 |
ທ່ານ ສີສຸກ ແກ້ວມະນີວົງ ຫົວໜ້າຫ້ອງການສາທາລະນະສຸກເມືຶອງ ໄດ້ຜ່ານບົດລາຍງານກ່ຽວກັບຄວາມເປັນມາ, ຈຸດປະສົງ ແລະ ຄຸນປະໂຫຍດຂອງສວນຢາວ່າ: ສວນຢາພື້ນເມືອງແຫ່ງນີ້ ແມ່ນນອນຢູ່ໃນເຂດວັດວ່າດົງຫົວເສືອ ບ້ານໂນນແດງໃຕ້ ຕາແສງສຳຫຼຽງ ເມືອງສຸຂຸມາ ແຂວງຈຳປາສັກ,ສວນແຫ່ງນີ້ມີເນື້ອທີທັງໝົດ 20 ແຮັກຕາເຊິ່ງສະຖາບັນຢາພື້ນເມືອງສະໜອງຕົ້ນໄມ້ເປັນຢາຈຳນວນ 150ຕົ້ນ,ທີ່ໄດ້ຈາກຫ້ອງການກະສິກຳ ແລະ ສິ່ງແວດລ້ອມເມືອງມີຕົ້ນໄມ້ເນື້ອແຂງ ແລະ ຕົ້ນໄມ້ປະດັບຈຳນວນ250ຕົ້ນ.
ສວນແຫ່ງນີ້ເປັນສວນອະນຸລັກຊີວະນາໆພັນພືດທີ່ເປັນຢາເພື່ອເປັນແຫຼ່ງອະນຸລັກ ແລະ ຮຽນຮູ້ຂອງນັກສືກສາ ແລະ ບັນດາໝໍຢາພື້ນເມືອງໃນທົ່ວເມືອງ,ເພື່ອປະຊາຊົນຮູ້ໄດ້ເຖິງຄຸນປະໂຫຍດ ແລະ ການຊົມໃຊ້ຢາພື້ນເມືອງ,ຮູ້ໄດ້ຄວາມໝາຍຄວາມສຳຄັນຂອງຕົ້ນໄມ້ເປັນຢາ,ແນໃສ່ການຄຸ້ມຄອງ,ປົກປັກຮັກສາ,ພັດທະນາ ແລະ ນຳໃຊ້ຊັບພະຍາກອນທີ່ເປັນຢາບໍ່ໃຫ້ບົກແຫ້ງສູນພັນມີຄວາມອຸດົມສົມບູນ ແລະ ຍືນຍົງ,ໃຊ້ເຂົ້າໃນການປີ່ນປົວ ແລະ ຮັກສາສຸຂະພາບຂອງຄົນເຮົາ.
 |
ທ່ານຄຳບອນ ສີຮັກສາ ປະທານໄດ້ຮຽກຮ້ອງໃຫ້ປະຊາຊົນພາຍໃນບ້ານເປັນເຈົ້າການໃນການຕິດຕາມ,ບົວລະບັດປົກປັກຮັກສາ ເພື່ອເຮັດໃຫ້ຕົ້ນໄມ້ທີ່ເປັນຢາລວມເຖິງຕົ້ນໄມ້ຊະນິດອື່ນໃຫ້ມີຄວມຍືນຍົງ ແລະ ອຸດົມສົມບູນ ຄຽງຄູ່ກັບຍຸກສະໄໝຕະຫຼອດໄປ.
ຂ່າວພາບ: ສົມໃຈ ສາຍຂະໝວນ
ຄໍາເຫັນ