 |
ກອງປະຊຸມໄດ້ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຜູ້ແທນຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງໄຊຍະບູລີ ຄັ້ງທີ VIII ໂດຍສະເພາະແມ່ນຄໍາຂວັນທີ່ວ່າ: “ຍົກສູງບົດບາດການນໍາພາ ທີ່ເຂັ້ມແຂງຂອງພັກ, ຕັ້ງໜ້າສ້າງເສດຖະກິດເອກະລາດ ເປັນເຈົ້າຕົນເອງ, ສືບຕໍ່ບູລະນະລະບອບປະຊາທິປະໄຕ ປະຊາຊົນ ໃຫ້ໜັກແໜ້ນ ກ້າວຂຶ້ນສູ່ສັງຄົມນິຍົມ”. ພ້ອມນັ້ນ ກໍໄດ້ເນັ້ນໜັກເຖິງທິດທາງຄາດໝາຍສູ້ຊົນໃນການສ້າງເສດຖະກິດເອກະລາດເປັນເຈົ້າຕົນເອງ ໂດຍສຸມໃສ່ 7 ຂະແໜງເສດຖະກິດປາຍແຫຼມ ແລະ ວຽກງານຈຸດສຸມໃນ 7 ຂົງເຂດ ແລະ ໄດ້ເຜີຍແຜ່ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງໄຊຍະບູລີ ຄັ້ງທີ VIII ພາຍໃຕ້ຫົວຂໍ້: “ເພີ່ມທະວີຄວາມສາມາດນໍາພາຂອງຄະນະພັກແຕ່ລະຂັ້ນ, ສ້າງເສດຖະກິດເອກະລາດເປັນເຈົ້າຕົນເອງ, ຍົກສູງຄຸນນະພາບຊີວິດຂອງປະຊາຊົນ, ສືບຕໍ່ພັດທະນາແຂວງຫຼຸດພົ້ນອອກຈາກຄວາມທຸກຍາກ” ເຊິ່ງໄດ້ກໍານົດ 9 ທິດທາງ, 7 ຄາດໝາຍ ແລະ ວຽກງານຈຸດສຸມ 11 ຂົງເຂດ ເພື່ອນໍາໄປຜັນຂະຫຍາຍພ້ອມທັງໄດ້ຮຽກຮ້ອງໃຫ້ຄະນະພັກ, ຄະນະນໍາ ແລະ ສະມາຊິກພັກ-ພະນັກງານໃນທົ່ວເມືອງພຽງ ຈົ່ງເພີ່ມທະວີຄວາມຮັບຜິດຊອບທາງດ້ານການເມືອງ, ເປັນເຈົ້າການຮ່ວມກັນໃນການຫັນປ່ຽນແນວທາງ, ແຜນນະໂຍບາຍ ແລະ ເປົ້າໝາຍສູ້ຊົນດັ່ງກ່າວ ມາຫັນເປັນແຜນງານ, ໂຄງການອັນລະອຽດ ໃຫ້ແທດເໝາະກັບສະພາບຕົວຈິງຂອງແຕ່ລະທ້ອງຖິ່ນ ຮາກຖານ ເພື່ອສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ , ຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບຄວາມເປັນລະນຽບຮຽບຮ້ອຍໃນສັງຄົມ ຍົກສູງຄຸນນະພາບຊີວິດຂອງປະຊາຊົນບັນດາເຜົ່າພາຍໃນເມືອງໃຫ້ດີຂຶ້ນເປັນກ້າວໆ.
ຂ່າວ: ວົງສະຫວັນ ສຸທິໂວຫານ
ຄໍາເຫັນ