 |
ສະຫາຍ ບຸນເຕັງ ສໍວິໄລວົງ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານແຈ້ງການແນະນຳ ຂອງຄະນະຈັດຕັ້ງສູນກາງພັກ ເລກທີ 913/ຄຈສພ, ວັນທີ 27 ພຶດສະພາ 2026 ເພື່ອເຮັດໃຫ້ກົດລະບຽບພັກປະຊາຊົນປະຕິວັດລາວ ສະໄໝທີ XII ໄດ້ຮັບການຈັດຕັ້ງຜັນຂະຫຍາຍ ເຂົ້າໃນທຸກຂົງເຂດວຽກງານ ໃຫ້ຖືກຕ້ອງ, ຄົບຖ້ວນ, ທັນການ ແລະ ມີຄວາມເປັນເອກະພາບໃນທົ່ວພັກ, ເພື່ອເຮັດໃຫ້ການຈັດຕັ້ງພັກທຸກຂັ້ນ, ສະມາຊິກພັກທຸກສະຫາຍ ໄດ້ຮັບຮູ້, ເຂົ້າໃຈຢ່າງເລິກເຊິ່ງ, ມີສະຕິຕື່ນຕົວສູງໃນການຈັດຕັ້ງປະຕິບັດກົດລະບຽບຂອງພັກປະຊາຊົນປະຕິວັດລາວ ສະໄໝທີ XII ຢ່າງຖືກຕ້ອງ ແລະ ເຂັ້ມງວດ, ເພື່ອເປັນບ່ອນອີງໃຫ້ແກ່ການຈັດຕັ້ງພັກ, ຄະນະພັກນຳພາຈັດຕັ້ງເຜີຍແຜ່, ເຊື່ອມຊຶມກົດລະບຽບພັກ, ຄຳແນະນຳ ວ່າດ້ວຍການຈັດຕັ້ງປະຕິບັດກົດລະບຽບພັກ ປະຊາຊົນ ປະຕິວັດລາວ ສະໄໝທີ XII ແລະ ນິຕິກໍາທີ່ກ່ຽວຂ້ອງ ໃຫ້ເລິກເຊິ່ງ ທົ່ວເຖິງທຸກເປົ້າໝາຍ ແລະ ມີປະສິດທິຜົນ.
 |
ສະຫາຍ ວໍຣະສອນ ສີອັກຄະສອນ ໄດ້ເຜີຍແຜ່, ເຊື່ມຊຶມ ຄໍາແນະນໍາ ຂອງຄະນະຈັດຕັ້ງສູນກາງພັກ ເລກທີ 303/ຄຈສພ, ລົງວັນທີ 20 ພຶດສະພາ 2026 ກ່ຽວກັບການຈັດຕັ້ງປະຕິບັດກົດລະບຽບພັກປະຊາຊົນ ປະຕິວັດລາວ ສະໄໝທີ XII ເຊິ່ງສະຫາຍໄດ້ແນະນໍາ, ອະທິບາຍບາງເນື້ອໃນ, ຄໍາສັບ ແລະ ບາງປະໂຫຍກຄໍາເວົ້າ ທີ່ກຳນົດຢູ່ໃນກົດລະບຽບພັກ ຢ່າງຈະແຈ້ງ, ເຂົ້າໃຈງ່າຍ ເພື່ອເຮັດໃຫ້ຄະນະພັກ, ສະມາຊິກພັກ ກຳແໜ້ນ, ຮັບຮູ້ເຂົ້າໃຈຢ່າງເລິກເຊິ່ງ, ເປັນເຈົ້າການເຄົາລົບ ແລະ ປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XII ຢ່າງເຂັ້ມງວດ, ເພື່ອຮັບປະກັນໃຫ້ກົດລະບຽບພັກ ປະຊາຊົນປະຕິວັດລາວ ສະໄໝທີ XII ໄດ້ຮັບການຈັດຕັ້ງເຜີຍແຜ່, ເຊື່ອມຊຶມ ເປັນບ່ອນອີງໃຫ້ຄະນະບໍລິຫານງານພັກແຕ່ລະຂັ້ນນໍາໄປຈັດຕັ້ງຜັນຂະຫຍາຍ ແລະ ນໍາພາ ການຈັດຕັ້ງປະຕິບັດ ຢ່າງເປັນເຈົ້າການ, ຖືກຕ້ອງ, ຄົບຖ້ວນ, ເປັນເອກະພາບໃນທົ່ວພັກ ແລະ ທັນເວລາທີ່ກຳນົດໄວ້, ໃນນັ້ນກົດລະບຽບຂອງພັກປະຊາຊົນປະຕິວັດລາວ ສະໄໝທີ XII ປະກອບມີ 15 ໝວດ ແລະ 64 ມາດຕາ.
ຈຸດປະສົງ ເພື່ອໃຫ້ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈ ສຶບຕໍ່ຍືດໝັ້ນແນວທາງປ່ຽນແປງໃໝ່ຮອບດ້ານ ມີຫຼັກການຂອງພັກ, ນຳພາປວງຊົນລາວທັງຊາດປະຕິບັດໜ້າທີ່ປົກປັກຮັກສາປະເທດຊາດ ແລະ ໝາກຜົນຂອງການປະຕິວັດໄວ້ໃຫ້ໝັ້ນຄົງ, ສ້າງການຫັນປ່ຽນໃໝ່ທີ່ແຂງແຮງ, ເລິກເຊິ່ງຮອບດ້ານໃຫ້ແກ່ການບູລະນະລະບອບປະຊາທິປະໄຕ ປະຊາຊົນ ກ້າວເຂົ້າສູ່ສັງຄົມນິຍົມ ຢ່າງໝັກແໜ້ນ.
ພາບ,ຂ່າວ ນາງ ວັນນາ
ຄໍາເຫັນ