ມ.ສ ວຽງຈັນ ສະຫຼອງວັນຄູແຫ່ງຊາດ ຄົບຮອບ 31 ປີ

ໃນວັນທີ 3 ຕຸລາ ຜ່ານມາ, ທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ (ສສກ) ໄດ້ຕ້ອນຮັບຄະນະນຳ, ຄູຝຶກ ແລະ ນັກກິລາກະຕໍ້ທີມຊາດລາວ ນຳໂດຍ ທ່ານ ສັນຕິສຸກ ສິມມາລາວົງ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ ທັງເປັນປະທານສະຫະພັນກິລາກະຕໍ້ ແລະ ຊິນລອນແຫ່ງຊາດລາວ, ມີທ່ານ ສີຈັນ ຈິດຕະປັນຍາ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ພາຍຫຼັງສໍາເລັດການເຂົ້າຮ່ວມແຂ່ງຂັນ ລາຍການ "THE 2025 CHINA SEPAKTAKRAW OPEN OF LANCANG-MEKONG COOPERATION" ທີ່ເມືອງໜານໜິງ ແຂວງກວາງຊີ ສປ ຈີນ ລະຫວ່າງວັນທີ 26-30 ກັນຍາ 2025 ຊຶ່ງສາມາດຍາດມາໄດ້ 2 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ.

ໂຮງຮຽນ ມັດທະຍົມສົມບູນແກ່ນທ້າວ ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ 7 ຕຸລາຄົບຮອບ 31 ປີ (7 ຕຸລາ 1994-7 ຕຸລາ 2025) ຂຶ້ນໃນວັນທີ 3 ຕຸລາຜ່ານມານີ້, ຢູ່ທີ່ໂຮງຮຽນດັ່ງກ່າວ ໂດຍການເປັນກຽດເຂົ້າຮ່ວມຂອງ ທ່ານ ສີຄານ ແກ່ນມະນີ ປະທານຄະນະກໍາມະການປົກຄອງເມືອງ.

ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 31 ປີ (7 ຕຸລາ 1994-7 ຕຸລາ 2025) ທ່ານ ສີສະຫວາດ ພອນນະໄຊ ຮອງຫົວໜ້າພະແນກຄົ້ນຄວ້າ ແລະ ສຶກສາຫຼັງປະລິນຍາຕີສະຖາບັນຂົງຈື (ສຂຈ) ມະຫາວິທະຍາໄລແຫ່ງຊາດ (ມຊ) ໃນນາມເປັນຕົວແທນຄູ-ອາຈານລາວຈາກ ສຂຈ ມຊ ທີ່ໄດ້ເຂົ້າຮ່ວມການແຂ່ງ ຂັນໃນຫົວຂໍ້ "ການແຂ່ງຂັນຄູຕົວແບບສອນດີ ສອນເດັ່ນ" ສໍາລັບປະເທດໃນເຂດອາຊີຕາເວັນອອກສຽງໃຕ້ປະຈໍາປີ 2025 ສາມາດຍາດໄດ້ລາງວັນຊະນະເລີດ "ຄູຕົວແບບສອນດີ ສອນເດັ່ນ" ປະຈໍາປີ 2025 ໃນກຸ່ມການສອນພາສາຈີນໃຫ້ແກ່ຜູ່ໃຫຍ່ ມີຄວາມຮູ້ສຶກເປັນກຽດ ແລະ ພາກພູມໃຈຫຼາຍທີ່ໄດ້ເຂົ້າຮ່ວມການແຂ່ງຂັນໃນຄັ້ງນີ້ ແລະ ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງທີ່ຄະນະນໍາສະຖາບັນໄດ້ໃຫ້ໂອກາດຄູ-ອາຈານໄປຮຽນຮູ້ເກັບກ່ຽວເອົາປະສົບການໃໝ່ໆໃນເວທີສາກົນ ຊຶ່ງຄັ້ງນີ້ຖືວ່າເປັນຄັ້ງທີ 2 ທີ່ໄດ້ເຂົ້າຮ່ວມການແຂ່ງຂັນໃນຫົວຂໍ້ນີ້ ຊຶ່ງປີກາຍຂ້າພະເຈົ້າໄດ້ຮັບລາງວັນນະວັດຕະກໍາການສິດສອນ.

