 |
ໃນພິທີ, ທ່ານ ນາງ ຈັນສຸກ ພົມມະວັນ ປະທານສະຫະພັນແມ່ຍິງ ຄະນະໂຄສະນາອົບຮົມສູນກາງພັກ ໄດ້ຂຶ້ນສະຫຼຸບຕີລາຄາຜົນການຈັດຕັ້ງຂໍ້ແຂ່ງຂັນ 3 ດີໄລຍະ ປີ 2021-2025 ແລະ ທິດທາງແຜນການໄລຍະ ປີ 2026-2030, ໂດຍໄດ້ຍົກໃຫ້ເຫັນວ່າ: ຜ່ານການຈັດຕັ້ງປະຕິບັດຂໍ້ແຂ່ງຂັນ 3 ດີ ໄລຍະ 5 ປີ (2021-2025) ສາມາດຄັດເລືອກບຸກຄົນ ແລະ ກົມກອງ 3 ດີ ໄດ້ດັ່ງນີ້: ບຸກຄົນ 3 ດີ ປະເພດ 1 ມີ 90 ທ່ານ ກວມ 90% ຂອງຈຳນວນສະມາຊິກແມ່ຍິງທັງໝົດ, ບຸກຄົນ 3 ດີ ປະເພດ II ມີ 8 ທ່ານ, ກວມ 8% ຂອງຈຳນວນສະມາຊິກແມ່ຍິງທັງໝົດ. (ບໍ່ໄດ້ປະເມີນ 2 ທ່ານ ເນື່ອງຈາກເປັນລັດຖະກອນຝຶກງານ 95%), ໜ່ວຍສະຫະພັນແມ່ຍິງ 3 ດີ ປະເພດ 1 ມີ 9 ໜ່ວຍ, ກວມ 100% ຂອງຈໍານວນໜ່ວຍສະຫະພັນ ແມ່ຍິງທັງໝົດ, ປັດຈຸບັນມີຈຳນວນແມ່ຍິງທັງໝົດ 243 ທ່ານ.
 |
ໃນພິທີ ຍັງໄດ້ມອບໃບຍ້ອງ ໃຫ້ແກ່ ສະຫະພັນແມ່ຍິງ ຄອສພ, ບຸກຄົນ ແລະ ກົມກອງທີ່ມີຜົນງານດີເດັ່ນ ຫ້າວຫັນ ຕັ້ງໜ້າເຂົ້າຮ່ວມໃນສຂະບວນການແຂ່ງຂັນ 3 ດີ ແລະ ເພື່ອສືບຕໍ່ຜັນຂະຫຍາຍຂໍ້ແຂ່ງຂັນ 3 ດີ ໄລຍະ 5 ປີຕໍ່ໜ້າ(2026-2030) ໃຫ້ບັນລຸຜົນສຳເລັດຕາມເປົ້າໝາຍທີ່ວາງໄວ້ ຕາງໜ້າໜ່ວຍແມ່ຍິງຍັງໄດ້ຂຶ້ນຈັບມືແຂ່ງຂັນຕື່ມອີກ.
 |
ໃນໂອກາດດັ່ງກ່າວ, ທ່ານ ນາງ ທຳມາ ເພັດວິໄຊ ໄດ້ຂຶ້ນປາຖະກະເລົ່າມູນເຊື້ອການດຳເນີດ ແລະ ເຕີບໃຫຍ່ຂະຫຍາຍຕົວຂອງອົງການຈັດຕັ້ງ ສະຫະພັນແມ່ຍິງລາວ ຄົບຮອບ 71 ປີ ຊຶ່ງ ໄດ້ຍົກໃຫ້ເຫັນ ການກຳເນີດ ແລະ ການເຕີບໃຫຍ່ຂະຫຍາຍຕົວ ຂອງອົງການຈັດຕັ້ງ ສະຫະພັນແມ່ຍິງລາວ, ການດຳເນີນກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄ້ງທີ I-IX, ສັງລວມຜົນງານການເຄື່ອນໄຫວທີ່ພົ້ນເດັ່ນຂອງສະຫະພັນແມ່ຍິງແຕ່ລະໄລຍະ, ເສີມຂະຫຍາຍມູນເຊື້ອອັນດີງາມຂອງສະຫະພັນແມ່ຍິງລາວ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໝ່.
(ຂ່າວ-ພາບ: ສຳນານ)
ຄໍາເຫັນ