 |
ໃນລະຫວ່າງວັນທີ 15-25 ພະຈິກ 2025 ທີ່ນະຄອນຫຼວງວຽງຈັນ ເປັນເຈົ້າພາບ. ຊຶ່ງທ່ານໃຫ້ຮູ້ວ່າ: ເພື່ອກະກຽມຄວາມພ້ອມຄະນະນໍາພະແນກສຶກສາທິການ ແລະ ກິລາແຂວງ ໄດ້ສົມທົບກັບ ບັນດາຄະນະຮັບຜິດຊອບສະຫະພັນກິລາຂອງແຂວງ ເພື່ອຄົ້ນຄວ້າ ເລືອກເຟັ້ນນັກກິລາ, ຄູຝຶກ ຜູ້ທີ່ມີເງື່ອນໄຂ, ມາດຖານເປັນຄູຝຶກ-ນັກກິລາ ແລະ ກຳນົດສະຖານທີ່ພັກເຊົາ ຂອງນັກກິລາທີ່ຈະເຂົ້າຮ່ວມ, ຊຶ່ງໄດ້ຮັບການລາຍງານຄວາມພ້ອມ ຂອງກິລາແຕ່ລະປະເພດ ເປັນຕົ້ນ ຈໍານວນນັກກິລາທີ່ຈະເຂົ້າຮ່ວມການແຂ່ງຂັນ, ອຸປະກອນການຝຶກຊ້ອມ, ຕາຕະລາງການຝຶກຊ້ອມ ແລະ ເປົ້າໝາຍຈະຄວ້າຫຼຽນ. ຊຶ່ງແຂວງຫຼວງພະບາງຈະສົ່ງນັກກິລາເຂົ້າຮ່ວມຊີງຫຼຽນລາງວັນ ຈໍານວນ 21 ປະເພດກິລາ ປະກອບມີ: ມວຍສາກົນ, ກະຕໍ້, ຊິນລອນ, ບານເຕະຊາຍ, ບານບ້ວງ, ເປຕັງ, ໜ້າເກັກ, ບານສົງໃນຮົ່ມ-ຫາດຊາຍ, ດອກປີກໄກ່, ລອຍນ້ຳ, ໜາກເສິກ, ໜາກຂ່າງ, ເທັນນິດ, ປິ່ງປ່ອງ, ວູຊູ, ເທຄວັນໂດ, ຍິງປືນ, ມວຍລາວ-ຟ້ອນລາຍລາວ, ແລ່ນ-ລານ, ເຮືອຊ່ວງ, ຄາລະເຕໂດ-ຟ້ອນມວຍ ແລະ ກ໊ອຟ, ລວມມີ ນັກກິລາ, ຄູຝຶກ ແລະ ຄະນະນໍາເຂົ້າຮ່ວມທັງໝົດ 371 ຄົນ, ພ້ອມທັງຕັ້ງເປົ້າຈະໃຫ້ໄດ້ 70 ຫຼຽນ. ໃນນັ້ນ, ມີ 16 ຫຼຽນຄໍາ, 21 ຫຼຽນເງິນ ແລະ 33 ຫຼຽນທອງແດງ.
ສໍາລັບຜົນງານຂອງ ແຂວງຫຼວງພະບາງ ໃນງານມະຫະກໍາກິລາແຫ່ງຊາດ ຄັ້ງທີ 11 ປີ 2022 ຜ່ານມາ ທີ່ແຂວງຊຽງຂວາງ ເປັນເຈົ້າພາບ, ສາມາດຍາດໄດ້ 12 ຫຼຽນຄໍາ, 21 ຫຼຽນເງິນ ແລະ 42 ຫຼຽນທອງ ລວມທັງໝົດ 75 ຫຼຽນ, ຈັດຢູ່ອັນດັບທີ 10 ຂອງຕາຕະລາງສະຫຼຸບຫຼຽນ ຈາກທັງໝົດ 22 ປະເພດ ທີ່ສົ່ງເຂົ້າຮ່ວມແຂ່ງຂັນ. ໃນນັ້ນ, 12 ຫຼຽນຄໍາ: ໄດ້ຈາກ ລອຍນໍ້າ 4 ຫຼຽນ, ວູຊູ 2 ຫຼຽນ, ຍິງປືນ 1 ຫຼຽນ, ມວຍລາຍລາວ 1 ຫຼຽນ, ຄາຣາເຕໂດ 1 ຫຼຽນ, ໜ້າເກັກ 1 ຫຼຽນ, ແລ່ນ-ລານ 1 ຫຼຽນ, ກະຕໍ້ 1 ຫຼຽນ. 21 ຫຼຽນເງິນ: ໄດ້ຈາກ ລອຍນໍ້າ 3 ຫຼຽນ, ວູຊູ 1 ຫຼຽນ, ຍິງປືນ 2 ຫຼຽນ, ມວຍລາຍລາວ 2 ຫຼຽນ, ຄາຣາເຕໂດ 2 ຫຼຽນ, ໜ້າເກັກ 1 ຫຼຽນ, ແລ່ນ-ລານ 1 ຫຼຽນ, ເທຄວັນໂດ 2 ຫຼຽນ, ມວຍສາກົນ 2 ຫຼຽນ, ບານບ້ວງ 2 ຫຼຽນ, ໝາກເສິກ 1 ຫຼຽນ, ເປຕັງ 1 ຫຼຽນ, ໝາກຂ່າງ 1 ຫຼຽນ ແລະ 42 ຫຼຽນທອງ: ໄດ້ຈາກ ລອຍນໍ້າ 3 ຫຼຽນ, ວູຊູ 5 ຫຼຽນ, ຍິງປືນ 8 ຫຼຽນ, ມວຍລາຍລາວ 5 ຫຼຽນ, ຄາຣາເຕໂດ 1 ຫຼຽນ, ກະຕໍ້ 3 ຫຼຽນ, ເທຄວັນໂດ 7 ຫຼຽນ, ມວຍສາກົນ 1 ຫຼຽນ, ເປຕັງ 1 ຫຼຽນ, ໝາກເສິກ 2 ຫຼຽນ, ເທັນນິດ 3 ຫຼຽນ, ບານເຕະຍິງ 1 ຫຼຽນ, ປິງປ່ອງ 1 ຫຼຽນ ແລະ ຖີບລົດ 1 ຫຼຽນ.
(ຂ່າວ: ທະນູສີນ ອິດທິພົນ)
ຄໍາເຫັນ