ເນື່ອງໃນໂອກາດວັນຄູແຫ່ງຊາດ (7 ຕຸລາ 1994 ຫາ 7 ຕຸລາ 2025) ຄົບຮອບ 31 ປີໃກ້ຈະມາເຖິງນີ້ ທ່ານນາງ ສີປະໄພ ເຮືອງສີ ຮອງຜູ້ອໍານວຍການໂຮງຮຽນມັດທະຍົມສຶກສາມິດຕະພາບລາວ-ຫວຽດນາມ ຫຼື ມສ ລາວ-ຫວຽດນາມ ໄດ້ສະແດງຄວາມຮູ້ສຶກຕໍ່ວັນດັ່ງກ່າວຜ່ານນັກຂ່າວໜັງສືພິມປະຊາຊົນໃນວັນທີ 30 ກັນຍາ ຜ່ານມາທີ່ໂຮງຮຽນດັ່ງກ່າວວ່າ: ຕົນເອງກໍເປັນຄູຜູ້ໜຶ່ງທີ່ໄດ້ຢຶດຖືອາຊີບຄູສອນມາຫຼາຍປີຢູ່ໂຮງຮຽນແຫ່ງນີ້, ມີຄວາມຮູ້ສຶກພາກພູມໃຈຫຼາຍ ແລະ ປິຕິຊົມຊື່ນໃນອາຊີບຄູ ກໍຄືຕໍ່ວັນຄູແຫ່ງຊາດ ຄົບຮອບ 31 ປີ. ທ່ານຍັງໄດ້ຍົກໃຫ້ເຫັນຄວາມໝາຍ-ຄວາມສໍາຄັນຂອງວັນຄູແຫ່ງຊາດ ວັນທີ 7 ຕຸລາ ເປັນວັນຄູແຫ່ງຊາດ ໃນທຸກໆປີຈະມີການລະນຶກເຖິງຄຸນງາມຄວາມດີຂອງຄູ-ອາຈານທີ່ໄດ້ອຸທິດເຫື່ອແຮງໃນການສິດສອນ ເພື່ອພັດທະນາລູກ-ຫຼານໃຫ້ກາຍເປັນຄົນທີ່ມີຄວາມຮູ້-ຄວາມສາມາດ, ມີວຸດທິການສຶກສາທີ່ດີ, ເປັນພົນລະເມືອງດີຂອງຊາດປະກອບ ສ່ວນໃນການພັດທະນາປະເທດຊາດ. ການທີ່ສົ່ງຄວາມຮູ້ໃຫ້ແກ່ລູກ-ຫຼານເປັນອັນໜຶ່ງທີ່ຄູ-ອາຈານຕ້ອງໄດ້ທຸ່ມເທແນວຄວາມຄິດເພື່ອພັດທະນາການຮຽນ-ການສອນຂອງຕົນເອງໃນຕະຫຼອດເວລາ ເພື່ອເຮັດແນວໃດລູກ-ຫຼານ ໄດ້ຮັບເອົາຄວາມຮູ້ທີ່ເຮົາສົ່ງໃຫ້ນັ້ນເຂົ້າໃຈໄດ້ເປັນຢ່າງດີ.

ໂດຍອີງຕາມການເຊື້ອເຊີນຂອງສູນຮ່ວມມືແລກປ່ຽນພາສາຈີນ-ພາສາຕ່າງປະເທດແຫ່ງຊາດຈີນທ່ານເຝິງກວາງຮົວ(Feng Guanghuo)ຜູ້ອໍານວຍການສະຖາບັນຂົງຈື (ສຂຈ) ຝ່າຍຈີນພ້ອມດ້ວຍທ່ານສີສະຫວາດພອນນະໄຊ, ທ່ານນາງມະນີສາຄອນທິບທິລາດຈາກ ສຂຈ ມະຫາວິທະຍາໄລແຫ່ງຊາດ(ມຊ), ທ່ານນາງວັນພອນພັນວົງສາຈາກຫ້ອງຮຽນຂົງຈືທີ່ໂຮງຮຽນມັດທະຍົມສົມບູນວຽງຈັນແລະທ່ານນາງທອງຈັນມະນີພອນຈາກຈຸດສອນພາສາຈີນມັດທະຍົມສົມບູນຈັນສະຫວ່າງລວມທັງໝົດ5ທ່ານໄດ້ເຂົ້າຮ່ວມການແຂ່ງຂັນພາສາຈີນພາຍໃຕ້ຫົວຂໍ້“ການແຂ່ງຂັນຄູຕົວແບບສອນດີສອນເດັ່ນພາສາຈີນ”ແຫ່ງປະເທດອາຊີຕາເວັນອອກສຽງໃຕ້ປະຈໍາປີ2025ທີ່ນະຄອນຫຼວງກົວລາລໍາເປີປະເທດມາເລເຊຍໃນລະຫວ່າງວັນທີ26-29ກັນຍາ2025, ຊຶ່ງມີສະຖາບັນຂົງຈື, ອົງກອນການສຶກສາພາສາຈີນ, ຊ່ຽວຊານ-ຜູ້ຕາງໜ້າການສຶກສາພາສາຈີນແລະຜູ້ຮ່ວມແຂ່ງຂັນລວມ32ຄົນທີ່ມາຈາກປະເທດລາວ,ໄທ, ກໍາປູເຈຍ, ມາເລເຊຍ,ຫວຽດນາມ,ອິນໂດເນເຊຍແລະຟີລິບປິນ7ປະເທດ, ງານດັ່ງກ່າວຈັດໂດຍສະຖາບັນຂົງຈືມະຫາວິທະຍາໄລມາເລເຊຍ.

