ງານຄາຣາວານລົດຖີບ 2 ຝັ່ງຂອງເຊື່ອມໂຍງການທ່ອງທ່ຽວລາວ-ໄທ ຄັ້ງທີ 2 ທີ່ຈັດຂຶ້ນໃນລະຫວ່າງວັນທີ 4-5 ພະຈິກ ຜ່ານມາ ດຳເນີນໄປດ້ວຍບັນຍາກາດຟົດຟື້ນມ່ວນຊື່ນ ຊຶ່ງມີບັນດາການນຳຂອງທັງສອງແຂວງ ລວມເຖິງນັກຖີບທັງມືອາຊີບ ແລະນັກຖີບເພື່ອການທ່ອງທ່ຽວເຂົ້າຮ່ວມຢ່າງຫຼວງຫຼາຍ ໃຫ້ກຽດຕ້ອນຮັບຄາຣາວານໃນຄັ້ງນີ້ໂດຍທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ ແລະທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ທັງເປັນປະທານຈັດງານ, ຝ່າຍຣາຊະອານາຈັກໄທ ນຳພາໂດຍທ່ານ ວໍຣະຢານ ບຸນນະລາດ ຜູ້ວ່າຣາຊະການແຂວງມຸກດາຫານ ແລະກົງສູນໃຫຍ່ແຫ່ງຣາຊະອານາຈັກໄທປະຈຳແຂວງ.
ທ່ານ ນາງ ຫຼິງທອງ ແສງຕາວັນ ມີຄຳເຫັນໃນໂອກາດກ່າວເປີດຂະບວນຄາຣາວານລົດຖີບ 2 ຝັ່ງຂອງເຊື່ອມໂຍງການທ່ອງທ່ຽວລາວ-ໄທ ຄັ້ງທີ 2 ວ່າ: ນະໂອກາດນີ້, ຂໍແຈ້ງມາຍັງບັນດາທ່ານຮັບຊາບວ່າ: ສປປ ລາວ ຈະໄດ້ເປີດປີທ່ອງທ່ຽວລາວ 2024 ໂດຍແຂວງສະຫວັນນະເຂດ ໄດ້ມີການກະກຽມບັນດາແຜນງານພັດທະນາ ແລະສົ່ງເສີມການທ່ອງທ່ຽວ ແລະໜຶ່ງໃນວຽກງານສົ່ງເສີມການທ່ອງທ່ຽວນັ້ນ ກໍຈະໄດ້ປະສານສົມທົບ ແລະການຮ່ວມມື ລະຫວ່າງ 2 ແຂວງ 3 ປະເທດ ສະຫວັນນະເຂດ(ສປປ ລາວ)-ມຸກດາຫານ(ຣາຊະອານາຈັກໄທ)-ກວາງຈິ(ສສ ຫວຽດ ນາມ) ຕາມບົດບັນທຶກການຮ່ວມມື ໂດຍຈຸດປະສົງ ແລະເປົ້າໝາຍຫຼັກ ແມ່ນແນໃສ່ການສົ່ງເສີມການທ່ອງທ່ຽວຮ່ວມກັນ ໂດຍຕ່າງຝ່າຍຕ່າງໄດ້ຮັບຜົນປະໂຫຍດ. ການຈັດກິດຈະກໍາທ່ອງທ່ຽວໃນໂຄງການຄາຣາວານລົດຖີບ 2 ຝັ່ງຂອງຄັ້ງນີ້ ແມ່ນເປັນງານປະຈໍາປີຂອງແຂວງສະຫວັນນະເຂດ-ມຸກດາຫານ ທີ່ໄດ້ມີການຮ່ວມມືກັນ ແລະປະສົບຜົນສໍາເລັດທາງດ້ານການໂຄສະນາປະຊາສໍາພັນການທ່ອງທ່ຽວ, ແລກປ່ຽນວັດທະນະທໍາ ຕິດພັນກັບການກະຕຸກຊຸກຍູ້ທາງດ້ານເສດຖະກິດ ແລະທຸລະກິດການທ່ອງທ່ຽວ ລະຫວ່າງ 2 ປະເທດ ລາວ-ໄທ ໃຫ້ດີຂຶ້ນເທື່ອລະກ້າວ.
