ໃນໄຕມາດທີ 1 ຫວຽດນາມ ຕ້ອນຮັບນັກທ່ອງທ່ຽວສາກົນ 6.76 ລ້ານເທື່ອຄົນ

10:33 09/04/2026

ວິທະຍຸກະຈາຍສຽງຫວຽດນາມລາຍງານໃນວັນທີ 6 ເມສາ ຜ່ານມາວ່າ: ໃນສະພາບການທ່ອງທ່ຽວທົ່ວໂລກຖືກຜົນກະທົບຈາກການປະທະກັນດ້ານພູມສາດການເມືອງ, ຂະແໜງທ່ອງທ່ຽວ ຫວຽດນາມ ຍັງມີສັນຍານເຕີບໂຕຢ່າງຕັ້ງໜ້າ. ຕາມສະຖິຕິຂອງກົມທ່ອງທ່ຽວແຫ່ງຊາດ ຫວຽດນາມໃຫ້ຮູ້ວ່າ, ໄລ່ສະເພາະເດືອນມີນາ 2026, ຫວຽດນາມ ຕ້ອນຮັບນັກທ່ອງທ່ຽວສາກົນເກືອບ 2.1 ລ້ານເທື່ອຄົນ. 3 ເດືອນຕົ້ນປີ 2026, ຍອດຈຳນວນນັກທ່ອງທ່ຽວມາ ຫວຽດນມາມ ບັນລຸ 6.67 ລ້ານເທື່ອຄົນ, ເພີ່ມຂຶ້ນ 12.4% ເມື່ອທຽບໃສ່ໄລຍະດຽວກັນຂອງປີ 2025.

ໃນໄຕມາດທີ 1 ປີ 2026, ນັກທ່ອງທ່ຽວຈີນມີຈຳນວນ 1.4 ລ້ານເທື່ອຄົນ ແລະ ສ ເກົາຫຼີ ມີ 1.3 ລ້ານເທື່ອຄົນ ສືບຕໍ່ແມ່ນ 2 ຕະຫຼາດທີ່ມີຈຳນວນນັກທ່ອງທ່ຽວຫຼາຍທີ່ສຸດ, ກວມເອົາປະມານ 40% ຍອດຈຳນວນນັກທ່ອງທ່ຽວສາກົນມາຫວຽດນາມ. ສິ່ງທີ່ໜ້າສົນໃຈ, ນັກທ່ອງທ່ຽວທີ່ມາຈາກບັນດາປະເທດເອີຣົບ ມີລະດັບເພີ່ມຂຶ້ນລວມແມ່ນ 55,6%. ພິເສດ, ຣັດເຊຍ ໄດ້ເພີ່ມຂຶ້ນເຖິງ 163.4%, ສະແດງໃຫ້ເຫັນຄວາມເອົາໃຈໃສ່ຕໍ່ຫວຽດນາມ ຂອງນັກທ່ອງທ່ຽວ ຣັດເຊຍນັບມື້ນັບຫຼາຍ.

ຜົນສັງລວມຂອງຂະແໜງທ່ອງທ່ຽວໃນເດືອນມີນາ 2026 ແລະ ໄຕມາດທີ 1 ປີ 2026 ສະແດງໃຫ້ເຫັນວ່າ:ຂະແໜງທ່ອງທ່ຽວ ຫວຽດນາມ ບໍ່ພຽງແຕ່ເຕີບໂຕກ່ຽວກັບຈຳນວນນັກທ່ອງທ່ຽວເທົ່ານັ້ນ, ຫາກຍັງໄດ້ຮັບການເປີດກວ້າງ ແລະ ຫັນຕະຫຼາດເປັນຫຼາຍຮູບຫຼາຍແບບຢ່າງຕໍ່ເນື່ອງອີກດ້ວຍ.

