ວັນທີ 18 ທັນວານີ້, ທີ່ສະໂມສອນໃຫຍ່ບ້ານຄົກແອກເມືອງຫົງສາແຂວງໄຊຍະບູລີ ໄດ້ຈັດພິທີປະກາດຍຸບບັນດາໜ່ວຍພັກທີ່ຂຶ້ນກັບຄະນະພັກຮາກຖານ, ຍຸບຄະນະພັກຮາກຖານ ແລະ ປະກາດສ້າງຕັ້ງໜ່ວຍພັກບ້ານຄົກແອກຂຶ້ນໃໝ່. ໃຫ້ກຽດເຂົ້າຮ່ວມເປັນປະທານຂອງສະຫາຍ ຄຳຫຼ້າ ຜີວວັນນາ ກຳມະການພັກແຂວງ, ເລຂາພັກເມືອງ, ເຈົ້າເມືອງຫົງສາ, ມີສະຫາຍ ແຫຼ້ ອ່ອນສົມບູນ ຮອງເລຂາພັກເມືອງ, ປະທານຄະນະກວດກາພັກ, ຫົວໜ້າອົງການກວດກາລັດເມືອງ, ຫົວໜ້າອົງການຕ້ານການສໍ້ລາດບັງຫຼວງຂັ້ນເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງ, ມີທີມງານກໍ່ສ້າງຮາກຖານເມືອງ, ເລຂາໜ່ວຍພັກ, ສະມາຊິກພັກ ແລະ ຂະແໜງການຂອງບ້ານເຂົ້າຮ່ວມຢ່າງພ້ອມພຽງ. ທັງນີ້ກໍເພື່ອເປັນການຊຸກຍູ້ວຽກງານກໍ່ສ້າງຮາກຖານການເມືອງ-ແນວຄິດທົ່ວເມືອງ ເວົ້າລວມ, ເວົ້າສະເພາະແມ່ນຢູ່ບ້ານຄົກແອກ ໃຫ້ເຄື່ອນໄຫວຕາມແຜນດຳເນີນງານຂອງແຂວງ, ແຜນດຳເນີນຂອງເມືອງທີ່ກຳນົດໄວ້.
ສະຫາຍ ຂັນແກ້ວ ລິນທອນສີ ຮອງປະທານຄະນະກວດກາພັກເມືອງ ໄດ້ຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 429, 430 ແລະ 431 ລົງວັນທີ 15 ທັນວາ 2023 ຄື: ຍຸບເລີກ 3 ໜ່ວຍພັກທີ່ຂຶ້ນກັບຄະນະພັກຮາກຖານບ້ານຄົກແອກ, ຍຸບເລີກຄະນະພັກຮາກຖານບ້ານຄົກແອກ ແລະ ປະກາດສ້າງຕັ້ງຂຶ້ນໃໝ່ເປັນໜ່ວຍພັກບ້ານຄົກແອກ. ໂດຍລວມມີສະມາຊິກພັກທັງໝົດ 47 ສະຫາຍ, ຍິງ 6 ສະຫາຍ. ໃນໂອກາດນີ້ ສະຫາຍເລຂາພັກເມືອງ ກໍ່ໄດ້ມີຄໍາຄິດເຫັນ ໂອ້ລົມ ຊຶ່ງສະຫາຍໄດ້ຍົກໃຫ້ຮູ້ເຖິງໂຄງການດຳເນີນງານ, ຂັ້ນຕອນ ການດໍາເນີນກອງປະຊຸມໃຫຍ່ 3 ຂັ້ນຂອງພັກ ຊຶ່ງແມ່ນການຄັດເລືອກເອົາຜູ້ນໍາພາທີ່ມີຄວາມຮູ້, ຄວາມສາມາດ, ມີທັດສະນະຫຼັກໝັ້ນທາງດ້ານການເມືອງ, ມີຄວາມເສຍສະຫຼະຮັບໃຊ້ຊາດ, ຮັບໃຊ້ປະຊາຊົນ ເຂົ້າໃນຄະນະພັກແຕ່ລະຂັ້ນ ເພື່ອນໍາພາສ້າງສາພັດທະນາປະເທດຊາດ-ບ້ານເມືອງ, ແມ່ນການດໍາເນີນຊີວິດການເມືອງ ທ້າຍສະໄໝຂອງຄະນະພັກແຕ່ລະຂັ້ນ, ແມ່ນບັ້ນດໍາເນີນຊີວິດການເມືອງ ເພື່ອຕີລາຄາການນໍາພາລວມ, ຕີລາຄາຄວາມຮັບຜິດຊອບ ຂອງບຸກຄົນຄະນະພັກ ຕະຫລອດສະໄໝຜ່ານມາ. ສະນັ້ນ ເພື່ອຮັບປະກັນໃຫ້ການດໍາເນີນກອງປະຊຸມໃຫຍ່ 3 ຂັ້ນ ຂອງພັກ ໃຫ້ມີຄຸນນະພາບ, ຖືກຕ້ອງຕາມຕົວຈິງກ່ອນອື່ນໝົດ ບັນດາສະຫາຍຄະນະພັກ ຕ້ອງຍົກສູງຄວາມຮັບຜິດຊອບ ຕີລາຄາການຈັດຕັ້ງປະຕິບັດໜ້າທີ່ການເມືອງຂອງຕົນເອງຢ່າງພາວະວິໄສ, ໄປຄຽງຄູ່ກັບການຕິຊົມຕົນເອງ ເເລະ ຕິຊົມ ເຊິ່ງກັນ ເເລະ ກັນຢ່າງຈິງໃຈ. ພ້ອມກັນນີ້, ກໍເອົາໃຈໃສ່ກວດກາຕີລາຄາ ກ່ຽວກັບການແກ້ໄຂຈຸດອ່ອນ, ຂໍ້ຄົງຄ້າງຈາກຄໍາຕໍານິສົ່ງຂ່າວຕ່າງໆ ຂອງການຈັດຕັ້ງພັກ, ສະມາຊິກພັກ ແລະ ຕໍ່ແຕ່ລະສະຫາຍໃນຄະນະພັກໃນໄລຍະຜ່ານມາ. ຫຼັງຈາກນັ້ນ ສະຫາຍເລຂາ ແລະ ຮອງເລຂາພັກເມືອງ ພ້ອມດ້ວຍຄະນະຮັບຜິດຊອບກໍໄດ້ລົງເຄື່ອນໄຫວກວດກາເບິ່ງການຂະຫຍາຍເສັ້ນທາງເຂົ້າຫາບ້ານ ພ້ອມທັງແນະນຳໃຫ້ວິຊາການຮັບຜິດຊອບເລັ່ງແກ້ໄຂຈຸດຕ່າງໆ ທີ່ຍັງຄົງຄ້າງໃຫ້ສຳເລັດຕາມແຜນ ແລະ ຍັງເລັ່ງທວງໃຫ້ບໍລິສັດທີ່ຮັບຜິດຊອບສ້າງນ້ຳປະປາເຂົ້າບ້ານໃຫ້ສືບຕໍ່ດຳເນີນການຈັດຕັ້ງປະຕິບັດໜ້າວຽກຕ່າງໆໃຫ້ສຳເລັດຕາມແຜນເຊັ່ນດຽວກັນ.
