ເມືອງໂພນໂຮງຫາລືການເກັບກຳຂໍ້ມູນໂຄງການເຊົ່າ-ສຳປະທານທີ່ດິນຂອງລັດ

09:32 28/07/2026

ເມືອງໂພນໂຮງແຂວງວຽງຈັນຈັດກອງປະຊຸມລົງຕິດຕາມ ແລະ ເກັບກຳຂໍ້ມູນບັນດາໂຄງການທີ່ໄດ້ຮັບອະນຸຍາດໃຫ້ເຊົ່າ-ສຳປະທານທີ່ດິນຂອງລັດ ໄດ້ຈັດຂຶ້ນໃນວັນທີ 27 ກໍລະກົດນີ້ ທີ່ເມືອງໂພນໂຮງ ໂດຍມີ ທ່ານ ກົງເພັດ ສໍປະດິດປະທານຄະນະກຳມະການປົກຄອງເມືອງໂພນໂຮງ, ທ່ານ ຫອມຮັກ ສຸນະວັນ ຫົວໜ້າພະແນກການເງິນ ແຂວງວຽງຈັນ, ມີພາກສ່ວນກ່ຽວຂ້ອງ ແລະ ຜູ້ປະກອບການເຂົ້າຮ່ວມ.

ເມອງໂພນໂຮງຫາລການເກບກຳຂມນໂຄງການເຊາ-ສຳປະທານທດນຂອງລດ - image 1

ທ່ານ ສະໝານ ບຸບຜາສີລິ ຮອງຫົວໜ້າຂະແໜງຄຸ້ມຄອງຊັບສິນແຫ່ງລັດ ໄດ້ຜ່ານຂໍ້ຕົກລົງ, ສະບັບເລກທີ 294/ຄປຂ.ວຈ, ລົງວັນທີ 23 ມີນາ 2026 ວ່າດ້ວຍການແຕ່ງຕັ້ງຄະນະຮັບຜິດຊອບຂັ້ນແຂວງ ເພື່ອລົງຕິດຕາມ, ເກັບກຳຂໍ້ມູນຕົວຈິງ,ການລົງສຳຫຼວດ, ວັດແທກ ແລະ ເກັບກຳຂໍ້ມູນໂຄງການເຊົ່າ-ສຳປະທານທີ່ດິນຂອງລັດ ເພື່ອຂຶ້ນບັນຊີຊັບສິນຂອງລັດ ແລະ ສ້າງຖານຂໍ້ມູນພື້ນຖານສຳລັບການຄຸ້ມຄອງລາຍຮັບ. ການດຳເນີນວຽກຈະແບ່ງເປັນ 3 ຄະນະ ກວມເອົາ11 ຕົວເມືອງຂອງແຂວງວຽງຈັນ.

ທ່ານ ນາງ ອານຸກອນ ນັນທາວົງ ຫົວໜ້າຫ້ອງການ-ການເງິນ ເມືອງໂພນໂຮງ ໄດ້ລາຍງານວ່າ: ປັດຈຸບັນເມືອງໂພນໂຮງມີໂຄງການເຊົ່າ-ສຳປະທານທີ່ດິນຂອງລັດຈຳນວນ 53 ໂຄງການ ກວມເນື້ອທີ່ກວ່າ 451.82 ເຮັກຕາ ແບ່ງເປັນຂະແໜງກະສິກຳ 32 ໂຄງການ, ທ່ອງທ່ຽວ ແລະ ບໍລິການ 19 ໂຄງການ ແລະ ອຸດສາຫະກຳ-ການຄ້າ 2 ໂຄງການ. ນອກນັ້ນ ຍັງມີບາງໂຄງການທີ່ປະສົບບັນຫາດ້ານເອກະສານ, ອັດຕາຄ່າເຊົ່າ ແລະ ການປະຕິບັດສັນຍາ ຈຶ່ງຈຳເປັນຕ້ອງກວດກາ ແລະ ປັບປຸງໃຫ້ຖືກຕ້ອງ.

