ທ່ານ ບຸນຈັນ ຫອມກິ່ນແກ້ວ ໄດ້ກ່າວວ່າ: ການຈັດງານແຂ່ງຂັນຄັ້ງນີ້, ກໍເພື່ອແນໃສ່ສ້າງຂະບວນການໃຫ້ນ້ອງໆນັກຮຽນສຸມໃສ່ການຄົ້ນຄວ້າຮໍ່າຮຽນ, ຕິດພັນກັບສິລະປະວັນນະຄະດີ. ການແຂ່ງຂັນຖາມ-ຕອບແມ່ນເລືອກເອົາ 5 ຄົນຕໍ່ 1 ຫ້ອງ ຊຶ່ງເລີ່ມແຕ່ຊັ້ນມໍ 1 ຮອດຊັ້ນມໍ 7 ມີທັງໝົດ 6 ວິຊາຄື: ວິຊາພາສາລາວ-ວັນນະຄະດີ, ວິທະຍາສາດ-ທໍາມະຊາດ, ວິທະຍາສາດສັງຄົມ, ຄະນິດສາດ, ພາສາອັງກິດ ແລະ ຄວາມຮູ້ຮອບຕົວ. ຜ່ານການແຂ່ງຂັນ ທີ 1 ໄດ້ແກ່ຫ້ອງ ມ2, ທີ 2 ຫ້ອງ ມ5 ແລະ ທີ 3 ຫ້ອງ ມ4. ສໍາລັບການສະແດງສິລະປະວັນນະຄະດີແຕ່ຊັ້ນ ມ1-ຊັ້ນ ມ7 ຊຶ່ງປະກອບມີ 13 ບົດຟ້ອນ, ມີ 12 ບົດເພງ. ຜ່ານການແຂ່ງຂັນສິລະປະວັນນະຄະດີ ມໍປາຍ ທີ 1 ໄດ້ແກ່ຫ້ອງ ມ7 ທິມ1, ທີ 2 ຫ້ອງ ມ7 ທີມ2 ແລະ ທີ 3 ຫ້ອງ ມ6 ທິມ1. ມໍຕົ້ນ ທີ 1 ໄດ້ແກ່ ຫ້ອງ ມ4 ທິມ1, ທີ 2 ຫ້ອງ ມ3 ທີມ1 ແລະ ທີ 3 ຫ້ອງ ມ1 ທິມ2, ສໍາລັບການປະກວດຮ້ອງເພງ ມໍປາຍ ທີ່ 1 ຫ້ອງມໍ6, ທີ່ 2 ຫ້ອງມໍ5 ແລະ ທີ່3 ຫ້ອງມໍ7, ສ່ວນມໍຕົ້ນ ທີ 1 ຫ້ອງ ມ3, ທີ 2 ຫ້ອງ ມ4 ແລະ ທີ 3 ຫ້ອງ ມ3 ພ້ອມທັງໄດ້ມອບລາງວັນແຕ່ປະເພດໃຫ້ແຕ່ລະທິມທີ່ຊະນະການແຂ່ງຂັນໃນຄັ້ງນີ້.
(ຂ່າວ: ເຂັມຄໍາ ຄອນມະນີ)
ຄໍາເຫັນ