flag

ຂ່າວສືກສາ-ກິລາ

ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ

ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ

ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ
ການແຂ່ງຂັນຄະນິດສາດສາກົນສິງກະໂປ (SIMOC) ແມ່ນການແຂ່ງຂັນຄະນິດສາດຈາກປະເທດສິງກະ ໂປ ທີ່ໄດ້ຮັບຄວາມນິຍົມໃນທົ່ວໂລກ ໂດຍສະເພາະໃນຂົງເຂດປະເທດອາຊຽນ. ການແຂ່ງຂັນ SIMOC ແມ່ນມີເອກະລັກສະເພາະຕົວ ຊຶ່ງປະສົມປະສານການແກ້ໂຈດຄະນິດສາດແບບດ່ຽວ ແລະ ການແຂ່ງຂັນແບບກຸ່ມຜ່ານຮູບແບບເກມທີ່ມີຊື່ວ່າ:“Math Warriors” ແລະ “Math Master Mind” ການແຂ່ງຂັນນີ້ບໍ່ພຽງແຕ່ທົດສອບທັກສະດ້ານຄະນິດສາດຂອງຜູ້ເຂົ້າຮ່ວມ ແຕ່ຍັງລວມເຖິງທັກສະໃນການເຮັດວຽກເປັນທີມ ແລະ ການສື່ສານ.

 

ໃນການແຂ່ງຂັນ SIMOC ຄັ້ງນີ້, ມີນັກຮຽນທັງໝົດ 2380 ຄົນ ທີ່ມາຈາກ 37 ປະເທດທົ່ວໂລກເຂົ້າຮ່ວມ. ໃນນັ້ນມີນັກຮຽນຈາກປະເທດລາວ ຈໍານວນ 19 ຄົນ (ເກຣດ 1-10) ຈາກຫຼາກຫຼາຍໂຮງຮຽນໃນລາວເຂົ້າຮ່ວມ ໂດຍມີ ໄບຣແພັດ ເອດູເຄຊັນ (BrightPath Education) ເປັນຜູ້ນໍາພາ, ຝຶກຊ້ອມ ແລະ ອໍານວຍຄວາມສະດວກຕະຫຼອດການແຂ່ງຂັນ. ທ່ານ ຣາແກັດ ອໍຣິການທີ ຜູ້ອໍານວຍການໄບຣແພັດ ເອດູເຄຊັນ ກ່າວວ່າ: ການແຂ່ງຂັນນີ້ໄດ້ຈັດຂຶ້ນໃນລະຫວ່າງວັນທີ 5-8 ກໍລະກົດ ຜ່ານມາ ທີ່ປະເທດສິງກະໂປ, ເຖິງວ່າການແຂ່ງຂັນຄັ້ງນີ້ຈະເປັນການແຂ່ງຂັນລະດັບສາກົນທີ່ມີຜູ້ເຂົ້າຮ່ວມຈໍານວນຫຼາຍ ແລະ ມີຄວາມເຂັ້ມຂຸ້ນ ແລະ ສັບຊ້ອນ, ແຕ່ນັກຮຽນຂອງພວກເຮົາກໍສາມາດຍາດຫຼຽນລາງວັນມາໄດ້ເຖິງ 15 ຫຼຽນ ໃຫ້ກັບປະເທດລາວ.

ປະເພດ ຮອບດ່ຽວ Math Olympiad, ລວມທັງໝົດຍາດໄດ້ 3 ຫຼຽນທອງແດງ ໄດ້ແກ່: ທ້າວ ສຽວ ອີ້ເຈີ (ເກຣດ 8) ຈາກໂຮງຮຽນນາໆຊາດປັນຍາທິບ; ນາງ ແພັດຕິຍາ ສິນລະປະກິດ (ເກຣດ 9) ຈາກໂຮງຮຽນນາໆຊາດອ໋ອດສະກາ; ນາງ ໂຣມີນາ ພຸດທະຣັກສາ ດວງມາລາ (ເກຣດ10) ຈາກໂຮງຮຽນນາໆຊາດປັນຍາທິບ.

