ປີທ່ອງທ່ຽວລາວ 2024 ທີ່ຈະມາເຖິງ, ສປປ ລາວ ໄດ້ມີການກະກຽມຄວາມພ້ອມໃນຫຼາຍດ້ານ ທາງສະຖານທີ່ທ່ອງທ່ຽວ, ທີ່ພັກໂຮງແຮມ, ຮ້ານອາຫານ, ຖະໜົນຫົນທາງທີ່ເຂົ້າໄປເຖິງສະຖານທີ່ທ່ອງທ່ຽວຂອງລາວ ໃນນີ້ກໍຍັງຕ້ອງໄດ້ມີການກະກຽມຄວາມພ້ອມດ້ານພາຫະນະຮັບໃຊ້ ກໍຄືລົດຕູ້ທີ່ນໍາໃຊ້ໃນການນໍາພານັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ມີຄວາມສະດວກສະບາຍ ແລະ ມີຄວາມປະທັບໃຈກັບການເດີນທາງ.
ໂດຍເຫັນໄດ້ຄວາມສຳຄັນໃນການກະກຽມນັ້ນ, ບໍລິສັດ ລີນາຈະເລີນການຄ້າ ຈຳກັດ ຮ່ວມກັບ ບໍລິສັດ ຮ່ວມພັດທະນາການລົງທຶນລາວ ຈຳກັດ ຂອງສະມາຄົມນັກທຸລະກິດໜຸ່ມແຫ່ງຊາດລາວ ແລະ ບໍລິສັດ GAZ ຢູ່ ສສ ຫວຽດນາມ ໄດ້ຮ່ວມກັນນໍາເຂົ້າລົດຕູ້ GAZ ຈາກບໍລິສັດ GAZ ທີ່ຣັດເຊຍ ໂດຍຈະມີສູນຈໍາໜ່າຍຢ່າງເປັນທາງການ ທີ່ ບໍລິສັດ ລີນ້າຈະເລີນການຄ້າ ຊຶ່ງເປັນບໍລິສັດຂອງຄົນລາວໂດຍກົງ ເພື່ອວາງຈຳໜ່າຍ ແລະ ໃຫ້ບໍລິການລົດບັນທຸກ, ລົດຕູ້ຂົນສົ່ງສິນຄ້າ ແລະ ລົດມິນິບັສທີ່ມີຄຸນສົມບັດ ແລະ ເຕັກນິກທີ່ທັນສະໄໝ ຕັ້ງຢູ່ບ້ານ ນາເລົ່າ ເມືອງສີໂຄດຕະບອງນະຄອນຫຼວງວຽງຈັນ. ທັງນີ້, ກໍເພື່ອຮອງຮັບກັບຄວາມຕ້ອງການນໍາໃຊ້ລົດ ທີ່ຈະເປັນແຮງຊຸກຍູ້ໜຶ່ງທີ່ສຳຄັນ ໃຫ້ກັບອຸດສາຫະກຳການທ່ອງທ່ຽວລາວ ໄດ້ແຂງແຮງຂຶ້ນ.
ທ່ານ ນາງ ກໍລະກັນ ທໍາມະວົງ ປະທານບໍລິສັດດັ່ງກ່າວ ໄດ້ໃຫ້ສໍາພາດ ໃນວັນທີ 1 ພະຈິກ ຜ່ານມາວ່າ: ໃຜທີ່ກໍາລັງຊອກຫາລົດຕູ້ສໍາລັບທ່ອງທ່ຽວ, ລົດຮັບໃຊ້ຫ້ອງການ ຫຼື ພາຫະນະສໍາລັບຄອບຄົວ ຊຶ່ງບໍລິສັດເຮົາຈະກຽມສະໜອງພາຫະນະຮັບໃຊ້ດ້ວຍລົດຕູ້ທີ່ທັນສະໄໝ ໂດຍສະເພາະກຽມພ້ອມໃຫ້ຜູ້ໃຊ້ລົດມີຄວາມປະທັບໃຈກັບການເດີນທາງ ໂດຍສະເພາະນັກທ່ອງທ່ຽວທີ່ມາທ່ຽວ ສປປ ລາວ ຊຸກຍູ້ແກ່ປີທ່ອງທ່ຽວລາວ 2024. ປະຊາຊົນລາວ ເວົ້າລວມ, ເວົ້າສະເພາະ ກໍແມ່ນບັນດາຜູ້ປະກອບການນໍາທ່ຽວທັງຫຼາຍ ຂໍໃຫ້ກຽມພ້ອມ ພົບກັບ ລົດຕູ້ GAZ ຊຶ່ງຈະມີພິທີແນະນຳ ແລະ ເປີດໃຫ້ທົດລອງຂັບຂີ່ລົດຢ່າງເປັນທາງການ ໃນວັນທີ 3 - 4 ພະຈິກ 2023, ເວລາ 8:00 - 16:30 ໂມງ ທີ່ຫໍປະຊຸມແຫ່ງຊາດນະຄອນຫຼວງວຽງຈັນ.
