ນັກຮຽນມັດທະຍົມສົມບູນທົ່ວເມືອງອຸທຸມພອນຮຽນຮູ້ວິຊາພື້ນຖານປ້ອງກັນຕົວ

ທ່ານ ພັນຕີ ລິດທະຍາ ວັນນະວົງ ຮອງພະແນກເສນາ ກອງບັນຊາການທະຫານເມືອງ ໄດ້ຜ່ານແຜນອົບຮົມ-ຫັດແອບວ່າ: ການອົບຮົມ-ຫັດແອບວຽກງານປ້ອງກັນຊາດແບ່ງອອກເປັນ 2 ພາກຄື: ພາກທິດສະດີການເມືອງ ປະກອບມີ ກົດໝາຍວ່າດ້ວຍປ້ອງກັນຊາດ,ຍຸດທະສາດຕ້ານການຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ດີ,ຄວາມຮູ້ພື້ນຖານກ່ຽວກັບເລົ່າລົບໃນກອງທັບປະຊາຊົນລາວ,ເສດຖະກິດປ້ອງກັນຊາດ-ປ້ອງກັນຄວາມສະຫງົບ ແລະ ພາກການທະຫານ ປະກອບມີ ວິຊາລະບຽບຮູບແຖວບຸກຄົນມີເປົ່າປະຈໍາທີ່ ແລະ ເຄື່ອນທີ່ 20 ຈັ່ງຫວະ,ລະບຽບຮູບແຖວບຸກຄົນ ມີປືນປະຈໍາທີ່ ແລະ ເຄື່ອນທີ່ 8 ຈັ່ງຫວະ,ວິຊາສິນລະປະຍຸດ ປະກອບມີ ຄຸນຄ່າສະມັດຕະພາບ,ການປະກອບສ້າງຂອງປືນ,ວິທີປົກປັກຮັກສາປືນອາກາ ແລະ ປືນເຊກາເຊ,ພື້ນຖານຫຼັກການເລັ່ງປືນອາກາ ແລະ ປືນເຊກາເຊ,ຈັ່ງຫວະຫຼັກການຍິງປືນ,ການຢືນ,ການນັ່ງ,ການນອນຍິງປືນອາກາ ແລະ ປືນເຊກາເຊ,ຫຼັກການຍິງປືນ ບົດຍິງພື້ນຖານປືນອາກາ ແລະ ປືນເຊກາເຊ,ປະຕິບັດຍິງລູກປືນແທ້ ບົດຍິງພື້ນຖານ ປືນອາກາ ແລະ ປືນເຊກາເຊ ແລະ ຍຸດທະວິທີ 7 ຈັ່ງຫວະພື້ນຖານໃນເວລາບຸກຄົນສູ້ຮົບ

ທ່ານ ແຖວຄໍາ ພົມມະວົງ ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງອຸທຸມພອນ ໄດ້ກ່າວເປີດກອງປະຊຸມພ້ອມທັງມີຄໍາເຫັນວ່າ: ການອົບຮົມຄັ້ງນີ້, ກໍເພື່ອເປັນການສ້າງລະບຽບວິໄນ,ເປັນການຝຶກຄວາມອົດທົນໃຫ້ມີລະບຽບວິໄນຕໍ່ຕົນເອງ ແລະ ສັງຄົມ. ນອກນີ້, ຍັງເປັນການສະແດງເຖິງຄວາມຮັກຊາດ ແລະ ຄວາມເອົາໃຈໃສ່ໃນວຽກງານປ້ອງກັນຕົວອີກດ້ວຍ,ພ້ອມທັງຮຽກຮ້ອງໃຫ້ນັກຮຽນໝົດທຸກຄົນທີ່ເຂົ້າຮ່ວມອົບຮົມ ຈົ່ງຕັ້ງໃຈເກັບກໍາເອົາຄວາມຮູ້ທີ່ຄູອາຈານສິດສອນໃຫ້ ແລະ ຈົ່ງເປັນພົນລະເມືອງທີ່ດີ ມີຂອງປະເທດຊາດ

ການອົບຮົມຈະໃຊ້ເວລາ 5 ວັນເຕັມຈິ່ງຈະສໍາເລັດ, ຊຶ່ງມີນັກຮຽນເຂົ້າຮ່ວມທັງໝົດ 312 ຄົນຍິງ 195 ຄົນ,ທີ່ມາຈາກ 7 ໂຮງຮຽນຄື: ໂຮງຮຽນ ມສ ອຸທຸມພອນ,ມສ ໄຊຍະເພັດ,ມສ ໂພນເດື່ອ,ມສ ບ້ານນາ,ມສ ບ້ານພີນ,ມສ ດົງໝາກແງວ ແລະ ມສ ດົງທ່າ.

(ແຫຼ່ງຂ່າວ: ເມືອງອຸທຸມພອນ)