ປະເພດ ຮອບທີມ Math Master Mind, ລວມທັງໝົດ 1 ຫຼຽນເງິນ ແລະ 1 ຫຼຽນທອງແດງ ຄື: ຫຼຽນເງິນ ຈໍານວນ 1 ຫຼຽນ ໄດ້ແກ່: ນາງ ສົມປາດຖະໜາ ທອງພານິດ (ເກຣດ5) ຈາກໂຮງຮຽນນາໆຊາດວຽງຈັນພັດທະນາ; ຫຼຽນທອງແດງ 1 ຫຼຽນ ໄດ້ແກ່: ນາງ ອາລິສາ ໃຫຍ່ມົງຄຸນ (ເກຣດ5) ຈາກໂຮງຮຽນນາໆຊາດວຽງຈັນພັດທະນາ;

ປະເພດ ຮອບທີມ Math Warrior, ລວມທັງໝົດ 5 ຫຼຽນເງິນ ແລະ 5 ຫຼຽນທອງແດງ ຄື: ປະເພດຫຼຽນເງິນ ໄດ້ແກ່: ທ້າວ ວິນລ່ຽມ ຄໍາມີ (ເກຣດ2) ຈາກໂຮງຮຽນນາໆຊາດປັນຍາທິບ; ນາງ ເກວະລິນ ອຸ່ນມີໄຊ (ເກຣດ5)ຈາກໂຮງຮຽນນາໆຊາດວຽງຈັນພັດທະນາ; ນາງ ຄວິງ ຣັນ (ເກຣດ 8) ຈາກໂຮງຮຽນນາໆຊາດປັນຍາທິບ; ນາງ ແພັດຕິຍາ ສິນລະປະກິດ (ເກຣດ 9) ຈາກໂຮງຮຽນນາໆຊາດອ໋ອດສະກາ; ນາງ ໂຣມີນາ ພຸດທະຣັກສາ ດວງມາລາ (ເກຣດ10) ຈາກໂຮງຮຽນນາໆຊາດປັນຍາທິບ; ຫຼຽນທອງແດງ ໄດ້ແກ່: ທ້າວ ເລີດປັນຍາ ຫຼວງລາດ (ເກຣດ 2) ຈາກໂຮງຮຽນນາໆຊາດຮິດຟິວ; ນາງ ອາລິສາ ໃຫຍ່ມົງຄຸນ (ເກຣດ 5) ຈາກໂຮງຮຽນນາໆຊາດວຽງຈັນພັດທະນາ; ນາງ ສຸລິນພອນ ລືໄຊ (ເກຣດ5) ຈາກໂຮງຮຽນນາໆຊາດວຽງຈັນພັດທະນາ; ທ້າວ ສຽວ ອີ້ເຈີ(ເກຣດ 8) ຈາກໂຮງຮຽນນາໆຊາດປັນຍາທິບ; ທ້າວ ທະນະພັດ ອ່ອນສະຫວັດ (ເກຣດ10) ຈາກໂຮງຮຽນນາໆຊາດປັນຍາທິບ.

ທ່ານ ຣາແກັດ ອໍຣິການທີ ກ່າວຕື່ມວ່າ: ຄວາມສຳເລັດຄັ້ງນີ້, ແມ່ນໝາກຜົນຈາກຄວາມໝັ່ນພຽນ, ຄວາມມີວິໄນ ແລະ ຄວາມມັກຮັກໃນຄະນິດສາດຂອງນັກຮຽນໝົດທຸກຄົນ ລວມທັງການສະໜັບສະໜູນອັນດີຈາກຄູ, ອາຈານ ແລະ ຜູ້ປົກຄອງທຸກທ່ານ. ທາງໄບຣແພັດ ເອດູເຄຊັນ (BrightPath Education) ຂໍສະແດງຄວາມຍິນດີຢ່າງຈິງໃຈຕໍ່ກັບຄວາມສໍາເລັດຄັ້ງນີ້ ແລະ ພາມພູມໃຈທີ່ໄດ້ມີສ່ວນຮ່ວມໃນການສົ່ງເສີມສັກກະຍະພາບ ແລະ ຄວາມສາມາດດ້ານຄະນິດສາດຂອງນັກຮຽນລາວໃນເວທີສາກົນ ແລະ ທາງໄບຣແພັດ ເອດູເຄຊັນ (BrightPath Education) ພວກເຮົາຈະສືບຕໍ່ສະໜັບສະໜູນນັກຮຽນທີ່ມີຄຸນນະພາບ ແລະ ມັກຮັັກໃນຂະແໜງວິທະຍາສາດ/ເຕັກໂນໂລຊີ/ວິສະວະກຳ/ຄະນິດສາດ (STEM) ໃຫ້ສາມາດພັດທະນາທັກສະ ແລະ ເກັບກ່ຽວປະສົບການຜ່ານກິດຈະກຳການຮຽນຮູ້ ແລະ ການແຂ່ງຂັນໃນເວລາສາກົນໃຫ້ຫຼາຍຂຶ້ນໃນອະນາຄົດ ເພື່ອສົ່ງເສີມວັດທະນະທຳການຮຽນຮູ້ທີ່ບໍ່ມີຂອບເຂດ ແລະ ບໍ່ມີມື້ສິ້ນສຸດ.

