 |
ການໄປທັດສະນະສຶກສາຢູ່ ຫໍພິພິທະພັນ ປະທານ ໄກສອນ ພົມວິຫານ ກໍເພື່ອເປັນການທົບທວນຫວນຄືນປະຫວັດສາດ ໂດຍສະເພາະແມ່ນຊີວິດ ແລະ ການເຄື່ອນໄຫວຂອງ ປະທານ ໄກສອນ ພົມວິ ຫານ ຕໍ່ການປະຕິວັດ ດ້ວຍຄວາມສະຫຼາດສ່ອງໃສ ສາມາດຍາດໄດ້ຜົນງານຢ່າງໃຫຍ່ຫຼວງ, ເຮັດໃຫ້ປະເທດຊາດມີການເຕີບໃຫຍ່ຂະຫຍາຍຕົວຢ່າງເຂັ້ມແຂງ. ພ້ອມນີ້, ໄດ້ຮັບຮູ້ເຖິງຄວາມເກັ່ງກ້າສາມາດໃນການຕໍ່ສູ້ຕ້ານພວກລ່າເມືອງຂຶ້ນ, ຮັບຮູ້ເຖິງຄວາມສາມັກຄີເປັນປຶກແຜ່ນຂອງປວງຊົນລາວທັງຊາດ ພາຍໃຕ້ຄັນທຸງຂອງພັກ, ການເຄື່ອນໄຫວຂອງ ປະທານ ໄກສອນ ພົມວິຫານ ໃນແຕ່ລະໄລຍະ ໂດຍຜ່ານແປວໄຟ ຂອງການປະຕິວັດຕໍ່ສູ້ກູ້ຊາດ ແລະ ປົກປັກຮັກສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ແລະ ຍັງເຮັດໃຫ້ນັກສຶກສາໄດ້ເຂົ້າໃຈເຖິງທິດສະດີແນວຄິດ ໄກສອນ ພົມວິຫານ ເພີ່ມຂຶ້ນ.
ໂອກາດນີ້, ຄະນະນັກສຶກສາ ຍັງໄດ້ໄປທັດສະນະສຶກສາຢູ່ນິຄົມອຸດສາຫະກຳວຽງຈັນ-ໂນນທອງ ເຂດເສດຖະກິດພິເສດກວມລວມໄຊເສດຖາ ນະຄອນຫຼວງວຽງຈັນ ຊຶ່ງເຂດພັດທະນາກວມລວມໄຊເສດຖາ ເປັນເຂດໜຶ່ງໃນຈໍານວນ 5 ເຂດເສດຖະກິດພິເສດ ຂອງນະຄອນຫຼວງວຽງຈັນ, ຮູບແບບການພັດທະນາແບບກວມລວມຄົບວົງຈອນ ປະກອບດ້ວຍເຂດອຸດສາຫະກໍາ, ເຂດການຄ້າ-ການບໍລິການ ແລະ ສູນກາງການຂົນສົ່ງ ແລະ ອຶ່ນໆ ໂດຍໄດ້ສ້າງຂຶ້ນ ໃນປີ 2010. ປັດຈຸບັນ ເຂດພັດທະນາກວມລວມໄຊເສດຖາ ມີບໍລິສັດເຂົ້າມາລົງທຶນຫຼາຍກວ່າ 100 ບໍລິສັດ, ມີສິນຄ້າສົ່ງອອກສ່ວນໃຫຍ່ແມ່ນ ອຸປະກອນຊິ້ນສ່ວນເອເລັກໂຕຣນິກ, ເຄື່ອງນຸ່ງຫົ່ມ, ອຸປະກອນການແພດ, ຢາປົວພະຍາດ, ອຸປະກອນແສງສະຫວ່າງ, ຫົວອາ ຫານສັດ, ນໍ້າມັນເຊື້ອໄຟ, ອາຫານສໍາເລັດຮູບ, ຜະລິດຕະພັນຊີ້ນງົວ ແລະ ອື່ນໆ.
 |
ຫຼັງຈາກນັ້ນ, ກໍໄດ້ເດີນທາງໄປຢ້ຽມຢາມຄະນະວິສະວະກຳສາດ ມະຫາວິທະຍາໄລແຫ່ງຊາດ ໂດຍໄດ້ໄປຢ້ຽມຊົມຈຸດສຳຄັນພາຍໃນຄະນະວິສະວະກຳສາດ ເປັນຕົ້ນ ຫ້ອງທົດລອງທັນສະໄໝ ແລະ ຮ່ວມເຮັດກິດກຳແຂ່ງຂັນກິລາ ເພື່ອສ້າງຄວາມສາມັກຄີ ລະຫວ່າງ ຄະນະຄູອາຈານ, ນັກສຶກສາທິດສະດີການເມືອງລະບົບຊັ້ນສູງ 9 ເດືອນ ຮຸ່ນທີ VII ກັບ ຄະນະອາຈານຄະນະວິສະວະກຳສາດ ອີກດ້ວຍ.
(ຂ່າວ: ຂປລ)
ຄໍາເຫັນ