ມຊ ທາບທາມເປົ້າໝາຍຫົວໜ້າຫ້ອງການ ຄັ້ງທີ I

14:40 03/07/2025

ມະຫາວິທະຍາໄລແຫ່ງຊາດ (ມຊ) ຈັດກອງປະຊຸມທາບທາມເປົ້າໝາຍຫົວໜ້າຫ້ອງການ ຄັ້ງທີ I ຂຶ້ນໃນວັນທີ 1 ກໍລະກົດ ຜ່ານມາ ໂດຍການເຂົ້າຮ່ວມຂອງທ່ານນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ (ສສກ), ທ່ານ ເດຊານຸລາດ ແສນດວງເດດ ອະທິການບໍດີ ມຊ, ມີບັນດາທ່ານແຂກຖືກເຊີນ, ຄະນະບໍດີ, ຮອງຄະນະບໍດີ, ຫົວໜ້າຫ້ອງການ-ຮອງຫົວໜ້າຫ້ອງການ, ພະນັກງານຄູ-ອາຈານ ເຂົ້າຮ່ວມ.

ມຊ ທາບທາມເປາໝາຍຫວໜາຫອງການ ຄງທ I - image 1

ທ່ານ ຕຸດາວັນ ໝໍ່ເມືອງເສດ ຫົວໜ້າກົມຈັດຕັ້ງ ແລະ ພະນັກງານກະຊວງ ສສກ ໄດ້ຜ່ານດຳລັດຂອງທ່ານນາຍົກລັດຖະມົນຕີ ສະບັບເລກທີ 115/ນຍ, ລົງວັນທີ 18 ມັງກອນ 2024 ວ່າດ້ວຍການຈັດຕັ້ງ ແລະ ເຄື່ອນໄຫວຂອງ ມຊ; ຜ່ານຂໍ້ຕົກລົງສະບັບເລກທີ 3108/ສສກ, ລົງວັນທີ 13 ມິຖຸນາ 2025 ວ່າດ້ວຍການຈັດຕັ້ງ ແລະ ເຄື່ອນໄຫວຂອງຫ້ອງການຈັດຕັ້ງ-ພະນັກງານ ແລະ ກວດກາ ມຊ; ຜ່ານຂໍ້ຕົກລົງສະບັບເລກທີ 3106/ສສກ, ລົງວັນທີ 13 ມິຖຸນາ 2025 ວ່າດ້ວຍການຈັດຕັ້ງ ແລະ ເຄື່ອນໄຫວຂອງຫ້ອງການສັງລວມ ແລະ ພົວພັນຕ່າງປະເທດ; ຜ່ານຂໍ້ຕົກລົງສະບັບເລກທີ 3109/ສສກ, ລົງວັນທີ 13 ມິຖຸນາ 2025 ວ່າດ້ວຍການຈັດຕັ້ງ ແລະ ເຄື່ອນໄຫວຂອງຫ້ອງການແຜນການ ແລະ ການເງິນ; ຜ່ານຂໍ້ຕົກລົງສະບັບເລກທີ 3107/ສສກ, ລົງວັນທີ 13 ມິຖຸນາ 2025 ວ່າດ້ວຍການຈັດຕັ້ງ ແລະ ເຄື່ອນໄຫວຂອງຫ້ອງການວິຊາການ ແລະ ຄຸ້ມຄອງນັກສຶກສາ.

ຈາກນັ້ນ, ທ່ານ ບົວພັນ ບຸນຄຸນ ຮອງຫົວໜ້າພະແນກຄຸ້ມຄອງພະນັກງານ ຫ້ອງການຈັດຕັ້ງ ແລະ ຄຸ້ມຄອງພະນັກງານ ມຊ ໄດ້ຂຶ້ນຜ່ານມາດຖານເງື່ອນໄຂຂອງເປົ້າໝາຍທາບທາມຫົວໜ້າຫ້ອງການ ແລະ ຂໍ້ແນະນຳໃນການປ່ອນບັດຄັດເລືອກໃນຮອບເປີດກວ້າງ ແລະ ດໍາເນີນການປ່ອນບັດດ້ວຍຜົນສໍາເລັດຈົບງາມ.

