ງານສາທິດສະແດງສິລະປະປ້ອງກັນຕົວຍີ່ປຸ່ນ(ບູໂດ) ຄັ້ງທີ 21 ຈັດຂຶ້ນໂດຍສະຖານທູດຍີ່ປຸ່ນ ປະຈຳລາວ ໃນວັນທີ 27 ມັງກອນ ຜ່ານມາ ທີ່ສູນກິລາບູໂດ ລາວ-ຍີ່ປຸ່ນ ທີ່ນະຄອນຫຼວງວຽງຈັນ.
ນັກກິລາແຕ່ລະຮຸ່ນ ທີ່ເປັນສະມາຊິກຂອງສະຫະພັນຢູໂດແຫ່ງຊາດລາວ, ສະຫະພັນຄາຣາເຕໂດແຫ່ງຊາດ, ສະໂມສອນໄອກິໂດແຫ່ງຊາດ ແລະ ສະໂມສອນເຄັນໂດແຫ່ງຊາດ ໄດ້ເຂົ້າຮ່ວມ ແລະ ສະແດງສາທິດທັກສະບູໂດທີ່ຝຶກຊ້ອມມາເປັນຢ່າງດີ,ໂດຍມີ ທ່ານ ປອນເມກ ດາລາລອຍ ອະດີດປະທານຄະນະມິດຕະພາບລັດຖະສະພາລາວ-ຍີ່ປຸ່ນ, ທ່ານ ພົງສະຫວັດ ບຸບຜາ ອະດີດລັດຖະມົນຕີປະຈຳສຳນັກງານປະທານປະເທດ ປະທານສະຫະພັນຄາຣາເຕໂດແຫ່ງຊາດ, ທ່ານ ເຄນທອງ ນວນທະສິງ ອະດີດປະທານຄະນະມິດຕະພາບລັດຖະສະພາລາວ-ຍີ່ປຸ່ນ, ທ່ານ ເຂັມຊາດ ພິລາພັນເດດ ປະທານສະຫະພັນຢູໂດແຫ່ງຊາດ ແລະ ພໍ່ ແມ່ ຜູ້ປົກຄອງ ເຂົ້າຮ່ວມຊົມ.
ໃນງານຄັ້ງນີ້ ຕົວແທນຈາກແຕ່ລະສະຫະພັນ ແລະ ສະໂມສອນກໍໄດ້ມີການສົນທະນາແລກປ່ຽນຄວາມຮູ້ ເພື່ອພ້ອມກັນພັດທະນາກິລາບູໂດໃນປະເທດລາວໃນອະນາຄົດ.ທ່ານ ເຄັນອິຈິ ໂຄບະຢະຊິ ເອກອັກຄະຣາຊະທູດຍີ່ປຸ່ນ ໄດ້ກ່າວໃນພິທີວ່າ:ການສະແດງທີ່ຊົງພະລັງຂອງນັກກິລາທຸກທ່ານໃນຄັ້ງນີ້.ເປັນການແລກປ່ຽນບົດຮຽນ ກິລາບູໂດ ລະຫວ່າງຍີ່ປຸ່ນ ແລະ ລາວ ຊຶ່ງມີປະຫວັດປີ 1965,ນັບແຕ່ນັ້ນມາເປັນເວລາເຄິ່ງສະຕະວັດ, ນັກກິລາບູໂດຈາກຍີ່ປຸ່ນກໍໄດ້ມາຢ້ຽມຢາມປະເທດລາວ ຜ່ານຫຼາກຫຼາຍຊ່ອງທາງ ເພື່ອເຜີຍແຜ່ຈິດວິນຍານແຫ່ງບູໂດໃຫ້ຄົນລາວ.ໃນບຸນມະໂຫລານຍີ່ປຸນ-ອາຊຽນ ໃນເດືອນທັນວາທີ່ຜ່ານມາ ສະຫະພັນ ແລະ ສະໂມສອນບູໂດ ກໍໄດ້ຂຶ້ນສະແດງບູໂດຢ່າງຊົງພະລັງຢູ່ຕໍ່ໜ້າມວນຊົນ.ຂ້າພະເຈົ້າເຊື່ອໝັ້ນວ່າ ຈິດວິນຍານແຫ່ງບູໂດ ເປັນຕົ້ນແມ່ນມາລະຍາດ ແລະ ຈິດໃຈທີ່ຮູ້ຈັກເຄົາລົບຜູ້ອື່ນ ຈະຖືກສົ່ງຕໍ່ໄປຍັງຮຸ່ນຕໍ່ໄປ ແລະ ຈະຊ່ວຍເຮັດໃຫ້ບູໂດເປັນທີ່ຮູ້ຈັກໃນປະເທດລາວຢ່າງແນ່ນອນ.
