ນາງ ພອນລິສາ ສິນລະປະກິດ ໄດ້ຫຼຽນຄຳ ງານໂອແລັມປິກແຂ່ງຂັນ ວິຊາຄະນິດສາດ

10:15 12/03/2026

ນາງ ພອນລິສາ ສິນລະປະກິດ ຈາກໂຮງຮຽນນານາຊາດອ໋ອດສະກາ ເຂົ້າຮ່ວມງານໂອແລັມປິກແຂ່ງຂັນວິຊາຄະນິດສາດ ແລະ ວິທະຍາສາດສັງຄົມ ຊຶ່ງຈັດຂຶ້ນໃນວັນທີ 28ກຸມພາ ຜ່ານມາ ທີ່ປະເທດຟີລິບປິນ ໃນລະດັບຊັ້ນ ມ.4, ໃນວິຊາຄະນິດສາດຊຶ່ງເປັນຫຼຽນຄໍາໜຶ່ງດຽວທີ່ນັກຮຽນລາວ ຍາດມາໄດ້ໃນການເຂົ້າຮ່ວມແຂ່ງຂັນຄັ້ງນີ້, ສ່ວນວິຊາ ວິທະຍາສາດສັງຄົມແມ່ນໄດ້ຮັບຫຼຽນທອງ, ສໍາລັບວິຊາຄະນິດສາດ ໂດຍອີງໃສ່ຄະແນນ ແລະ ເງື່ອນໄຂຕ່າງໆທີ່ກ່ຽວຂ້ອງ ຄະນະຜູ້ຈັດການສອບເສັງໂອແລັມປິກໄດ້ມອບຂັນລາງວັນກຽດນິຍົມຂັ້ນສູງພິເສດໃຫ້ນໍາດ້ວຍ.

ນາງ ພອນລິສາ ສິນລະປະກິດ ໄດ້ໃຫ້ສໍາພາດວ່າ: ຂ້າພະເຈົ້າມີຄວາມພາກພູມໃຈຫຼາຍທີ່ສາມາດຍາດໄດ້ຫຼຽນຄໍາ ແລະ ໄດ້ຮັບຂັນກຽດນິຍົມຂັ້ນສູງພິເສດຂອງໂອແລັມປິກໃນຄັ້ງນີ້ ແລະ ຄວາມພູມໃຈອີກຢ່າງໜຶ່ງກໍຄື ນາງ ແພັດຕີຍາ ສິນລະປະກິດ ຜູ້ເປັນເອື້ອຍກໍໄດ້ເຂົ້າຮ່ວມແຂ່ງຂັນ ວິຊາຄະນິດສາດໃນລະດັບຊັ້ນ ມ.5 ກໍສາມາດຍາດໄດ້ຫຼຽນທອງ ມາໃຫ້ ໂຮງຮຽນ ແລະ ປະເທດລາວເຊັ່ນກັນ. ໂອກາດດັ່ງກ່າວ ທັງສອງໄດ້ສະແດງຄວາມຂອບໃຈມາຍັງການຈັດຕັ້ງທຸກຂັ້ນ, ການນໍາທຸກທ່ານທີ່ສ້າງເງື່ອນໄຂ ແລະ ໂອກາດໃຫ້ພວກຂ້າພະເຈົ້າໄດ້ເຂົ້າຮ່ວມແຂ່ງຂັນໃນຄັ້ງນີ້, ຂໍຂອບໃຈມາຍັງຄູ, ອາຈານ, ຜູ້ປົກຄອງ, ໝູ່ເພື່ອນໝົດທຸກຄົນທີ່ໃຫ້ຄວາມສະໜັບສະໜູນ ແລະ ໄດ້ນໍາພາພວກນ້ອງໄປເຂົ້າຮ່ວມແຂ່ງຂັນໃນຄັ້ງນີ້ດ້ວຍ.

