 |
ສໍາລັບ 1 ຫຼຽນເງິນ ໄດ້ຈາກນາງ ແປງ ແສງມະນີ ຮຸ່ນນໍ້າໜັກ -57 ກິໂລຍິງ ປະເພດຕໍ່ສູ້ ຈິວຈິດຊູ (Jiu-Jitsu) ຫຼື ເນວາຊາ (Ne Waza) ສ່ວນ 2 ຫຼຽນທອງ ໄດ້ຈາກນາງ ມາລາ ຈັນທະລັກສາ ຄູ່ກັບ ນາງ ກຸ້ງກິ້ງ ບຸດດາໄຊ ປະເພດດູໂອ ຄູ່ຍິງ (Duo Women) ແລະ ປະເພດສະແດງ ຄູ່ຍິງ (Show Women) ຂະນະທີ່ ຜົນງານຂອງທ້າວ ຈິນດາວອນ ສີວັນວິໄລ ຮຸ່ນ -69 ກິໂລຊາຍ ປະເພດຕໍ່ສູ້ ຈິວຈິດຊູ (Jiu-Jitsu) ຫຼື ເນວາຊາ (Ne Waza) ໄດ້ພຽງອັນດັບທີ 9 ແລະ ທ້າວ ຄຳແກ້ວ ວິໄລພອນ ຮຸ່ນ -62 ກິໂລຊາຍ ປະເພດຕໍ່ສູ້ ຈິວຈິດຊູ (Jiu-Jitsu) ຫຼື ເນວາຊາ (Ne Waza) ກໍໄດ້ອັນດັບທີ 9 ເຊັ່ນດຽວກັນ.
 |
ສ່ວນການແຂ່ງຂັນ ໃນວັນທີ 22 ສິງຫາ 2026 ນັກກິລາຈູຈີດຊູທີມຊາດລາວ ລົງແຂ່ງຂັນອີກ 3 ລາຍການ ທ້າວ ຄຳແກ້ວ ວິໄລພອນ ຮຸ່ນ 62 ກິໂລຊາຍ ລົງແຂ່ງຂັນປະເພດຕໍ່ສູ້ (Fighting) ໄດ້ອັນດັບທີ 4 ເຊິ່ງພາດຫຼຽນລາງວັນໄປຢ່າງໜ້າເສຍດາຍ ສ່ວນທ້າວ ຈິນດາວອນ ສີວັນວິໄລ ຮຸ່ນ 69 ກິໂລຊາຍ ລົງແຂ່ງຂັນປະເພດຕໍ່ສູ້ (Fighting) ໄດ້ທີ່ອັນດັບທີ 7.
ການແຂ່ງຂັນກິລາຈູຈິດຊູ ຊີງແຊັມອາຊຽນ ປະຈຳປີ 2026 ມີນັກກິລາໃນພາກອາຊຽນເຂົ້າຮ່ວມຊີງໄຊ ລວມ 8 ຊາດ ຂາດພຽງ 3 ຊາດຄື: ໄທ ບຣູໄນ ແລະ ຕີມໍ ເລສເຕ ແຂ່ງຂັນ 3 ວັນ 21-23 ສິງຫາ ມີການຊີງໄຊທັງໝົດ 223 ລາຍການ ໃນນັ້ນ ຈູຈີດຊູລາວ ສົ່ງທີມນັກກິລາເຂົ້າຮ່ວມ 5 ຄົນ ຈາກ 8 ລາຍການ.
ແຫຼ່ງຂ່າວ:ວຽງຈັນໃໝ່
ຄໍາເຫັນ