ວັນທີ 29 ກັນຍານີ້, ພະແນກຊຸມຊົນສໍາພັນ ຝ່າຍພັດທະນາສັງຄົມ ສາຍງານກິດຈະການອົງກອນ ບໍລິສັດ ໄຟຟ້າ ຫົງສາ ຈໍາກັດ ໄດ້ຈັດພິທີມອບ-ຮັບທຶນການສຶກສາ ປະຈໍາສົກສຶກສາ 2025-2026 ໃຫ້ນັກຮຽນລະດັບຊັ້ນມັດທະຍົມສຶກສາໃນເຂດເມືອງຫົງສາ ທີ່ຫ້ອງວ່າການເມືອງ ໂດຍໄດ້ຮັບກຽດຈາກ ທ່ານ ພອນສະຫວັນ ໄຊສົມພັນ ເລຂາພັກເມືອງຫົງສາ ແລະ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດໄຟຟ້າຫົງສາ ຈໍາກັດ ຮ່ວມເປັນປະທານໃນພິທີ.

ເນື່ອງໃນໂອກາດວັນຄູແຫ່ງຊາດ (7 ຕຸລາ 1994 - 7 ຕຸລາ 2025) ຄົບຮອບ 31 ປີ, ວັນຄູແຫ່ງຊາດວັນທີ 7 ຕຸລາ ຖືເປັນວັນປະຫວັດສາດຂອງຊາດລາວເຮົາ ຊຶ່ງຍາມໃດພັກ-ລັດຖະບານກໍຖືເອົາວຽກງານການສຶກສາໄປກ່ອນກ້າວໜຶ່ງ ຊຶ່ງປະຫວັດສາດຂະບວນການຕໍ່ສູ້ຂອງປະຊາຊົນລາວບັນດາເຜົ່າ ຕ້ານການຮຸກຮານຂອງພວກຈັກກະພັດລ່າເມືອງແບບເກົ່າ ແລະ ແບບໃໝ່ໄດ້ຜ່ານໄລຍະເວລາອັນຍືດເຍື້ອຍາວນານ, ລະອິດລະອ້ຽວ ແລະ ໄດ້ຮັບໄຊຊະນະເປັນແຕ່ລະໄລຍະ ແລະ ໄດ້ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວຂຶ້ນໃນວັນທີ 2 ທັນວາ 1975 ຊຶ່ງເປັນເງື່ອນໄຂເອື້ອອຳນວຍໃນການພັດທະນາການສຶກສາຂອງລາວ ເວົ້າລວມ, ເວົ້າສະເພາະແມ່ນການພັດທະນາຖັນແຖວຄູ-ອາຈານສອນ, ຈຳນວນຄູ-ອາຈານໄດ້ເພີ່ມຂຶ້ນ ແລະ ຄູ-ອາຈານຈຳນວນເຫຼົ່ານັ້ນ ລ້ວນແຕ່ມີນ້ຳໃຈຮັກຫອມປະເທດຊາດ ມີຄວາມຮູ້ຄວາມສາມາດປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ ເພື່ອນຳເອົາຄວາມສົມບູນພູນສຸກມາສູ່ປະຊາຊົນບັນດາເຜົ່າ, ຊື່ສຽງຂອງຄູໄດ້ຕິດພັນກັບຂະບວນວິວັດແຫ່ງການພັດທະນາປະເທດຊາດແຕ່ລະສະໄໝ. ປັດຈຸບັນນີ້, ປະເທດຊາດຂອງພວກເຮົາໄດ້ມີນັກວິຊາການ, ມີນາຍທະຫານ, ນາຍຕຳຫຼວດ, ນັກການເມືອງ, ນັກປະດິດຄິດແຕ່ງ ແລະ ນັກທຸລະກິດທີ່ດີເດັ່ນຈຳນວນບໍ່ໜ້ອຍ, ພວກເພິ່ນເຫຼົ່ານັ້ນລ້ວນແຕ່ໄດ້ມີຄວາມຮູ້ຈາກຄູສອນ. ປະເທດຊາດໄດ້ມີການພັດທະນາເທົ່າໃດ ກໍຍິ່ງເຮັດໃຫ້ສັງຄົມມີຄວາມສຳນຶກເຖິງບຸນຄຸນອັນລ້ຳເລີດຂອງຄູ-ອາຈານຫຼາຍຂຶ້ນເທົ່ານັ້ນ.