ຄໍາເຫັນ

ຂ່າວຕ່າງປະເທດ

ຍອດຂາຍລົດໃໝ່ໃນອັງກິດ ບັນລຸສະຖິຕິສູງສຸດໃນຮອບ 6 ປີ

09/04/2026 10:45

ຂ່າວຕ່າງປະເທດລາຍງານ ໃນວັນທີ 8 ເມສາ ຜ່ານມາວ່າ: ສະມາຄົມຜູ້ຜະລິດ ແລະ ຕົວແທນຈຳໜ່າຍລົດຂອງອັງກິດ (SMMT) ເປີດເຜີຍວ່າ: ຍອດຂາຍລົດໃໝ່ຂອງອັງກິດໃນເດືອນມີນາບັນລຸລະດັບສູງສຸດນັບຕັ້ງແຕ່ປີ 2019, ແຕ່ຍອດຂາຍລົດໄຟຟ້າ (EV) ຍັງຄົງຕໍ່າກວ່າເປົ້າໝາຍຂອງລັດຖະບານ.

ຊາວມາເລເຊຍ ກຽມຮັດແໜ້ນສາຍແອວ ຖ້າລາຄານໍ້າມັນສືບຕໍ່ເພີ່ມຂຶ້ນ

09/04/2026 10:37

ຂ່າວຕ່າງປະເທດລາຍງານ ໃນວັນທີ 7 ເມສາ ຜ່ານມາວ່າ: ການສຳຫຼວດໂດຍ GrowthOps Asia ຊີ້ໃຫ້ເຫັນວ່າ, ຊາວມາເລເຊຍສ່ວນໃຫຍ່ມີທ່າອ່ຽງລະມັດລະວັງຫຼາຍຂຶ້ນກ່ຽວກັບການໃຊ້ຈ່າຍ ຖ້າຫາກລາຄານໍ້າມັນເຊື້ອໄຟຍັງສືບຕໍ່ເພີ່ມຂຶ້ນຍ້ອນຂໍ້ຂັດແຍ່ງໃນຕາເວັນອອກກາງ.

ອິນເດຍ ເປີດການປະມູນປຸ໋ຍຢູເຣຍ ນຳເຂົ້າ 2.5 ລ້ານໂຕນ

08/04/2026 15:13

ຂ່າວຕ່າງປະເທດລາຍງານ ໃນວັນທີ 7 ເມສາ ຜ່ານມາວ່າ: ເຈົ້າໜ້າທີ່ລັດຖະບານອິນເດຍໄດ້ເປີດເຜີຍການປະມູນລະດັບໂລກເພື່ອນຳເຂົ້າປຸ໋ຍຢູເຣຍ ຈຳນວນ 2.5 ລ້ານໂຕນ ທ່າມກາງບັນຫາການສະໜອງທີ່ຢຸດສະງັກເພາະສະຖານະການໃນຕາເວັນອອກກາງ. ໂດຍ ບໍລິສັດ Indian Potash Limited ຂອງລັດ ໄດ້ເປີດການປະມູນ ຊຶ່ງຈະສິ້ນສຸດໃນວັນທີ 15 ເມສານີ້.

IMF ອາດຈະຫຼຸດການຄາດຄະເນເສດຖະກິດໂລກ

08/04/2026 15:07

ຂ່າວຕ່າງປະເທດລາຍງານ ໃນວັນທີ 7 ເມສາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການໃຫຍ່ຂອງກອງທຶນການເງິນສາກົນ (IMF) ໄດ້ເປີດເຜີຍວ່າ: ສົງຄາມໃນຕາເວັນອອກກາງຈະສົ່ງຜົນໃຫ້ອັດຕາເງິນເຟີ້ສູງຂຶ້ນ ແລະ ເຮັດໃຫ້ການເຕີບໂຕຂອງເສດຖະກິດໂລກຊ້າລົງ. ທ່ານກ່າວຕື່ມວ່າ: ເຖິງແມ່ນວ່າຂໍ້ຂັດແຍ່ງຈະໄດ້ຮັບການແກ້ໄຂຢ່າງວ່ອງໄວ, ແຕ່ IMF ຍັງຈະພິຈາລະນາຫຼຸດການຄາດຄະເນການເຕີບໂຕທາງເສດຖະກິດ ແລະ ຍົກລະດັບການຄາດຄະເນອັດຕາເງິນເຟີ້.

