ຫຼວງພະບາງ ຈະສຸມໃສ່ຍົກລະດັບຄຸນນະພາບການສຶກສາ ແລະ ກິລາ ໃຫ້ສູງຂຶ້ນ

ໄດ້ຊີ້ແຈງຕໍ່ຂໍ້ສະເໜີຂອງປະຊາຊົນ ທີ່ກ່ຽວຂ້ອງກັບວຽກງານການສຶກສາ ແລະ ກິລາ ເປັນຕົ້ນ ການພັດທະນາຄຸນນະພາບການຮຽນ-ການສອນ, ການພັດທະນາຄູສອນ, ການປັບປຸງໂຮງຮຽນ ແລະສິ່ງອຳນວຍຄວາມສະດວກດ້ານການສຶກສາ ລວມທັງການສົ່ງເສີມວຽກງານກິລາມວນຊົນ. ທ່ານໄດ້ມີຄຳເຫັນວ່າ: ຄະນະນຳພະແນກ ສຶກສາທິການ ແລະ ກິລາ ຈະສືບຕໍ່ປະສານກັບພາກສ່ວນທີ່ກ່ຽວຂ້ອງ ເພື່ອປັບປຸງລະບົບການສຶກສາ-ສາມັນ ໃຫ້ເປັນ 6+3+3 ໃນທົ່ວແຂວງ, ພັດທະນາພື້ນຖານໂຄງລ່າງເກົ່າຈຳນວນ 7 ແຫ່ງ, ສ້າງໃໝ່ 4 ແຫ່ງ, ສະໜອງອຸປະກອນ-ສີ່ງອຳນວຍຄວາມສະດວກ ແລະງົບປະມານທີ່ຈຳເປັນ ໃຫ້ເຂດຫ່າງໄກສອກຫຼີກ, ປັບປຸງການສອຫ້ອງຄວາມຂອງຄູທີ່ມີບັນຊີ ໃນສົກຮຽນຜ່ານມາ ຈຳນວນ 1,042 ຫ້ອງ ດ້ວຍການສ້າງນະໂຍບາຍໃຫ້ຄູອາສາສະໝັກ, ສະໜອງຕົວເລກຄູທົດແທນ, ປຸກລະດົມການຮຽນຄູ ໂດຍມອບໃຫ້ບັນດາເມືອງ ສ້າງຄູສອນໃຫ້ສາມາດທົດແທນຄູທີ່ສູນເສຍ, ຊຸກຍູ້ໃຫ້ບັນດານັກຮຽນທີ່ຮຽນຈົບສາຍສາມັນ ຈະສ້າງໂອກາດ ແລະນະໂຍບາຍໃຫ້ເຂົາເຈົ້າໄດ້ເຂົ້າຮຽນວິຊາຊີບ ຢູ່ທັງພາຍໃນ ແລະຕ່າງປະເທດ. ສຳລັບບັນຫາຢາເສບຕິດທີ່ເກີດຂຶ້ນກັບນັກຮຽນ ທ່ານໄດ້ຮຽກຮ້ອງໃຫ້ທຸກຄົນໃນສັງຄົມຊ່ວຍເປັນເຈົ້າການ ຕິດຕາມລູກຫຼານຂອງຕົນ ເພື່ອບໍ່ໃຫ້ໄປມົ້ວສຸມກັບສີ່ງເສບຕິດ ແລະວຽກງານກິລາ-ກາຍຍະກຳ ຈະສືບຕໍ່ກະກຽມນັກກິລາ ເຂົ້າຮ່ວມການແຂ່ງຂັນ ກິລານັກຮຽນມັດທະຍົມສຶກສາທົ່ວປະເທດທີ່ແຂວງເຊກອງ, ທັງຈະຊຸກຍູ້ໃຫ້ບັນດາສະຫະພັນກິລາແຕ່ລະປະເພດ ຈັດການແຂ່ງຂັນໃຫ້ຕໍ່ເນື່ອງ ເພື່ອສ້າງນັກກິລາຂອງແຂວງໃຫ້ຫຼາຍຂຶ້ນ. ຜ່ານການຊີ້ແຈງຂອງຫົວໜ້າພະແນກ ສຶກສາທິການ ແລະ ກິລາ ເຮັດໃຫ້ຜູ້ເຂົ້າຮ່ວມ ມີຄວາມສົນໃຈ ແລະເຫັນເຖິງຄວາມເອົາໃຈໃສ່ຂອງຂະແໜງການສຶກສາ ໃນການແກ້ໄຂບັນຫາຫຍຸ້ງຍາກ ຂອງວຽກງານການສຶກສາ ແລະ ກິລາ ໃຫ້ມີປະສິດທິພາບຫຼາຍຂຶ້ນ.ຂ່າວ: ທະນູສິນ ອິດທິພົນ ພາບ: ສອນອາຄົມ ແກ້ວຄຳເພັດ