 |
ໃນປະຊຸມ, ສະຫາຍ ບູນເລີດ ສີຫາປັນຍາ ຮອງເລຂາພັກເມືອງ ປະທານປົກຄອງເມືອງ ຂຶ້ນຜ່ານແຈ້ງການແນະນຳຂອງ ຄະນະປະຈຳພັກແຂວງວຽງຈັນ ເລກທີ 09/ຄປພວຈ, ລົງວັນທີ 1 ກໍລະກົດ 2026 ວ່າດ້ວຍການເຜີຍແຜ່ ແລະ ເຊື່ອມຊຶມ ກົດລະບຽບພັກ ປະຊາຊົນ ປະຕິວັດລາວ ສະໄໝ XII.
 |
ຫຼັງຈາກນັ້ນ, ສະຫາຍ ຄຳເລ້ ໄຊຍະວົງສີ ໄດ້ຂຶ້ນເຊື່ອມຊຶມຄຳແນະນຳ ຂອງຄະນະຈັດຕັ້ງສູນກາງພັກ ເລກທີ 030/ຄຈສພ, ລົງວັນທີ 2 ພຶດສະພາ 2026 ກ່ຽວກັບການຈັດຕັ້ງປະຕິບັດກົດລະບຽບພັກ ປະຊາຊົນ ປະຕິວັດລາວ ສະໄໝ XII ເພື່ອແນໃສ່ບັນດາເລຂາໜ່ວຍພັກ ສະມາຊິກພັກທຸກໆສະຫາຍຢູ່ໃນສຳນັກງານຫ້ອງການ, ກົມກອງ, ໂຮງຮຽນ, ໂຮງໝໍ ແລະ ຢູ່ຮາກຖານບ້ານ ໄດ້ເຊື່ອມຊຶມ ແລະ ເຂົ້າໃຈ ກົດລະບຽບພັກປະຊາຊົນ ປະຕິວັດລາວ ສະໄໝທີ XII ໄດ້ກຳນົດຈະແຈ້ງຄວາມໝາຍ ຄວາມສຳຄັນຂອງພັກປະຊາຊົນ ປະຕິວັດລາວ ແລະ ມາດຖານເງື່ອນໃຂ ຂອງມະຫາຊົນກ້າວໜ້າ ທີ່ຈະເຂົ້າເປັນສະມາຊິກພັກ, ໃນເມືອເຂົ້າເປັນສະມາຊິກພັກແລ້ວ ຈະປະຕິຍານຕົນແນວໃດ ແລະ ຜິດກົດລະບຽບພັກ ຈະປະຕິບັດວິໄນແນວໃດ ຊຶ່ງສະຫາຍ ໄດ້ອະທິບາຍລະອຽດ ແລະ ຈະແຈ້ງ ຢູ່ໃນປື້ມລະບຽບພັກປະຊາຊົນ ປະຕິວັດລາວ ສະໄໝທີ XII ແລະ ໃນຕອນທ້າຍ ເພື່ອເປັນການຊົມເຊີຍຕໍ່ພະນັກງານສະມາຊິກພັກ ທີ່ໄດ້ຮັບອຸດໜູນ-ບໍານານ ຊຶ່ງມີຜົນງານໃນສົກ 2024-2025 ຜ່ານມາ ຈຶ່ງໄດ້ມອບຫຼຽນທີ່ລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ ໃຫ້ຈຳນວນ 33 ສະຫາຍ, ຍິງ 3 ສະຫາຍ, ເປັນກຽດຂຶ້ນມອບ ໂດຍ ສະຫາຍ ຄຳເລ້ ໄຊຍະວົງສີ.
ພາບ-ຂ່າວ ຈັນສະໝອນ ຊາມົນຕີ
ຄໍາເຫັນ