ທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ ໃດ້ໃຫ້ສຳ ພາດຕໍ່ສື່ມວນຊົນວ່າ: ມຊ ໄດ້ກະ ກຽມຄວາມພ້ອມຢ່າງຮອບດ້ານສຳລັບການເປີດຮັບລົງທະບຽນສອບເສັງໃນສົກສຶກສາ 2026-2027 ນີ້. ໂດຍໄດ້ ແຕ່ງຕັ້ງຄະນະຊີ້ນໍາ ແລະ ຄະນະຮັບ ຜິດຊອບການສອບເສັງ ກໍຄືບຸກຄະ ລາກອນໃຫ້ພ້ອມຮັບບໍລິການນັກສອບເສັງຢ່າງເຕັມທີ່; ໄດ້ປັບປຸງລະບົບການລົງທະບຽນ Online ໃຫ້ທັນສະໄໝ, ງ່າຍດາຍຫຼາຍຂຶ້ນ ແລະ ມີປະສິດທິພາບ; ໄດ້ຈັດສະຖານທີ່ໃຫ້ບໍລິການດ້ານຂໍ້ມູນຂ່າວສານ ແລະ ການຊີ້ນຳ ຕ່າງໆ ເພື່ອອຳນວຍຄວາມສະດວກ ໃຫ້ນັກຮຽນ ແລະ ຜູ້ປົກຄອງ; ໃນວັນ 6 ກໍລະກົດນີ້ ເປັນມື້ເລີ່ມຕົ້ນ ເປີດລະບົບອອນລາຍໃຫ້ຜູ້ສະໝັກ ເຂົ້າສະໝັກລົງທະບຽນສອບເສັງຜ່ານທາງອອນລາຍ ແລະ ໃນວັນທີ 13 ກໍລະກົດນີ້ຈະໄດ້ເປີດສູນຮັບລົງທະ ບຽນ ໃຫ້ຜູ້ສະໝັກມາເອົາບັດເຂົ້າຫ້ອງ ສອບເສັງໄດ້ຢູ່ທີ່ສະໂມສອນໃຫຍ່ ມຊ; ໃນວັນທີ 5 ສິງຫານີ້ ຈະໄດ້ປິດລະບົບ ການລົງທະບຽນຜ່ານທາງອອນລາຍ ແລະ ໃນວັນທີ 8 ສິງຫານີ້ ເປັນມື້ຈັດ ຕັ້ງການສອບເສັງ.
ການສອບເສັງຄັ້ງນີ້ໄດ້ແບ່ງອອກ ເປັນ 2 ກຸ່ມຄື: ກຸ່ມ A ແລະ ກຸ່ມ B, ກຸ່ມ A (ກຸ່ມວິທະຍາສາດ ແລະ ເຕັກ ໂນໂລຊີ ຫຼື STEM); ກຸ່ມ B (ກຸ່ມສັງຄົມສາດ ແລະ ມະນຸດສາດ ຫຼື Non-STEM); ກຸ່ມ A ຄະນິດສາດ A + ຟີຊິກສາດ; ພາສາລາວ-ວັນ ນະຄະດີ + ເຄມີສາດ + ຊີວະສາດ + ພາສາອັງກິດ ແລະ ກຸ່ມ B ຄະນິດສາດ B + ພາສາລາວ-ວັນນະຄະດີ; ພູມີສາດ + ປະຫວັດສາດ + ພາສາ ອັງກິດ. ສໍາລັບການເປີດຮັບສະໝັກສອບເສັງ ໃນສົກສຶກສາ 2026-2027 ນີ້, ມຊ ມີຫຼັກສູດທີ່ເປີດໃຫ້ລົງທະບຽນທັງ ໝົດດັ່ງນີ້: ລະດັບປະລິນຍາຕີມີທັງ ໝົດ 125 ຫຼັກສູດ, ໃນນັ້ນປະກອບ ມີຫຼັກສູດນາໆຊາດ 2 ຫຼັກສູດ, ຫຼັກ ສູດທີ່ເປີດໃຫ້ສະໝັກສອບເສັງມີທັງໝົດ 115 ຫຼັກສູດ, ແບ່ງອອກເປັນ: ສາຍ A (ວິທະຍາສາດ ແລະ ເຕັກໂນ ໂລຊີ): 65 ຫຼັກສູດ ແລະ ສາຍ B (ສັງຄົມສາດ ແລະ ມະນຸດສາດ): 50 