ພິທີສະຫຼຸບການສອບເສັງແຂ່ງຂັນນັກຮຽນເກັ່ງລະດັບຊາດຊັ້ນມັດທະຍົມສຶກສາ 2024-2025 ຈັດຂຶ້ນໃນວັນທີ 10 ເມສາຜ່ານມາ ທີ່ ນວ ໂດຍມີທ່ານ ພຸດ ສິມມາລາວົງ ລັດຖະມົນຕີກະຊວງ ສສກ, ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ມີຮອງລັດຖະມົນຕີ, ຫົວໜ້າກົມ-ຮອງກົມ ພ້ອມດ້ວຍແຂກຖຶກເຊີນ ຄູ-ນັກຮຽນເຂົ້າຮ່ວມ.
ທ່ານນາງ ນວມຄໍາ ຈັນທະບູລີ ວ່າການແທນຫົວໜ້າກົມສາມັນສຶກສາ ກະຊວງ ສສກ ກ່າວວ່າ: ການສອບ ເສັງນັກຮຽນເກັ່ງໃນສົກຮຽນ 2024-2025 ຈັດຂຶ້ນລະຫວ່າງວັນທີ 7-10 ເມສາ 2024 ຊຶ່ງໄດ້ຄັດເລືອກເອົານັກຮຽນມັດທະຍົມສຶກສາຜູ້ທີ່ສອບເສັງໄດ້ອັນດັບທີ 1-2 ລະດັບແຂວງຈໍານວນ 288 ຄົນ ຍິງ 162 ຄົນ ໃນນັ້ນຊັ້ນ ມ4 ຈໍານວນ 144 ຄົນ ຍິງ 92 ຄົນ ແລະ ຊັ້ນມ7 ຈໍານວນ 144 ຄົນ ຍິງ 52 ຄົນ ໃນນັ້ນສາມະເນນ 5 ອົງ ພະສົງ 1 ອົງ ກວມເອົາ 22 ເຜົ່າ 4 ກຸ່ມພາສາ ສອບເສັງໃນ 4 ວິຊາຄື: ຄະນິດສາດ, ພາສາລາວ-ວັນນະຄະດີ, ຟີຊິກສາດ ແລະ ເຄມີສາດ.
ຜົນການແຂ່ງຂັນຊັ້ນ ມ4 ວິຊາພາສາລາວ-ວັນນະຄະດີ ທີ 1 ນາງ ສຸວັນຄໍາ ພິມມະສອນ ຈາກໂຮງຮຽນ ມສ ຊະນະພົນ ນວ, ທີ 2 ນາງ ສຸລິຍາ ປານມະນີ ຈາກ ມສ ພອນສະຫວັນ ແຂວງຊຽງຂວາງ, ທີ 3 ນາງ ທິບເກສອນ ໄຊຍະປັນຍາ ຈາກ ມສ ສາທິດ ແຂວງສະຫວັນນະເຂດ, ວິຊາຄະນິດສາດ ທີ 1 ທ້າວ ເອກກະສັນ ໝື່ນດວງ ຈາກ ມສ ພອນສະຫວັນແຫ່ງຊາດ ນວ, ທີ 2 ນາງ ສີປະໄພ ໂອໄຊ ຈາກ ມຕ ປາກຊັນໃໝ່ ແຂວງບໍລິຄໍາໄຊ, ທີ 3 ທ້າວໄຊປະເສີດ ນຸກສາ ຈາກ ມສ ປາດຖະໜາ ນວ, ວິຊາຟີຊິກສາດ ທີ 1 ນາງ ລິນດາ ພົງສະຫວັນ ຈາກ ມສ ພອນສະຫວັນແຫ່ງຊາດ ນວ, ທີ 2 ນາງ ມິນີ້ ພັນທະກອນ ມສ ລຽງເປີຍ ແຂວງອຸດົມໄຊ, ທີ 3 ທ້າວ ເພັດສະໝອນ ພຸດທະວົງ ມສ ລາວ-ຫວຽດນາມ ແຂວງສະຫວັນນະເຂດ, ວິຊາເຄມີສາດ ທີ 1 ນາງ ອອນນະພາ ຄໍາມະນີຈັນ ມສ ພອນສະຫວັນ ແຂວງຊຽງຂວາງ, ທີ 2 ນາງ ສຸລິຕາ ພົມມະຫາໄຊ ມສ ສິນໄຊ ນວ, ທີ 3 ນາງ ນຸດຈິລາ ບຸນຍາວົງ ມສ ໂພນສະຫວັນ ແຂວງສະຫວັນນະເຂດ.