ໂອກາດນີ້, ທ່ານ ໂພສີສອຍ ກຸທິລາດ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງ ສະຫວັນນະເຂດ ຮອງປະທານຈັດງານ ໄດ້ລາຍງານໃຫ້ຮູ້ວ່າ: ກິດຈະກໍາຄັ້ງນີ້ ເປັນການເລີ່ມຕົ້ນຂອງຫຼາຍໆກິດຈະກໍາ ທີ່ທາງແຂວງສະຫວັນນະເຂດ ຈັດຂຶ້ນເພື່ອຕ້ອນຮັບປີທ່ອງທ່ຽວລາວ 2024; ງານຄາຣາວານລົດຖີບ 2 ຝັ່ງຂອງໃນປີນີ້ ມີຜູ້ເຂົ້າຮ່ວມທັງໜົດ 473 ຄັນ, ໃນນີ້ ມີນັກຖີບຈາກຝັ່ງໄທ ໂດຍສະເພາະແຂວງມຸກດາຫານຈຳນວນ 350 ຄັນ(ນອນຄ້າງຄືນ 130 ຄັນ/ຄົນ) ແລະແຂວງສະຫວັນນະເຂດ ຈຳນວນ 123 ຄັນ/ຄົນ(ມາຈາກກຸ່ມລົດຖີບນະຄອນຫຼວງວຽງຈັນ-ຄໍາມ່ວນ-ສະຫວັນນະເຂດ, ສະຫະພັນລົດຖີບແຂວງ ແລະບັນດາກຸ່ມລົດຖີບພາຍໃນແຂວງ) ຊຶ່ງຂະບວນຄາຣາວານລົດຖີບ 2 ຝັ່ງຂອງ ໄດ້ເລີ່ມຕົ້ນແຕ່ຂົວມິດຕະພາບ 2 ແລ້ວມາລ້ຽວທີ່ວົງວຽນໄດໂນເສົາ, ໄປຕາມເສັ້ນທາງໄກສອນພົມວິຫານ(ທາງອາ 1) ລ້ຽວຂວາບໍລິເວນວົງວຽນອາຊຽນ ແລ້ວແວ່ພັກຜ່ອນດື່ມນ້ຳ ແລະຖ່າຍຮູບທີ່ສວນສາທາລະນະໄກສອນພົມວິຫານ. ຈາກນັ້ນ, ຈຶ່ງຖີບລົດຕໍ່ຜ່ານວົງວຽນກອງໃຫຍ່ມຸ່ງໜ້າສູ່ຕົວເມືອງ ຊຶ່ງຕະຫຼອດການເດີນທາງ, ຈະຊົມທັດສະນີຍະພາບຂອງນະຄອນໄກສອນພົມວິຫານ ກໍຄືຕົວເມືອງເກົ່າຂອງເມືອງຄັນທະບູລີ, ສໍາຜັດກັບປະເພນີ ແລະສິລະປະຂອງຊາວນະຄອນ ພ້ອມນັ້ນ, ກໍຍັງໄດ້ຂີ່ລົດລຽບຕາມແຄມຂອງ ແລ້ວແວ່ພັກຖ່າຍຮູບ ແລະກາບໄຫວ້ພະຍານາກແຄມຂອງ(ໜ້າວັດໃຫຍ່) ຕໍ່ຈາກນັ້ນ, ຈຶ່ງເດີນທາງຕໍ່ມາຍັງຫໍພິພິທະພັນແຂວງສະຫວັນນະເຂດ ທີ່ເປັນຈຸດຕ້ອນຮັບຄາຣາວານຄັ້ງນີ້ ຊຶ່ງໄດ້ຈັດໃຫ້ມີພິທີບາສີສູ່ຂວັນ, ຮ່ວມພາເຂົ້າສາມັກຄີ, ຮັບຊົມສິລະປະ-ວັນນະຄະດີ ແລະກິດຈະກຳຕ່າງໆທີ່ໜ້າສົນໃຈ ໄວ້ຕ້ອນຮັບບັນດາທ່ານແຂກ ແລະນັກທ່ອງທ່ຽວ.
ຂ່າວ:ສະຫວັນນະເຂດ
ທ່ານ ນາງ ຫຼິງທອງ ແສງຕາວັນ ມີຄຳເຫັນໃນໂອກາດກ່າວເປີດຂະບວນຄາຣາວານລົດຖີບ 2 ຝັ່ງຂອງເຊື່ອມໂຍງການທ່ອງທ່ຽວລາວ-ໄທ ຄັ້ງທີ 2 ວ່າ: ນະໂອກາດນີ້, ຂໍແຈ້ງມາຍັງບັນດາທ່ານຮັບຊາບວ່າ: ສປປ ລາວ ຈະໄດ້ເປີດປີທ່ອງທ່ຽວລາວ 2024 ໂດຍແຂວງສະຫວັນນະເຂດ ໄດ້ມີການກະກຽມບັນດາແຜນງານພັດທະນາ ແລະສົ່ງເສີມການທ່ອງທ່ຽວ ແລະໜຶ່ງໃນວຽກງານສົ່ງເສີມການທ່ອງທ່ຽວນັ້ນ ກໍຈະໄດ້ປະສານສົມທົບ ແລະການຮ່ວມມື ລະຫວ່າງ 2 ແຂວງ 3 ປະເທດ ສະຫວັນນະເຂດ(ສປປ ລາວ)-ມຸກດາຫານ(ຣາຊະອານາຈັກໄທ)-ກວາງຈິ(ສສ ຫວຽດ ນາມ) ຕາມບົດບັນທຶກການຮ່ວມມື ໂດຍຈຸດປະສົງ ແລະເປົ້າໝາຍຫຼັກ ແມ່ນແນໃສ່ການສົ່ງເສີມການທ່ອງທ່ຽວຮ່ວມກັນ ໂດຍຕ່າງຝ່າຍຕ່າງໄດ້ຮັບຜົນປະໂຫຍດ. ການຈັດກິດຈະກໍາທ່ອງທ່ຽວໃນໂຄງການຄາຣາວານລົດຖີບ 2 ຝັ່ງຂອງຄັ້ງນີ້ ແມ່ນເປັນງານປະຈໍາປີຂອງແຂວງສະຫວັນນະເຂດ-ມຸກດາຫານ ທີ່ໄດ້ມີການຮ່ວມມືກັນ ແລະປະສົບຜົນສໍາເລັດທາງດ້ານການໂຄສະນາປະຊາສໍາພັນການທ່ອງທ່ຽວ, ແລກປ່ຽນວັດທະນະທໍາ ຕິດພັນກັບການກະຕຸກຊຸກຍູ້ທາງດ້ານເສດຖະກິດ ແລະທຸລະກິດການທ່ອງທ່ຽວ ລະຫວ່າງ 2 ປະເທດ ລາວ-ໄທ ໃຫ້ດີຂຶ້ນເທື່ອລະກ້າວ.
