ມຊ ສະຫຼອງວັນຄູແຫ່ງຊາດ

ມຊ ສະຫຼອງວັນຄູແຫ່ງຊາດ, ສະຫຼຸບສົກຮຽນ ແລະ ເປີດສົກຮຽນໃໝ່

09:46 31/10/2024

ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ (7 ຕຸລາ 1994-7 ຕຸລາ 2024) ຄົບຮອບ 30 ປີ, ສະຫຼຸບຊຸດຮຽນ2020-2024,

ສະຫຼຸບສົກຮຽນ 2023-2024 ແລະ ເປີດສົກຮຽນໃໝ່ 2024-2025 ຂຶ້ນໃນວັນທີ 30 ຕຸລານີ້ ທີ່ ມຊ ໂດຍການເປັນປະທານຂອງທ່ານ ເດຊານຸລາດ ແສນດວງເດດ ວ່າການແທນອະທິການບໍດີ ມຊ, ເຂົ້າຮ່ວມເປັນກຽດຂອງທ່ານ ກິ່ງມະໂນ ພົມມະຫາໄຊຮອງລັດຖະມົນຕີກະຊວງສຶກສາທິການ ແລະກິລາ (ສສກ), ມີທ່ານ ບໍ່ແສງຄຳວົງດາລາປະທານສະພາມຊ,ມີຮອງອະທິການບໍດີ, ຄະນະບໍດີ, ຜູ້ອຳນວຍການສະຖາບັນ, ຄູ-ອາຈານ, ນັກສຶກສາເຂົ້າຮ່ວມ.

ທ່ານ ເດຊານຸລາດ ແສນດວງເດດ ກ່າວວ່າ:ການຈັດພິທີສະເຫຼີມສະຫຼອງວັນຄູແຫ່ງຊາດໃນມື້ນີ້ ເພື່ອລະນຶກເຖິງຄຸນງາມຄວາມດີຂອງຄູຜູ້ທີ່ເສຍສະຫຼະ ແລະປະຕິບັດໜ້າທີ່ອັນມີກຽດເພື່ອໃຫ້ຄວາມຮູ້ ແລະແສງສະຫວ່າງແກ່ລູກຫຼານຂອງປະຊາຊົນລາວບັນດາເຜົ່າຕະຫຼອດໄລຍະຜ່ານມາ ໂດຍກຳນົດເອົາວັນເຂົ້າສັງກັດຄູຂອງນາຍຄູຄຳຜູ້ທີ່ທັງສິດສອນຄວາມຮູ້ວິຊາການທັງອົບຮົມບົ່ມເພາະແນວຄິດຮັກຊາດຮັກບ້ານເກີດເມືອງນອນໃນສະໄໝຕໍ່ສູ້ກູ້ຊາດຕ້ານພວກລ່າເມືອງຂຶ້ນໃນຕົ້ນສະຕະວັດທີ 20.

ໃນພິທີໄດ້ມີການສະຫຼຸບຊຸດຮຽນ 2020-2024, ສະຫຼຸບສົກຮຽນ 2023-2024ແລະເປີດສົກຮຽນ 2024-2025 ຂອງ ມຊ;ມຊ ໄດ້ຮັບການສ້າງຕັ້ງໃນປີ1996 ໂດຍການຮວມເອົາ 3 ມະຫາວິທະຍາໄລແລະ 7 ສະຖາບັນການສຶກສາຊັ້ນສູງທີ່ຂຶ້ນກັບຫຼາຍກະຊວງມາເປັນມະຫາວິທະຍາໄລແຫ່ງດຽວເອີ້ນວ່າ: ມະຫາວິທະຍາໄລແຫ່ງຊາດຊຶ່ງມີອາຍຸໄດ້ 28 ປີປະກອບມີ 13 ຄະນະວິຊາ, 2 ສະຖາບັນ, 11 ຫ້ອງການ; ນອກນີ້ຍັງມີບັນດາສູນ, ຫໍສະໝຸດກາງແລະໂຮງໝໍວິທະຍາເຂດ,ປັດຈຸບັນມີຫຼັກສູດການຮຽນ-ການສອນທັງໝົດ 267 ຫຼັກສູດ ໃນນັ້ນມີປະລິນຍາເອກ 11 ຫຼັກສູດ, ປະລິນຍາໂທ 70ຫຼັກສູດ,ປະລິນຍາຕີ 119 ຫຼັກສູດ, ຫຼັກສູດຕໍ່ເນື່ອງປະລິນຍາຕີ 44 ຫຼັກສູດ ແລະ ຫຼັກສູດອະນຸປະລິນຍາ 4ຫຼັກສູດ.(ໃນນັ້ນມີຫຼັກສູດນາໆຊາດປະລິນຍາໂທ 1 ຫຼັກສູດແລະຫຼັກສູດນາໆຊາດປະລິນຍາຕີ 2 ຫຼັກສູດ), ມຊ ມີວິໄສທັດວ່າສ້າງໃຫ້ມະຫາວິທະຍາໄລແຫ່ງຊາດກາຍເປັນສູນກາງການສຶກສາ ແລະການຄົ້ນຄວ້າວິທະຍາສາດທີ່ມີຄຸນນະພາບໄດ້ມາດຕະຖານພາກພື້ນ ແລະ ສາກົນ.