ສ່ວນຊັ້ນ ມ7 ວິຊາພາສາລາວ-ວັນນະຄະດີ ທີ 1 ທ້າວ ດ່ອນລ້າ ພົມມະວົງສາ ມສ ຫ້ອມສະຫວັນ ນວ, ທີ 2 ນາງ ສຸກສົມວາດ ຣາຊະວົງ ຮຮ ພອນສະຫວັນ ແຂວງບໍລິຄໍາໄຊ, ທີ 3 ນາງ ປາທອງ ຊາຍທອງ ມສ ສີທ່ານາໄຊ ແຂວງບໍລິຄໍາໄຊ, ວິຊາຄະນິດສາດ ທີ 1 ນາງ ສຸກພັນສາ ພົມມະລັງສີ ມສ ວຽງຈັນ ນວ, ທີ 2 ທ້າວ ບົ່ງວື່ ຈູມ້າ ມສ ພອນສະຫວັນແຫ່ງຊາດ ນວ, ທີ 3 ນາງ ປາວີນາ ສີປະເສິີດ ມສ ຫົວສຽວ ແຂວງຈໍາປາສັກ, ວິຊາຟີຊິກສາດ ທີ 1 ນາງ ນິວັນນາວາ ພົມມະວົງ ມສ ປາດຖະໜາ ນວ, ທີ 2 ນາງ ອາລິສາ ວົງພູທອນ ມສ ຫົວສຽວ ແຂວງຈໍາປາສັກ, ທີ 3 ທ້າວ ດ່າ ຊົວລືຢ່າງ ຮຮ ພອນສະຫວັນ ແຂວງບໍລິຄໍາໄຊ, ວິຊາເຄມີສາດ ທີ 1 ທ້າວ ພິລະພົນ ພົນເສນາ ມສ ປາດຖະໜາ ນວ, ທີ 2 ທ້າວ ເຢິວື ມສ ວັງເຮືອ ແຂວງວຽງຈັນ, ທີ 3 ທ້າວ ໄຈຊົ່ງ ຈາກ ມສ ພອນສະຫວັນແຫ່ງຊາດ ນວ.
ສໍາລັບລາງວັນເປັນບຸກຄົນລາຍວິຊາ ທີ 1 ໄດ້ຮັບຫຼຽນຄໍາ ໃບຍ້ອງຍໍ ພ້ອມເງິນລາງວັນ 23 ລ້ານກີບ, ທີ 2 ຫຼຽນເງິນ ໃບຍ້ອງຍໍ ພ້ອມເງິນ 18,900,000 ກີບ, ທີ 3 ຫຼຽນທອງ ໃບຍ້ອງຍໍ ພ້ອມເງິນ 15,600,000ກີບ ສ່ວນຜົນການແຂ່ງຂັນຖາມ-ຕອບວິທະຍາສາດ ທີ 1 ທີມຈາກ ນວ ໄດ້ຮັບຂັນຊະນະເລີດ ພ້ອມເງິນ 11,100,000 ກີບ ທີ 2 ທີມຈາກແຂວງອຸດົມໄຊ ໄດ້ຮັບເງິນ 7,800,000 ກີບ ແລະ ທີ 3 ທີມຈາກແຂວງຈໍາປາສັກໄດ້ຮັບເງິນຈໍານວນ 4,600,000 ກີບ. ໃນພິທີໄດ້ມອບ-ຮັບການສະໜັບສະໜູນທັງພາກລັດ ແລະ ເອກະຊົນຈໍານວນ 32 ພາກສ່ວນ ລວມມູນຄ່າ 1,4 ຕື້ກີບ ເພື່ອເປັນການສະແດງຄວາມຊົມເຊີຍ ແລະ ຮູ້ບຸນຄຸນກະຊວງ ສສກ ໄດ້ມອບໃບກຽດຕິຄຸນໃຫ້ແກ່ພາກສ່ວນທີ່ໄດ້ປະກອບສ່ວນໃຫ້ການສະໜັບສະໜູນ ແລະ ມອບໃບຢັ້ງຢືນໃຫ້ຄູນໍາພາ, ນັກຮຽນທີ່ເຂົ້າຮ່ວມການສອບເສັງແຂ່ງຂັນນັກຮຽນເກັ່ງລະດັບຊາດໃນຄັ້ງນີ້. ຂ່າວ: ບຸນມີ
ຄໍາເຫັນ