ຂ່າວ: ແສງຈັນ

ຄໍາເຫັນ

ຂ່າວສືກສາ-ກິລາ

ປະກາດໂຮງຮຽນປະຖົມສົມບູນຫຼວງພະບາງ ເປັນໂຮງຮຽນຕົວແບບ

ປະກາດໂຮງຮຽນປະຖົມສົມບູນຫຼວງພະບາງ ເປັນໂຮງຮຽນຕົວແບບ

ພິທີປະກາດໂຮງຮຽນປະຖົມສົມບູນ ຫຼວງພະບາງ ເປັນໂຮງຮຽນຕົວແບບ ຈັດຂຶ້ນໃນວັນທີ 22 ພຶດສະພາຜ່ານມາ, ມີທ່ານ ນາງ ວຽນວິໄລ ດີລະພັນ ຮອງປະທານຄະນະກໍາມະການປົກຄອງແຂວງ, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ (ສກຂ) ພ້ອມດ້ວຍແຂກຖຶກເຊີນ, ຄູສອນ ແລະ ນັກຮຽນເຂົ້າຮ່ວມ.
ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ແຂວງ ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ (AFC Grassroots Football Day) ປະຈຳປີ 2026 ໄດ້ຈັດຂຶ້ນ ໃນວັນທີ 23 ພຶດສະພາ 2026 ນີ້ ທີ່ສະຫນາມກິລາແຂວງອຸດົມໄຊ ເພື່ອເປັນການສ້າງພື້ນຖານ ແລະ ຄັດເລືອກນັກກິລາເຕະບານລຸ້ນສືບທອດທີ່ມີພອນສະຫວັນ ເຂົ້າສູ່ທີມແຂວງ ແລະ ທີມຊາດໃນອະນາຄົດ.
ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ແຂວງ ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ (AFC Grassroots Football Day) ປະຈຳປີ 2026 ໄດ້ຈັດຂຶ້ນ ໃນວັນທີ 23 ພຶດສະພາ 2026 ນີ້ ທີ່ສະຫນາມກິລາແຂວງອຸດົມໄຊ ເພື່ອເປັນການສ້າງພື້ນຖານ ແລະ ຄັດເລືອກນັກກິລາເຕະບານລຸ້ນສືບທອດທີ່ມີພອນສະຫວັນ ເຂົ້າສູ່ທີມແຂວງ ແລະ ທີມຊາດໃນອະນາຄົດ.
ຍົກລະດັບຄຸນນະພາບຄູ ເສີມສ້າງການສຶກສາລາວ

ຍົກລະດັບຄຸນນະພາບຄູ ເສີມສ້າງການສຶກສາລາວ

ໃນວັນທີ 18 ພຶດສະພາຜ່ານມາ, ທີ່ຫ້ອງການສຶກສາທິການ ແລະ ກິລາເມືອງຈອມເພັດ ແຂວງຫຼວງພະບາງ ໄດ້ຈັດກອງປະຊຸມຝຶກອົບຮົມ “ສ້າງຄວາມເຂັ້ມແຂງໃຫ້ຜູ້ເຮັດວຽກສຶກສານິເທດພາຍໃນໂມດູນ 1 ເພື່ອຍົກສູງຄວາມສາມາດຂອງບຸກຄະລາກອນດ້ານການສຶກສາ ແລະ ເສີມສ້າງຄຸນນະພາບການຮຽນ-ການສອນໃນໂຮງ ຮຽນໃຫ້ດີຂຶ້ນ ໂດຍເປັນກຽດຂອງທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ນາງ ບຸນມີ ແກ້ວສະຫວັດ ຮັກສາການ ຜູ້ອໍານວຍການວິທະຍາໄລຄູຫຼວງພະບາງ, ທ່ານ ນາງ ຈັນສະໝຸດ ສຸກກະເສີມ ຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ນັກສຶກສາລາວ ໄດ້ລາງວັນທີ 3 ການແຂ່ງຂັນຮ້ອງເພງ ຢູ່ມະຫາວິທະຍາໄລວິງ ສສ ຫວຽດນາມ

