ໂດຍ: ສ.ບຸດປະຊາ
ລັດຖະບານ ແຫ່ງ ສປປ ລາວ ໄດ້ມີນະໂຍບາຍເພື່ອຊຸກຍູ້, ສົ່ງເສີມ ຜູ້ຜະລິດ ແລະ ຜູ້ປະກອບການ ນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ເຂົ້າໃນການປູກພືດໃຫ້ເໝາະສົມກັບການປ່ຽນແປງຂອງສະພາບດິນຟ້າອາກາດ ແລະ ເປັນມິດກັບສິ່ງແວດລ້ອມ; ພ້ອມກັນນີ້, ກໍເພື່ອຍົກສູງສະມັດຖະພາບຂອງຜົນຜະລິດ, ຫຼຸດຜ່ອນຕົ້ນທຶນການຜະລິດ ສາມາດຜະລິດເປັນສິນຄ້າແຂ່ງຂັນກັບຕະຫຼາດພາຍໃນ ແລະ ສາກົນ.
ນະໂຍບາຍດັ່ງກ່າວນັ້ນ, ໄດ້ຖືກກຳນົດເຂົ້າເປັນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ຊຶ່ງໄດ້ຮັບຮອງ ແລະ ປະກາດໃຊ້ ໂດຍດຳລັດ ເລກທີ 226/ນຍ, ລົງວັນທີ 10 ກໍລະກົດ 2023. ນະໂຍບາຍດັ່ງກ່າວນີ້, ແມ່ນນະໂຍບາຍຂໍ້ທີ 7 ໃນນະໂຍບາຍ 8 ຂໍ້ ຂອງນະໂຍບາຍແຫ່ງຊາດ ສະບັບດັ່ງກ່າວ; ເຫດຜົນສຳຄັນຄືໄລຍະຜ່ານມາ, ການນໍາໃຊ້ວິທະຍາສາດ, ເຕັກນິກ-ເຕັກໂນໂລຊີ ທີ່ສະອາດ ແລະ ທັນສະໄໝ ເຂົ້າໃນລະບົບການຜະລິດ-ການປຸງແຕ່ງພືດ ລວມທັງການສໍາຫຼວດ, ການເຝົ້າລະວັງ, ການປ້ອງກັນ ແລະ ຄວບຄຸມ ການລະບາດຂອງສັດຕູພືດ ຍັງຈໍາກັດ; ດ້ານບຸກຄະລາກອນ ກໍຍັງບໍ່ທັນມີຄວາມຮູ້ຄວາມສາມາດ ໃນການປະດິດ ແລະ ນໍາໃຊ້ເຄື່ອງມືທີ່ທັນສະໄໝ ເຂົ້າໃນວຽກງານປູກຝັງ; ພ້ອມດຽວກັນນັ້ນ, ຜູ້ຜະລິດ, ຜູ້ປະກອບການ ແລະ ຊາວກະສິກອນ ຍັງບໍ່ທັນສາມາດຮັບຮູ້ ແລະ ນໍາໃຊ້ ເຕັກນິກນະວັດຕະກໍາໃໝ່.
ນອກນີ້, ການເຂົ້າເຖິງ ແລະ ການນໍາໃຊ້ເຄື່ອງມື, ກົນຈັກທີ່ທັນສະໄໝ, ເຕັກໂນໂລຊີຜະລິດໄຟຟ້າດ້ວຍພະລັງງານແສງຕາເວັນ, ພະລັງງານລົມ, ພະລັງງານຄວາມຮ້ອນໃຕ້ດິນ ແລະ ພະລັງງານຊີວະມວນ ເຂົ້າໃນການຜະລິດ ແລະ ປຸງແຕ່ງພືດ ຍັງຈໍາກັດ;ຜູ້ຜະລິດ ແລະ ຜູ້ປະກອບການ ທີ່ນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ມີຄວາມຈໍາເປັນນໍາໃຊ້ພະລັງງານໄຟຟ້າຫຼາຍຂຶ້ນ ແຕ່ຕ້ອງໄດ້ຮັບພາລະຄ່າໃຊ້ຈ່າຍຄ່າກະແສໄຟຟ້າສູງ ໃນອັດຕາທີ່ແຕກຕ່າງກັນ ເຮັດໃຫ້ຕົ້ນທຶນສູງຂຶ້ນ.