ໂອກາດນີ້, ທ່ານ ໂພສີສອຍ ກຸທິລາດ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງ ສະຫວັນນະເຂດ ຮອງປະທານຈັດງານ ໄດ້ລາຍງານໃຫ້ຮູ້ວ່າ: ກິດຈະກໍາຄັ້ງນີ້ ເປັນການເລີ່ມຕົ້ນຂອງຫຼາຍໆກິດຈະກໍາ ທີ່ທາງແຂວງສະຫວັນນະເຂດ ຈັດຂຶ້ນເພື່ອຕ້ອນຮັບປີທ່ອງທ່ຽວລາວ 2024; ງານຄາຣາວານລົດຖີບ 2 ຝັ່ງຂອງໃນປີນີ້ ມີຜູ້ເຂົ້າຮ່ວມທັງໜົດ 473 ຄັນ, ໃນນີ້ ມີນັກຖີບຈາກຝັ່ງໄທ ໂດຍສະເພາະແຂວງມຸກດາຫານຈຳນວນ 350 ຄັນ(ນອນຄ້າງຄືນ 130 ຄັນ/ຄົນ) ແລະແຂວງສະຫວັນນະເຂດ ຈຳນວນ 123 ຄັນ/ຄົນ(ມາຈາກກຸ່ມລົດຖີບນະຄອນຫຼວງວຽງຈັນ-ຄໍາມ່ວນ-ສະຫວັນນະເຂດ, ສະຫະພັນລົດຖີບແຂວງ ແລະບັນດາກຸ່ມລົດຖີບພາຍໃນແຂວງ) ຊຶ່ງຂະບວນຄາຣາວານລົດຖີບ 2 ຝັ່ງຂອງ ໄດ້ເລີ່ມຕົ້ນແຕ່ຂົວມິດຕະພາບ 2 ແລ້ວມາລ້ຽວທີ່ວົງວຽນໄດໂນເສົາ, ໄປຕາມເສັ້ນທາງໄກສອນພົມວິຫານ(ທາງອາ 1) ລ້ຽວຂວາບໍລິເວນວົງວຽນອາຊຽນ ແລ້ວແວ່ພັກຜ່ອນດື່ມນ້ຳ ແລະຖ່າຍຮູບທີ່ສວນສາທາລະນະໄກສອນພົມວິຫານ. ຈາກນັ້ນ, ຈຶ່ງຖີບລົດຕໍ່ຜ່ານວົງວຽນກອງໃຫຍ່ມຸ່ງໜ້າສູ່ຕົວເມືອງ ຊຶ່ງຕະຫຼອດການເດີນທາງ, ຈະຊົມທັດສະນີຍະພາບຂອງນະຄອນໄກສອນພົມວິຫານ ກໍຄືຕົວເມືອງເກົ່າຂອງເມືອງຄັນທະບູລີ, ສໍາຜັດກັບປະເພນີ ແລະສິລະປະຂອງຊາວນະຄອນ ພ້ອມນັ້ນ, ກໍຍັງໄດ້ຂີ່ລົດລຽບຕາມແຄມຂອງ ແລ້ວແວ່ພັກຖ່າຍຮູບ ແລະກາບໄຫວ້ພະຍານາກແຄມຂອງ(ໜ້າວັດໃຫຍ່) ຕໍ່ຈາກນັ້ນ, ຈຶ່ງເດີນທາງຕໍ່ມາຍັງຫໍພິພິທະພັນແຂວງສະຫວັນນະເຂດ ທີ່ເປັນຈຸດຕ້ອນຮັບຄາຣາວານຄັ້ງນີ້ ຊຶ່ງໄດ້ຈັດໃຫ້ມີພິທີບາສີສູ່ຂວັນ, ຮ່ວມພາເຂົ້າສາມັກຄີ, ຮັບຊົມສິລະປະ-ວັນນະຄະດີ ແລະກິດຈະກຳຕ່າງໆທີ່ໜ້າສົນໃຈ ໄວ້ຕ້ອນຮັບບັນດາທ່ານແຂກ ແລະນັກທ່ອງທ່ຽວ.
ຂ່າວ:ສະຫວັນນະເຂດ
ຄໍາເຫັນ