ໃນວັນທີ 3 ຕຸລາຜ່ານມາ, ຫ້ອງການສຶກສາທິການ ແລະ ກິລາເມືອງທຸລະຄົມ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ (7 ຕຸລາ 1994 ຫາ 7 ຕຸລາ 2023) ທີ່ສະໂມສອນຫ້ອງວ່າການເມືອງ, ໂດຍການເປັນປະທານຂອງ ທ່ານ ນາງ ວົງເດືອນ ວັດຕະໂສ ກໍາມະການພັກແຂວງເລຂາພັກເມືອງເຈົ້າເມືອງທຸລະຄົມປະທານຄະນະພັດທະນາການສຶກສາຂັ້ນເມືອງ, ມີ ທ່ານ ຈັນສົມ ແກ້ວມະນີວົງ ຮອງພະແນກສຶກສາທິການ ແລະ ກິລາ ແຂວງວຽງຈັນ, ມີຫົວໜ້າ, ຮອງຫົວໜ້າຫ້ອງການ, ຄູ ອາຈານຈາກໂຮງຮຽນແຫ່ງຕ່າງໆອ້ອມຂ້າງເມືອງເຂົ້າຮ່ວມ.
ທ່ານ ສົມເພັດ ລ້ວນພະຈັນ ກໍາມະການພັກເມືອງຫົວໜ້າຫ້ອງການສຶກສາທິການ ແລະ ກິລາເມືອງໄດ້ເປັນກຽດເລົ່າຄືນມູນເຊື້ອປະຫວັດຄວາມເປັນມາຂອງວັນຄູແຫ່ງຊາດ, ຍົກໃຫ້ເຫັນຄວາມໝາຍຄວາມສໍາຄັນຄໍາວ່າຄູແມ່ນຄໍາເວົ້າສືບທອດກັນມາຫຼາຍເຊັ່ນຄົນແລ້ວ, ຄູໝາຍເຖິງຜູ້ທີ່ມີຄວາມຮູ້, ປະສົບການໃນລະດັບທີ່ແນ່ນອນ ສາມາດຖ່າຍທອດຄວາມຮູ້, ປະສົບການນັ້ນໄປສູ່ຜູ້ອື່ນໆໄດ້ ດ້ວຍຮູບການຖ່າຍທອດຄວາມຮູ້ຈາກຜູ້ຮູ້ເອີ້ນວ່າການສອນ ແລະ ການຮຽນ; ຍົກໃຫ້ເຫັນປະຫວັດການເຄື່ອນໄຫວຂອງນາຍຄູຄໍາ ຊຶ່ງເປັນຄູສອນຂອງຄົນລາວຜູ້ທໍາອິດ, ນາຍຄູຄໍາໄດ້ຮັບຣາຊະການເປັນຄູສອນເລີ່ມແຕ່ວັນທີ 7 ຕຸລາ 1907, ຕະຫຼອດຊີວິດການເປັນຄູຂອງນາຍຄູຄໍາ ນອກຈາກເຮັດໜ້າທີ່ການສິດສອນແລ້ວ ຍັງໄດ້ເຂົ້າຮ່ວມຂະບວນການປຸກລະດົມນໍາພາປະຊາຊົນລາວບັນດາເຜົ່າມີນໍ້າໃນຮັັັກຊາດ, ຄຽດແຄ້ນສັດຕູ, ຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າ, ຜ່ານໄລຍະເວລາອັນຍືດເຍື້ອຍາວນານ, ລະອິດລະອ້ຽວ, ນໍາພາປະຊາຊົນລຸກຮືຂຶ້ນຕໍ່ສູ້, ຈົນສຸດທ້າຍຕົນເອງຖືກຈັບກຸມຄຸມຂັງ ແຕ່ສາມາດໂຕນອອກຈາກຄຸກ ແລະ ເສຍຊີວິດໃນເວລາຕໍ່ມາ.