ດ້ວຍເຫດ ແລະ ຜົນຂ້າງເທິງນັ້ນ, ລັດຖະບານຈຶ່ງໄດ້ສົ່ງເສີມໃຫ້ມີການນໍາໃຊ້ວິທະຍາສາດ, ເຕັກນິກ-ເຕັກໂນໂລຊີ ທີ່ທັນສະໄໝ, ກະສິກໍາອັດສະລິຍະ ຫຼື ໃນຮູບແບບຟາມອັດສະລິຍະ (Smart farm) ເຂົ້າໃນການຜະລິດ ແລະ ການປຸງແຕ່ງພືດ ຕິດພັນກັບການປ່ຽນແປງຂອງສະພາບດິນຟ້າອາກາດ ເພື່ອປະຢັດຕົ້ນທຶນ;ສົ່ງເສີມໃຫ້ມີການຄົ້ນຄວ້າ, ທົດລອງ ການນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ເຂົ້າໃນການຜະລິດ ໃຫ້ເໝາະສົມກັບແຕ່ລະເຂດແຄ້ວນ;ຊຸກຍູ້, ສົ່ງເສີມ ໃຫ້ຜູ້ຜະລິດ, ຜູ້ປະກອບການ ລົງທຶນໃສ່ການຜະລິດ-ການປຸງແຕ່ງພືດ ເພື່ອເປັນສິນຄ້າສົ່ງອອກ ທີ່ນໍາໃຊ້ເຕັກນິກ-ເຕັກໂນໂລຊີ, ນະວັດຕະກໍາໃໝ່, ເຄື່ອງມື, ອຸປະກອນ, ຂໍ້ມູນຂ່າວສານ ແລະ ການສື່ສານ ທີ່ທັນສະໄໝ;ອໍານວຍຄວາມສະດວກໃນການນໍາເຂົ້າພາຫະນະ, ເຄື່ອງມື ແລະ ອຸປະກອນ ທີ່ທັນສະໄໝ ແລະ ເປັນມິດກັບສິ່ງແວດລ້ອມ ເພື່ອໃຊ້ເຂົ້າໃນວຽກງານຜະລິດພືດ.
ລັດຖະບານເຮົາ, ຍັງຊຸກຍູ້, ສົ່ງເສີມ ໃຫ້ມີການຜະລິດ, ການນໍາໃຊ້ ແລະ ການເຂົ້າເຖິງ ເຄື່ອງມື, ກົນຈັກທີ່ທັນສະໄໝ, ເຕັກໂນໂລຊີພະລັງງານທົດແທນທີ່ສະອາດ (ພະລັງງານແສງຕາເວັນ, ພະລັງງານລົມ, ພະລັງງານຄວາມ ຮ້ອນໃຕ້ດິນ ແລະ ພະລັງງານຊີວະມວນ) ເຂົ້າໃນການຜະລິດ ແລະ ການປຸງແຕ່ງພືດ ໃຫ້ຫຼາຍຂຶ້ນ;ອອກນະໂຍບາຍຫຼຸດຜ່ອນຄ່າກະແສໄຟຟ້າກະສິກໍາ ຫຼື ເທົ່າກັບຄ່າກະແສໄຟຟ້າຊົນລະປະທານ ສໍາລັບ ການຜະລິດແບບເປັນຟາມ, ຟາມອັດສະລິຍະ (Smart farm), ສະຖານທີ່ປະກອບການຜະລິດ ຕາມການຜະລິດກະສິກໍາສະອາດ ແລະ ການປຸງແຕ່ງທີ່ດີ ທີ່ຢັ້ງຢືນ ແລະ ຮັບຮອງ ຈາກກົມປູກຝັງ, ກະຊວງກະສິກໍາ ແລະ ປ່າໄມ້.
ທັງໝົດນັ້ນ, ແມ່ນໜຶ່ງ ຂໍ້ນະໂຍບາຍ ໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ທີ່ກຳນົດຂຶ້ນເພື່ອເປັນແນວທາງ ໃນການສະໜັບສະໜູນ ແລະ ອຳນວຍຄວາມສະດວກໃຫ້ແກ່ການພັດທະນາ ຂະແໜງການປູກຝັງຂອງ ສປປ ລາວ ໃຫ້ມີການຂະຫຍາຍຕົວ ຕິດພັນກັບການປູກຝັງທັນສະໄໝ, ສະອາດ, ປອດໄພ, ໃສ່ໃຈຄຸນນະພາບ, ໝັ້ນຄົງ ແລະ ຍືນຍົງ, ຍົກສູງສະມັດຖະພາບຂອງຜົນຜະລິດ ໃຫ້ສາມາດເປັນສິນຄ້າທີ່ມີຄຸນນະພາບ.