ການແຂ່ງຂັນກິລາເປຕັ່ງທົ່ວປະເທດ ຊີງຂັນລະດັບຊາດ ຄັ້ງທີ 2 ທີ່ແຂວງບໍລິຄໍາໄຊ ເປັນເຈົ້າພາບ ໄດ້ເລີ່ມມາແຕ່ວັນທີ 25 ກັນຍາ ແລະ ໄດ້ປິດລົງໃນຕອນແລງວັນທີ 28 ກັນຍາ 2025 ທີ່ສະໜາມກິລາໃນຮົ່ມແຂວງບໍລິຄຳໄຊ ໂດຍເປັນກຽດເຂົ້າຮ່ວມຂອງທ່ານ ຄໍາແຫວນ ປັນຍານຸວົງ ຮອງເຈົ້າແຂວງບໍລິຄໍາໄຊ, ທ່ານ ຄ້າຫຼ້າ ວິນໄລທອງ ປະທານສະຫະພັນເປຕັ່ງແຫ່ງຊາດ, ມີບັນດາການນຳຈາກສູນກາງ ແລະ ທ້ອງຖິ່ນ ພ້ອມດ້ວຍນັກກິລາເຂົ້າຮ່ວມ.

ວັນທີ 23 ກັນຍາຜ່ານມານີ້ ທີ່ບ້ານຜາເກັ່ງນ້ອຍ ເມືອງພູຄູນ ແຂວງຫຼວງພະບາງ ໄດ້ມີພິທີມອບ-ຮັບໂຄງການກໍ່ສ້າງ ຫໍພັກນັກຮຽນ ຍິງ-ຊາຍ ຂອງໂຮງຮຽນມັດທະຍົມສົມບູນຜາເກັ່ງນ້ອຍ ຢ່າງເປັນທາງການ, ມີທ່ານ ທອງເຊື່ອນ ອ້ວນທະວິນສັກ ຮັກສາການປະທານຄະນະກຳມະການປົກຄອງ ເມືອງພູຄູນ, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ສະຖາບັນຂົງຈື ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີຊົມເຊີຍນັກສຶກສາ ສາຂາຄູພາສາຈີນຮຸ່ນທໍາອິດຂຶ້ນ ໃນວັນທີ 20 ກັນຍາຜ່ານມາ ທີ່ສະຖາບັນຂົງຈື. ເປັນກຽດເຂົ້າຮ່ວມ ຂອງ ທ່ານ ເດຊານຸລາດ ແສນດວງເດດ ອະທິການບໍດີມະຫາວິທະຍາໄລແຫ່ງຊາດ ແລະ ໃຫ້ກຽດເຂົ້າຮ່ວມ ມອບ-ຮັບໃບປະກາສະນີຍະບັດ ຂອງ ທ່ານ ຄໍາຮຸ່ງ ຈັນທະວົງ ຜູ້ອໍານວຍການສະຖາບັນຂົງຈື, ທ່ານ ເຟີງກວາງຫົວ ຜູ້ອໍານວຍການສະຖາບັນຂົງຈືຝ່າຍຈີນ, ມີບັນດາພະນັກງານ ຄູ-ອາຈານ, ແຂກຖືກເຊີນ ພ້ອມດ້ວຍຜູ້ປົກຄອງ ແລະ ນັກສຶກສາເຂົ້າຮ່ວມ.