ກຳປູເຈຍ ປະກາດໃຊ້ກົດໝາຍ ປາບປາມການຫຼອກລວງທາງໂທລະຄົມ ແລະ ອິນເຕີເນັດ

08/04/2026 11:13

ຂ່າວສານຊີອາໄອລາຍງານວ່າ: ໃນວັນທີ 6 ເມສາຜ່ານມານີ້, ທ່ານ ຮຸນແຊນ ຮັກສາການແທນພະມະຫາກະສັດແຫ່ງຣາຊະອານາຈັກກຳປູເຈຍໄດ້ລົງນາມໃນລັດຖະດຳລັດ ເພື່ອປະກາດໃຊ້ກົດໝາຍວ່າດ້ວຍການຕ້ານການຫຼອກລວງທາງໂທລະຄົມ ແລະ ອິນເຕີເນັດ ຊຶ່ງມີຜົນບັງຄັບໃຊ້ໃນທັນທີ.

ຈີນ ຮຽກຮ້ອງການປະຕິຮູບອົງການສະຫະປະຊາຊາດຈະໃຫ້ຄວາມສຳຄັນຕໍ່ປະເທດກຳລັງພັດທະນາ

08/04/2026 11:12

ຂ່າວສານຊີອາໄອລາຍງານວ່າ: ໃນວັນທີ 6 ເມສາ ຜ່ານມາ, ໃນເວລາເຂົ້າຮ່ວມກອງປະຊຸມແຈ້ງສະພາບການປະຕິບັດຂໍ້ລິເລີ່ມການປະຕິຮູບ ຄົບຮອບ 80 ປີຂອງການສ້າງຕັ້ງອົງການສະຫະປະຊາຊາຊາດ ຫຼື UN80 ຂອງສະມັດຊາໃຫຍ່ອົງການສະຫະປະຊາຊາດ, ທ່ານ ຊຸ່ນເຫຼີຍ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ຢືນຢັນວ່າ: ຈີນຄອງຄອຍການປະຕິຮູບຈະໃຫ້ຄວາມສຳຄັນຢ່າງເຕັມທີ່ຕໍ່ຄວາມກັງວົນຂອງປະເທດກຳລັງພັດທະນາ, ເຕົ້າໂຮມຄວາມຮັບຮູ້ເປັນເອກະພາບກັນຂອງປະເທດສະມາຊິກທຸກຖ້ວນໜ້າ ເພື່ອເຮັດໃຫ້ໝາກຜົນຂອງການປະຕິຮູບສາມາດຜ່ານຜ່າການທົດສອບທາງປະຫວັດສາດໄດ້.

ພູເຂົາໄຟດູໂຄໂນ ໃນອິນໂດເນເຊຍ ລະເບີດ 4 ຄັ້ງໃນມື້ດຽວ

08/04/2026 11:04

ຂ່າວຕ່າງປະເທດລາຍງານໃນວັນທີ 7 ເມສາ ຜ່ານມາວ່າ: ສູນຫຼຸດຜ່ອນໄພພິບັດທາງພູເຂົາໄຟ ແລະ ທໍລະນີວິທະຍາຂອງອິນໂດເນເຊຍລາຍງານວ່າ, ພູເຂົາໄຟດູໂຄໂນ ໃນແຂວງມາລູກູເໜືອ ຂອງອິນໂດເນເຊຍໄດ້ລະເບີດຂຶ້ນ 4 ຄັ້ງໃນວັນ 7 ເມສາ ຜ່ານມາ ໂດຍພົ່ນຂີ້ເທົ່າໜາຂຶ້ນສູ່ທ້ອງຟ້າ.