ລັດຖະບານ ແຫ່ງ ສປປ ລາວ ໄດ້ມີນະໂຍບາຍເພື່ອຊຸກຍູ້, ສົ່ງເສີມ ຜູ້ຜະລິດ ແລະ ຜູ້ປະກອບການ ນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ເຂົ້າໃນການປູກພືດໃຫ້ເໝາະສົມກັບການປ່ຽນແປງຂອງສະພາບດິນຟ້າອາກາດ ແລະ ເປັນມິດກັບສິ່ງແວດລ້ອມ; ພ້ອມກັນນີ້, ກໍເພື່ອຍົກສູງສະມັດຖະພາບຂອງຜົນຜະລິດ, ຫຼຸດຜ່ອນຕົ້ນທຶນການຜະລິດ ສາມາດຜະລິດເປັນສິນຄ້າແຂ່ງຂັນກັບຕະຫຼາດພາຍໃນ ແລະ ສາກົນ.
ນະໂຍບາຍດັ່ງກ່າວນັ້ນ, ໄດ້ຖືກກຳນົດເຂົ້າເປັນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ຊຶ່ງໄດ້ຮັບຮອງ ແລະ ປະກາດໃຊ້ ໂດຍດຳລັດ ເລກທີ 226/ນຍ, ລົງວັນທີ 10 ກໍລະກົດ 2023. ນະໂຍບາຍດັ່ງກ່າວນີ້, ແມ່ນນະໂຍບາຍຂໍ້ທີ 7 ໃນນະໂຍບາຍ 8 ຂໍ້ ຂອງນະໂຍບາຍແຫ່ງຊາດ ສະບັບດັ່ງກ່າວ; ເຫດຜົນສຳຄັນຄືໄລຍະຜ່ານມາ, ການນໍາໃຊ້ວິທະຍາສາດ, ເຕັກນິກ-ເຕັກໂນໂລຊີ ທີ່ສະອາດ ແລະ ທັນສະໄໝ ເຂົ້າໃນລະບົບການຜະລິດ-ການປຸງແຕ່ງພືດ ລວມທັງການສໍາຫຼວດ, ການເຝົ້າລະວັງ, ການປ້ອງກັນ ແລະ ຄວບຄຸມ ການລະບາດຂອງສັດຕູພືດ ຍັງຈໍາກັດ; ດ້ານບຸກຄະລາກອນ ກໍຍັງບໍ່ທັນມີຄວາມຮູ້ຄວາມສາມາດ ໃນການປະດິດ ແລະ ນໍາໃຊ້ເຄື່ອງມືທີ່ທັນສະໄໝ ເຂົ້າໃນວຽກງານປູກຝັງ; ພ້ອມດຽວກັນນັ້ນ, ຜູ້ຜະລິດ, ຜູ້ປະກອບການ ແລະ ຊາວກະສິກອນ ຍັງບໍ່ທັນສາມາດຮັບຮູ້ ແລະ ນໍາໃຊ້ ເຕັກນິກນະວັດຕະກໍາໃໝ່.
ນອກນີ້, ການເຂົ້າເຖິງ ແລະ ການນໍາໃຊ້ເຄື່ອງມື, ກົນຈັກທີ່ທັນສະໄໝ, ເຕັກໂນໂລຊີຜະລິດໄຟຟ້າດ້ວຍພະລັງງານແສງຕາເວັນ, ພະລັງງານລົມ, ພະລັງງານຄວາມຮ້ອນໃຕ້ດິນ ແລະ ພະລັງງານຊີວະມວນ ເຂົ້າໃນການຜະລິດ ແລະ ປຸງແຕ່ງພືດ ຍັງຈໍາກັດ;ຜູ້ຜະລິດ ແລະ ຜູ້ປະກອບການ ທີ່ນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ມີຄວາມຈໍາເປັນນໍາໃຊ້ພະລັງງານໄຟຟ້າຫຼາຍຂຶ້ນ ແຕ່ຕ້ອງໄດ້ຮັບພາລະຄ່າໃຊ້ຈ່າຍຄ່າກະແສໄຟຟ້າສູງ ໃນອັດຕາທີ່ແຕກຕ່າງກັນ ເຮັດໃຫ້ຕົ້ນທຶນສູງຂຶ້ນ.
