ເມືອງສິງແຂວງຫຼວງນໍ້າທາເຜີຍແຜ່ເຊືອມຊືມມະຕິກອງປະຊຸມຄົບຄະນະຄັ້ງ 7 ຂອງຄະນະບໍລິຫານງານສູນກາງພັກສະໄໝ 11 ໄດ້ຈັດຂຶ້ນໃນຕອນເຊົ້າຂອງວັນທີ 15 ທັນວານີ້, ທີສະໂມສອນຂອງເມືອງສິງ, ເປັນກຽດເຂົ້າຮ່ວມຂອງທ່ານຈັນພິພັກ ກອງຈໍາປາ ກໍາມະການພັກແຂວງ ເລຂາພັກເມືອງເຈົ້າເມືອງໆສິງມີຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າ-ຮອງຫ້ອງການ,ກອງບັນຊາການ ປກຊ-ປກສ,ເລຂາຄະນະພັກຮາກຮານກຸ່ມບ້ານ ແລະ ອະດີດການນໍາເຂົ້າຮ່ວມຮັບຟັງ.
ທ່ານ ນາງບົວຊ້ອນ ທະນຸສິງ ຮັກສາການຫົວໜ້າຫ້ອງການຄະນະໂຄສະນາອົບຮົມເມືອງສິງໄດ້ຂຶ້ນເຜີຍແຜ່ເຊື່ອມຊຶມມະຕິກອງປະຊຸມຄົບຄະນະຄັ້ງ 7 ຂອງຄະນະບໍລິຫານງານສູນກາງພັກສະໄໝ 11 ຊຶ່ງກອງປະຊຸມດັ່ງກ່າວໄດ້ດໍາໃນລະຫວ່າງວັນທີ 23-26 ຕຸລາ 2023 ທີ່ຫ້ອງວ່າການສູນກາງພັກພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປລາວ ກອງປະຊຸມໄດ້ຕີລາຄາການຈັດຕັ້ງປະຕິບັດແຜ່ນພັດທະນາເສດຖະກິດ-ສັງຄົມ,ແຜນງົບປະມານ ແຜນເງິນຕາປະຈໍາປີ 2023 ແລະ ທິດທາງແຜນການປະຈໍາປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫານຢາເສດຕິດ,ຕີລາຄາວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານການຕ່າງປະເທດ ປະຈໍາປີ 2023 ແລະ ທິດທາງ ປີ 2024 ກອງປະຊຸມໄດ້ເປັນເອກະພາບສູງຕີລາຄາດ້ວຍຄວາມບຸກບືນສູ້ຊົນຂອງທົ່ວພັກ,ທົ່ວລັດ ແລະ ທົ່ວປວງຊົນລາວທັງຊາດສາມາບັນລຸຕາມຄາດໝາຍເປັນສ່ວນຫຼາຍ ຄາດຄະເນໝົດປີ 2023 GDP ຈະຂະຫຍາຍຕົວໃນລະດັບ 4,2% ການຈັດເກັບລາຍຮັບເຂົ້າງົບປະມານບັນລຸແຜນຕາມທີ່ສະພາແຫ່ງຊາດຮັບຮອງ,ຫຼາຍທ້ອງຖິ່ນແມ່ນເກີນແຜນ,ອັດຕາເງິນເຟີ້ຍັງສູງແຕ່ກໍມີທ່າອ່ຽງຫຼຸດລົງຈາກ 41,26% ໃນເດືອນກຸມພາ ຫຼຸດລົງ ຢູ່ທີ່ 25,69% ໃນເດືອນ ກັນຍາ 2023 ການຊໍາລະໜີ້ສິນຕ່າງປະເທດປະຕິບັດໄດ້ຕາມແຜນ; ພ້ອມນີ້ໃນກອງປະຊຸມຍັງໄດ້ເລົ່າມູນເຊື້ອວັນສ້າງຕັ້ງກອງທັບປະຊາຊົນລາວຄົບ ຮອບ 75 ປີ ພາຍໃຕ້ການນໍາພາຢ່າງພິລະອາດຫານ ເດັດຂາດ ໂດຍກົງ ແລະ ຮອບດ້ານ ຂອງພັກປະຊາຊົນປະຕິວັດລາວເພື່ອລະນຶກເຖິງຄຸນງາມຄວາມດີ ແລະ ການຕໍ່ສູ້ຢ່າງດຸເດືອດເພື່ອກອບກູ້ເອກະລາດ ແລະ ປົດປ່ອຍປະເທດຊາດຈົນໄດ້ຮັບໄຊຊະນະມາເຖິງປັດຈຸບັນ.(ຂ່າວ: ກິ່ງແກ້ວ) 28903298
ຄໍາເຫັນ