 |
ໃນພິທີ, ທ່ານ ສິນທະວອນ ດາລາວົງ ຮອງອະທິການບໍດີ ມຊ ໄດ້ຂຶ້ນຜ່ານບົດສະຫຼຸບການຈັດຕັ້ງເຄື່ອນ ໄຫວວຽກງານປະຈໍາສົກຮຽນ 2024-2025 ແລະ ຜ່ານແຜນການສົກຮຽນ 2025-2026 ວ່າ: ໃນສົກຮຽນ 2024-2025 ໄດ້ເປີດຮັບນັກສຶກສາໃໝ່ເຂົ້າຮຽນທັງໝົດ 14,646 ຄົນ, ຍິງ 7,464 ຄົນ ສະຖິຕິນັກສຶກສາ (ເດືອນ 9/2025). ໃນນັ້ນ, ລະດັບປະລິນຍາເອກ 62 ຄົນ, ຍິງ 32 ຄົນ, ປະລິນຍາໂທ 1,639 ຄົນ, ຍິງ 605 ຄົນ, ນັກສຶກສາປະລິນຍາຕີ ແລະ ອະນຸປະລິນຍາຕີ 12,945 ຄົນ, ຍິງ 6,827 ຄົນ ມີຫຼັກສູດການຮຽນ-ການສອນ ທັງໝົດ 262 ຫຼັກສູດ.
 |
ໃນນັ້ນ, ຫຼັກສູດປະລິນຍາເອກ 13 ຫຼັກສູດ, ປະລິນຍາໂທ 74 ຫຼັກສູດ (ນາໆຊາດ ປະລິນຍາໂທ 2 ຫຼັກສູດ), ປະລິນຍາຕີ 123 ຫຼັກສູດ (ນາໆຊາດປະລິນຍາຕີ 2 ຫຼັກສູດ), ຕໍ່ເນື່ອງປະລິນຍາຕີ 46 ຫຼັກສູດ ແລະ ອະນຸປະລິນຍາ 6 ຫຼັກສູດ, ມີຜູ້ສໍາເລັດການສຶກສາທັງໝົດ 3,352 ຄົນ, ຍິງ 1,686 ຄົນ, ປະລິນຍາເອກ 5 ຄົນ, ຍິງ 1 ຄົນ, ປະລິນຍາໂທ 377 ຄົນ, ຍິງ 147 ຄົນ, ປະລິນຍາຕີ 2,970 ຄົນ, ຍິງ 1,538 ຄົນ, ອານຸປະລິນຍາ 4 ຄົນ. ມຊ ມີພະນັກງານຄູ-ອາຈານທັງໝົດ 1,455 ທ່ານ, ຍິງ 697 ທ່ານ, ພະ ນັກງານບໍລິຫານ 255 ທ່ານ, ຍິງ 159 ທ່ານ ແລະ ອາຈານສອນ 1,200 ທ່ານ, ຍິງ 538 ທ່ານ. ລະດັບການສຶກສາຂອງພະນັກງານ ແລະ ຄູສອນລວມມີ: ລະດັບປະລິນຍາເອກ 218 ທ່ານ, ຍິງ 53 ທ່ານ, ປະລິນຍາໂທ 875 ທ່ານ, ຍິງ 412 ທ່ານ, ເໜືອປະລິນຍາຕີ 1 ທ່ານ, ປະລິນຍາຕີ 323 ທ່ານ, ຍິງ 201 ທ່ານ ແລະ ອະນຸ ປະລິນຍາ 38 ທ່ານ, ຍິງ 30 ທ່ານ. ຕໍາແໜ່ງວິຊການຄູລວມມີ: ຂັ້ນສາດສະດາຈານ 6 ທ່ານ, ຍິງ 1 ທ່ານ, ຮອງສາດສະດາຈານ 91 ທ່ານ, ຍິງ 19 ທ່ານ, ອາຈານ 335 ທ່ານ, ຍິງ 131 ທ່ານ ແລະ ຜູ້ຊ່ວຍອາຈານ 333 ທ່ານ, ຍິງ 172 ທ່ານ.
 |
ໃນພິທີໄດ້ມອບໃບຢັ້ງຢືນໃຫ້ຕໍາແໜ່ງວິຊາຄູຂັ້ນອາຈານ 7 ທ່ານ ແລະ ຜູ້ຊ່ວຍອາຈານ 12 ທ່ານ ລວມທັງໝົດ 19 ທ່ານ, ຍິງ 9 ທ່ານ, ມອບຫຼຽນກາລະນຶກວັນສ້າງຕັ້ງພັກ ປປລາວ ຄົບຮອບ 70 ປີ ໃຫ້ຜູ້ທີ່ມີຜົນງານດີເດັ່ນ, ຄຸນງາມຄວາມດີໃນການປະກອບສ່ວນເຂົ້າໃນການປົກປັກຮັກສາ ແລະ ສ້າງສາປະ ເທດຊາດໃນໄລຍະຜ່ານມາຈໍານວນ 256 ທ່ານ ໃຫ້ກຽດມອບໂດຍທ່ານ ເດຊານຸລາດ ແສນດວງເດດ.
ໂອກາດນີ້, ທ່ານ ເດຊານຸລາດ ແສນດວງເດດ ໄດ້ກ່າວສະດຸດີວັນຄູແຫ່ງຊາດ ຄົບຮອບ 31 ປີ
ຊຶ່ງທ່ານໄດ້ຍົກໃຫ້ເຫັນຄວາມໜາຍຂອງຄໍາວ່າຄູ ແລະ ຄວາມສໍາຄັນຂອງວັນດັ່ງກ່າວຕະຫຼອດໄລຍະຜ່ານມາ ແລະ ໃຫ້ກຽດມີຄໍາເຫັນໂອ້ລົມຕໍ່ພິທີຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