ໃນຕອນທ້າຍ ທ່ານ ຫອມຮັກ ສຸນະວັນ ໄດ້ເນັ້ນໃຫ້ທຸກພາກສ່ວນປະສານງານຢ່າງໃກ້ຊິດ, ກວດກາ ແລະ ຢັ້ງຢືນຂໍ້ມູນໃຫ້ຖືກຕ້ອງ ເພື່ອສ້າງຖານຂໍ້ມູນກາງຂອງແຂວງ ນຳໄປສູ່ການຄຸ້ມຄອງທີ່ດິນຂອງລັດ ແລະ ການເກັບລາຍຮັບໃຫ້ມີຄວາມໂປ່ງໃສ ແລະ ມີປະສິດທິຜົນຫຼາຍຂຶ້ນ.

ຂ່າວ: ແຂວງວຽງຈັນ

ຄໍາເຫັນ

ຂ່າວວັດທະນະທຳ-ສັງຄົມ

ເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ X ຢູ່ເມືອງພູຄູນ

28/07/2026 09:39

ທ່ານ ບຸນເລື່ອມ ມະນີວົງ ກຳມະການສູນກາງພັກ ເລຂາບໍລິຫານງານພັກແຂວງ, ຫົວໜ້າຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 6, ປະທານສະພາປະຊາຊົນແຂວງຫຼວງພະບາງ, ພ້ອມດ້ວຍຄະນະ, ໄດ້ເຄື່ອນໄຫວພົບປະຜູ້ມີສິດປ່ອນບັດເລືອກຕັ້ງ ແລະເຜີຍແຜ່ຜົນສຳເລັດ ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ X ແລະສະພາປະຊາຊົນແຂວງຫຼວງພະບາງ ຊຸດທີ Vຢູ່ເມືອງພູຄູນ, ໃນວັນທີ 27 ກໍລະກົດນີ້, ທີ່ ບ້ານຜາເກັ່ງນ້ອຍໂດຍມີການນໍາເມືອງພູຄູນ, ຄະນະກຳມະການປົກຄອງບ້ານ, ຜູ້ມີສິດປ່ອນບັດ ບ້ານຜາເກັ່ງນ້ອຍ, ບ້ານຜາເກັ່ງໃຫຍ່ ແລະບ້ານໂພນໄຊ ເຂົ້າຮ່ວມຮັບຟັງ.

ຜົ້ງສາລີ ປະດັບຫຼຽນໄຊ ແລະ ມອບໃບຍ້ອງຍໍ ສສ ຫວຽດນາມໃຫ້ບຸກຄົນ-ກົມກອງ

27/07/2026 16:13

ພິທີປະດັບຫຼຽນໄຊມິດຕະພາບ, ຫຼຽນກາມິດຕະພາບ ແລະ ມອບໃບຍ້ອງຍໍລັດຖະບານ, ໃບຍ້ອງຍໍກະ ຊວງປ້ອງກັນປະເທດ ສສ ຫວຽດນາມ ໃຫ້ບຸກຄົນ ແລະ ກົມກອງລວມໝູ່ ທີ່ປະກອບສ່ວນວຽກງານຊອກຫາ ຂຸດຄົ້ນ ແລະ ເຄື່ອນຍ້າຍອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ແຂວງຜົ້ງສາລີ ໄລຍະປີ 2013-2020 ຈັດຂຶ້ນໃນວັນທີ 24 ກໍລະກົດຜ່ານມາ, ທີ່ແຂວງຜົ້ງສາລີ ໂດຍການເປັນປະທານຂອງສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ, ຮອງເລຂາພັກແຂວງ, ປະທານຄະນະກຳມະການປົກຄອງແຂວງ, ມີຄະນະພັກ-ຄະນະບັນຊາ ແລະ ພາກສ່ວນກ່ຽວຂ້ອງເຂົ້າຮ່ວມ.