(ຂ່າວ: ສະຖານທູດ ຍີ່ປຸ່ນ)
ນັກກິລາແຕ່ລະຮຸ່ນ ທີ່ເປັນສະມາຊິກຂອງສະຫະພັນຢູໂດແຫ່ງຊາດລາວ, ສະຫະພັນຄາຣາເຕໂດແຫ່ງຊາດ, ສະໂມສອນໄອກິໂດແຫ່ງຊາດ ແລະ ສະໂມສອນເຄັນໂດແຫ່ງຊາດ ໄດ້ເຂົ້າຮ່ວມ ແລະ ສະແດງສາທິດທັກສະບູໂດທີ່ຝຶກຊ້ອມມາເປັນຢ່າງດີ,ໂດຍມີ ທ່ານ ປອນເມກ ດາລາລອຍ ອະດີດປະທານຄະນະມິດຕະພາບລັດຖະສະພາລາວ-ຍີ່ປຸ່ນ, ທ່ານ ພົງສະຫວັດ ບຸບຜາ ອະດີດລັດຖະມົນຕີປະຈຳສຳນັກງານປະທານປະເທດ ປະທານສະຫະພັນຄາຣາເຕໂດແຫ່ງຊາດ, ທ່ານ ເຄນທອງ ນວນທະສິງ ອະດີດປະທານຄະນະມິດຕະພາບລັດຖະສະພາລາວ-ຍີ່ປຸ່ນ, ທ່ານ ເຂັມຊາດ ພິລາພັນເດດ ປະທານສະຫະພັນຢູໂດແຫ່ງຊາດ ແລະ ພໍ່ ແມ່ ຜູ້ປົກຄອງ ເຂົ້າຮ່ວມຊົມ.
ໃນງານຄັ້ງນີ້ ຕົວແທນຈາກແຕ່ລະສະຫະພັນ ແລະ ສະໂມສອນກໍໄດ້ມີການສົນທະນາແລກປ່ຽນຄວາມຮູ້ ເພື່ອພ້ອມກັນພັດທະນາກິລາບູໂດໃນປະເທດລາວໃນອະນາຄົດ.ທ່ານ ເຄັນອິຈິ ໂຄບະຢະຊິ ເອກອັກຄະຣາຊະທູດຍີ່ປຸ່ນ ໄດ້ກ່າວໃນພິທີວ່າ:ການສະແດງທີ່ຊົງພະລັງຂອງນັກກິລາທຸກທ່ານໃນຄັ້ງນີ້.ເປັນການແລກປ່ຽນບົດຮຽນ ກິລາບູໂດ ລະຫວ່າງຍີ່ປຸ່ນ ແລະ ລາວ ຊຶ່ງມີປະຫວັດປີ 1965,ນັບແຕ່ນັ້ນມາເປັນເວລາເຄິ່ງສະຕະວັດ, ນັກກິລາບູໂດຈາກຍີ່ປຸ່ນກໍໄດ້ມາຢ້ຽມຢາມປະເທດລາວ ຜ່ານຫຼາກຫຼາຍຊ່ອງທາງ ເພື່ອເຜີຍແຜ່ຈິດວິນຍານແຫ່ງບູໂດໃຫ້ຄົນລາວ.ໃນບຸນມະໂຫລານຍີ່ປຸນ-ອາຊຽນ ໃນເດືອນທັນວາທີ່ຜ່ານມາ ສະຫະພັນ ແລະ ສະໂມສອນບູໂດ ກໍໄດ້ຂຶ້ນສະແດງບູໂດຢ່າງຊົງພະລັງຢູ່ຕໍ່ໜ້າມວນຊົນ.ຂ້າພະເຈົ້າເຊື່ອໝັ້ນວ່າ ຈິດວິນຍານແຫ່ງບູໂດ ເປັນຕົ້ນແມ່ນມາລະຍາດ ແລະ ຈິດໃຈທີ່ຮູ້ຈັກເຄົາລົບຜູ້ອື່ນ ຈະຖືກສົ່ງຕໍ່ໄປຍັງຮຸ່ນຕໍ່ໄປ ແລະ ຈະຊ່ວຍເຮັດໃຫ້ບູໂດເປັນທີ່ຮູ້ຈັກໃນປະເທດລາວຢ່າງແນ່ນອນ.
(ຂ່າວ: ສະຖານທູດ ຍີ່ປຸ່ນ)
ຄໍາເຫັນ