ໂດຍແຫຼ່ງທ່ອງທ່ຽວຕາດແຝກ ພ້ອມຮອງຮັບນັກທ່ອງທ່ຽວ ໃນໄລຍະການສະຫຼອງບຸນປີ ໃໝ່ລາວ ພສ 2568 ທີ່ຈະມາຮອດມໍ່ໆນີ້.
ທ່ານ ນາງ ບັງອອນ ມະນິວົງ ຜູ້ຈັດການສະຖານທີ່ທ່ອງທ່ຽວຕາດແຝກ ໃຫ້ສໍາພາດວ່າ: ປັດຈຸບັນ, ສະຖານທີ່ທ່ອງທ່ຽວ ຕາດແຝກ ກຽມທຸກຄວາມພ້ອມ ເພື່ອຕ້ອນຮັບນັກທ່ອງທ່ຽວ ທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວ ໃນໄລຍະບຸນປີໃໜ່ລາວ. ພາຍໃນສະຖານທີ່ທ່ອງທ່ຽວ ນອກຈາກມີທຳມະຊາດນ້ຳຕົກຕາດ ທີ່ສວຍງາມແລ້ວ ຍັງມີການສ້າງຈຸດຊົມວິວ, ສ້າງຕູບນັ່ງຫຼິ້ນເພີ່ມຕື່ມ ສາມາດຮອງຮັບນັກທ່ອງທ່ຽວໄດ້ 300 ກວ່າຄົນ. ນອກນັ້ນ, ຍັງຈະມີກິດຈະກໍາ ບຸດເບຍ ເພື່ອດຶງດູດການທ່ອງທ່ຽວ ໃຫ້ຫຼາຍຂຶ້ນ ແລະ ຍັງມີປະເພດ ອາຫານຫຼາກຫຼາຍຢ່າງ ພ້ອມເຄື່ອງດື່ມຕ່າງໆ ໄວ້ຄອຍບໍລິການຢ່າງພຽງພໍ.
ຜູ້ຈັດການສະຖານທີ່ທ່ອງທ່ຽວຕາດແຝກ ໄດ້ເຊີນຊວນນັກທ່ອງທ່ຽວທຸກທ່ານ ໃຫ້ມາລອງສໍາພັດບັນຍາກາດ ແລະ ຄວາມງາມຂອງທໍາມະຊາດ ນໍ້າຕົກຕາດທີ່ໄສເຢັນ ແລະ ມາລອງຊິມລົດຊາດອາຫານ ຢູ່ທີ່ແຫຼ່ງທ່ອງທ່ຽວແຫ່ງນີ້ ເຊື່ອວ່າ: ຫຼາຍໆທ່ານ ຫາກໄດ້ມາແລ້ວ ຈະຢາກມາອີກ.
(ຂ່າວ-ພາບ: ອັດສະວິນ)
ຄໍາເຫັນ