 |
ການມອບ-ຮັບຄັ້ງນີ້, ເພື່ອປະຕິບັດຕາມສັນຍາ ວ່າດ້ວຍການຊ່ວຍເຫຼືອທາງດ້ານເຕັກນິກການທະຫານລະຫວ່າງ ກະຊວງປ້ອງກັນປະເທດແຫ່ງ ສ ຣັດເຊຍ ແລະ ກະຊວງປ້ອງກັນປະເທດແຫ່ງສປປ ລາວ ໃນປີ 2017 ເພື່ອປະກອບ ສ່ວນເຮັດໃຫ້ກອງທັບປະຊາຊົນລາວເຕີບໃຫຍ່ເຂັ້ມແຂງ ແລະ ທັນສະໄໝ. ເວົ້າລວມ, ເວົ້າສະເພາະ ແມ່ນແຜນການຮ່ວມມືປັບປຸງ ຍົກລະດັບສະມັດຖະພາບຄວາມອາດສາມາດ ໃນການສ້ອມແປງຟື້ນຟູພາຫະນະອາວຸດຍຸດໂທປະກອນເຕັກນິກໃຫ້ແກ່ກອງທັບປະຊາຊົນລາວ. ເພື່ອເສີມສ້າງສາຍພົວພັນຮ່ວມມືລະຫວ່າງສອງກະຊວງປ້ອງກັນປະເທດແຫ່ງ ສປປ ລາວ ແລະ ສ ຣັດເຊຍໃຫ້ແໜ້ນແຟ້ນຍິ່ງຂຶ້ນ. ເວົ້າລວມແມ່ນແຜນຮ່ວມມືປັບປຸງຂະແໜງເຕັກນິກໃນໄລຍະໃໝ່ທີ່ພວມສຸມໃສ່ປັບປຸງຂະຫຍາຍພື້ນຖານໂຄງລ່າງຂອງຂະແໜງເຕັກນິກ ເພື່ອຮັບປະກັນຄວາມພ້ອມ ກຽມຮັບເອົາບັນດາເຄື່ອງອຸປະກອນທີ່ຝ່າຍຣັດເຊຍຊ່ວຍເຫຼືອໃນຕໍ່ໜ້າ, ສ້າງກອງພັນສ້ອມແປງ 2 ແຫ່ງດັ່ງກ່າວ ໃຫ້ສາມາດຮອງຮັບການສ້ອມແປງພາຫະນະເຕັກນິກການທະຫານເຂົ້າມາສ້ອມແປງ-ຮັບປະກັນດ້ານເຕັກນິກໃຫ້ແກ່ກອງທັບ. ການຊ່ວຍເຫຼືອຄັ້ງນີ້ເພື່ອປັບປຸງຍົກລະດັບຄວາມອາດສາມາດຂອງວຽກງານເຕັກນິກສ້ອມແປງຂອງກອງທັບ. ການຊ່ວຍເຫຼືອດັ່ງກ່າວແມ່ນຊັບສິນອັນລໍ້າຄ່າຄຸນນະພາບສູງຂອງກົມໃຫຍ່ເຕັກນິກ ກໍຄືກະຊວງປ້ອງກັນປະເທດແຫ່ງສປປ ລາວ ເຊິ່ງພວກເຮົາຈະຄຸ້ມຄອງບົວລະບັດປົກປັກຮັກສາໃຫ້ດີເພື່ອນໍາໃຊ້ຍາວນານ ແລະ ໃຫ້ເກີດໝາກຜົນດີ.
 |
ໂອກາດນີ້, ສະຫາຍ ພົນຈັດຕະວາ ເຊເວຍຣົບ ເກນາດີ ໃຫ້ກຽດກ່າວມອບ ແລະ ສະຫາຍ ພົນຕີ ຈອມເພັດ ໄຊຍະສຸກ ໃຫ້ກຽດກ່າວຮັບ. ໃນພິທີໄດ້ມີການມອບຫຼຽນມິດຕະພາບ ແລະ ໃບຍ້ອງຍໍຈາກກະຊວງປ້ອງກັນປະເທດໃຫ້ຕາງໜ້າຄະນະວິຊາການ ສ ຣັດເຊຍ 2 ສະຫາຍຄື: ສະຫາຍ ບັບກິນ ຢູຣີ ອາເລັກ ຊານໂດຣວິດ ແລະ ສະຫາຍ ບາຣີເຊັນໂກ ເຊີຣເກເຢວິດ ໃຫ້ກຽດມອບໂດຍສະຫາຍ ພົນຈັດຕະວາ ຄໍາສິງ ລືເດດສົມບັດ ຮອງຫົວໜ້າກົມໃຫຍ່ເຕັກນິກກອງທັບປະຊາຊົນລາວ.
 |
ໂດຍ: ສຸເວດ ສີດາຄໍາ
ຄໍາເຫັນ