 |
ໃນໂອກາດນີ້, ຝ່າຍລາວ ໄດ້ສະແດງຄວາມຊົມເຊີຍ ທີ່ ວົງຄະນະຍາດສາກົນ ໄດ້ໃຫ້ຄວາມເຊື່ອໝັ້ນ ແລະ ເລືອກເອົາ ນະຄອນຫຼວງຮ່າໂນ້ຍ ເປັນສະຖານທີ່ລົງນາມຂອງ ສົນທິສັນຍາສາກົນ ທີ່ມີຄວາມໝາຍສຳຄັນນີ້ ຊຶ່ງໃນຕໍ່ໜ້າຈະມີຊື່ວ່າ ສົນທິສັນຍາຮ່າໂນ້ຍ. ສປປ ລາວ ເຊື່ອໝັ້ນວ່າ ດ້ວຍບົດຮຽນ ແລະ ບົດບາດສາກົນ ຂອງ ເພື່ອນສະຫາຍ ຫວຽດນາມ, ພິທີລົງນາມ ແລະ ກອງປະຊຸມສາກົນຄັ້ງນີ້ ຈະປະສົບຜົນສຳເລັດຢ່າງຈົບງາມ ພ້ອມທັງຍົກສູງບົດບາດ ຂອງ ສສ ຫວຽດນາມ ໃຫ້ສູງເດັ່ນຍິ່ງຂຶ້ນ ໃນເວທີພາກພື້ນ ແລະ ສາກົນ.
 |
ສອງຝ່າຍ ໄດ້ແຈ້ງສະພາບການພົ້ນເດັ່ນ ຢູ່ພາຍໃນປະເທດຂອງຕົນ ໃຫ້ກັນຊາບ ແລະ ໄດ້ສະແດງຄວາມຊົມເຊີຍຕໍ່ບັນດາຜົນສໍາເລັດທີ່ສອງປະເທດຍາດມາໄດ້ໃນຕະຫຼອດໄລຍະຜ່ານມາ, ພ້ອມທັງ ຮ່ວມກັນຕີລາຄາສູງຕໍ່ການພົວພັນຮ່ວມມືສອງຝ່າຍທີ່ມີບາດກ້າວຂະຫຍາຍຕົວຮອບດ້ານ ແລະ ມີຜົນ ສຳເລັດສູງ, ເຫັນໄດ້ຈາກການພົວພັນຮ່ວມມືຮອບດ້ານ ທັງໃນດ້ານການເມືອງ, ເສດຖະກິດ ແລະ ການຮ່ວມມືເພື່ອການພັດທະນາ ບົນພື້ນຖານຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ ໃນລະດັບສູງສຸດ, ການຮ່ວມມືທາງດ້ານປ້ອງກັນຊາດ-ປ້ອງກັນຄວາມສະຫງົບ ສືບຕໍ່ມີບາດກ້າວຂະຫຍາຍຕົວຢ່າງຕໍ່ເນື່ອງ, ການ ຈັດຕັ້ງປະຕິບັດບັນດາໂຄງການຮ່ວມມືສອງຝ່າຍ ມີຄວາມຄືບໜ້າເປັນກ້າວໆ. ພ້ອມນັ້ນ, ສອງຝ່າຍ ໄດ້ເຫັນດີເປັນເອກະພາບ ຈະສືບຕໍ່ປະສານສົມທົບກັນຢ່າງໃກ້ຊິດ ເພື່ອສືບຕໍ່ສົ່ງເສີມການພົວພັນຮ່ວມມືທີ່ເປັນມູນເຊື້ອຂອງສອງຊາດ ໃຫ້ນັບມື້ ນັບຂະຫຍາຍຕົວຍິ່ງຂຶ້ນ ພ້ອມທັງ ຈະຮ່ວມມືກັນຢ່າງໃກ້ຊິດ ໃນການຈັດ ຕັ້ງປະຕິບັດບັນດາໂຄງການຮ່ວມມືຍຸດທະສາດໃນດ້ານຕ່າງໆ ໃຫ້ປະກົດຜົນເປັນຮູບປະທໍາ ແລະ ມີປະສິດທິຜົນສູງສຸດ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ຫວຽດນາມ.
 |
(ຂ່າວ: ກຕທ)
ຄໍາເຫັນ