດຕາມແຜນການ, ໄດ້ມາດຕະຖານເຕັກນິກ ແລະ ທັນເວລາ.

ຂ່າວ: ແກ່ນທ້າວ