ຂ່າວລະບຸວ່າ: ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ກ່າວຄຳເຫັນໃນພິທີມອບລາງວັນສື່ມວນຊົນແຫ່ງຊາດ ຄັ້ງທີ XIX ວ່າ: ໃນຕະຫຼອດເສັ້ນທາງປະຫວັດສາດ 100 ປີ, ສື່ມວນຊົນ ຫວຽດນາມ ມີການພັດທະນາຢ່າງບໍ່ຢຸດຢັ້ງ, ນັບມື້ນັບເຕີບໃຫຍ່ເຂັ້ມແຂງ, ຢັ້ງຢືນບົດບາດແມ່ນອາວຸດດ້ານການເມືອງ, ວັດທະນະທຳ, ແນວຄິດອັນແຫຼມຄົມ, ສຳຄັນ.

ທ່ານນາຍົກລັດຖະມົນຕີຖືວ່າ ໃນວິວັດການບືນຕົວຂຶ້ນຂອງຕົນ, ການພັດທະນາຊົນຊາດ, ສື່ມວນຊົນປະຕິວັດມີບົດບາດສຳຄັນພິເສດ, ສ້າງກຳລັງໜູນ, ສົ່ງແຫຼ່ງບັນດານໃຈ, ປຸກລຸກຄວາມຫວັງພັດທະນາ, ສ້າງບັນດາຄຸນຄ່າໃໝ່ໃຫ້ແກ່ປະເທດຊາດ, ເຮັດໃຫ້ຄວາມຫວັງກ່ຽວກັບ ຫວຽດນາມ ເຂັ້ມແຂງແຮງກ້າ, ວັດທະນາຖາວອນ, ເຕັມໄປດ້ວຍຄວາມເມດຕາປານີ; ແຜ່ກະຈາຍຄວາມມຸ່ງຫວັງໄປເຖິງປະຊາຊົນທຸກຊັ້ນວັນນະໃນສັງຄົມຢ່າງເລິກເຊິ່ງກວ້າງຂວາງ.

ທ່ານນາຍົກລັດຖະມົນຕີ ສະເໜີວ່າ: ອົງການສື່ມວນຊົນແຕ່ລະອົງການ, ຜູ້ເຮັດວຽກງານການຂ່າວແຕ່ລະຄົນ ຕ້ອງມີຄວາມຮັບຮູ້ຢ່າງຈະແຈ້ງຕໍ່ຄວາມຮັບຜິດຊອບອັນສູງສົ່ງຂອງຕົນ. ເສີມຂະຫຍາຍມູນເຊື້ອສະຫງ່າອົງອາດ 100 ປີ, ສື່ມວນຊົນປະຕິວັດ ຍາມໃດກໍຕ້ອງແມ່ນກະບອກສຽງອັນສັດຊື່, ພາວະວິໄສ, ສ່ອງແສງກະແສຂອງຊີວິດໃນຫຼາຍດ້ານຫຼາຍສົ້ນ, ແມ່ນຂົວເຊື່ອມຕໍ່ຢ່າງມີປະສິດທິຜົນລະຫວ່າງພັກ, ລັດ ກັບປະຊາຊົນ, ກ້າຫານຕໍ່ສູ້ກັບສິ່ງທີ່ບໍ່ດີ, ປະກົດການຫຍໍ້ທໍ້, ພ້ອມທັງລະດົມກຳລັງໃຈ, ແຜ່ກະຈາຍບັນດາແບບຢ່າງທີ່ດີເດັ່ນ, ສິ່ງທີ່ດີງາມ, ບັນດາຄຸນຄ່າທາງດ້ານວັດທະ ນະທຳອັນເລິກເຊິ່ງຂອງສັງຄົມ.