ຫຼັກສູດ. ສຳລັບລະດັບອະນຸປະລິນຍາ: ຍັງມີຫຼັກສູດອື່ນໆ ທີ່ເປີດຮັບສະໝັກ ຊຶ່ງນ້ອງໆ ສາມາດຕິດຕາມລາຍ ລະອຽດເພີ່ມເຕີມໄດ້ທີ່ປະກາດຂອງ ມະຫາວິທະຍາໄລ. ມຊ ໄດ້ມີການພັດ ທະນາຫຼັກສູດຢ່າງຕໍ່ເນື່ອງ ເພື່ອຕອບ ສະໜອງຕໍ່ຄວາມຕ້ອງການຂອງຕະ ຫຼາດແຮງງານທັງພາຍໃນ ແລະ ສາກົນ ຊຶ່ງປັດຈຸບັນມີເຖິງ 260 ກວ່າຫຼັກສູດ ໃນນັ້ນ ເປັນຫຼັກສູດປະລິນຍາຕີ 125 ຫຼັກສູດ ແຕ່ເປີດໃຫ້ສອບເສັງ 115 ຫຼັກສູດ ຊຶ່ງແຕ່ລະສາຂາວິຊາກໍ ລ້ວນ ແຕ່ມີຄວາມສໍາຄັນ ສາມາດປະກອບ ອາຊີບໄດ້ ທັງຮູບແບບລັດຖະກອນ ແລະ ນໍາພາກເອກະຊົນ. ຖ້າຫາກສົນ ໃຈສາຂາອາຊີບໃດກໍເລືອກຮຽນສາຂາວິຊາກ່ຽວຂ້ອງ ແຕ່ຢາກແນະນໍາວ່າ ບາງເທື່ອເລືອກເສັງໃນສາຂາວິຊາທີ່ສັງຄົມນິຍົມແຂ່ງຂັນກັນເຂົ້າຮຽນ ກໍມີ ຄວາມສ່ຽງເພາະມີການແຂ່ງຂັນສູງ ເພາະປີຜ່ານມາ ບາງວິຊາ ເຊັ່ນ: ພາສາ ຈີນ ສະໝັກເຖິງ 1,000 ກວ່າຄົນ ແຕ່ ມຊ ກໍສາມາດຮັບໄດ້ພຽງແຕ່ 100 ກວ່າຄົນ ສະນັ້ນຜູ້ສະໝັກຕ້ອງໄດ້ ພິຈາລະນາໃຫ້ຖີ່ຖ້ວນ ບໍ່ຄວນແລ່ນຕາມກະແສສັງຄົມເກີນໄປ; ຍິ່ງແຂ່ງ ຂັນຫຼາຍກໍສ່ຽງຫຼາຍເທົ່ານັ້ນ ນັບທັງ ການແຂ່ງຂັນເສັງເຂົ້າ ແລະ ແຂ່ງຂັນ ປະກອບອາຊີບ.
ສໍາລັບວິຊາໃໝ່ທີ່ຫາກໍໄດ້ຮັບອະນຸມັດ ແລະ ຈະເປີດໃນສົກສຶກສານີ້: ຄະນະວິຊາ ວິທະຍາສາດທໍາມະຊາດມີ 2 ຫຼັກສູດ ຄື: ຄະນິດສາດ ແລະ ຄອມພິວເຕີສໍາລັບທຸລະກິດ ແລະ ຄະນິດສາດສໍາລັບການເງິນ ແລະ ການປະກັນໄພລະດັບປະລິນຍາຕີ; ຄະນະວິຊາ ກະເສດສາດ ມີ 2 ຫຼັກສູດ ຄື: ເຕັກໂນໂລຊີການຜະລິດງົວນົມ ແລະ ການຈັດການທີ່ດິນກະສິ ກໍາແບບຍືນຍົງລະດັບປະລິນຍາຕີ ແລະ ຄະນະວິຊາ ອັກສອນສາດ ມີ 1 ຫຼັກສູດ ຄື: ພາສາຈີນສໍາລັບທ່ອງ ທ່ຽວລະດັບປະລິນຍາຕີ ພ້ອມ ດຽວກັນ, ມຊ ກໍໄດ້ໂຈະບາງຫຼັກ ສູດທີ່ບໍ່ມີຜູ້ສະໝັກເຂົ້າຮຽນຈຳນວນ 21 ຫຼັກສູດຄື: ຫຼັກສູດປະລິນຍາຕີ 5 ຫຼັກສູດ, ຫຼັກສູດຕໍ່ເນື່ອງປະລິນຍາຕີ 11 ຫຼັກສູດ ແລະ ຫຼັກສູດອະນຸປະລິນ ຍາ 5 ຫຼັກສູດ. ສຳລັບແຜນຄວາມ ສາມາດຮັບນັກສຶກສາໃໝ່ເຂົ້າຮຽນໃນທຸກໆຫຼັກສູດປະລິນຍາຕີ ຂອງ ມຊ ໃນສົກສຶກສາ 2026-27 ແມ່ນ 5,570 ຄົນ. ນອກຈາກນັ້ນຍັງມີການສອບ ເສັງເອົານັກສຶກສາເຂົ້າຮຽນຫຼັກສູດ ນາໆຊາດ, ຫຼັກສູດຕໍ່ເນື່ອງ ປ.