ຂ່າວ: ມຊ; ພາບ: ບຸນຕອມ

ຄໍາເຫັນ

ຂ່າວສືກສາ-ກິລາ

ສາລະວັນຫາລືການສ້າງຂະບວນການກິລາ

17/07/2025 13:02

ຄະນະໂຄສະນາອົບຮົມແຂວງສາລະວັນ ຮ່ວມກັບພະແນກສຶກສາທິການ ແລະ ກິລາແຂວງ ຈັດກອງປະຊຸມປຶກສາຫາລື ກ່ຽວກັບການຈັດກິດຈະກໍາສ້າງຂະບວນການກິລາຟຸດຊໍ ແລະ ກິລາເປຕັງ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແລະ ຕ້ອນຮັບວັນສະຖາປະນາ ສປປລາວ ຄົບຮອບ 50 ປີ (2 ທັນວາ 1975-2 ທັນວາ 2025) ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ (13 ທັນວາ 1920-13 ທັນວາ 2025).ກອງປະຊຸມດັ່ງກ່າວ ໄດ້ຈັດຂຶ້ນ ເມື່ອບໍ່ດົນມານີ້ ທີ່ໂຮງຮຽນນອກຫຼັກສູດແຂວງສາລະວັນ ໂດຍການເປັນປະທານ ຂອງທ່ານ ຈັນສະໝອນ ພົມມະແສງ ຫົວໜ້າຄະນະໂຄສະນາອົບຮົມແຂວງ.

ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ

17/07/2025 11:34

ການແຂ່ງຂັນຄະນິດສາດສາກົນສິງກະໂປ (SIMOC) ແມ່ນການແຂ່ງຂັນຄະນິດສາດຈາກປະເທດສິງກະ ໂປ ທີ່ໄດ້ຮັບຄວາມນິຍົມໃນທົ່ວໂລກ ໂດຍສະເພາະໃນຂົງເຂດປະເທດອາຊຽນ. ການແຂ່ງຂັນ SIMOC ແມ່ນມີເອກະລັກສະເພາະຕົວ ຊຶ່ງປະສົມປະສານການແກ້ໂຈດຄະນິດສາດແບບດ່ຽວ ແລະ ການແຂ່ງຂັນແບບກຸ່ມຜ່ານຮູບແບບເກມທີ່ມີຊື່ວ່າ:“Math Warriors” ແລະ “Math Master Mind” ການແຂ່ງຂັນນີ້ບໍ່ພຽງແຕ່ທົດສອບທັກສະດ້ານຄະນິດສາດຂອງຜູ້ເຂົ້າຮ່ວມ ແຕ່ຍັງລວມເຖິງທັກສະໃນການເຮັດວຽກເປັນທີມ ແລະ ການສື່ສານ.

ຫາລືການນຳໃຊ້ສື່ການຮຽນການສອນຝຶກເວົ້າພາສາລາວ

16/07/2025 14:07

ກະຊວງສຶກສາທິການ ແລະ ກິລາ ແຫ່ງ ສປປ ລາວ ຮ່ວມກັບ ລັດຖະບານອົສະຕຣາລີ ແລະ ບັນດາຄູ່ຮ່ວມພັດທະນາ ໄດ້ຈັດກອງປະຊຸມປຶກສາຫາລືການນຳໃຊ້ສື່ການຮຽນການສອນ (ຝຶກເວົ້າພາສາລາວ)ຂຶ້ນໃນວັນທີ 16 ກໍລະກົດນີ້ ທີ່ໂຮມແຮມດອນຈັນພາເລດ ໂດນການເປັນປະທານຂອງ ທ່ານ ອຸທິດ ທິບມະນີຮອງຜູ້ອໍານວຍການສະຖາບັນຄົ້ນຄວ້າວິທະຍາສາດການສຶກສາ (ສວສ), ທ່ານ ນາງ ເຄດ ກູດຟຣຸດ;ວ່າການແທນເລຂານເອກສະຖານທູດອົດສະຕຣາລີ,ມີບັນດາຜູ້ຕາງໜ້າຈາກກະຊວງສຶກສາທິການ ແລະ ກີລາ, ພະແນກສຶກສາທິການ ແລະ ກິລາແຂວງ, ເມືອງ ແລະ ອົງການຈັດຕັ້ງສາກົນເຂົ້າຮ່ວມ.