ໂອກາດນີ້, ທ່ານ ນາງ ວົງເດືອນ ວັດຕະໂສ ໄດ້ມີຄໍາເຫັນໂອ້ລົມກ່ອນອື່ນໄດ້ສະແດງຄວາມຊົມເຊີຍດີ ມາຍັງຖັນແຖວຄູ-ອາຈານ ຜູ້ບໍລິຫານການສຶກສາ, ລູກຫຼານນັກຮຽນທຸທົ່ວເມືອງ, ການຈັດພິທີສະເຫຼີມສະຫຼອງວັນຄູແຫ່ງຊາດໃນເທື່ອນີ້ ແມ່ນເພື່ອເປັນການສະຫຼຸບຕີລາຄາຕໍ່ຜົນງານຮອບດ້ານທີ່ຄູອາຈານ ກໍຄືຄະນະນໍາ ຕະຫຼອດທັງພະນັກງານ-ລັດຖະກອນໃນຂະແໜງການສຶກສາພ້ອມກັນຍາດແຍ່ງມາໄດ້ໄລຍະຜ່ານມາ ແລະ ທ່ານ ເຈົ້າເມືອງຮຽກຮ້ອງໃຫ້ພະນັກງານຄູ-ອາຈານ ຈົ່ງເພີ່ມທະວີຄວາມຮັບຜິດຊອບໃຫ້ສູງຂຶ້ນ, ວາງແຜນການເຄື່ອນໄຫວປະຈໍາເດືອນໃຫ້ລະອຽດຮັດກຸມ, ປັບປຸງຈຸດຄົງຄ້າງທີ່ຍັງເຮັດບໍ່ໄດ້ດີ, ຍົກສູງບົດບາດການນໍາພາ, ຈັດຍາບັນຂອງຄູ, ປະຕິບັດຄໍາຂວັນ 5 ຫຼັກມູນ, 3 ລັກສະນະຂອງການສຶກສາ, ເປັນເຈົ້າການແກ້ໄຂປະກົດການຫຍໍ້ທໍ້ໃນຖັນແຖວນັກຮຽນໄວໜຸ່ມທີ່ຫຼົງໄຫຼໄປນໍາຄ່ານິຍົມທີ່ບໍ່ຖືກຕ້ອງ, ເປັນຕົ້ນການໄປທ່ຽວຫຼິ້ນ, ຖືເບົາ, ປະລະການຮຽນ ແລະ ບັນຫາອື່ນໆທີ່ອາດກະທົບຕໍ່ການຮຽນ; ປຸກລະດົມພາກສ່ວນຕ່າງໆໃນສັງຄົມປະກອບສ່ວນວຽກງານພັດທະນາການສຶກສາ, ປັບປຸງສ້ອມແປງໂຮງຮຽນ, ສະໜອງວັດຖຸອຸປະກອນການຮຽນຕາມເງື່ອນໄຂສະດວກ.
ຂ່າວ-ພາບ: ຫຼ້າທໍ່ ປາຈ້າທໍ່.
ທ່ານ ສົມເພັດ ລ້ວນພະຈັນ ກໍາມະການພັກເມືອງຫົວໜ້າຫ້ອງການສຶກສາທິການ ແລະ ກິລາເມືອງໄດ້ເປັນກຽດເລົ່າຄືນມູນເຊື້ອປະຫວັດຄວາມເປັນມາຂອງວັນຄູແຫ່ງຊາດ, ຍົກໃຫ້ເຫັນຄວາມໝາຍຄວາມສໍາຄັນຄໍາວ່າຄູແມ່ນຄໍາເວົ້າສືບທອດກັນມາຫຼາຍເຊັ່ນຄົນແລ້ວ, ຄູໝາຍເຖິງຜູ້ທີ່ມີຄວາມຮູ້, ປະສົບການໃນລະດັບທີ່ແນ່ນອນ ສາມາດຖ່າຍທອດຄວາມຮູ້, ປະສົບການນັ້ນໄປສູ່ຜູ້ອື່ນໆໄດ້ ດ້ວຍຮູບການຖ່າຍທອດຄວາມຮູ້ຈາກຜູ້ຮູ້ເອີ້ນວ່າການສອນ ແລະ ການຮຽນ; ຍົກໃຫ້ເຫັນປະຫວັດການເຄື່ອນໄຫວຂອງນາຍຄູຄໍາ ຊຶ່ງເປັນຄູສອນຂອງຄົນລາວຜູ້ທໍາອິດ, ນາຍຄູຄໍາໄດ້ຮັບຣາຊະການເປັນຄູສອນເລີ່ມແຕ່ວັນທີ 7 ຕຸລາ 1907, ຕະຫຼອດຊີວິດການເປັນຄູຂອງນາຍຄູຄໍາ ນອກຈາກເຮັດໜ້າທີ່ການສິດສອນແລ້ວ ຍັງໄດ້ເຂົ້າຮ່ວມຂະບວນການປຸກລະດົມນໍາພາປະຊາຊົນລາວບັນດາເຜົ່າມີນໍ້າໃນຮັັັກຊາດ, ຄຽດແຄ້ນສັດຕູ, ຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າ, ຜ່ານໄລຍະເວລາອັນຍືດເຍື້ອຍາວນານ, ລະອິດລະອ້ຽວ, ນໍາພາປະຊາຊົນລຸກຮືຂຶ້ນຕໍ່ສູ້, ຈົນສຸດທ້າຍຕົນເອງຖືກຈັບກຸມຄຸມຂັງ ແຕ່ສາມາດໂຕນອອກຈາກຄຸກ ແລະ ເສຍຊີວິດໃນເວລາຕໍ່ມາ.