ໃນຊຸດຮຽນ 2020-2024 ມີນັກສຶກສາທີ່ສຳເລັດການສຶກສາທັງໝົດ 18,240 ຄົນ ຍິງ 8,772 ຄົນ;ສົກຮຽນ 2023-2024 ມີນັກສຶກສາທີ່ສຳເລັດການສຶກສາທັງໝົດ 5,649 ຄົນ ຍິງ 2,605 ຄົນ, ມີນັກສຶກສາໄດ້ຮັບກຽດນິຍົມທັງໝົດ 96 ຄົນ ຍິງ 59 ຄົນ.ໃນສົກຮຽນນີ້ຈຶ່ງມີຄູດີເດັ່ນປະເພດນາມມະຍົດຈໍານວນ 1,220 ທ່ານຍິງ 569 ທ່ານ, ຂັ້ນກະຊວງສຶກສາທິການ ແລະກິລາຈໍານວນ 670 ທ່ານ ຍິງ 340 ທ່ານ, ຂັ້ນມະຫາວິທະຍາໄລແຫ່ງຊາດຈໍານວນ 214 ຄົນ ຍິງ 119 ຄົນ ໃຫ້ກຽດມອບໃບຍ້ອງຍໍໂດຍທ່ານ ກິ່ງມະໂນ ພົມມະຫາໄຊແລະ ມອບໃບປະກາສະນີຍະບັດແດງໃຫ້ນັກສຶກສາຈຳນວນ 96 ຄົນ, ໂອກາດນີ້ຜູ້ເຂົ້າຮ່ວມກອງປະຊຸມຍັງໄດ້ຮັບຟັງການໂອ້ລົມໃຫ້ທິດຊີ້ນຳຂອງທ່ານກິ່ງມະໂນ ພົມມະຫາໄຊ ຕື່ມອີກ.

ຂ່າວ-ພາບ: ພູວັນ+ວັນເພັງ

ຄໍາເຫັນ

ຂ່າວສືກສາ-ກິລາ

ໄອ-ສະປອດ ສືບຕໍ່ມອບເຄື່ອງນຸ່ງກິລາໃຫ້ທີມນັກຂ່າວສາຍກິລາລາວ

13/03/2026 13:05

ບໍລິສັດ ຜະລິດ-ຈຳໜ່າຍ ເຄື່ອງກິລາພິມລາຍ ໄອ-ສະປອດ ຫຼື Ai-Sport ລະດັບແຖວໜ້າຂອງປະເທດລາວ ສືບຕໍ່ໃຫ້ການສະໜັບສະໜູນເຄື່ອງນຸ່ງກິລາພິມລາຍ ຈຳນວນ 40 ກວ່າຊຸດ ລວມມູນຄ່າຫຼາຍກວ່າ 10 ລ້ານກີບ ໃຫ້ທີມນັກຂ່າວສາຍກິລາລາວ ຫຼື ລາວສະປອດມິເດຍ ເພື່ອສືບຕໍ່ເຄື່ອນໄຫວອອກກຳລັງກາຍສ້າງກິດຈະກຳຮ່ວມກັບບັນດາພາກສ່ວນຕ່າງໆ ທັງພາກລັດ-ເອກະຊົນປະຈຳປີ 2026 ເພື່ອສ້າງຂະບວນການສະເຫຼີມສະຫຼອງວັນສຳຄັນຕ່າງໆຂອງຊາດ.

