flag

ຂ່າວການເມືອງ

ຫຼວງນ້າທາ ປະກາດການແຕ່ງຕັ້ງການນໍາເມືອງ

ຫຼວງນ້າທາ ປະກາດການແຕ່ງຕັ້ງການນໍາເມືອງ

ຫຼວງນ້າທາ ປະກາດການແຕ່ງຕັ້ງການນໍາເມືອງ
ເມື່ອບໍ່ດົນມານີ້, ຢູ່ທີ່ສະໂມສອນ ເມືອງຫຼວງນໍ້າທາ ແຂວງຫຼວງນໍ້າທາໄດ້ຈັດພິທີປະກາດແຕ່ງຕັ້ງ ແລະ ມອບຮັບໜ້າທີການນຳ ເມືອງຫຼວງນ້ຳທາ ລະຫວ່າງຜູ້ເກົ່າ ແລະ ຜູ້ໃໝ່, ໂດຍການເປັນປະທານຂອງ ທ່ານ ຄຳຟອງ ອິນມະນີ ຮອງເລຂາພັກແຂວງ ປະທານສະພາປະຊາຊົນແຂວງ.

ທ່ານ ນາງ ພອນສະຫວັນ ອິນທອງໄຊ ຮອງຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ສະບັບເລກທີ 425/ຈຂ, ລົງວັນທີ 29 ເມສາ 2025 ວ່າດ້ວຍການແຕ່ງຕັ້ງຮັກສາການເຈົ້າເມືອງ ແລະ ຮອງເຈົ້າເມືອງຫຼວງນ້ຳທາ, ແຕ່ງຕັ້ງ ທ່ານ ຄຳຫຼ້າ ແຫຼ່ງໄຊຍະທຳ ຮອງເລຂາພັກເມືອງ ເປັນຮັກສາການເຈົ້າເມືອງຫຼວງນ້ຳທາ, ທ່ານ ສີຈັນ ລໍທອງໂຫຼຍ ກໍາມະການປະຈໍາພັກເມືອງ ເປັນຮັກສາການຮອງເຈົ້າເມືອງຫຼວງນ້ຳທາ, ຜ່ານຂໍ້ຕົກລົງຂອງທ່ານເຈົ້າເມືອງຫຼວງນ້ຳທາ ວ່າດ້ວຍການແຕ່ງຕັ້ງຫົວໜ້າຫ້ອງການ, ຮັກສາການແທນຫົວໜ້າຫ້ອງການ ແລະ ຮອງຫົວໜ້າຫ້ອງການ, ແຕ່ງຕັ້ງ ທ່ານ ພອນປະເສີດ ອິນທະວົງ ເປັນຫົວໜ້າຄະນະຈັດຕັ້ງເມືອງ, ທ່ານ ສີ ສົມທະວົງ ເປັນຫົວໜ້າຫ້ອງວ່າການເມືອງ, ທ່ານ ຄໍາເຄື່ອງ ແສງສີຄໍາ ເປັນຮັກສາການແທນຫົວໜ້າຄະນະໂຄສະນາອົບຮົມເມືອງ, ທ່ານ ນາງ ມະນີວັນ ລາດສີທອງ ເປັນຮັກສາການແທນຫົວໜ້າຫ້ອງການແຜນການ ແລະ ການລົງທຶນເມືອງ, ທ່ານ ນາງ ບົວຄໍາ ອຸ່ນນະຄຸນ ເປັນຮອງຫົວໜ້າຄະນະຈັດຕັ້ງເມືອງ, ທ່ານ ເຈື້ອ ແພງບຸນໂຮມ ເປັນຮອງຫົວໜ້າຫ້ອງວ່າການເມືອງ, ບົ່ງຕົວແຕ່ງຕັ້ງ ສະຫາຍ ພັນໂທ ຄຳທອນ ໜໍ່ລໍຄຳ ເປັນຮັກສາການແທນເລຂາຄະນະພັກຮາກຖານກຸ່ມບ້ານສົບຊິມ, ພິທີກໍໄດ້ຜ່ານບົດບັນທຶກ ແລະ ມອບ-ຮັບໜ້າທີ່ຮ່ວມກັນລະຫວ່າງຮັກສາການແທນເຈົ້າເມືອງ, ປະທານ ກວກກາພັກ - ລັດເມືອງ, ຄະນະຈັດຕັ້ງເມືອງ, ຄະນະໂຄສະນາອົບຮົມເມືອງ, ຫົວໜ້າຫ້ອງວ່າການເມືອງ, ຫົວໜ້າຫ້ອງການແຜນການ ແລະ ການລົງທຶນເມືອງ ລະຫວ່າງຜູ້ເກົ່າ ແລະ ຜູ້ໃໝ່, ໂດຍມີພາກສ່ວນທີ່ກ່ຽວຂອງເຂົ້າຮ່ວມເປັນສັກຂີພິຍານ.

