 |
ເມືອງໂຂງ ມີໂຮງຮຽນມັດທະຍົມສົມບູນຈຳນວນ 10 ແຫ່ງ. ການສອບເສັງຈົບຊັ້ນມັດທະຍົມສຶກສາຕອນປາຍ (ມ7) ແມ່ນສອບເສັງໃນ 5 ວິຊາຄື: ວິຊາພາສາລາວ-ວັນນະຄະດີ, ວິຊາວິທະຍາສາດສັງຄົມ, ວິຊາວິທະຍາສາດທຳມະຊາດ, ຄະນິດສາດ ແລະ ພາສາອັງກິດ, ຊຶ່ງສອບເສັງໄລຍະ 3 ວັນ ເລີ່ມແຕ່ວັນທີ 18-20 ມິຖຸນາ 2025. ທົ່ວເມືອງມີສູນສອບເສັງ 2 ສູນຄື: ສູນສອບເສັງ ມສ ໂຂງ ແລະ ສູນສອບເສັງ ສສ ຂີ້ນາກ, ລວມມີ 13 ຫ້ອງສອບເສັງ, ມີນັກສອບເສັງ 256 ຄົນ ຍິງ 120 ຄົນ.
 |
ໃນໂອກາດນີ້, ທ່ານທ່ານ ໜູແສງ ຜຸຍບັນດິດ ໄດ້ກ່າວເປີດພິທີສອບເສັງໃນຄັ້ງນີ້ ພ້ອມທັງຮຽກມາຍັງບັນດາຄະນະຮັບຜິດຊອບການສອບເສັງ ແລະ ນ້ອງນັກສອບເສັງ ຈົ່ງໄດ້ປະຕິບັດກົດລະບຽບຂອງການສອບເສັງຢ່າງເຂັ້ມງວດ, ໂດຍສະເພາະກໍແມ່ນບັນດາຂໍ້ຫ້າມ, ກົດລະບຽບຕ່າງໆ ຂອງການສອບເສັງ, ໃຫ້ນັກສອບເສັງຈົ່ງໄດ້ຕັ້ງໃຈເຮັດບົດສອບເສັງຂອງຕົນໃຫ້ສໍາເລັດ ແລະ ທັນຕາມກໍານົດເວລາ. ຈາກນັ້ນ, ບັນດາທ່ານຄະນະປະທານ ພ້ອມດ້ວຍຄະນະ ຮັບຜິດຊອບການສອບເສັງ ແລະ ແຂກທີ່ຖືກເຊີນ ກໍໄດ້ຮ່ວມ ກັນຕັດຊອງເປີດຫົວບົດສອບເສັງເພື່ອເປີດການສອບເສັງຈົບຊັ້ນ ມ7 ປະຈໍາສົກຮຽນ 2024-2025 ຢ່າງເປັນທາງການ.
(ຂ່າວ-ພາບ: ພຸດທະສິນ ວົງວິໄລທອງ)
ຄໍາເຫັນ