ທ່ານ ເລມິງຮຶງ ໄດ້ຮັບເລືອກຕັ້ງດຳລົງຕຳແໜ່ງເປັນນາຍົກລັດຖະມົນຕີຫວຽດນາມ

08/04/2026 09:56

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນບ່າຍວັນທີ 7 ເມສາ ຜ່ານມາ ຢູ່ນະຄອນຫຼວງຮ່າໂນ້ຍ, ບັນດາສະມາຊິກສະພາແຫ່ງຊາດໄດ້ເຂົ້າຮ່ວມການລົງຄະແນນສຽງໃຫ້ສັດຕະຍາບັນ, ສະພາແຫ່ງຊາດຊຸດທີ XVI ຮັບຮອງເອົາມະຕິເລືອກຕັ້ງນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ ອາຍຸການ 2026 – 2031 ສໍາລັບທ່ານ ເລມິງຮຶງ ກຳມະການກົມການເມືອງ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງ ສະມາຊິກສະພາແຫ່ງຊາດຊຸດທີ XVI.

ລາຄານໍ້າມັນເຊື້ອໄຟເພີ່ມຂຶ້ນສູງ ສ້າງຄວາມກົນດັນຕໍ່ອຸດສາຫະກຳທ່ອງທ່ຽວມາເລເຊຍ

07/04/2026 15:50

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ສຣີ ເຄເນສ ມິເຊວ ປະທານສະຫະພັນທ່ອງທ່ຽວມາເລເຊຍ ໄດ້ເປີດເຜີຍວ່າ: ຂະແໜງການທ່ອງທ່ຽວຂອງມາເລເຊຍກຳລັງປະເຊີນກັບແຮງກົດດັນດ້ານຄ່າໃຊ້ຈ່າຍໃນການດຳເນີນງານທີ່ເພີ່ມຂຶ້ນຍ້ອນລາຄານໍ້າມັນເຊື້ອໄຟທີ່ເພີ່ມສູງຂຶ້ນ ຊຶ່ງເປັນຜົນສະທ້ອນຂອງຄວາມເຄັ່ງຕຶງໃນຕາເວັນອອກກາງ. ໂດຍສ້າງຜົນກະທົບທີ່ແຜ່ລາມໄປທົ່ວອຸດສາຫະກຳ.

ຄາດຄະເນການເຕີບໂຕເສດຖະກິດອາຊຽນ ແລະ ຈີນ ຍີ່ປຸ່ນ ສ ເກົາຫຼີ ໃນປີ 2026

07/04/2026 13:41

ຂ່າວສານຊີອາໄອລາຍງານວ່າ: ໃນວັນທີ 6 ເມສາຜ່ານມາ, ຫ້ອງການຄົ້ນຄວ້າເສດຖະກິດມະຫາພາກຂອງອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໄດ້ເປີດເຜີຍບົດລາຍງານຄາດຄະເນເສດຖະກິດຂອງພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ປີ 2026 ໂດຍຄາດຄະເນວ່າ: ຈັງຫວະການເຕີບໂຕຂອງເສດຖະກິດໃນພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໃນປີ 2026 ແລະ 2027 ແມ່ນ 4%. ບົດລາຍງານລະບຸວ່າ: ການປະທະກັນຢູ່ຕາເວັນອອກກາງໄດ້ຮຸນແຮງຂຶ້ນຢ່າງຕໍ່ເນື່ອງ ແລະ ການສະໜອງດ້ານພະລັງງານທົ່ວໂລກຖືກຜົນກະທົບ ຈະເຮັດໃຫ້ຈັງຫວະການເຕີບໂຕຂອງເສດຖະກິດໃນພາກພື້ນມີຄວາມສ່ຽງຫຼຸດຕ່ຳລົງຫຼາຍຂຶ້ນ.

ເພີ່ມເຕີມ