(ຂ່າວ: ຄໍາຕັນ ອຸ່ນຄໍາ)

ຄໍາເຫັນ

ຂ່າວການເມືອງ

ຄະນະພັກຮາກຖານຫ້ອງວ່າການແຂວງຈຳປາສັກ ຈັດກອງປະຊຸມໃຫ່ຍຄັ້ງທີ VIII

ຄະນະພັກຮາກຖານຫ້ອງວ່າການແຂວງຈຳປາສັກ ຈັດກອງປະຊຸມໃຫ່ຍຄັ້ງທີ VIII

ກອງປະຊຸມໃຫ່ຍຄັ້ງທີ VIII ຂອງຄະນະພັກຮາກຖານຫ້ອງວ່າການແຂວງຈຳປາສັກ ໄດ້ຈັດຂຶ້ນໃນ ວັນທີ 18 ມີຖຸນານີ້ ຢູ່ທີ່ຫ້ອງວ່າການແຂວງ ໂດຍການໃຫ້ກຽດເຂົ້າຮ່ວມຂອງ ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆຈຳປາສັກ, ທ່ານ ສຸກກະເສີມ ສີຫານຸວົງ ກຳມະການພັກແຂວງ ຮັກສາການເລຂາຄະນະພັກຮາກຖານ ຫົວໜ້າຫ້ອງວ່າການແຂວງ.
ສສຊ ເຂດເລືອກຕັ້ງທີ 16 ຕັ້ງໜ້າປະຕິບັດພາລະບົດບາດຂອງຕົນ

ສສຊ ເຂດເລືອກຕັ້ງທີ 16 ຕັ້ງໜ້າປະຕິບັດພາລະບົດບາດຂອງຕົນ

ທ່ານ ດົງເພັດ ພະຍົນ ປະທານຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ16 ແຂວງເຊກອງໄດ້ໃຫ້ສຳພາດໃນໂອກາດເຂົ້າຮ່ວມກອງປະຊຸມສະໄໝສາມັນເທື່ອ 9 ຂອງສະພາແຫ່ງຊາດ ຊຸດທີIXວ່າ: ຜ່ານມາຄະນະສະມາຊິກສະພາແຫ່ງຊາດ, ສະຊິກສະພາປະຊາຊົນແຂວງ ໄດ້ຕັ້ງໜ້າປະຕິບັດພາລະບົດບາດ, ສິດ ແລະ ໜ້າທີ່ ໃນການເຄື່ອນໄຫວວຽກງານຂອງຕົນ ໃນຖານະທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າ ໂດຍສະເພາະແມ່ນດ້ານນິຕິບັນຍັດເອົາໃຈໃສ່ປະສານສົມທົບກັບ ຄະນະປະຈໍາສະພາປະຊາຊົນແຂວງ ໃນການຄົ້ນຄວ້າ ແລະ ປະກອບຄໍາເຫັນ ໃນກອງປະຊຸມທາບທາມຮ່າງກົດໝາຍ ທີ່ສະພາແຫ່ງຊາດສົ່ງໃຫ້ ແລະ ບັນດາກະຊວງຈັດຂຶ້ນ ທັງໝົດ3ຄັ້ງ, ຈໍານວນ5ສະບັບ; ຊຸກຍູ້ສ້າງນິຕິກໍາໃຕ້ກົດໝາຍຮອດກອງປະຊຸມສະໄໝສາມັນເທື່ອທີ 8 ໄດ້ 8 ສະບັບ, ທຽບໃສ່ແຜນ 5 ປີ ໄດ້ 80​% ແຜນ 5 ປີ ໃຫ້ໄດ້ 10 ສະບັບ.
ກົດໝາຍວ່າດ້ວຍສາມັນສຶກສາຖືກຮັບຮອງຈະຄຸ້ມຄອງວຽກງານສາມັນສຶກສາໃຫ້ມີປະສິດທິພາບ