ຕີ ແລະ ຫຼັກສູດຫຼາຍທາງເລືອກ (ຈັດການ ສອນໃນວັນເສົາ, ວັນອາທິດ ແລະ ພາກຄໍ່າ) ຊຶ່ງໄດ້ຈັດສອບເສັງຕ່າງຫາກ
ສໍາລັບວັນເວລາຈັດການສອບເສັງແມ່ນ ວັນທີ 8 ສິງຫາ 2026 ນີ້ ແລະ ຈະປະກາດຜົນໃຫ້ໄວຂຶ້ນກວ່າປີຜ່ານ ມາ ແນໃສ່ວັນທີ 24 ສິງຫາ 2026 ແລະ ຈະເປີດຮັບລົງທະບຽນວັນທີ 31 ສິງຫາ 2026 ເປັນຕົ້ນໄປ. ມະຫາວິທະຍາໄລແຫ່ງຊາດເປີດຊ່ອງທາງຫຼາຍດ້ານໃຫ້ຜູ້ທີ່ສົນໃຈໄດ້ສອບ ຖາມຂໍ້ມູນສະເພາະກ່ຽວກັບການລົງ ທະບຽນສອບເສັງ, ຊຶ່ງປະກອບມີ: Facebook: ກໍສາມາດຕິດຕາມ ແລະ ສົ່ງຂໍ້ຄວາມສອບຖາມໄດ້ທີ່ ເຟສບຸກ Fanpage: ຂ່າວສານ ມຊ; ເວັບໄຊ: ສາມາດເຂົ້າເບິ່ງຂໍ້ມູນ ແລະ ດາວໂຫຼດເອກະສານໄດ້ທີ່ www.nuol.edu.la.
ການກະກຽມຈະມາລົງທະບຽນ ສະໝັກສອບເສັງ ແມ່ນໃຫ້ກະກຽມ ດັ່ງນີ້: 1) ກ່ອນອື່ນໝົດແມ່ນໃຫ້ຄົ້ນ ຄິດຕັດສິນໃຈເລືອກສາຂາວິຊາທີ່ຈະ ເຂົ້າສະໝັກສອບເສັງ ເພາະນັ້ນຄືອາ ຊີບໃນອະນາຄົດຂອງຜູ້ຈະສອບເສັງ ນັ້ນເອງ. 2) ກະກຽມເອກະສານໃຫ້ ຄົບຖ້ວນ: ກະລຸນາກຽມໃບຢັ້ງຢືນ ການສຶກສາ ຈົບ ມ7, ຮູບຖ່າຍ ແລະ ເອກະສານອື່ນໆ ທີ່ກ່ຽວຂ້ອງໃຫ້ ຖືກຕ້ອງຕາມລາຍການທີ່ປະກາດໄວ້ ເພື່ອການຢັ້ງຢືນ. 3) ກະກຽມເງິນຄ່າ ທຳນຽມການສອບເສັງ ແລະ ວິທີການ ຊຳລະຕາມທີ່ກຳນົດໄວ້. 4) ສຶກສາຂໍ້ ມູນການສອບເສັງລ່ວງໜ້າ: ຄວນສຶກສາຮູບແບບຂໍ້ສອບເສັງ, ກົດລະບຽບ ແລະ ເວລາສອບເສັງຈາກປະກາດ ຂອງມະຫາວິທະຍາໄລ. 5) ກະກຽມ ສຸຂະພາບ: ລະມັດລະວັງອາຫານການ ກິນ, ພັກຜ່ອນໃຫ້ພຽງພໍ ແລະ ກຽມ ສະຕິໃຫ້ມີສະມາທິທີ່ດີ ເພື່ອກຽມຕົວ ສອບເສັງຢ່າງເຕັມທີ່ ແລະ 6) ຕິດ ຕາມຂ່າວສານຢ່າງສະໝໍ່າສະເໝີ: ຕິດຕາມການປ່ຽນແປງ ແລະ ຂໍ້ມູນໃໝ່ໆ ຜ່ານທາງຊ່ອງທາງ ທາງການຂອງມະ ຫາວິທະຍາໄລ.
ຂ່າວ-ພາບ: ບຸນຕອມ
ຄໍາເຫັນ