ງານໂອແລມັປິກແຂ່ງຂັນ ວິຊາຄະນິດສາດ ແລະ ວິທະຍາສາດສັງຄົມສາກົນ ຮອບສຸດທ້າຍທົ່ວໂລກສໍາລັບນັກຮຽນຊັ້ນປະຖົມ ແລະ ມັດທະຍົມ (PHILIPPINE INTERNATIANAL MATH AND SCIENCE OLIMPICS (PIMSO) CLOBAL FINAL ROUND 2026) ຄັ້ງນີ້, ມີນັກຮຽນທັງໝົດ 1 ພັນກວ່າຄົນ ທີ່ມາຈາກ 10 ກວ່າປະເທດເຂົ້າຮ່ວມ. ພາຍຫຼັງທີ່ໄດ້ສໍາເລັດຈາກການແຂ່ງຂັນຮອບຄັດເລືອກຢູ່ປະເທດຂອງຕົນ. ໃນນັ້ນ, ມີນັກຮຽນຈາກປະເທດລາວ ຈໍານວນ 19 ຄົນ ຈາກຫຼາຍໂຮງຮຽນ ແລະ ເຂົ້າຮ່ວມແຂ່ງຂັນໃນລະດັບຊັ້ນຮຽນທີ່ແຕກຕ່າງກັນ ຊຶ່ງພວກເຂົາເຈົ້າຈໍານວນໜຶ່ງກໍສາມາດຍາດໄດ້ຫຼຽນລາງວັນມາໃຫ້ປະເທດລາວພວກເຮົາ.

(ຂ່າວ: ແສງຈັນ)

ຄໍາເຫັນ

ຂ່າວສືກສາ-ກິລາ

ບໍ່ແຕນ ເປີດອົບຮົມວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ປະຈໍາປີ 2026

11/03/2026 16:06

ກອງບັນຊາການທະຫານ ເມືອງບໍ່ແຕນ ແຂວງໄຊຍະບູລີ ເປີດຊຸດອົບຮົມ ວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ຂຶ້ນຢູ່ທີ່ໂຮງຮຽນມສ ບໍ່ແຕນມີໄຊ ໃນວັນທີ 10 ມີນານີ້ ໂດຍການເຂົ້າຮ່ວມຂອງທ່ານ ຄໍາພັນ ພັນທະວົງ ຮອງເລຂາພັັກເມືອງ ປະທານກວດກາພັກ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ, ມີນ້ອງນັກຮຽນຊັ້ນ ມ7 ຈາກ 3 ໂຮງຮຽນຄື: ໂຮງຮຽນ ມສ ບໍ່ແຕນມີໄຊ, ມສ ບໍ່ແຕນ ແລະ ໂຮງຮຽນ ມສ ນ້ຳພຸ ຊຶ່ງມີນັກຮຽນເຂົ້າຮ່ວມທັງໝົດ 145 ນ້ອງ ຍິງ 46 ນ້ອງ ເຂົ້າຮ່ວມ.

ສ້າງຄວາມເຂົ້າໃຈ ໂຄງການຂົນສົ່ງແບບຍືນຍົງໃນຕົວເມືອງໃຫ້ນັກຮຽນ ມສ ສາທິດ

11/03/2026 15:55

ເພື່ອເຮັດໃຫ້ຄູ-ອາຈານ ແລະ ນັກຮຽນໄດ້ຮັບຮູ້ເຂົ້າໃຈ ກ່ຽວກັບປະຫວັດຄວາມເປັນມາ ຄວາມໝາຍ ຄວາມສໍາຄັນ ແລະ ຜົນປະໂຫຍດທີ່ຈະໄດ້ຮັບໃນການນໍາໃຊ້ລົດເມດ່ວນ BRT ຮັບຮູ້ເຖິງແນວທາງນະໂຍບາຍຂອງພັກ-ລັດໃນການສ້າງສາ ແລະ ພັດທະນາປະເທດຊາດ ໃຫ້ທ່ວງທັນກັບສະພາບການໃນຍຸກປັດຈຸບັນ ແນໃສ່ແກ້ໄຂບັນຫາການສັນຈອນແອອັດ ໂດຍການຫັນມາໃຊ້ລົດເມດ່ວນ BRT ໃນການເດີນທາງ.