(ຂ່າວ-ພາບ: ກິດຕິສັກ ບົວໄລ)23096800
ສະຫາຍ ຂັນແກ້ວ ລິນທອນສີ ຮອງປະທານຄະນະກວດກາພັກເມືອງ ໄດ້ຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 429, 430 ແລະ 431 ລົງວັນທີ 15 ທັນວາ 2023 ຄື: ຍຸບເລີກ 3 ໜ່ວຍພັກທີ່ຂຶ້ນກັບຄະນະພັກຮາກຖານບ້ານຄົກແອກ, ຍຸບເລີກຄະນະພັກຮາກຖານບ້ານຄົກແອກ ແລະ ປະກາດສ້າງຕັ້ງຂຶ້ນໃໝ່ເປັນໜ່ວຍພັກບ້ານຄົກແອກ. ໂດຍລວມມີສະມາຊິກພັກທັງໝົດ 47 ສະຫາຍ, ຍິງ 6 ສະຫາຍ. ໃນໂອກາດນີ້ ສະຫາຍເລຂາພັກເມືອງ ກໍ່ໄດ້ມີຄໍາຄິດເຫັນ ໂອ້ລົມ ຊຶ່ງສະຫາຍໄດ້ຍົກໃຫ້ຮູ້ເຖິງໂຄງການດຳເນີນງານ, ຂັ້ນຕອນ ການດໍາເນີນກອງປະຊຸມໃຫຍ່ 3 ຂັ້ນຂອງພັກ ຊຶ່ງແມ່ນການຄັດເລືອກເອົາຜູ້ນໍາພາທີ່ມີຄວາມຮູ້, ຄວາມສາມາດ, ມີທັດສະນະຫຼັກໝັ້ນທາງດ້ານການເມືອງ, ມີຄວາມເສຍສະຫຼະຮັບໃຊ້ຊາດ, ຮັບໃຊ້ປະຊາຊົນ ເຂົ້າໃນຄະນະພັກແຕ່ລະຂັ້ນ ເພື່ອນໍາພາສ້າງສາພັດທະນາປະເທດຊາດ-ບ້ານເມືອງ, ແມ່ນການດໍາເນີນຊີວິດການເມືອງ ທ້າຍສະໄໝຂອງຄະນະພັກແຕ່ລະຂັ້ນ, ແມ່ນບັ້ນດໍາເນີນຊີວິດການເມືອງ ເພື່ອຕີລາຄາການນໍາພາລວມ, ຕີລາຄາຄວາມຮັບຜິດຊອບ ຂອງບຸກຄົນຄະນະພັກ ຕະຫລອດສະໄໝຜ່ານມາ. ສະນັ້ນ ເພື່ອຮັບປະກັນໃຫ້ການດໍາເນີນກອງປະຊຸມໃຫຍ່ 3 ຂັ້ນ ຂອງພັກ ໃຫ້ມີຄຸນນະພາບ, ຖືກຕ້ອງຕາມຕົວຈິງກ່ອນອື່ນໝົດ ບັນດາສະຫາຍຄະນະພັກ ຕ້ອງຍົກສູງຄວາມຮັບຜິດຊອບ ຕີລາຄາການຈັດຕັ້ງປະຕິບັດໜ້າທີ່ການເມືອງຂອງຕົນເອງຢ່າງພາວະວິໄສ, ໄປຄຽງຄູ່ກັບການຕິຊົມຕົນເອງ ເເລະ ຕິຊົມ ເຊິ່ງກັນ ເເລະ ກັນຢ່າງຈິງໃຈ. ພ້ອມກັນນີ້, ກໍເອົາໃຈໃສ່ກວດກາຕີລາຄາ ກ່ຽວກັບການແກ້ໄຂຈຸດອ່ອນ, ຂໍ້ຄົງຄ້າງຈາກຄໍາຕໍານິສົ່ງຂ່າວຕ່າງໆ ຂອງການຈັດຕັ້ງພັກ, ສະມາຊິກພັກ ແລະ ຕໍ່ແຕ່ລະສະຫາຍໃນຄະນະພັກໃນໄລຍະຜ່ານມາ. ຫຼັງຈາກນັ້ນ ສະຫາຍເລຂາ ແລະ ຮອງເລຂາພັກເມືອງ ພ້ອມດ້ວຍຄະນະຮັບຜິດຊອບກໍໄດ້ລົງເຄື່ອນໄຫວກວດກາເບິ່ງການຂະຫຍາຍເສັ້ນທາງເຂົ້າຫາບ້ານ ພ້ອມທັງແນະນຳໃຫ້ວິຊາການຮັບຜິດຊອບເລັ່ງແກ້ໄຂຈຸດຕ່າງໆ ທີ່ຍັງຄົງຄ້າງໃຫ້ສຳເລັດຕາມແຜນ ແລະ ຍັງເລັ່ງທວງໃຫ້ບໍລິສັດທີ່ຮັບຜິດຊອບສ້າງນ້ຳປະປາເຂົ້າບ້ານໃຫ້ສືບຕໍ່ດຳເນີນການຈັດຕັ້ງປະຕິບັດໜ້າວຽກຕ່າງໆໃຫ້ສຳເລັດຕາມແຜນເຊັ່ນດຽວກັນ.
(ຂ່າວ-ພາບ: ກິດຕິສັກ ບົວໄລ)23096800
ຄໍາເຫັນ