ປະກາດແຕ່ງຕັ້ງສະພາ ວສ-ປສ ການທະຫານຂັ້ນຮາກຖານຢູ່ 3 ກົມກອງ

27/07/2026 16:11

ພິທີປະກາດການແຕ່ງຕັ້ງປະທານ, ຄະນະປະທານ ສະພາວິທະຍາສາດ-ປະຫວັດສາດ(ວສ-ປສ) ການທະຫານຂັ້ນຮາກຖານ ຢູ່ກອງບັນຊາການທະຫານແຂວງອັດຕະປື, ກອງພົນທີ 4 ແລະ ກອງບັນຊາການທະການແຂວງສະຫວັນນະເຂດ ໄດ້ຈັດຂຶ້ນໃນລະຫວ່າງວັນທີ 21-24 ກໍລະກົດຜ່ານມາ, ໂດຍການເປັນທານຂອງສະຫາຍ ພັນເອກ ໂພນທອງ ພັນຈະເລີນພົນ ຮອງຫົວໜ້າກົມ ວສ-ປສ ການທະຫານ, ມີຄະນະພັກ-ຄະນະບັນຊາ ກອງບັນຊາການທະຫານແຂວງອັດຕະປື, ກອງພົນທີ 4, ກອງບັນຊາການທະ ຫານແຂວງສະຫວັນນະເຂດ ແລະ ພາກສ່ວນກ່ຽວຂ້ອງເຂົ້າຮ່ວມ.

6 ເດືອນຜ່ານມາ ອພສ ຫຼວງພະບາງ ມີຜົນງານພົ້ນເດັ່ນຫຼາຍດ້ານ

27/07/2026 16:05

ຄະນະບໍລິຫານງານ ອົງການພຸດທະສາສະໜາສຳພັນລາວ (ອພສ) ແຂວງຫຼວງພະບາງ ໄດ້ຈັດກອງປະຊຸມຄົບຄະນະບໍລິຫານງານ ສະໄໝທີ IX ຄັ້ງທີ I ຂຶ້ນໃນວັນທີ 24 ກໍລະກົດຜ່ານມາ, ທີ່ຫ້ອງປະຊຸມກຸດຕິອາຄັນຕຸກະ ວັດປ່າຜາໂອ ນະຄອນ-ຫຼວງພະບາງ, ໂດຍການເປັນປະທານຂອງພະອາຈານໃຫຍ່ ອ່ອນແກ້ວ ກິຕຕິພັທໂທ ຄະນະບໍລິຫານງານປະຈຳການສູນກາງ ອພສ, ປະທານ ອພສ ແຂວງ, ຜູ້ຊ່ວຍວຽກປະທານສູນກາງ ອພສ ປະຈຳແຂວງພາກເໜືອ, ມີທ່ານ ສົມພອນ ສີອຸດົມພັນ ປະທານແນວລາວສ້າງຊາດແຂວງ ພ້ອມດ້ວຍຄະນະບໍລິຫານງານ ອພສ ແຂວງ ແລະ ພະນັກງານເຂົ້າຮ່ວມ.

ວາລະສານອະລຸນໃໝ່ ແລະ ວາລະສານກົງສ້ານ ທົບທວນການຮ່ວມມື

27/07/2026 16:02

ໃນວັນທີ 27 ກໍລະກົດນີ້ ທີ່ນະຄອນຫຼວງວຽງຈັນ, ໄດ້ມີການພົບປະ ລະຫວ່າງ ວາລະສານອະ ລຸນໃໝ່ ຂອງ ພັກປະຊາຊົນ ປະຕິວັດລາວ ແລະ ວາລະສານກົງສ້ານ ຂອງພັກກອມມູນິດຫວຽດນາມ, ຝ່າຍລາວນຳໂດຍ ທ່ານ ຫີນເພັດ ໄຊຍະສີພັນດອນ ຮັກສາການຫົວໜ້າບັນນາທິການໃຫຍ່ ວາລະສານ ອະລຸນໃໝ່, ພ້ອມຄະນະ, ຝ່າຍຫວຽດນາມນຳໂດຍທ່ານ ຫງວຽນ ຫງັອກ ຮາ ຮອງຫົວໜ້າບັນນາທິ ການໃຫຍ່ ວາລະສານກົງສ້ານ, ໂດຍໃຫ້ກຽດເຂົ້າຮ່ວມຂອງ ທ່ານ ຄຳມອນ ຈັນທະຈິດ ຮອງຫົວໜ້າຄະ ນະໂຄສະນາອົບຮົມສູນກາງພັກ ຮອງປະທານ ຜູ້ປະຈຳການ ສະພາທິດສະດີສູນກາງພັກ.