ໂຮງຮຽນ ມສ ແຂວງເຊກອງຍົກລະດັບການນຳໃຊ້ເຄື່ອງມືສະມາສ໌ບອດ ແລະອຸປະກອນເອໄອ.

11/03/2026 15:53

ໃນວັນທີ 11 ມິນານີ້ ໂຮງຮຽນມັດທະຍົມສົມບູນ (ມສ) ແຂວງເຊກອງ ໄດ້ຈັດອົບຮົມປະຖົມນິເທດການນຳໃຊ້ສະມາສ໌ບອດ ແລະ ການນຳໃຊ້ອຸປະກອນເອໄອ (AI) ເຂົ້າໃນການຮຽນ-ການສອນ ໃຫ້ຄູ-ອາຈານ ຢູ່ທີ່ສູນໄອຊິທີ (ICT) ພະແນກສຶກສາທິການ ແລະ ກິລາແຂວງເຊກອງ ໂດຍທ່ານ ຄຳໄພ ສິມມາວັດ ຫົວໜ້າພະແນກສຶກສາທິການ ແລະ ກິລາແຂວງ, ມີຄູຝຶກ ແລະ ນັກສຳມະນາກອນເຂົ້າຮ່ວມ.

ແຂ່ງຂັນກິລາເປຕັງ ຊີງຂັນທ່ານເຈົ້າຄອງ ຕ້ອນຮັບກອງປະຊຸມໃຫຍ່ຜູ້ແທນແນວລາວສ້າງຊາດ ນວ

11/03/2026 15:47

ການແຂ່ງຂັນກິລາເປຕັງ ຊີງຂັນທ່ານເຈົ້າຄອງນະຄອນຫຼວງວຽງຈັນ (ນວ) ເພື່ອຕ້ອນຮັບກອງປະຊຸມໃຫຍ່ ຄັ້ງທີ IX ຜູ້ແທນແນວລາວສ້າງຊາດ ນວ ແລະ ສະເຫຼີມສະຫຼອງວັນສ້າງຕັ້ງພັກ ຄົບຮອບ 71 ປີຈັດຂຶ້ນໃນວັນທີ 11 ມີນານີ້ ທີ່ສະໜາມກິລາເປຕັງແຫ່ງຊາດ (ເຂດດົງໂດກ) ໂດຍມີທ່ານ ພົງສະຫວັນ ສີລິພັນ ປະທານແນວລາວສ້າງຊາດ ນວ, ມີບັນດາຮອງປະທານ, ອົງການຈັດຕັ້ງມະຫາຊົນ ນວ, ຄະນະຮັບຜິດຊອບຈັດການແຂ່ງຂັນ, ແນວລາວສ້າງຊາດເມືອງ 9 ເມືອງ ແລະ ພາກທຸລະກິດເຂົ້າຮ່ວມ.