ນັກສຶກສາລາວ ໄດ້ລາງວັນທີ 3 ການແຂ່ງຂັນຮ້ອງເພງ ຢູ່ມະຫາວິທະຍາໄລວິງ ສສ ຫວຽດນາມ

ນັກສຶກສາລາວທີ່ກຳລັງສຶກສາຢູ່ ມະຫາວິທະຍາໄລວິງ (Vinh University) ສສ ຫວຽດນາມ ໄດ້ສ້າງຜົນງານອັນດີເດັ່ນ ແລະ ນຳເອົາຄວາມພາກພູມໃຈມາໃຫ້ປະເທດຊາດ ດ້ວຍການໄດ້ລາງວັນອັນດັບທີ 3 ໃນງານແຂ່ງຂັນ “ຮ້ອງເພງນັກສຶກສາ” ສົກຮຽນ 2025-2026.
ສສກ ສົ່ງເສີມແມ່ຍິງໃຫ້ເປັນຜູ້ນຳໃນຂະແໜງການສຶກສາ, ວິທະຍາສາດ ແລະ ກິລາ

ສສກ ສົ່ງເສີມແມ່ຍິງໃຫ້ເປັນຜູ້ນຳໃນຂະແໜງການສຶກສາ, ວິທະຍາສາດ ແລະ ກິລາ

ກະຊວງສຶກສາທິການ ແລະ ກິລາ (ສສກ) ຮ່ວມກັບລັດຖະບານອົສຕຣາລີ ໂດຍຜ່ານແຜນງານບີຄວາ ຈັດກອງປະຊຸມຝຶກອົບຮົມໂຄງການສົ່ງເສີມແມ່ຍິງ ໃນການເປັນຜູ້ນຳຢູ່ໃນຂະແໜງການສຶກສາ, ວິທະຍາສາດ ແລະ ກິລາ ໃນລະຫວ່າງວັນທີ 18-20 ພຶດສະພານີ້, ທີ່ເມືອງແກ້ວອຸດົມ ແຂວງວຽງຈັນ ພາຍໃຕ້ການເປັນປະທານຂອງທ່ານ ຕຸດາວັນ ໜໍ່ເມືອງເສດ ຄະນະປະຈໍາພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ ກະຊວງ ສສກ, ຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ; ມີທ່ານ ນາງ ສຸດສາຍໃຈ ດວງສະຫວັນ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານຄະນະບໍລິຫານງານສະຫະພັນແມ່ຍິງກະຊວງ ສສກ ແລະ ທ່ານ ນາງ ເບຄໍາ ສະເຫຼີມສຸກ ຜູ້ຮັບຜິດຊອບວຽກງານບົດບາດຍິງ-ຊາຍ ແລະ ການສຶກສາຮຽນຮ່ວມແຜນງານບີຄວາ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ລົດແກ້ວ ອິນທະກຸມມານ ສ້າງຜົນງານເດັ່ນໄດ້ແຊັມແລ່ນມາຣາທອນລາຍການຊຸບເປີສະປອດ ໄລຍະທາງ 16 ກິໂລແມັດ ຢູ່ປະເທດໄທ

ລົດແກ້ວ ອິນທະກຸມມານ ສ້າງຜົນງານເດັ່ນໄດ້ແຊັມແລ່ນມາຣາທອນລາຍການຊຸບເປີສະປອດ ໄລຍະທາງ 16 ກິໂລແມັດ ຢູ່ປະເທດໄທ

ວົງການກິລາແລ່ນ-ລານຂອງ ສປປ ລາວ ສ້າງຊື່ສຽງໃນເວທີສາກົນອີກຄັ້ງ ເມື່ອນັກແລ່ນສາວທີມຊາດລາວ "ນາງ ລົດແກ້ວ ອິນທະກຸມມານ" ສາມາດສ້າງຜົນງານໄດ້ຢ່າງໂດດເດັ່ນອີກຄັ້ງ ດ້ວຍການເຂົ້າເສັ້ນໄຊອັນດັບທີ 1 ໃນການແຂ່ງຂັນແລ່ນມາຣາທອນລາຍການໃຫຍ່ລະດັບພາກພື້ນ ລາຍການ “SuperSports 10 Mile Marathon” ທີ່ຈັດຂຶ້ນຢ່າງຍິ່ງໃຫຍ່ ຢູ່ນະຄອນຫຼວງບາງກອກ ປະເທດໄທ ໃນວັນທີ 17 ພຶດສະພາ ຜ່ານມາ.
ງານກິລາ Coke ສາມັກຄີ 4 ໂຮງຮຽນ ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ,

ງານກິລາ Coke ສາມັກຄີ 4 ໂຮງຮຽນ ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ,