ຖະແຫຼງຂ່າວແຂ່ງຂັນເຕະບານຊີງຂັນນະຄອນຫຼວງວຽງຈັນ ຄັ້ງທີ 1

15/07/2025 13:24

ການແຂ່ງຂັນກິລາບານເຕະຊີງຂັນນະຄອນຫຼວງວຽງຈັນ ຄັ້ງທີ 1 ຫຼື ລາຍການ THE CAPITAL CUP 2025 ຈະເປີດຂຶ້ນໃນວັນທີ 19 ກໍລະກົດ ນີ້ ເພື່ອເປັນການເລືອກເຟັ້ນຫານັກກິລາຜູ້ທີ່ມີພອນສະຫວັນດີເດັ່ນ ກຽມຕາງໜ້ານະຄອນຫຼວງວຽງຈັນ ຮ່ວມງານກິລາແຫ່ງຊາດ ຄັ້ງທີ 12 ຈະຈັດຂຶ້ນ ລະຫວ່າງວັນທີ 15-25 ພະຈິກ 2025.

ດັບເບິນຢູໄອຈີ ນາຄາ ຄອງແຊັມການແຂ່ງຂັນ ເຕະບານເຍົາວະຊົນອາຍຸບໍ່ເກີນ 13 ປີ

11/07/2025 14:25

ໃນວັນທີ 10 ກໍລະກົດ ຜ່ານມານີ້, ທີມນັກກິລາ ຢູ 13 ດັບເບິນຢູໄອຈີ ນາຄາ (WIG NAGA) ຕົວແທນໜຶ່ງດຽວຈາກ ສປປ ລາວ ໄດ້ເດີນທາງກັບເຖິງນະຄອນຫຼວງວຽງຈັນ ຫຼັງສ້າງຜົນງານໄດ້ຢ່າງໂດດເດັ່ນ ສາມາດຄອງແຊັມການແຂ່ງຂັນ ເຕະບານເຍົາວະຊົນອາຍຸບໍ່ເກີນ 13 ປີ ຊຶ່ງເປັນລາຍການໃຫຍ່ລະດັບສາກົນ ຫຼື IBER Cup 2025 ທັງໄດ້ສ້າງຊື່ສຽງ ໃຫ້ກັບປະເທດຊາດໃນເວທີສາກົນ.

ສຶກສາ ນວ ສະເໜີໂຮມໂຮງຮຽນປະຖົມມາເປັນໂຮງຮຽນຂະໜາດກາງ ຫຼື ໃຫຍ່

08/07/2025 16:14

ທ່ານນາງ ລີປ່າເອ້ຍ ລີບົວປາວ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງ ຂຶ້ນຕອບຄໍາຊັກຖາມ ແລະ ຄໍາຊີ້ແຈງ ຂອງສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ແລະ ສະມາຊິກສະພາປະຊາຊົນນະຄອນຫຼວງວຽງຈັນ (ສສຊ ແລະ ສສນວ) ໃນກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II ທີ່ຕິດພັນກັບຂະແໜງສຶກສາ ແລະ ກິລາ ຄື: ສະເໜີກ່ຽວກັບມາດຕະການ ແລະ ວິທີແກ້ໄຂບັນຫາຄຸນນະພາບການສຶກສາຂອງໂຮງຮຽນລັດທີ່ຫຼຸດໂຮງຮຽນເອກະຊົນ ຕິດພັນກັບ (ຫຼັກສູດການສຶກສາ, ບຸກຄະລາກອນຄູ, ການມີສ່ວນຮ່ວມຂອງສະຖາບັນຄອບຄົວ)

ຜົ້ງສາລີ ສອບເສັງ ມ7 ບໍາລຸງ ສົກຮຽນ 2024-2025

08/07/2025 14:45

ໃນວັນ 7 ກໍລະກົດຜ່ານມານີ້ ທີ່ຫ້ອງປະຊຸມໂຮງຮຽນວິຊາຊີບແບບປະສົມແຂວງຜົ້ງສາລີ ສູນການສຶກສານອກໂຮງຮຽນ ໄດ້ຈັດພິທີສອບເສັງຈົບຊັ້ນ ມໍ7 ບໍາລຸງ ຊຸດທີ 26 ສົກຮຽນ 2024-2025. ໂດຍການເປັນປະທານຂອງທ່ານ ສານ ໄຊຍະວົງ ຮອງຫົວໜ້າພະແນກ ສຶກສາທິການ ແລະ ກິລາແຂວງຜົ້ງສາລີ ຜູ້ຊີ້ນຳວຽກງານສູນການສຶກສານອກໂຮງຮຽນ, ມີທ່ານ ວັນທອງ ພົມມະຈັນ ຮັກສາການຫົວຫນ້າພະແນກສົ່ງເສີມວິຊາຊີບຂັ້ນພື້ນຖານ, ກົມການສຶກສານອກໂຮງຮຽນກະຊວງສຶກສາ ທິການແລະກິລາ, ມີທ່ານ ອຸ່ນຄຳ ແສງອິນແກ້ວ ຜູ້ອຳນວຍການ ສູນການສຶກສານອກໂຮງຮຽນ ແຂວງຜົ້ງສາລີ, ເຂົ້າຮ່ວມມີຄະນະຮັບຜິດຊອບການສອບເສັງ,ພະນັກງານຄູອາຈານ,ພາກສ່ວນທີກ່ຽວຂ້ອງ,ຕະຫຼອດນັກສອບເສັງ ມ7 ຈາກສູນການສຶກສານອກໂຮງຮຽນຂອງແຂວງເຂົ້າຮ່ວມ.