ເປີດງານມະຫະກຳໜັງສື ແລະ ວັດທະນະທຳນານາຊາດ ຄັ້ງທີ VI ປະຈຳປີ 2026

10/03/2026 15:12

ສຳນັກພິມດີບຸກ ຮ່ວມກັບມະຫາວິທະຍາໄລແຫ່ງຊາດ (ມຊ) ແລະ ກົມວັນນະຄະດີ ແລະ ພິມຈຳໜ່າຍ ໄດ້ເປີດງານມະຫະກຳໜັງສື ແລະ ວັດທະນະທຳນານາຊາດ ຄັ້ງທີ VI ປະຈຳປີ 2026 (Book Festival VI 2026) ພາຍໃຕ້ຄຳຂວັນ: “ໜັງສືເຊື່ອມໂຍງວັດທະນະທຳ Books Connecting Culture” ຂຶ້ນຢ່າງເປັນທາງການໃນລະຫວ່າງວັນທີ 10-15 ມີນາ ນີ້ ທີ່ສະໂມສອນໃຫຍ່ ມຊ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມເປີດງານຂອງທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ, ທ່ານ ນາງ ຈັນເພັດ ຄຳຟອງ ຫົວໜ້າກົມວັນນະຄະດີ ແລະ ພິມຈຳໜ່າຍ ກະຊວງວັດທະນະທຳ ແລະ ການທ່ອງທ່ຽວ, ທ່ານ ທອງໃບ ໂພທິສານ ປະທານສະມາຄົມນັກປະພັນລາວ, ມີທູຕານຸທູດ, ຜູ້ໃຫ້ການສະໜັບສະໜູນ, ຄູ-ອາຈານ, ນັກປະພັນ, ນັກຮຽນ, ນັກສຶກສາ, ຮ້ານຂາຍປຶ້ມ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຖາມ-ຕອບວິທະຍາສາດ ປູກຈິດສໍານຶກຊາວໜຸ່ມ-ໄວໜຸ່ມ ໃນການເປັນນັກວິທະຍາສາດ

06/03/2026 12:22

ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ (ຄຊປປລ) ກະຊວງສຶກສາທິການ ແລະ ກິລາ (ສສກ) ຈັດກິດຈະກໍາໂຄສະນາປູກຈິດສໍານຶກໃຫ້ຊາວໜຸ່ມ, ໄວໜຸ່ມ ນັກຮຽນ-ນັກສຶກສາ ກ່ຽວກັບການເປັນນັກ ວິທະຍາສາດ ຈັດຂຶ້ນໃນວັນທີ 4 ມີນາຜ່ານມາ ທີ່ໂຮງຮຽນມັດທະຍົມສຶກສາສົມບູນຕານມີໄຊ ນະຄອນຫຼວງວຽງຈັນ (ນວ) ໂດຍມີສະຫາຍ ນາງ ເພັດສະໝອນ ແກ້ວໂສພາ ກຳມະການສູນກາງຊາວໜຸ່ມ ຮອງເລຂາ ຄຊປປລ ກະຊວງ ສສກ, ສະຫາຍ ນາງ ແກ້ວລັດ ມະນີແສງ ຜູ້ອຳນວຍການໂຮງຮຽນ ມສ ຕານມີໄຊ ພ້ອມຄະນະບໍລິຫານງານຊາວໜຸ່ມ, ສະຫະພັນແມ່ຍິງ, ສະຫະພັນກໍາມະບານ, ຄະນະຮັບຜິດຊອບຈັດກິດຈະກໍາ ສສກ, ຄູ-ອາຈານ ແລະ ນັກຮຽນເຂົ້າຮ່ວມແຂ່ງຂັນເຂົ້າຮ່ວມ.

ສະຫະພັນແມ່ຍິງກອງພົນທີ 2 ສ້າງຂະບວນການກິລາ ຕ້ອນຮັບວັນແມ່ຍິງສາກົນ ຄົບຮອບ 116 ປີ

06/03/2026 12:13

ສະຫະພັນແມ່ຍິງກອງພົນທີ 2 ສ້າງຂະບວນການແຂ່ງຂັນກິລາ ເພື່ອຂໍ່ານັບຮັບຕ້ອນວັນແມ່ຍິງສາກົນ 8 ມີນາ ຄົບຮອບ 116 ປີ ໃນວັນທີ 5 ມີນາຜ່ານມາ ໂດຍການເຂົ້າຮ່ວມຂອງສະຫາຍ ພົນຈັດຕະວາ ຄຳຜິວ ມະນີວົງ ຫົວໜ້າການເມືອງ ກອງພົນທີ 2, ມີຄະນະຫ້ອງ, ພະແນກການ, ຄະນະພັກ, ຄະນະບັນຊາກົມ, ແຂກຖືກເຊີນ ແລະ ສະມາຊິກແມ່ຍິງເຂົ້າຮ່ວມ.