ກົດໝາຍວ່າດ້ວຍສາມັນສຶກສາຖືກຮັບຮອງຈະຄຸ້ມຄອງວຽກງານສາມັນສຶກສາໃຫ້ມີປະສິດທິພາບ

ທ່ານ ສໍາລານ ພັນຄະວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ(ສສກ)ໄດ້ຂຶ້ນລາຍງານ ກົດໝາຍວ່າດ້ວຍສາມັນສຶກສາ(ສ້າງໃໝ່) ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 18 ມິຖຸນານີ້ ທີ່ຫໍສະພາແຫ່ງຊາດ, ໂດຍພາຍການເປັນປະທານຂອງ ທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ, ຈາກນັ້ນບັນດາສະມາຊິກສະພາແຫ່ງຊາດ ໄດ້ພ້ອມກັນ ປະກອບຄຳເຫັນໃສ່ກົດໝາຍດັ່ງກ່າວດ້ວຍຄວາມຮັບຜິດຊອບສູງແນໃສ່ເຮັດໃຫ້ມີເນື້ອໃນຂອງກົດໝາຍດັ່ງກ່າວຄົບຖ້ວນ, ຮັດກຸມ, ຖືກຕ້ອງ ເພື່ຶອນຳໄປຈັດ ຕັ້ງປະຕິບັດ ໃຫ້ມີຄວາມແທດເໝາະກັບສະພາບຄວາມເປັນຈິງ.
ສສຊ ເຂດ 5 ລົງເລິກປັບປຸງບາງເນື້ອໃນກົດໝາຍສາມັນສຶກສາ

ສສຊ ເຂດ 5 ລົງເລິກປັບປຸງບາງເນື້ອໃນກົດໝາຍສາມັນສຶກສາ

ສະມາຊິກສະພາແຫ່ງຊາດ(ສສຊ)ເຂດເລືອກຕັ້ງ ທີ 5 ແຂວງບໍ່ແກ້ວ ໄດ້ລົງເລິກໃສ່ເນືຶ້ອໃນບາງມາດຕາຂອງກົດໝາຍວ່າດ້ວຍສາມັນສຶກສາ(ສ້າງໃໝ່)ແນໃສເພື່ອເຮັດໃຫ້ກົດໝາຍສະບັບດັ່ງກ່າວໃນການນຳໄປຈັດຕັ້ງປະຕິບັດໃຫ້ແທດເໝາະກັບຄວາມເປັນຈິງ,ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ IX ໃນວັນທີ 18 ມີຖຸນານີ້, ທ່ານ ສຳລານ ພັນຄະວົງ ຮອງລັດຖະມົນຄິກະຊວງສຶກສາທິການ ແລະ ກິລາ ໄດ້ສະເເໜີ ກົດໝາຍວ່າດ້ວຍສາມັນສຶກສາ(ສ້າງໃໝ່), ພາຍໃຕ້ການເປັນປະທານ ຂອງ ທ່ານ ຄຳໃບ ດຳລັດ ຮອງປະທານສະພາແຫ່ງຊາດ,ຈາກນັ້ນ ສສຊ ໄດ້ສຸມທຸກສະຕິປັນຍາຢ່າງກົງໄປກົງມາໃສ່ກົດໝາຍດັ່ງກ່າວດ້ວຍຄວາມຮັບຜິດຊອບສູງ.
ກອງປະຊຸມໃຫຍ່ຜູ້ແທນຊາວໜຸ່ມແຂວງບໍລິຄຳໄຊຄັ້ງທີ VII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນຊາວໜຸ່ມແຂວງບໍລິຄຳໄຊຄັ້ງທີ VII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນຊາວໜຸ່ມແຂວງບໍລິຄຳໄຊຄັ້ງທີ VII ໄດ້ໄຂຂຶ້ນໃນວັນທີ 18 ມິຖຸນານີ້ ທີ່ສະໂມສອນໃຫຍ່ຂອງແຂວງ, ໂດຍການເປັນປະທານຂອງ ສະຫາຍ ວົງສິທອງ ສີອິນທິປັນຍາ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ສະຫາຍ ທອງລີ ສີສຸລິດ ຮອງເລຂາຄະນະບໍລິຫານງານພັກ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະຫາຍ ບຸນສົງ ເພັດຈະເລີນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ, ສະຫາຍ ທອງມະນີ ໂຄດປັນຍາ ກຳມະການພັກແຂວງ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ມີແຂກຖືກເຊີນ, ພ້ອມດ້ວຍຜູ້ແທນສົມບູນ 101 ສະຫາຍ ຍິງ22ສະຫາຍ ທີ່ເປັນຕົວແທນໃຫ້ແກ່ສະມາຊິກຊາວໜຸ່ມ-ເຍົາວະຊົນທົ່ວແຂວງ 22,451 ສະຫາຍເຂົ້າຮ່ວມ.
ຄອສພ ສະຫຼຸບວຽກງານ ພ້ອມທັງເຊື່ອມຊຶມມະຕິ 10 ສະໄໝ XI

