 |
ການແຂ່ງຂັນນັດຊີງຊະນະເລີດປະເພດຄູ່ຊາຍທົ່ວໄປ Tigerhead Tennis Open 2025 ຈັດຂຶ້ນ ໃນວັນທີ 9 ມິຖຸນາ ຜ່ານມາ ທີ່ສະໂມສອນວຽງຈັນ ເທັນນິສ ເມືອງຈັນທະບູລີ ນະຄອນຫຼວງວຽງຈັນ ຫຼັງຈາກດຳເນີນແຂ່ງຂັນໄປຕາມເປົ້າໝາຍກຳນົດວັນເວລາຕົວຈິງ ລະຫວ່າງວັນທີ 7-8 ມິຖຸນາ 2025 ຍ້ອນມີສະພາບດິນຟ້າອາກາດບໍ່ເອື້ອອຳນວຍ (ຝົນຕົກແຮງ) ຈຶ່ງເລື່ອນການແຂ່ງຂັນ ຮອບຮອງຊະນະເລີດ ແລະ ນັດຊີງຊະນະເລີດ ມາຈັດໃສ່ວັນທີ 9-10 ມິຖຸນາ 2025 ໂດຍໃຫ້ກຽດເຂົ້າຮ່ວມມອບຂັນ ແລະ ເງິນລາງວັນຂອງທ່ານ ດາວວອນ ພະຈັນທະວົງ ປະທານສະຫະພັນເທັນນິສແຫ່ງຊາດລາວ, ມີຕາງໜ້າບໍລິສັດ ເບຍລາວ ຈຳກັດ ຜູ້ໃຫ້ການສະໜັບສະໜູນຫຼັກ ແລະ ສື່ມວນຊົນ ຕະຫຼອດຮອດກອງເຊຍເຂົ້າຮ່ວມ.
ການແຂ່ງຂັນເທັນນິສລາຍການດັ່ງກ່າວ ມີການຊີງໄຊ 2 ລາຍການ ກໍຄື ປະເພດຄູ່ຊາຍ ແລະ ດ່ຽວຊາຍ ມີນັກກິລາທີ່ມາຈາກ 4 ປະເທດໄທ ຄື: ແຂວງໜອງຄາຍ, ແຂວງອຸດອນທານີ, ແຂວງນະຄອນຣາຊະສີມາ ແລະ ແຂວງສາກົນນະຄອນ. ນອກນັ້ນ, ກໍມີນັກກິລາທີ່ມາຈາກ ຟີລິບປິນ, ສິງກະໂປ, ສະວິດ ແລະ ລາວ ເຂົ້າຮ່ວມ. ສະເພາະປະເພດຄູ່ຊາຍມີ 12 ທີມເຂົ້າຮ່ວມ ສ່ວນ ປະເພດດ່ຽວຊາຍມີ 12 ຄົນເຂົ້າຮ່ວມ, ໃນນັ້ນ ມີພຽງ ນາງ ມະໄລລັກ ຫຼື ດິໄລຣາ ມື 1 ລາວ ເປັນນັກກິລາເທັນນິສຍິງລາວ ຄົນທຳອິດ ທີ່ສົ່ງລາຍຊື່ຮ່ວມແຂ່ງຂັນທັງສອງລາຍການ.
ຂ່າວ-ພາບ: ສົງການ ພັນແພງດີ
ຄໍາເຫັນ