 |
ໃນພິທີຕາງໜ້າຄະນະຈັດຕັ້ງ ນວ ແລະ ຄະນະພັກຂັ້ນເທິງ ໄດ້ຜ່ານບັນດານິຕິກຳ ແລະ ຂໍ້ຕົກລົງຄື: ຂໍ້ຕົກລົງວ່າດ້ວຍການຍົກຍ້າຍທ່ານ ນາງ ລີປາເອ້ຍ ລີບົວປາວ ຫົວໜ້າພະແນກສຶກສາທິການ ແລະ ກິລາ ນວ ຜູ້ເກົ່າ ໄປປະຈຳການຢູ່ພະແນກການຕ່າງປະເທດ ນວ, ຂໍ້ຕົກລົງວ່າດ້ວຍການແຕ່ງຕັ້ງທ່ານ ນາງ ບົວວອນ ສຸກລາແສງ ເປັນຫົວໜ້າພະແນກສຶກສາທິການ ແລະ ກິລາ ນວ ຜູ້ໃໝ່ ແລະ ມະຕິຕົກລົງວ່າດ້ວຍການແຕ່ງຕັ້ງທ່ານ ນາງ ບົວວອນ ສຸກລາແສງ ເປັນເລຂາຄະນະພັກຮາກຖານພະແນກສຶກສາທິການ ແລະ ກິລາ ນວ. ຈາກນັ້ນໃນພິທີທ່ານຫົວໜ້າພະແນກສຶກສາທິການ ແລະ ກິລາ ນວ ຜູ້ເກົ່າ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານໃນຜ່ານມາ.
 |
ໂອກາດນີ້, ທ່ານ ທະວີໄຊ ເໝົາຊົມພູ ໄດ້ສະແດງຄວາມຊົມເຊີຍ ມາຍັງທ່ານຫົວໜ້າພະແນກສຶກສາທິການ ແລະ ກິລາ ນວ ຜູ້ເກົ່າ ທີ່ໄດ້ທຸ້ມເທເຫື່ອແຮງ ສະຕິປັນຍາ ແລະ ຄວາມຮັບຜິດຊອບສູງ ໃນການນຳພາ-ຄຸ້ມຄອງຂະແໜງການສຶກສາ ແລະ ກິລາ ນວ ໃນຜ່ານມາ, ສາມາດຍາດໄດ້ຜົນງານ ແລະ ຜົນສໍາເລັດຢ່າງຫຼວງຫຼາຍ ຊຶ່ງໄດ້ສ້າງຮາກຖານອັນໜັກແໜ້ນໃຫ້ກັບການພັດທະນາຊັບພະຍາກອນມະນຸດຢູ່ ນວ ພ້ອມກັນນີ້ທ່ານໄດ້ສະແດງຄວາມຍິນດີຕໍ່ທ່ານ ນາງ ບົວວອນ ສຸກລາແສງ ທີ່ໄດ້ຮັບຄວາມໄວ້ວາງໃຈຈາກຄະນະປະຈຳພັກອົງການປົກຄອງ ນວ ແລະ ກະຊວງສຶກສາທິການ ແລະ ກິລາໃຫ້ມາຮັບຕຳແໜ່ງເປັນເລຂາຄະນະພັກຮາກຖານ ຫົວໜ້າພະແນກສຶກສາທິການ ແລະ ກິລາ ນວ ຜູ້ໃໝ່ ພ້ອມທັງໃຫ້ທິດຊີ້ນໍາໃຫ້ສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດ 13 ຄາດໝາຍຂອງສະພາປະຊາຊົນ ນວ ສຸມໃສ່ແກ້ໄຂບັນຫາຂໍ້ຄົງຄ້າງຈາກສົກຮຽນຜ່ານມາ ໂດຍສະເພາະການຫຼຸດອັດຕາການປະລະການຮຽນຂອງນັກຮຽນ ການສົ່ງເສີມການຮຽນ-ການສອນແບບທັນສະໄໝ (ICT STEM) ແລະ ການກະກຽມຄວາມພ້ອມຮອງຮັບລະບົບການສຶກສາໃໝ່ (6+3+3) ແກ້ໄຂບັນຫາຄູຂາດແຄນ ແລະ ຍົກສູງຄຸນນະພາບການສິດສອນ ແລະ ວຽກງານອື່ນໆທີ່ປິ່ນອ້ອມຕື່ມອີກ.
ຂ່າວ: ສົມສະຫວັນ
ຄໍາເຫັນ