ຄອສພ ສະຫຼຸບວຽກງານ ພ້ອມທັງເຊື່ອມຊຶມມະຕິ 10 ສະໄໝ XI

ກອງປະຊຸມສະຫຼຸບຕີລາຄາການປະຕິບັດໜ້າທີ່ວຽກງານໃນໄລຍະຜ່ານມາ ຂອງຄະນະໂຄສະນາອົບຮົມສູນກາງພັກ (ຄອສພ) ແລະ ເຊື່ອມຊຶມເອກະສານມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝ XI ໄດ້ຈັດຂຶ້ນໃນວັນທີ 16 ມິຖຸນານີ້ ທີ່ສະໂມສອນ ຄອສພ, ໂດຍການເປັນປະທານຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າ ຄອສພ ປະທານສະພາທິດສະດີສູນກາງພັກ; ມີບັນດາຄະນະພັກ-ຄະນະນໍາ, ສະມາຊິກພັກ, ພະນັກງານ-ລັດຖະກອນ ພາຍໃນ ຄອສພ ເຂົ້າຮ່ວມຢ່າງພ້ອມພຽງ.
ສສຊ ເຂດ13ສະເໜີປັບປຸງບາງເນື້ອໃນຂອງກົດໝາຍສັງຄົມສົງເຄາະ

ສສຊ ເຂດ13ສະເໜີປັບປຸງບາງເນື້ອໃນຂອງກົດໝາຍສັງຄົມສົງເຄາະ

ສສຊ ເຂດເລືອກຕັ້ງທີ 13 ແຂວງສະຫວັນນະເຂດສະເໜີປັບປຸງເນື້ອໃນບາງມາດຕາຂອງກົດໝາຍວ່າດ້ວຍສັງຄົມສົງເຄາະ(ສ້າງໃໝ່)ເພື່ອໃຫ້ມີຄວາມຮັດກຸມ,ກະທັດຮັດ,ຊັດເຈນ ແລະມີເນື້ອໃນຖືກຕ້ອງເພື່ອກ້າວໄປໃນການຈັດຕັ້ງປະຕິບັດໃຫ້ມີຄວາມຖືກຕ້ອງ ແລະ ສອດຄ່ອງໃນຄວາມເປັນຈິງ.
ສສຊ ສຸມໃສ່ປະກອບຄຳເຫັນຕໍ່ຮ່າງກົດໝາຍວ່າດ້ວຍສັງຄົມສົງເຄາະ

ສສຊ ສຸມໃສ່ປະກອບຄຳເຫັນຕໍ່ຮ່າງກົດໝາຍວ່າດ້ວຍສັງຄົມສົງເຄາະ

ເພື່ອຮັບປະກັນໃຫ້ຮ່າງກົດໝາຍວ່າດ້ວຍສັງຄົມສົງເຄາະ ຊຶ່ງເປັນກົດໝາຍສະບັບສ້າງໃໝ່ມີເນື້ອໃນຄົບຖ້ວນສົມບູນຮັດກຸມ ເປັນບ່ອນອີງໃຫ້ສັງຄົມໃນການຈັດຕັ້ງປະຕິບັດຢ່າງມີປະສິດທິຜົນ ແນໃສ່ຊ່ວຍເຫຼືອຊີວິດການເປັນຢູ່ຂອງປະຊາຊົນ ເພື່ອສ້າງສັງຄົມສາມັກຄີປອງດອງຍຸຕິທຳ ແລະ ສີວິໄລ.
ຄວາມຈໍາເປັນໃນການສ້າງກົດໝາຍວ່າດ້ວຍສັງຄົມສົງເຄາະ

ຄວາມຈໍາເປັນໃນການສ້າງກົດໝາຍວ່າດ້ວຍສັງຄົມສົງເຄາະ

ທ່ານນາງ ແກ້ວ ຈັນທະວີໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ)ໄດ້ສະເໜີກ່ຽວກັບການສ້າງກົດໝາຍວ່າດ້ວຍສັງຄົມສົງເຄາະຊຶ່ງເປັນກົດໝາຍສ້າງໃໝ່ ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 17 ມິຖຸນານີ້ ພາຍໃຕ້ການເປັນປະທານຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ.
6 ຄໍາຖາມເຈາະຈີ້ມໃຫ້ ສສຊ ມີຄໍາເຫັນຕໍ່ຮ່າງກົດໝາຍວ່າດ້ວຍສັງຄົມສົງເຄາະ

6 ຄໍາຖາມເຈາະຈີ້ມໃຫ້ ສສຊ ມີຄໍາເຫັນຕໍ່ຮ່າງກົດໝາຍວ່າດ້ວຍສັງຄົມສົງເຄາະ

ໃນວາລະກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນຕອນເຊົ້າວັນທີ 17 ມິຖຸນານີ້ ພາຍໃຕ້ການເປັນປະທານຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ. ທ່ານ ນາງ ແກ້ວ ຈັນທະມີໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມໄດ້ຂຶ້ນສະເໜີຮ່າງກົດໝາຍວ່າດ້ວຍສັງຄົມສົງເຄາະ (ສະບັບສ້າງໃໝ່).
ເພີ່ມເຕີມ

ຂ່າວ​ລ່າ​ສຸດ

EPaper