ແຕ່ງຕັ້ງຄະນະອຳນວຍການ-ຄະນະຫ້ອງ ໂຮງຮຽນວັດທະນະທຳຊົນເຜົ່າກອງທັບ

05/03/2026 14:51

ໂຮງຮຽນວັດທະນະທຳຊົນເຜົ່າກອງທັບ ຈັດພິທີປະກາດການຈັດຕັ້ງຂັ້ນຄະນະອຳນວຍການໂຮງຮຽນ ແລະ ຄະນະຫ້ອງຂຶ້ນ‎ໃນວັນທີ 4 ມີນາຜ່ານມາ ໂດຍການເປັນປະທານຂອງສະຫາຍ ພົນຕີ ແສງມະນີວອນ ຄຳມະນີ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະອຳນວຍການ, ພະນັກງານ, ຄູ-ອາຈານກ່ຽວຂ້ອງເຂົ້າຮ່ວມ.

2026 ສະມາຄົມນັກທຸລະກິດຮ້ານອາຮ້ານລາວ ຈະຈັດກິດຈະກຳແຂ່ງຂັນກິລາຫຼາຍປະເພດ

05/03/2026 14:40

ວັນທີ 4 ມີນາ ນີ້ ທີ່ຮ້ານອາຫານປ່າພ້າວ ເມືອງໄຊເສດຖາ ນະຄອນຫຼວງວຽງຈັນ ມີກອງປະຊຸມໃຫຍ່ຄັ້ງທີ XIII ຂອງສະມາຄົມນັກທຸລະກິດຮ້ານອາຫານລາວ (ສນຮລ) ຮ່ວມກັບ ບໍລິສັດ ເບຍລາວ ຈຳກັດ, ໂດຍເປັນປະທານຂອງທ່ານ ຄຳແພງ ເພົ້າບົວວົງ ປະທານສະມາຄົມນັກທຸລະກິດຮ້ານອາຫານລາວ, ມີຮອງປະທານ, ຄະນະບໍລິຫານງານ, ຕາງໜ້າຝ່າຍສົ່ງເສີມການຂາຍ ແລະ ການຕະຫຼາດ ບໍລິສັດ ເບຍລາວ ແລະ ສະມາຊິກຮ້ານອາຫານ ເຂົ້າຮ່ວມ.

ວຕກ ແລະ ວິທະຍາໄລລາວ-ເຢຍລະມັນ ຮ່ວມມືທາງວິຊາການ

05/03/2026 14:38

ພິທີເຊັນບົດບັນທຶກຄວາມເຂົ້າໃຈ ການຮ່ວມມືທາງວິຊາການ ລະຫວ່າງວິທະຍາຄານເຕັກນິກການທະ ຫານ (ວຕກ) ແລະ ວິທະຍາໄລເຕັກນິກລາວ-ເຢຍລະມັນ ຈັດຂຶ້ນໃນວັນທີ 3 ມີນາຜ່ານມາ ທີ່ ວຕກ ໂດຍມີ ສະຫາຍ ພົນຈັດຕະວາ ຟອງສະໝຸດ ພົນທິລາດ ອຳນວຍການ ຫົວໜ້າການທະຫານ ວຕກ, ມີສະຫາຍ ສຸລິຍາ ປ່າໄຊ ອຳນວຍການວິທະຍາໄລເຕັກນິກລາວ-ເຢຍລະມັນ, ມີຄະນະພັກ-ຄະນະອຳນວຍການ ພ້ອມດ້ວຍພາກ ສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ເພີ່ມເຕີມ