 |
ສໍາລັບການສອບເສັງຈົບຊັ້ນ ມ4ຢູ່ພາຍໃນເມືອງຜາອຸດົມ ໃນສົກຮຽນນີ້ ແມ່ນໄດ້ແບ່ງອອກເປັນ 11 ສູນສອບເສັງ ຊຶ່ງມີນັກສອບເສັງທັງໝົດ 454 ນ້ອງຍິງ 226 ນ້ອງ.ໃນນັ້ນ, ສູນສອບເສັງ ໂຮງຮຽນ ມສ ຜາອຸດົມ ແບ່ງອອກເປັນ 7 ຫ້ອງສອບເສັງ ມີນັກສອບເສັງ 109 ນ້ອງຍິງ 56 ນ້ອງ, ສູນສອບເສັງ ໂຮງຮຽນ ມສ ປຸ່ງລາດ ແບ່ງອອກເປັນ 5 ຫ້ອງສອບເສັງ ມີນັກສອບເສັງທັງໝົດ 83 ນ້ອງຍິງ 38 ນ້ອງ, ສູນສອບເສັງ ມສ ປາງທອງ ແບ່ງອອກເປັນ 2 ຫ້ອງສອບເສັງມີນັກສອບເສັງ 37 ນ້ອງຍິງ 23 ນ້ອງ, ສູນສອບເສັງ ມສ ປາກຫາດ ມີ 1 ຫ້ອງສອບເສັງມີນັກສອບເສັງ 16 ນ້ອງຍິງ 10 ນ້ອງ, ມຕ ມົກໂຊະ ມີ 4 ຫ້ອງສອບເສັງມີນັກສອບເສັງ 65 ນ້ອງຍິງ 24 ນ້ອງ, ມຕ ສຸກຈະເລີນ ມີ 2 ຫ້ອງສອບເສັງ, ມີນັກສອບເສັງ 27 ນ້ອງຍິງ 17 ນ້ອງ, ມຕ ຫາດໜາມ ມີ 2 ຫ້ອງສອບເສັງມີນັກສອບເສັງ 23 ນ້ອງຍິງ 8 ນ້ອງ, ມຕ ບ້ານໃໝ່ ມີ 2 ຫ້ອງສອບເສັງມີນັກສອບເສັງ 28 ນ້ອງຍິງ 14 ນ້ອງ, ມຕ ກອນຊອດ ມີ 2 ຫ້ອງສອບເສັງ, ມີນັກສອບເສັງ 39 ນ້ອງຍິງ 28 ນ້ອງ, ມຕ ພູວຽງໄຊ ມີ 1 ຫ້ອງສອບເສັງ, ມີນັກສອບເສັງ 12 ນ້ອງຍິງ 4 ນ້ອງ ແລະ ມຕ ນ້ຳຍາວ ມີ 1 ຫ້ອງສອບເສັງມີນັກສອບເສັງ 15 ນ້ອງຍິງ 4 ນ້ອງ.
 |
ວິຊາທີ່ນໍາມາສອບເສັງຄັ້ງນີ້, ມີທັງໝົດ 5 ວິຊາ ຊຶ່ງປະກອບມີ: ວິຊາ ພາສາລາວ-ວັນນະຄະດີ, ວິທະຍາສາດ-ສັງຄົມ, ວິທະຍາສາດທຳມະຊາດ, ວິຊາ ພາສາອັງກິດ ແລະ ວິຊາ ຄະນິດສາດ, ແຕ່ລະ ວິຊາ ແມ່ນໄດ້ກໍານົດເວລາການສອບເສັງ 1 ຫາ 2 ຊົ່ວໂມງ, ໃຊ້ເວລາການສອບເສັງ 3 ວັນຈຶ່ງສຳເລັດ.
(ຂ່າວ-ພາບ: ພອນສະຫວັນ ມະນີສີ).
ຄໍາເຫັນ