ອພສ ແຂວງເຊກອງ ເຜີຍແຜ່ສິນລະທັມຢູ່ໂຮງຮຽນ ມສ ເມືອງກະລຶມ

13/03/2026 10:13

ເພື່ອເປັນການສົ່ງເສີມ ອະນຸລັກ ປົກປັກຮັກສາຮີດ 12 ຄອງ 14 ໃຫ້ຄົງຢູ່ຄູ່ກັບຄົນລາວ, ຊາດລາວຕະຫຼອດໄປ, ໃນວັນທີ 12 ມີນາຜ່ານມາ, ອົງການພຸດທະສາສະໜາສັມພັນລາວ (ອພສ) ແຂວງເຊກອງ ໄດ້ສົມທົບກັບ ພາກສ່ວນກ່ຽວຂ້ອງຂັ້ນແຂວງ ແລະ ເມືອງກະລຶມ ໄດ້ລົງເຜີຍແຜ່ສິນລະທັມຢູ່ໂຮງຮຽນ ມສ ເມືອງກະລືມ ໂດຍມີຄະນະນໍາຫ້ອງການສຶກສາທິການ ແລະ ກິລາເມືອງ, ຄະນະອໍານວຍການໂຮງຮຽນ ພ້ອມດ້ວຍຄູ-ອາຈານ ແລະ ນ້ອງນັກຮຽນ ເຂົ້າຮ່ວມຮັບຟັງ.

ຮມປຂ ເຊກອງ ມອບໃບຢັ້ງຢືນທິດສະດີການເມືອງ ຂັ້ນກາງ ຮຸ່ນທີ V ແລະ ຂັ້ນຕົ້ນ ຮຸ່ນທີ Vlll

12/03/2026 16:01

ໂຮງຮຽນການເມືອງ-ການປົກຄອງແຂວງເຊກອງ (ຮມປຂ) ໄດ້ຈັດພິທີມອບໃບຢັ້ງຢືນທິດສະດີການເມືອງ ຂັ້ນກາງ ລະບົບ 6 ເດືອນ ຮຸ່ນທີ V, ຂັ້ນຕົ້ນ ລະບົບ 3 ເດືອນ ຮຸ່ນທີ VIlI ພ້ອມເປີດຊຸດຮຽນທິດສະດີການເມືອງ ຂັ້ນຕົ້ນ ຮຸ່ນທີ lX ປະຈຳປີ 2026 ຂຶ້ນໃນຕອນບ່າຍວັນທີ 11 ມີນາຜ່ານມານີ້ ທີ່ສະໂມສອນແຂວງ, ໂດຍມີສະຫາຍ ບຸນຫຼາຍ ບຸດທິ ກຳມະການສູນກາງພັກ ເລຂາພັກແຂວງ, ມີສະຫາຍ ດາວສະຫວັນ ເຄືອງມີໄຊ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີພະແນກການກ່ຽວຂ້ອງອ້ອມຂ້າງແຂວງ, ຄະນະປະຈໍາພັກເມືອງ 4 ເມືອງ, ຄະນະນໍາໂຮງຮຽນການເມືອງ-ການປົກຄອງແຂວງສາລະວັນ, ແຂວງອັດຕະປື, ແຂວງຈຳປາສັກ ເຂົ້າຮ່ວມ.

ສະພາທິດສະດີສູນກາງພັກ ມອບປຶ້ມໃຫ້ ມຊ

12/03/2026 14:57

ຫ້ອງການສະພາທິດສະດີສູນກາງພັກ ມອບປຶ້ມຜົນງານການຄົ້ນຄວ້າທາງດ້ານທິດສະດີ ແລະ ພຶດຕິກຳ ຂອງສະພາທິດສະດີສູນກາງພັກ ໃຫ້ມະຫາວິທະຍາໄລແຫ່ງຊາດ (ມຊ) ໃນວັນທີ 12 ມີນານີ້ ທີ່ ມຊ ໂດຍການກ່າວມອບຂອງທ່ານ ຄໍາມອນ ຈັນທະຈິດ ກຳມະການສຳຮອງສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຮອງປະທານຜູ້ປະຈຳການສະພາທິດສະດີສູນກາງພັກ ແລະ ກ່າວຮັບໂດຍທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ພະແນກ ຍທຂ ຄວ້າແຊັມເປຕັງ ຊີງຂັນທ່ານເຈົ້າຄອງ ຕ້ອນຮັບກອງປະຊຸມໃຫຍ່ແນວລາວສ້າງຊາດ ນວ

