 |
ການສອບເສັງໃນຄັ້ງນີ້, ເພື່ອເປັນການແຂ່ງຂັນການຈັດງຕັ້ງການຮຽນ-ການສອນຂອງຄູພາຍໃນເມືອງ ໃນການຈັດຕັ້ງປະຕິບັດ 3 ຂໍ້ແຂ່ງຂັນຂອງຂະແໜງການສຶກສາ ໂດຍສະເພາະແມ່ນຂໍ້ແຂ່ງຂັນສອນດີ-ຮຽນເກັ່ງໃຫ້ໄດ້ຮັບຜົນດີ ແລະ ສາມາດຄັດເລຶອກໃຫ້ໄດ້ຕົວແທນນັກຮຽນເກັ່ງຂອງເມືອງ ເຂົ້າຮ່ວມການແຂ່ງຂັນສອບເສັງນັກຮຽນເກັ່ງ ລະດັບແຂວງ ທັງເປັນການຊຸກຍູ້, ສົ່ງເສີມ ແລະ ແລກປ່ຽນບົດຮຽນທາງດ້ານປະສົບການໃນການສິດສອນ ຂອງຄູພາຍໃນເມືອງໃຫ້ມີການປັບປຸງການຮຽນ-ການສອນໃຫ້ມີຄຸນນະພາບດີຂຶ້ນ.
ການສອບເສັງຄັ້ງນີ້, ໄດ້ຈັດເປັນ 3 ຊັ້ນຮຽນ: ຊັ້ນປະຖົມສືກສາ ຊັ້ນ ປ5, ຊັ້ນມັດທະຍົມສຶກສາ ຕອນຕົ້ນ (ມ4) ແລະ ມັດທະຍົມຕອນປາຍ (ມ7). ໃນນີ້, ຊັ້ນປະຖົມ ປ5 ສອບເສັງມີ 3 ວິຊາ ຄື: ວິຊາ ພາສາລາວ, ຄະນິດສາດ, ວິທະຍາສາດ ແລະ ສີ່ງແວດລ້ອມ; ຊັ້ນມັດທະຍົມ ມ4 ແລະ ມ7 ສອບເສັງມີ 4 ວິຊາຄື: ວິຊາພາສາລາວ-ວັນນະຄະດີ, ຄະນິດສາດ, ຟິຊິກສາດ ແລະ ເຄມີສາດ. ມີນັກສອບເສັງຊັ້ນປະຖົມສຶກສາມາຈາກ 6 ກຸ່ມ ແລະ.ຊັ້ນມັດທະຍົມມາຈາກ 3 ກຸ່ມ, ມີນັກສອບເສັງທັງໝົດ 120 ນ້ອງ ຍິງ 97 ນ້ອງ ແລະ ສຳມະເນນ 3 ອົງ. ໃນນີ້, ຊັ້ນປະຖົມ ປ5 ມີ 48 ນ້ອງ ຍິງ 44 ນ້ອງ, ຊັ້ນ ມ4 ມີນັກສອບເສັງ 36 ນ້ອງ ຍິງ 25 ນ້ອງ (ສຳມະເນນ 3 ອົງ) ຊັ້ນ ມ7 ມີ 36 ນ້ອງ ຍິງ 27 ນ້ອງ (ເປັນສຳມະເນນ 1 ອົງ).
 |
ໃນຕອນທ້າຍ, ທ່ານ ຄຳພັນ ຄຳພູບົວ ໄດ້ມີຄຳເຫັນໂອ້ລົມຕໍ່ພິທີ ຊຶ່ງທ່ານໄດ້ຍົກໃຫ້ເຫັນຄວາມສຳຄັນຂອງວຽກງານການສຶກສາໃນສະພາບປັດຈຸບັນ ພ້ອມທັງມອບລາງວັນ ແລະ ໃບຍ້ອງຍໍໃຫ້ກັບນັກສອບສັງທີ່ສອບເສັງໄດ້ຄະແນນເຖິງເກນກຳນົດ ແລະ ໄດ້ອັນດັບ 1,2,3 ແຕ່ລະຂັ້ນຮຽນ, ແຕ່ລະວິຊາຮຽນໃນການສອບເສັງຄັ້ງນີ້ຕື່ມອີກ.
(ຂ່າວ: ແສງສຸດາ ກິ່ງສະຫັວດ)
ຄໍາເຫັນ