ລົດຍີ່ຫໍ້GAZ ໄດ້ຖືກສົ່ງອອກໄປຫຼາຍກວ່າ 40 ປະເທດໃນທົ່ວໂລກ ແລະ ມີຄວາມຕ້ອງການສູງຢູ່ໃນເຂດທະວີບເອີຣົບ, ອາເມຣິກາລາຕິນ ແລະ ອາຊີຊຶ່ງ ສປປ ລາວ ແມ່ນເປັນຕະຫຼາດທຳອິດທີ່ GAZ ເຂົ້າມາເຈາະຕະຫຼາດ ເພື່ອເປົ້າໝາຍເປັນສູນກາງການຜະລິດໃນອາຊີ. ລົດຍີ່ຫໍ້ GAZ ເປັນຍານພາຫະນະການຄ້າທີ່ໜ້າເຊື່ອຖືໄດ້, ລາຄາບໍ່ແພງ ຊ່ວຍອຳນວຍສະດວກສະບາຍ ແລະ ປະສິດທິພາບສູງເຊັ່ນດຽວກັນກັບຍານພາຫະນະຂະໜາດນ້ອຍ ແລະ ສະດວກຕໍ່ຜູ້ໂດຍສານ ແລະ ຂັບຂີ່;ເໝາະສໍາລັບສະພາບຖະໜົນຫົນທາງໃນຕົວເມືອງ, ຄ້ອຍໂນນສູງ, ສະພາບອາກາດທີ່ຮ້ອນແລະ ຖະໜົນຫົນທາງທີ່ຫຍຸ້ງຍາກທຸລະກັນດານ.
ທ່ານ ນາງ ກໍລະກັນ ທໍາມະວົງ ຍັງກ່າວວ່າ: ເປົ້າໝາຍແມ່ນເພື່ອໃຫ້ຜູ້ປະກອບການໄດ້ນໍາໃຊ້ຍານພາຫະນະທີ່ດີມີຄຸນນະພາບ ແລະ ທັນສະໄໝ ຊຶ່ງລົດຕູ້ ຍີ່ຫໍ້ຂອງGAZແມ່ນມີບາງລຸ້ນທີ່ມີເຖິງ45 ບ່ອນນັ່ງ ແລະ ມີຫຼາຍລຸ້ນ ກຽມພ້ອມບໍລິການໃຫ້ຜູ້ປະກອບການລົດທ່ອງທ່ຽວ ແລະ ອື່ນໆ ເພື່ອນໍາໃຊ້ ຮັບໃຊ້ຜູ້ໂດຍສານດ້ວຍຄວາມສະດວກສະບາຍຫຼາຍຂຶ້ນ.
ຂ່າວ: ຍຸພິນທອງ
ໂດຍເຫັນໄດ້ຄວາມສຳຄັນໃນການກະກຽມນັ້ນ, ບໍລິສັດ ລີນາຈະເລີນການຄ້າ ຈຳກັດ ຮ່ວມກັບ ບໍລິສັດ ຮ່ວມພັດທະນາການລົງທຶນລາວ ຈຳກັດ ຂອງສະມາຄົມນັກທຸລະກິດໜຸ່ມແຫ່ງຊາດລາວ ແລະ ບໍລິສັດ GAZ ຢູ່ ສສ ຫວຽດນາມ ໄດ້ຮ່ວມກັນນໍາເຂົ້າລົດຕູ້ GAZ ຈາກບໍລິສັດ GAZ ທີ່ຣັດເຊຍ ໂດຍຈະມີສູນຈໍາໜ່າຍຢ່າງເປັນທາງການ ທີ່ ບໍລິສັດ ລີນ້າຈະເລີນການຄ້າ ຊຶ່ງເປັນບໍລິສັດຂອງຄົນລາວໂດຍກົງ ເພື່ອວາງຈຳໜ່າຍ ແລະ ໃຫ້ບໍລິການລົດບັນທຸກ, ລົດຕູ້ຂົນສົ່ງສິນຄ້າ ແລະ ລົດມິນິບັສທີ່ມີຄຸນສົມບັດ ແລະ ເຕັກນິກທີ່ທັນສະໄໝ ຕັ້ງຢູ່ບ້ານ ນາເລົ່າ ເມືອງສີໂຄດຕະບອງນະຄອນຫຼວງວຽງຈັນ. ທັງນີ້, ກໍເພື່ອຮອງຮັບກັບຄວາມຕ້ອງການນໍາໃຊ້ລົດ ທີ່ຈະເປັນແຮງຊຸກຍູ້ໜຶ່ງທີ່ສຳຄັນ ໃຫ້ກັບອຸດສາຫະກຳການທ່ອງທ່ຽວລາວ ໄດ້ແຂງແຮງຂຶ້ນ.