ປິດຝຶກອົບຮົມຄູຝຶກວຽກງານໂຄສະນາຕ້ານການຄ້າມະນຸດ

27/07/2026 15:56

ຫວ່າງບໍ່ດົນມານີ້, ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກະຊວງປ້ອງກັນຄວາມສະຫງົບ ໄດ້ຈັດພິທີປິດການຝຶກອົບຮົມຄູຝຶກວຽກງານໂຄສະນາຕ້ານການຄ້າມະນຸດຂຶ້ນຢ່າງເປັນທາງການ. ໂດຍໃຫ້ກຽດເປັນປະທານຂອງທ່ານ ພົຈວ ແກ່ນຈັນ ພົມມະຈັກ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ມີຄະນະກົມ, ຄູ-ອາ ຈານ, ບັນດາພະແນກ, ສູນ, ອົງການຈັດຕັ້ງມະຫາຊົນ, ແຂກຖືກເຊີນ, ນັກສຳມະນາກອນ ແລະ ກອງກໍ່ສ້າງຮາກຖານ 11 ກອງ ເຂົ້າຮ່ວມ.

ສະພາ ນວ ລົງຕິດຕາມວຽກງານຂອງສານປະຊາຊົນ ນວ

27/07/2026 15:52

ສະມາຊິກສະພາປະຊາຊົນນະຄອນຫຼວງວຽງຈັນ (ນວ) ລົງຊຸກຍູ້, ຕິດຕາມ ການຈັດຕັ້ງປະຕິບັດວຽກງານຂອງສານປະຊາຊົນນະຄອນຫຼວງວຽງຈັນ ໃນວັນທີ 27 ກໍລະກົດນີ້ ທີ່ຫ້ອງປະຊຸມຂອງສານປະຊາຊົນ ນວ. ໃຫ້ກຽດນໍາພາຄະນະ ໂດຍ ທ່ານ ນະຄະເສນ ສີຫາລາດ ຮອງປະທານສະພາປະຊາຊົນນະຄອນຫຼວງວຽງຈັນ ທັງເປັນຜູ້ຊີ້ນໍາວຽກງານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ, ກົດໝາຍ ແລະ ຍຸຕິທໍາ, ຕ້ອນຮັບ ໂດຍ ທ່ານ ນາງ ມະໄລຄໍາ ສຸນາພັນ ປະທານສານປະຊາຊົນນະຄອນຫຼວງວຽງຈັນ ພ້ອມຄະນະ, ຈຸດປະສົງ ເພື່ອຊຸກຍູ້, ຕິດຕາມການຈັດຕັ້ງປະຕິບັດແຜນການ, ຄາດໝາຍ 6 ເດືອນຕົ້ນປີ ແລະ 6 ເດືອນທ້າຍປີ 2026, ຂໍ້ສະເໜີຕ່າງໆ.

