ເມືອງຈັນທະບູລີ ແຂ່ງຂັນສິລະປະນັກຮຽນສາມັນສຶກສາຂັ້ນເມືອງ

ທ່ານ ທອງດີ ແກ້ວມີໄຊ ຫົວໜ້າຫ້ອງການສຶກສາທິການ ແລະ ກິລາເມືອງ ກ່າວວ່າ: ເພື່ອສ້າງຂະບວນການຂໍ່ານັບຊົມເຊີຍຜົນສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ຊົມເຊີຍວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ 77 ປີ, ຕ້ອນຮັບວັນເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນແຂວງ ຊຸດທີ V ເພື່ອສ້າງນັກກິລາ ແລະ ສິລະປະຜູ້ທີ່ມີຄວາມສາມາດ, ມີພອນສະຫວັນທາງດ້ານການກິລາ ແລະ ສິລະປະ ເປັນຕົວແທນຂັ້ນເມືອງເຂົ້າຮ່ວມການແຂ່ງຂັນກິລາ ແລະ ສິລະປະນັກຮຽນສາມັນຂັ້ນ ນວ ແລະ ລະດັບຊາດ ເປັນການແລກ ປ່ຽນບົດຮຽນລະຫວ່າງຄູສອນກິລາ, ສົ່ງເສີມດ້ານເຕັກນິກການຫຼິ້ນກິລາ ແລະ ສ້າງຄວາມສາມັກຄີຮັກແພງເຊິ່ງກັນ ແລະ ກັນ ລະຫວ່າງນັກຮຽນຢູ່ແຕ່ລະແຫ່ງ ເພື່ອເປັນການສ້າງຂະບວນການຕ້ອນຮັບວັນສໍາຄັນຕ່າງໆຂອງຊາດ ແລະ ເຄື່ອນໄຫວໃຫ້ຄົບຕາມ 5 ຫຼັກມູນຂອງກະຊວງສຶກສາທິການ ແລະ ກິລາວາງອອກ.

ການແຂ່ງຂັນຄັ້ງນີ້, ມີໂຮງຮຽນເຂົ້າຮ່ວມແຂ່ງຂັນສິລະປະ ຊັ້ນອະນຸບານ 11 ໂຮງຮຽນ, ຮ້ອງເພງ 11 ໂຮງຮຽນ, ຟ້ອນ 11 ໂຮງຮຽນ, ການແຂ່ງຂັນສິລະປະຊັ້ນປະຖົມ 26 ໂຮງຮຽນ, ຮ້ອງເພງ 26 ໂຮງ ຮຽນ, ຟ້ອນ 16 ໂຮງຮຽນ, ການແຂ່ງຂັນສິລະປະຊັ້ນມັດທະຍົມຕົ້ນ 13 ໂຮງຮຽນ, ຮ້ອງເພງ 13 ໂຮງ ຮຽນ, ຂັບລໍາ 8 ໂຮງຮຽນ, ຟ້ອນ 7 ໂຮງຮຽນ, ການແຂ່ງຂັນສິລະປະຊັ້ນມັດທະຍົມຕອນປາຍ 9 ໂຮງ ຮຽນ, ຮ້ອງເພງ 9 ໂຮງຮຽນ, ຂັບລໍາ 7 ໂຮງຮຽນ, ຟ້ອນ 6 ໂຮງຮຽນ. ການແຂ່ງຂັນນັບແຕ່ວັນທີ 12-13 ກຸມພາ 2026 ຈຶ່ງສໍາເລັດ.

ຂ່າວ: ວຽງຈັນໃໝ່