ທ່ານ ນາງ ກໍລະກັນ ທໍາມະວົງ ປະທານບໍລິສັດດັ່ງກ່າວ ໄດ້ໃຫ້ສໍາພາດ ໃນວັນທີ 1 ພະຈິກ ຜ່ານມາວ່າ: ໃຜທີ່ກໍາລັງຊອກຫາລົດຕູ້ສໍາລັບທ່ອງທ່ຽວ, ລົດຮັບໃຊ້ຫ້ອງການ ຫຼື ພາຫະນະສໍາລັບຄອບຄົວ ຊຶ່ງບໍລິສັດເຮົາຈະກຽມສະໜອງພາຫະນະຮັບໃຊ້ດ້ວຍລົດຕູ້ທີ່ທັນສະໄໝ ໂດຍສະເພາະກຽມພ້ອມໃຫ້ຜູ້ໃຊ້ລົດມີຄວາມປະທັບໃຈກັບການເດີນທາງ ໂດຍສະເພາະນັກທ່ອງທ່ຽວທີ່ມາທ່ຽວ ສປປ ລາວ ຊຸກຍູ້ແກ່ປີທ່ອງທ່ຽວລາວ 2024. ປະຊາຊົນລາວ ເວົ້າລວມ, ເວົ້າສະເພາະ ກໍແມ່ນບັນດາຜູ້ປະກອບການນໍາທ່ຽວທັງຫຼາຍ ຂໍໃຫ້ກຽມພ້ອມ ພົບກັບ ລົດຕູ້ GAZ ຊຶ່ງຈະມີພິທີແນະນຳ ແລະ ເປີດໃຫ້ທົດລອງຂັບຂີ່ລົດຢ່າງເປັນທາງການ ໃນວັນທີ 3 - 4 ພະຈິກ 2023, ເວລາ 8:00 - 16:30 ໂມງ ທີ່ຫໍປະຊຸມແຫ່ງຊາດນະຄອນຫຼວງວຽງຈັນ.
ລົດຍີ່ຫໍ້GAZ ໄດ້ຖືກສົ່ງອອກໄປຫຼາຍກວ່າ 40 ປະເທດໃນທົ່ວໂລກ ແລະ ມີຄວາມຕ້ອງການສູງຢູ່ໃນເຂດທະວີບເອີຣົບ, ອາເມຣິກາລາຕິນ ແລະ ອາຊີຊຶ່ງ ສປປ ລາວ ແມ່ນເປັນຕະຫຼາດທຳອິດທີ່ GAZ ເຂົ້າມາເຈາະຕະຫຼາດ ເພື່ອເປົ້າໝາຍເປັນສູນກາງການຜະລິດໃນອາຊີ. ລົດຍີ່ຫໍ້ GAZ ເປັນຍານພາຫະນະການຄ້າທີ່ໜ້າເຊື່ອຖືໄດ້, ລາຄາບໍ່ແພງ ຊ່ວຍອຳນວຍສະດວກສະບາຍ ແລະ ປະສິດທິພາບສູງເຊັ່ນດຽວກັນກັບຍານພາຫະນະຂະໜາດນ້ອຍ ແລະ ສະດວກຕໍ່ຜູ້ໂດຍສານ ແລະ ຂັບຂີ່;ເໝາະສໍາລັບສະພາບຖະໜົນຫົນທາງໃນຕົວເມືອງ, ຄ້ອຍໂນນສູງ, ສະພາບອາກາດທີ່ຮ້ອນແລະ ຖະໜົນຫົນທາງທີ່ຫຍຸ້ງຍາກທຸລະກັນດານ.
ທ່ານ ນາງ ກໍລະກັນ ທໍາມະວົງ ຍັງກ່າວວ່າ: ເປົ້າໝາຍແມ່ນເພື່ອໃຫ້ຜູ້ປະກອບການໄດ້ນໍາໃຊ້ຍານພາຫະນະທີ່ດີມີຄຸນນະພາບ ແລະ ທັນສະໄໝ ຊຶ່ງລົດຕູ້ ຍີ່ຫໍ້ຂອງGAZແມ່ນມີບາງລຸ້ນທີ່ມີເຖິງ45 ບ່ອນນັ່ງ ແລະ ມີຫຼາຍລຸ້ນ ກຽມພ້ອມບໍລິການໃຫ້ຜູ້ປະກອບການລົດທ່ອງທ່ຽວ ແລະ ອື່ນໆ ເພື່ອນໍາໃຊ້ ຮັບໃຊ້ຜູ້ໂດຍສານດ້ວຍຄວາມສະດວກສະບາຍຫຼາຍຂຶ້ນ.
ຂ່າວ: ຍຸພິນທອງ
ຄໍາເຫັນ