12/03/2026 14:51

ທີມເປຕັງ ພະແນກໂຍທາທິການ ແລະ ຂົນສົ່ງ (ຍທຂ) ນະຄອນຫຼວງວຽງຈັນ (ນວ) ຄວ້າແຊັມການແຂ່ງ ຂັນກິລາເປຕັງ ຊີງຂັນທ່ານເຈົ້າຄອງນະຄອນຫຼວງວຽງຈັນ (ນວ) ໄດ້ຮັບຂັນລາງວັນຊະນະເລີດ 1 ໜ່ວຍ ພ້ອມເງິນລາງວັນ 3 ລ້ານກີບ, ສ່ວນຮອງຊະນະເລີດ ທີມອົງການໄອຍະການປະຊາຊົນ ນວ ໄດ້ຮັບຂັນ 1 ໜ່ວຍ ພ້ອມເງິນລາງວັນ 2 ລ້ານກີບ, ທີ 3 ແມ່ນທີມພະແນກສຶກສາທິການ ແລະ ກິລາ ນວ ໄດ້ຮັບຂັນ 1 ໜ່ວຍ ພ້ອມເງິນລາງວັນ 1.5 ລ້ານກີບ ແລະ ທີ 4 ແມ່ນທີມພະແນກອຸດສາຫະກໍາ ແລະ ການຄ້າ ນວ ໄດ້ຮັບເງິນລາງວັນ 1 ລ້ານກີບ.

ນາງ ພອນລິສາ ສິນລະປະກິດ ໄດ້ຫຼຽນຄຳ ງານໂອແລັມປິກແຂ່ງຂັນ ວິຊາຄະນິດສາດ

12/03/2026 10:15

ນາງ ພອນລິສາ ສິນລະປະກິດ ຈາກໂຮງຮຽນນານາຊາດອ໋ອດສະກາ ເຂົ້າຮ່ວມງານໂອແລັມປິກແຂ່ງຂັນວິຊາຄະນິດສາດ ແລະ ວິທະຍາສາດສັງຄົມ ຊຶ່ງຈັດຂຶ້ນໃນວັນທີ 28ກຸມພາ ຜ່ານມາ ທີ່ປະເທດຟີລິບປິນ ໃນລະດັບຊັ້ນ ມ.4, ໃນວິຊາຄະນິດສາດຊຶ່ງເປັນຫຼຽນຄໍາໜຶ່ງດຽວທີ່ນັກຮຽນລາວ ຍາດມາໄດ້ໃນການເຂົ້າຮ່ວມແຂ່ງຂັນຄັ້ງນີ້, ສ່ວນວິຊາ ວິທະຍາສາດສັງຄົມແມ່ນໄດ້ຮັບຫຼຽນທອງ, ສໍາລັບວິຊາຄະນິດສາດ ໂດຍອີງໃສ່ຄະແນນ ແລະ ເງື່ອນໄຂຕ່າງໆທີ່ກ່ຽວຂ້ອງ ຄະນະຜູ້ຈັດການສອບເສັງໂອແລັມປິກໄດ້ມອບຂັນລາງວັນກຽດນິຍົມຂັ້ນສູງພິເສດໃຫ້ນໍາດ້ວຍ.

ບໍ່ແຕນ ເປີດອົບຮົມວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ປະຈໍາປີ 2026

11/03/2026 16:06

ກອງບັນຊາການທະຫານ ເມືອງບໍ່ແຕນ ແຂວງໄຊຍະບູລີ ເປີດຊຸດອົບຮົມ ວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ຂຶ້ນຢູ່ທີ່ໂຮງຮຽນມສ ບໍ່ແຕນມີໄຊ ໃນວັນທີ 10 ມີນານີ້ ໂດຍການເຂົ້າຮ່ວມຂອງທ່ານ ຄໍາພັນ ພັນທະວົງ ຮອງເລຂາພັັກເມືອງ ປະທານກວດກາພັກ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ, ມີນ້ອງນັກຮຽນຊັ້ນ ມ7 ຈາກ 3 ໂຮງຮຽນຄື: ໂຮງຮຽນ ມສ ບໍ່ແຕນມີໄຊ, ມສ ບໍ່ແຕນ ແລະ ໂຮງຮຽນ ມສ ນ້ຳພຸ ຊຶ່ງມີນັກຮຽນເຂົ້າຮ່ວມທັງໝົດ 145 ນ້ອງ ຍິງ 46 ນ້ອງ ເຂົ້າຮ່ວມ.