ໂອກາດນີ້, ທ່ານ ນາງ ວົງເດືອນ ວັດຕະໂສ ໄດ້ມີຄໍາເຫັນໂອ້ລົມກ່ອນອື່ນໄດ້ສະແດງຄວາມຊົມເຊີຍດີ ມາຍັງຖັນແຖວຄູ-ອາຈານ ຜູ້ບໍລິຫານການສຶກສາ, ລູກຫຼານນັກຮຽນທຸທົ່ວເມືອງ, ການຈັດພິທີສະເຫຼີມສະຫຼອງວັນຄູແຫ່ງຊາດໃນເທື່ອນີ້ ແມ່ນເພື່ອເປັນການສະຫຼຸບຕີລາຄາຕໍ່ຜົນງານຮອບດ້ານທີ່ຄູອາຈານ ກໍຄືຄະນະນໍາ ຕະຫຼອດທັງພະນັກງານ-ລັດຖະກອນໃນຂະແໜງການສຶກສາພ້ອມກັນຍາດແຍ່ງມາໄດ້ໄລຍະຜ່ານມາ ແລະ ທ່ານ ເຈົ້າເມືອງຮຽກຮ້ອງໃຫ້ພະນັກງານຄູ-ອາຈານ ຈົ່ງເພີ່ມທະວີຄວາມຮັບຜິດຊອບໃຫ້ສູງຂຶ້ນ, ວາງແຜນການເຄື່ອນໄຫວປະຈໍາເດືອນໃຫ້ລະອຽດຮັດກຸມ, ປັບປຸງຈຸດຄົງຄ້າງທີ່ຍັງເຮັດບໍ່ໄດ້ດີ, ຍົກສູງບົດບາດການນໍາພາ, ຈັດຍາບັນຂອງຄູ, ປະຕິບັດຄໍາຂວັນ 5 ຫຼັກມູນ, 3 ລັກສະນະຂອງການສຶກສາ, ເປັນເຈົ້າການແກ້ໄຂປະກົດການຫຍໍ້ທໍ້ໃນຖັນແຖວນັກຮຽນໄວໜຸ່ມທີ່ຫຼົງໄຫຼໄປນໍາຄ່ານິຍົມທີ່ບໍ່ຖືກຕ້ອງ, ເປັນຕົ້ນການໄປທ່ຽວຫຼິ້ນ, ຖືເບົາ, ປະລະການຮຽນ ແລະ ບັນຫາອື່ນໆທີ່ອາດກະທົບຕໍ່ການຮຽນ; ປຸກລະດົມພາກສ່ວນຕ່າງໆໃນສັງຄົມປະກອບສ່ວນວຽກງານພັດທະນາການສຶກສາ, ປັບປຸງສ້ອມແປງໂຮງຮຽນ, ສະໜອງວັດຖຸອຸປະກອນການຮຽນຕາມເງື່ອນໄຂສະດວກ.
ຂ່າວ-ພາບ: ຫຼ້າທໍ່ ປາຈ້າທໍ່.
ຄໍາເຫັນ