ມອບຮັບໜ້າທີ່ລະຫວ່າງເຈົ້າແຂວງແລະປະທານຄະນະກຳມະການປົກຄອງແຂວງວຽງຈັນ

ໃນພິທີ ທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ ໄດ້ລາຍງານຫຍໍ້ ກ່ຽວກັບສະພາບການ ຈັດຕັ້ງປະຕິບັດວຽກງານຕະຫຼອດໄລຍະຜ່ານມາທີ່ໄດ້ຖືກມອບໝາຍໜ້າທີ່ເປັນເຈົ້າແຂວງໆວຽງຈັນ. ຫຼັງຈາກນັ້ນ, ທ່ານ ຕ໋ອງ ພູມມີພັນ ກໍາມະການພັກ, ຫົວໜ້າກົມກວດກາ, ຄະນະຈັດຕັ້ງສູນກາງພັກ ໄດ້ຂຶ້ນຜ່ານມະຕິຕົກລົງ ຂອງກົມການເມືອງສູນກາງພັກ ສະບັບເລັກທີ 33/ກມສພ, ລົງວັນທີ 10 ພະຈິກ 2025 ແລະ ດຳລັດ ຂອງນາຍົກລັດຖະມົນຕີ ສະບັບເລກທີ 810/ນຍ, ລົງວັນທີ 9 ທັນວາ 2025 ວ່າດ້ວຍການອະນຸມັດໃຫ້ ທ່ານ ຄຳພັນ ສິດທິດຳພາ ພະນັກງານການນຳຂັ້ນສູງ ອອກພັກການ-ຮັບອຸດ ໝູນບຳນານ ແລະ ຜ່ານດຳລັດ ຂອງນາຍົກລັດຖະມົນຕີ ສະບັບເລກທີ 806/ນຍ, ລົງວັນທີ 8 ທັນວາ 2025 ວ່າດ້ວຍການແຕ່ງຕັ້ງ ທ່ານ ພູວົງ ບຸນຊູ ເປັນປະທານຄະນະກຳມະການປົກຄອງແຂວງວຽງຈັນ; ຈາກນັ້ນ ກໍໄດ້ມີພິທີເຊັນມອບ-ຮັບໜ້າທີ່ ລະຫວ່າງ ເຈົ້າແຂວງໆວຽງຈັນ ຜູ້ເກົ່າ ແລະ ປະທານຄະນະກຳ ມະການປົກຄອງແຂວງວຽງຈັນ ຜູ້ໃໝ່.

ໂອກາດດຽວກັນນີ້, ທ່ານ ຄຳພັນ ພົມມະທັດ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ບັນດາຜົນງານທີ່ທົ່ວອົງຄະນະພັກແຂວງວຽງຈັນສາມາດປະຕິບັດໄດ້ໃນໄລຍະຜ່ານມາ, ພ້ອມ ທັງມີຄໍາເຫັນຊີ້ນຳໃຫ້ ຄະນະພັກ, ຄະນະນໍາຂອງແຂວງເປັນຕົ້ນແມ່ນ ໃຫ້ບັນດາສະຫາຍ ໃນຄະນະພັກ-ຄະນະນໍາແຕ່ລະຂັ້ນຈົ່ງເປັນເຈົ້າການນໍາພາເສີມຂະຫຍາຍມູນເຊື້ອອັນດີງາມຂອງແຂວງເປັນຕົ້ນ ສືບຕໍ່ເພີ່ມ ທະວີຄວາມສາມັກຄີເປັນເອກະພາບພາຍໃນໃຫ້ເປັນປຶກແຜ່ນ; ເອົາໃຈໃສ່ກໍາສະພາບແນວຄິດ ຂອງສະມາ ຊິກພັກທົ່ວອົງຄະນະພັກໃຫ້ແໜ້ນ ໄປຄຽງຄູ່ກັບການນໍາພາສຶກສາອົບຮົມການເມືອງ-ແນວຄິດຂອງສະມາ ຊິກພັກ, ພະນັກງານ-ລັດຖະກອນ ໃຫ້ເຊື່ອມຊຶມ-ກຳແໜ້ນແນວທາງ ກໍຄືມະຕິ-ຄໍາສັ່ງຕ່າງໆ ຂອງສູນກາງ ພັກ ທີ່ວາງອອກ ໃນແຕ່ລະໄລຍະ, ນໍາພາແກ້ໄຂບັນຫາຄວາມຫຍຸ້ງຍາກດ້ານເສດຖະກິດ-ຊີວິດການເປັນ ຢູ່ ຂອງປະຊາຊົນ ໃຫ້ນັບມື້ນັບດີຂຶ້ນ; ຕະຫຼອດຮອດສະມາຊິກພັກ, ພະນັກງງານ-ລັດຖະກອນ ໃຫ້ດີຂຶ້ນ ເທື່ອລະກ້າວ ແລະ ມີຈິດໃຈຫ້າວຫັນ, ບຸກບືນ, ສູ້ຊົນຢ່າງສຸດຂີດ ໃນການປະຕິບັດວຽກງານຂົງເຂດຕົນ ຮັບຜິດຊອບໃຫ້ມີຜົນສໍາເລັດສູງຂຶ້ນກວ່າເກົ່າ; ເອົາໃຈໃສ່ໃນການນໍາພາຝຶກອົບຮົມວິຊາຊີບ ແລະ ສ້າງວຽກ ເຮັດງານທໍາ ໃຫ້ປະຊາຊົນ ນັບມື້ນັບຫຼາຍຂຶ້ນ, ເປັນເຈົ້າການປົກປັກຮັກສາ ແລະພັດທະນາແຫຼ່ງທ່ອງທ່ຽວ ຕິດພັນກັບການບໍລິການດ້ານຕ່າງໆໃຫ້ສາມາດຕອບສະໜອງກັບຄວາມຮຽກຮ້ອງຕ້ອງການນັບມື້ນັບສູງຂຶ້ນ; ເອົາໃຈໃສ່ໃນການນໍາພາ-ຊີ້ນໍາບັນດາໜ່ວຍພັກຮາກຖານຕາແສງ ຕິດພັນກັບການກໍ່ສ້າງ ໜ່ວຍພັກປອດ ໃສ, ເຂັ້ມແຂງ, ໜັກແໜ້ນ ໃຫ້ຖືກຕ້ອງສອດຄ່ອງ ຕາມ 5 ຫຼັກການ ແລະ 3 ທິດນໍາ ໃນການກໍ່ສ້າງ ແລະ ປັບປຸງພັກ, ຮັບປະກັນສ້າງໃຫ້ໄດ້ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຢ່າງແທ້ຈິງ; ຄຸ້ມຄອງ ແລະ ນໍາໃຊ້ເຕັກໂນໂລຊີ, ນະວັດຕະກຳທັນສະໄໝ ເປັນເຄື່ອງມືຊ່ວຍໃນການເຄື່ອນໄຫວວຽກງານ ຢູ່ແຕ່ ລະພະແນກການ ໃຫ້ຮັບປະກັນມີຂໍ້ມູນທີ່ຈະແຈ້ງ ຊັດເຈນ, ຮັບປະກັນມີປະສິດພາບ ແລະ ປະສິດທິຜົນ ສູງກວ່າເກົ່າ. (ຂ່າວ: ກວດກາສູນກາງ)