ດ້ວຍເຫດ ແລະ ຜົນຂ້າງເທິງນັ້ນ, ລັດຖະບານຈຶ່ງໄດ້ສົ່ງເສີມໃຫ້ມີການນໍາໃຊ້ວິທະຍາສາດ, ເຕັກນິກ-ເຕັກໂນໂລຊີ ທີ່ທັນສະໄໝ, ກະສິກໍາອັດສະລິຍະ ຫຼື ໃນຮູບແບບຟາມອັດສະລິຍະ (Smart farm) ເຂົ້າໃນການຜະລິດ ແລະ ການປຸງແຕ່ງພືດ ຕິດພັນກັບການປ່ຽນແປງຂອງສະພາບດິນຟ້າອາກາດ ເພື່ອປະຢັດຕົ້ນທຶນ;ສົ່ງເສີມໃຫ້ມີການຄົ້ນຄວ້າ, ທົດລອງ ການນໍາໃຊ້ເຕັກນິກ-ເຕັກໂນໂລຊີ ທີ່ທັນສະໄໝ ເຂົ້າໃນການຜະລິດ ໃຫ້ເໝາະສົມກັບແຕ່ລະເຂດແຄ້ວນ;ຊຸກຍູ້, ສົ່ງເສີມ ໃຫ້ຜູ້ຜະລິດ, ຜູ້ປະກອບການ ລົງທຶນໃສ່ການຜະລິດ-ການປຸງແຕ່ງພືດ ເພື່ອເປັນສິນຄ້າສົ່ງອອກ ທີ່ນໍາໃຊ້ເຕັກນິກ-ເຕັກໂນໂລຊີ, ນະວັດຕະກໍາໃໝ່, ເຄື່ອງມື, ອຸປະກອນ, ຂໍ້ມູນຂ່າວສານ ແລະ ການສື່ສານ ທີ່ທັນສະໄໝ;ອໍານວຍຄວາມສະດວກໃນການນໍາເຂົ້າພາຫະນະ, ເຄື່ອງມື ແລະ ອຸປະກອນ ທີ່ທັນສະໄໝ ແລະ ເປັນມິດກັບສິ່ງແວດລ້ອມ ເພື່ອໃຊ້ເຂົ້າໃນວຽກງານຜະລິດພືດ.
ລັດຖະບານເຮົາ, ຍັງຊຸກຍູ້, ສົ່ງເສີມ ໃຫ້ມີການຜະລິດ, ການນໍາໃຊ້ ແລະ ການເຂົ້າເຖິງ ເຄື່ອງມື, ກົນຈັກທີ່ທັນສະໄໝ, ເຕັກໂນໂລຊີພະລັງງານທົດແທນທີ່ສະອາດ (ພະລັງງານແສງຕາເວັນ, ພະລັງງານລົມ, ພະລັງງານຄວາມ ຮ້ອນໃຕ້ດິນ ແລະ ພະລັງງານຊີວະມວນ) ເຂົ້າໃນການຜະລິດ ແລະ ການປຸງແຕ່ງພືດ ໃຫ້ຫຼາຍຂຶ້ນ;ອອກນະໂຍບາຍຫຼຸດຜ່ອນຄ່າກະແສໄຟຟ້າກະສິກໍາ ຫຼື ເທົ່າກັບຄ່າກະແສໄຟຟ້າຊົນລະປະທານ ສໍາລັບ ການຜະລິດແບບເປັນຟາມ, ຟາມອັດສະລິຍະ (Smart farm), ສະຖານທີ່ປະກອບການຜະລິດ ຕາມການຜະລິດກະສິກໍາສະອາດ ແລະ ການປຸງແຕ່ງທີ່ດີ ທີ່ຢັ້ງຢືນ ແລະ ຮັບຮອງ ຈາກກົມປູກຝັງ, ກະຊວງກະສິກໍາ ແລະ ປ່າໄມ້.
ທັງໝົດນັ້ນ, ແມ່ນໜຶ່ງ ຂໍ້ນະໂຍບາຍ ໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ທີ່ກຳນົດຂຶ້ນເພື່ອເປັນແນວທາງ ໃນການສະໜັບສະໜູນ ແລະ ອຳນວຍຄວາມສະດວກໃຫ້ແກ່ການພັດທະນາ ຂະແໜງການປູກຝັງຂອງ ສປປ ລາວ ໃຫ້ມີການຂະຫຍາຍຕົວ ຕິດພັນກັບການປູກຝັງທັນສະໄໝ, ສະອາດ, ປອດໄພ, ໃສ່ໃຈຄຸນນະພາບ, ໝັ້ນຄົງ ແລະ ຍືນຍົງ, ຍົກສູງສະມັດຖະພາບຂອງຜົນຜະລິດ ໃຫ້ສາມາດເປັນສິນຄ້າທີ່ມີຄຸນນະພາບ.
ຄໍາເຫັນ