ຮອງປະທານສະພາແຫ່ງຊາດ ເຄື່ອນໄຫວເຮັດວຽກຢູ່ແຂວງວຽງຈັນ

27/07/2026 15:49

‎ ວັນທີ 24 ກໍລະກົດ ຜ່ານມາ ທີ່ສະໂມສອນໃຫຍ່ແຂວງວຽງຈັນ, ໄດ້ມີພິທີປະກາດກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ ແລະ ການແຕ່ງຕັ້ງບຸກຄະລາກອນ ປະຈໍາເຂດເລືອກຕັ້ງທີ 10 ແຂວງວຽງຈັນ ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານຄະນະປະຈໍາສະພາແຫ່ງຊາດ (ຄປຈສພຊ); ເຂົ້າຮ່ວມມີທ່ານ ພູທະນູເພັດ ໄຊສົມບັດ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ (ສພຂ); ທ່ານ ພູວົງ ບຸນຊູ ຮອງເລຂາພັກແຂວງ ປະທານຄະນະກໍາມະການປົກຄອງແຂວງ; ບັນດາທ່ານຄະນະປະຈໍາພັກແຂວງ, ກໍາມະການພັກແຂວງ, ຄະນະປະຈໍາສະພາປະຊາຊົນແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ (ສສຂ) ປະຈຳເມືອງອ້ອມຂ້າງ, ຮອງຫົວໜ້າຫ້ອງວ່າການສະພາແຫ່ງຊາດ, ຜູ້ຕາງໜ້າຂອງພະແນກການ ແລະ ອົງການອ້ອມຂ້າງແຂວງ, ຄະນະຫ້ອງວ່າການ ແລະ ພະນັກງານເສນາທິການຂອງ ສພຂ.

ວາງສີລາລືກ ໂຄງການກໍ່ສ້າງໂຮງໝໍເມືອງແກ່ນທ້າວ

27/07/2026 11:14

ພິທີວາງສີລາລືກໂຄງການກໍ່ສ້າງ ແລະ ສ້ອມແປງໂຮງໝໍເມືອງແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນວັນທີ 27 ກໍລະກົດນີ້, ທີ່ໂຮງໝໍດັ່ງກ່າວ ໃຫ້ກຽດເຂົ້າຮ່ວມໂດຍທ່ານ ບຸນເພັງ ວົງຊົມພູ ຮອງຫົວໜ້າຫ້ອງການສາທາລະນະສຸກເມືອງ, ພ້ອມດ້ວຍຮອງຫົວໜ້າຫ້ອງການໂຍທາທິການ ແລະ ຂົນສົ່ງເມືອງ, ມີຕາງໜ້າບໍລິສັດ ດວງຈັນຮຸ່ງເຮືອງ ຈຳກັດຜູ້ດຽວ, ຄະນະອໍານວຍການໂຮງໝໍ ແລະ ພາກສ່ວນກ່ຽວຂ້ອງເຂົ້າຮ່ວມ.

ສກຂ ຄໍາມ່ວນ ຫວນຄືນມູນເຊື້ອ 71 ປີວັນສ້າງຕັ້ງສະຫະພັນແມ່ຍິງລາວ

27/07/2026 11:10

ພິທີສະເຫຼີມສະຫຼອງວັນສ້າງຕັ້ງ ອົງການຈັດຕັ້ງສະຫະພັນແມ່ຍິງລາວ (20 ກໍລະກົດ 1955-20 ກໍລະ ກົດ 2026) ຄົບຮອບ 71 ປີ ຈັດຂຶ້ນໃນວັນທີ 22 ກໍລະກົດຜ່ານມາ, ທີ່ສະໂມສອນພະແນກສຶກສາທິການ ແລະ ກິລາ (ສກຂ) ແຂວງຄໍາມ່ວນ, ໂດຍການເປັນປະທານຮ່ວມຂອງທ່ານ ດວງມາລາ ພົມມະຈັນ ຮອງຫົວໜ້າພະແນກ ສກຂ ແລະ ທ່ານ ສຸດທິລົມ ສຸລິວົງ ຮອງປະທານຄະນະບໍລິຫານງານສະຫະພັນແມ່ຍິງແຂວງ, ທ່ານ ວັດສະລະ ກຽດນະລົງລົບ ຜູ້ອໍານວຍໂຮງຮຽນສາມັນມິດຕະພາບ ຄໍາມ່ວນ-ກວາງບິ່ງ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.

ເພີ່ມເຕີມ