ງານກິລາ "Coke ສາມັກຄີ 4 ໂຮງຮຽນ" ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ, ດ້ວຍຮອຍຍິ້ມ, ຄວາມມ່ວນຊື່ນ ແລະ ມິດຕະພາບອັນແໜ້ນແຟ້ນ ໄດ້ຈັດຂຶ້ນໃນລະຫວ່າງວັນທີ 13 - 15 ພຶດສະພາ 2026, ທີ່ສະໝາມກິລາລ້ານຊ້າງສະເຕດ້ຽມ, ຊຶ່ງປີນີ້ເປັນຄັ້ງທີ III ທີ່ໄດ້ສ້າງເວທີແຫ່ງຄວາມຝັນແລະ ເປີດໂອກາດໃຫ້ນັກຮຽນໄດ້ສະແດງຄວາມສາມາດດ້ານກິລາຢ່າງເຕັມສ່ວນ. ໂດຍມີທ່ານ ຄຳແກ້ວ ມະຫາໄຊ ຮອງປະທານຄະນະກຳມະການ ປົກຄອງເມືອງ ຫາດຊາຍຟອງ,ທ່ານ ສົມສີ ຫຼວງພະຈັນ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ , ທ່ານ ສົມສີ ເທບພະວົງ ຫົວໜ້າຫ້ອງການສຶກສາທິການ ແລະ ກິລາ ເມືອງຫາດຊາຍຟອງ ,ທ່ານ ພະສິນ ປັນດີ ຜູ້ຈັດການ ບໍລິສັດ ລາວ ໂຄຄາ-ໂຄລາ ບ໊ອຕຕລິ້ງ ຈຳກັດ ພ້ອມດ້ວຍນັກຮຽນ ແລະ ນັກກິລາເຂົ້າຮ່ວມ.
ອະດີດນັກຮຽນມັດທະຍົມຫຼວງພະບາງ ສ້າງກິດຈະກໍາອະນາໄມຕົວເມືອງ

ອະດີດນັກຮຽນມັດທະຍົມຫຼວງພະບາງ ສ້າງກິດຈະກໍາອະນາໄມຕົວເມືອງ

ໃນວັນທີ 17 ພຶດສະພາຜ່ານມາ, ອະດີດນັກຮຽນມັດທະຍົມຫຼວງພະບາງຮຸ່ນປີ 1995-1996 ທີ່ສຶກສາຮໍ່າຮຽນຢູ່ໂຮງຮຽນມັດທະຍົມສົມບູນສັນຕິພາບ ແລະ ໂຮງຮຽນອຸດົມຫຼວງພະບາງເລກ 1 ໄດ້ພ້ອມກັນສ້າງກິດຈະກຳອະນາໄມຕົວເມືອງຫຼວງພະບາງ ໂດຍມີທ່ານ ສຸລິວົງ ແກ້ວປະທຸມ ອະດີດຄູສອນເປັນຜູ້ນຳພາ.
ມຊ ໄດ້ຮັບເຄື່ອງຊ່ວຍເຫຼືອ ມູນຄ່າ 180 ລ້ານກີບ

ມຊ ໄດ້ຮັບເຄື່ອງຊ່ວຍເຫຼືອ ມູນຄ່າ 180 ລ້ານກີບ

ອະດີດນັກສຶກສາ ແລະ ຜູ້ປະກອບການທຸລະກິດ ໄດ້ມອບອຸປະກອນການສຶກສາປະເພດຊຸດໂຕະຕັ່ງ ມູນຄ່າ 180,000,000 ກີບ ໃຫ້ກະຊວງສຶກສາທິການ ແລະ ກິລາ (ສສກ) ເພື່ອມອບຕໍ່ໃຫ້ມະຫາວິທະຍາໄລແຫ່ງຊາດ (ມຊ) ໃນວັນທີ 11 ພຶດສະພາຜ່ານມາ, ໂດຍການໃຫ້ກຽດກ່າວມອບຂອງທ່ານ ນາງ ນິວັນນາ ປະທານບໍລິສັດສຽວເຊິ້ງເຄຫະສະຖານ ແລະ ສຳຫຼວດຂຸດຄົ້ນບໍ່ແຮ່ຈຳກັດຜູ້ດຽວ ແລະ ໃຫ້ກຽດກ່າວຮັບໂດຍທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ, ໃຫ້ກຽດເຂົ້າຮ່ວມເປັນສັກຂີພິຍານໂດຍທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ເພີ່ມເຕີມ

ຂ່າວ​ລ່າ​ສຸດ

EPaper