 |
ທ່ານ ລຳທອງ ຊາມຸນຕີ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ຜ່ານບົດສະຫຼຸບ ແລະ ແຜນພັດທະນາຜົນງານການຈັດຕັ້ງປະຕິບັດວຽກງານການສຶກສາ ແລະ ກິລາ ໃນສົກຮຽນ 2025-2026 ແລະ ແຜນພັດທະນາການສຶກສາປະຈໍາສົກຮຽນ 2026-2027 ວ່າ: ທົ່ວເມືອງທຸລະຄົມມີຜູ້ບໍລິຫານ ແລະ ຄູ-ອາຈານທັງໝົດ 664 ຄົນ, ຍິງ 484 ຄົນ, ມີໂຮງຮຽນທັງໝົດ 84 ແຫ່ງ, 444 ຫ້ອງຮຽນ, ມີນັກຮຽນ 12,844 ຄົນ, ຍິງ 6,163 ຄົນ. ນອກຈາກນີ້, ຍັງມີຫົວໜ້າຫ້ອງການ, ພະນັກງານຫ້ອງການສຶກສາເມືອງທັງໝົດ 42 ຄົນ, ຍິງ 25 ຄົນ. ຜ່ານການຈັດຕັ້ງປະຕິບັດຕົວຊີ້ວັດໃນ 12 ຄາດໝາຍ ສາມາດບັນລຸໄດ້ 10 ຄາດໝາຍທີ່ກະຊວງສຶກສາທິການ ແລະ ກິລາວາງອອກ.
 |
ໂອກາດນີ້, ທ່ານ ບຸນເລີດ ສີຫາປັນຍາ ໄດ້ໃຫ້ກຽດໂອ້ລົມ ເນັ້ນໜັກໃຫ້ເພີ່ມທະວີການປະສານງານກັບຄະນະພັດທະນາການສຶກສາຂັ້ນບ້ານ ແລະ ສະມາຄົມພໍ່ແມ່ນັກຮຽນ ປຸກລະດົມທຸກພາກສ່ວນຮ່ວມກັນພັດທະນາໂຮງຮຽນ; ຈັດຕາຕະລາງສອນ, ກຽມແຜນການສອນ, ສື່ການສອນ ແລະ ສະໜອງປຶ້ມແບບຮຽນໃຫ້ພຽງພໍ; ສ້ອມແປງອາຄານຮຽນໃຫ້ມີຄວາມສະອາດຈົບງາມ ເອື້ອອຳນວຍຕໍ່ການຮຽນຮູ້ ແລະ ໃຫ້ເອົາໃຈໃສ່ຕ້ານປະກົດການຫຍໍ້ທໍ້ໃນສະຖານການສຶກສາຕື່ມອີກ. ຂ່າວ: ປາງທອງ ລາດຊະວົງ
ຄໍາເຫັນ