ຄຳມ່ວນ ເປີດການສອບເສັງຈົບຊັ້ນມໍ 7 ບໍາລຸງ ສົກຮຽນ 2024 – 2025.

08/07/2025 10:44

ໃນວັນທີ 8 ກໍລະກົດນີ້ ທີ່ສູນການສຶກສານອກໂຮງຮຽນ ໄດ້ຈັດພິທີເປີດການສອບເສັງຈົບຊັ້ນມໍ 7 ບຳລຸງ ສົກ 2024-2025. ເປັນກຽດເຂົ້າຮ່ວມເປີດຫົວບົດສອບເສັງໂດຍ ທ່ານ ບຸນປອນ ທອງສຸວັນນະລາດ ຮອງຫົວໜ້າພະແນກ ສຶກສາທິການ ແລະ ກິລາແຂວງ.

ຢູ-13 ດັບເບິນຢູໄອຈີ ນາຄາ ໄດ້ແຊັມເຕະບານລະດັບນານາຊາດ ທີ່ປັອກຕຸຍການ

07/07/2025 14:11

ທີມກິລາເຕະບານ ຢູ-13 ດັບເບິນຢູໄອຈີ ນາຄາ (WIG NAGA) ຕົວແທນຈາກ ສປປ ລາວ ສ້າງຜົນງານໄດ້ຢ່າງໂດດເດັ່ນ ຫຼັງໃນຮອບຊີງຊະນະເລີດສາມາດເອົາຊະນະ ເອັບຊີ ໂອດ ເບເລເນັດ (CF osBelenenses) ທີມຈາກເຈົ້າພາບ ປະເທດປັອກຕຸຍການ 2-0 ປະຕູ, ໄດ້ປະຕູໄຊຈາກການຍິງຂອງ ທ. ແຊວ ແລະ ທ. ເອກະລາດ ວິໄລກຸນ ໄດ້ຄອງແຊັມການແຂ່ງຂັນເຕະບານເຍົາວະຊົນອາຍຸບໍ່ເກີນ 13 ປີ ຫຼື ຢູ-13 ລະດັບ 1 ຊຶ່ງເປັນລາຍການໃຫຍ່ ລະດັບສາກົນ ຫຼື IBER Cup 2025 ມາຄອງໄດ້ຢ່າງຍິ່ງໃຫຍ່ ສ້າງກຽດ ແລະ ຊື່ສຽງໃຫ້ກັບປະເທດຊາດ ໃນເວທີສາກົນ.

ຫຼາຍບໍລິສັດໃຫ້ການສະໜັບສະໜູນ ສະໂມສອນບານເຕະ ມາສສະດ້າ ຈີບີ

27/06/2025 11:12

ຫຼາຍບໍລິສັດໃຫ້ການສະໜັບສະໜູນ ສະໂມສອນບານເຕະ ມັດສະດ້າ ຈີບີ ເອັບຊີ (MAZDA GB FC) ເຂົ້າຮ່ວມທຸກລາຍການ ຂອງສະຫະພັນບານເຕະແຫ່ງຊາດລາວ (ສຕລ) ຈັດຂຶ້ນໃນປີ 2025 ໂດຍສະເພາະແມ່ນບານເຕະເຍົາວະຊົນ ນັບແຕ່ຮຸ່ນນ້ອຍ ອາຍຸແຕ່ 8 ປີ ຂຶ້ນໄປ, ຮຸ່ນອາຍຸ 16 ປີ, ຮຸ່ນອາຍຸ 19 ປີ, ເຕະບານລາວລີກຍິງ ລະດູການ 2025 ແລະ ເຕະບານລີກສູງສຸດຂອງ ສປປ ລາວ ກໍຄື ລາວລີກຊາຍ ລະດູການ 2025-2026 ຈະຈັດຂຶ້ນໄວໆນີ້.

ເພີ່ມເຕີມ