ສ້າງຄວາມເຂົ້າໃຈ ໂຄງການຂົນສົ່ງແບບຍືນຍົງໃນຕົວເມືອງໃຫ້ນັກຮຽນ ມສ ສາທິດ

11/03/2026 15:55

ເພື່ອເຮັດໃຫ້ຄູ-ອາຈານ ແລະ ນັກຮຽນໄດ້ຮັບຮູ້ເຂົ້າໃຈ ກ່ຽວກັບປະຫວັດຄວາມເປັນມາ ຄວາມໝາຍ ຄວາມສໍາຄັນ ແລະ ຜົນປະໂຫຍດທີ່ຈະໄດ້ຮັບໃນການນໍາໃຊ້ລົດເມດ່ວນ BRT ຮັບຮູ້ເຖິງແນວທາງນະໂຍບາຍຂອງພັກ-ລັດໃນການສ້າງສາ ແລະ ພັດທະນາປະເທດຊາດ ໃຫ້ທ່ວງທັນກັບສະພາບການໃນຍຸກປັດຈຸບັນ ແນໃສ່ແກ້ໄຂບັນຫາການສັນຈອນແອອັດ ໂດຍການຫັນມາໃຊ້ລົດເມດ່ວນ BRT ໃນການເດີນທາງ.

ໂຮງຮຽນ ມສ ແຂວງເຊກອງຍົກລະດັບການນຳໃຊ້ເຄື່ອງມືສະມາສ໌ບອດ ແລະອຸປະກອນເອໄອ.

11/03/2026 15:53

ໃນວັນທີ 11 ມິນານີ້ ໂຮງຮຽນມັດທະຍົມສົມບູນ (ມສ) ແຂວງເຊກອງ ໄດ້ຈັດອົບຮົມປະຖົມນິເທດການນຳໃຊ້ສະມາສ໌ບອດ ແລະ ການນຳໃຊ້ອຸປະກອນເອໄອ (AI) ເຂົ້າໃນການຮຽນ-ການສອນ ໃຫ້ຄູ-ອາຈານ ຢູ່ທີ່ສູນໄອຊິທີ (ICT) ພະແນກສຶກສາທິການ ແລະ ກິລາແຂວງເຊກອງ ໂດຍທ່ານ ຄຳໄພ ສິມມາວັດ ຫົວໜ້າພະແນກສຶກສາທິການ ແລະ ກິລາແຂວງ, ມີຄູຝຶກ ແລະ ນັກສຳມະນາກອນເຂົ້າຮ່ວມ.

ແຂ່ງຂັນກິລາເປຕັງ ຊີງຂັນທ່ານເຈົ້າຄອງ ຕ້ອນຮັບກອງປະຊຸມໃຫຍ່ຜູ້ແທນແນວລາວສ້າງຊາດ ນວ

11/03/2026 15:47

ການແຂ່ງຂັນກິລາເປຕັງ ຊີງຂັນທ່ານເຈົ້າຄອງນະຄອນຫຼວງວຽງຈັນ (ນວ) ເພື່ອຕ້ອນຮັບກອງປະຊຸມໃຫຍ່ ຄັ້ງທີ IX ຜູ້ແທນແນວລາວສ້າງຊາດ ນວ ແລະ ສະເຫຼີມສະຫຼອງວັນສ້າງຕັ້ງພັກ ຄົບຮອບ 71 ປີຈັດຂຶ້ນໃນວັນທີ 11 ມີນານີ້ ທີ່ສະໜາມກິລາເປຕັງແຫ່ງຊາດ (ເຂດດົງໂດກ) ໂດຍມີທ່ານ ພົງສະຫວັນ ສີລິພັນ ປະທານແນວລາວສ້າງຊາດ ນວ, ມີບັນດາຮອງປະທານ, ອົງການຈັດຕັ້ງມະຫາຊົນ ນວ, ຄະນະຮັບຜິດຊອບຈັດການແຂ່ງຂັນ, ແນວລາວສ້າງຊາດເມືອງ 9 ເມືອງ ແລະ ພາກທຸລະກິດເຂົ້າຮ່ວມ.

ເພີ່ມເຕີມ