ເນັ້ນ 2 ຄໍາເຫັນເຈາະຈີ້ມ ເພື່ອໃຫ້ ສສຊ ມີຄໍາເຫັນຕໍ່ການຈັດຕັ້ງປະຕິບັດປີທ່ອງທ່ຽວລາວ

ເນັ້ນ 2 ຄໍາເຫັນເຈາະຈີ້ມ ເພື່ອໃຫ້ ສສຊ ມີຄໍາເຫັນຕໍ່ການຈັດຕັ້ງປະຕິບັດປີທ່ອງທ່ຽວລາວ

10:21 13/06/2025

ພາຍໃຕ້ຄໍາຂວັນ: “ທ່ອງທ່ຽວລາວປອດໄພ, ຊື່ນໃຈໃນວັດທະນະທໍາ, ທໍາມະຊາດເເລະປະຫວັດສາດ” ໃນຜ່ານມາ ມີອັນພົ້ນເດັ່ນຫຼາຍດ້ານ; ແຕ່ຄຽງຄູ່ກັນນັ້ນ, ຍັງມີຫຼາຍອັນເປັນສິ່ງທ້າທາຍ ເຮັດໃຫ້ການທ່ອງທ່ຽວເຮົານີ້ ຍັງມີຂີດຈໍາກັດ. ສະພາແຫ່ງຊາດ ຈຶ່ງໄດ້ມີ 2 ຄໍາເຫັນເຈາະຈີ້ມ ເພື່ອໃຫ້ສະມາຊິກສະພາແຫ່ງຊາດ ມີຄວາມຄິດເຫັນ ຢ່າງມີຈຸດສຸມ ແນໃສ່ເພື່ອສະເໜີ ວິທີການ ແລະ ມາດຕະການ ໃນການຈັດຕັ້ງປະຕິບັດວຽກງານດັ່ງກ່າວ ໃນຕໍ່ໜ້າ.

ພາຍຫຼັງການລາຍງານຂອງກະຊວງຖະແຫຼງຂ່າວ, ວັດທະນະທໍາແລະທ່ອງທ່ຽວກ່ຽວກັບການຈັດຕັ້ງປະຕິບັດແຜນການປີທ່ອງທ່ຽວລາວ 2024 ແລະທິດທາງແຜນການໃນຕໍ່ໜ້າຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີIXໃນວັນທີ 13 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ຄໍາໃບ ດຳລັດ ຮອງປະທານສະພາແຫ່ງຊາດ; ທ່ານປະທານກອງປະຊຸມໃນວາລະນີ້, ກໍໄດ້ມີຄໍາເຫັນເຈາະຈີ້ມຕໍ່ການຈັດຕັ້ງປະຕິບັດແຜນການປີທ່ອງທ່ຽວລາວ 2024 ແລະ ທິດທາງແຜນການໃນຕໍ່ໜ້າ.

ທ່ານ ຄໍາໃບ ດຳລັດ ກ່າວວ່າ: ເຫັນໄດ້ວ່າການນໍາພາຈັດຕັ້ງປະຕິບັດປີທ່ອງທ່ຽວລາວຄັ້ງນີ້,ໂດຍລວມແລ້ວລັດຖະບານມີອັນພົ້ນເດັ່ນຫຼາຍດ້ານໂດຍສະເພາະການປະຕິບັດກິດຈະກໍາໃນລະດັບຊາດແລະລະດັບແຂວງທັງກິດຈະກໍາອື່ນທີ່ຈັດຂຶ້ນຢູ່ຕ່າງປະເທດເປັນການໂຄສະນາສົ່ງເສີມການທ່ອງທ່ຽວລາວໄດ້ຮັບຜົນສໍາເລັດເປັນຢ່າງດີ, ເຮັດໃຫ້ການທ່ອງທ່ຽວໃນໄລຍະດັ່ງກ່າວນີ້ມີບັນຍາຟົດຟື້ນດີຂຶ້ນເວົ້າລວມ,ເວົ້າສະເພາະແມ່ນສາມາດດຶງດູດການທ່ອງທ່ຽວພາຍໃນແລະດຶງດູດນັກທ່ອງທ່ຽວຕ່າງປະເທດໃຫ້ເຂົ້າມາທ່ອງທ່ຽວ, ຈັບຈ່າຍໃຊ້ສອຍເພີ່ມຂຶ້ນແລະສາມາດກະຈາຍລາຍຮັບຈາກການທ່ອງທ່ຽວ. ແຕ່ຄຽງຄູ່ກັນນັ້ນ, ບັນຫາປັດໄຈພາຍໃນແລະພາຍນອກຍັງມີຫຼາຍອັນເປັນສິ່ງທ້າທາຍເຮັດໃຫ້ການທ່ອງທ່ຽວເຮົານີ້ຍັງມີຂີດຈໍາກັດໂດຍສະເພາະດ້ານສິ່ງອໍານວຍຄວາມສະດວກໂຄງລ່າງພື້ນຖານດ້ານການທ່ອງທ່ຽວ, ເສັ້ນທາງເຂົ້າເຖິງແຫຼ່ງທ່ອງທ່ຽວ, ຜະລິດຕະພັນແລະການມີສ່ວນຮ່ວມຂອງຊຸມຊົນແລະອື່ນໆ.

ສະນັ້ນ, ເພື່ອເປັນບ່ອນອີງໃຫ້ແກ່ບັນດາທ່ານຜູ້ແທນກອງປະຊຸມມີຄວາມຄິດເຫັນຢ່າງມີຈຸດສຸມແນ່ໃສ່ເພື່ອສະເໜີວິທີການແລະມາດຕະການໃນການຈັດຕັ້ງປະຕິບັດວຽກງານດັ່ງກ່າວໃນຕໍ່ໜ້າໃຫ້ມີຄວາມເຂັ້ມແຂງຍິ່ງຂຶ້ນໄປ, ທ່ານ ຄໍາໃບ ດຳລັດຈຶ່ງມີຂໍ້ເຈາະຈິ້ມດັ່ງນີ້:

1. ສໍາລັບພາກສະຫຼຸບດ້ານດີ/ຜົນສໍາເລັດ, ດ້ານອ່ອນທີ່ເປັນຂໍ້ຄົງຄ້າງແລະບັນດາສາເຫດທີ່ໄດ້ຮັບຟັງການລາຍງານໄປນັ້ນບັນດາທ່ານເຫັນວ່າມີເນື້ອໃນຄົບຖ້ວນ, ຖືກຕ້ອງແລະຊັດເຈນແລ້ວຫຼືບໍ່? ເປັນຕົ້ນແມ່ນ: ການພົວພັນ, ການປະສານສົມທົບລະຫວ່າງສູນກາງແລະທ້ອງຖິ່ນໃນການພັດທະນາການທ່ອງທ່ຽວ, ການຄຸ້ມຄອງນັກທ່ອງທ່ຽວໂດຍສະເພາະນັກທ່ອງທ່ຽວຕ່າງປະເທດ; ການໂຄສະນາ, ການປຸກລະດົມຂະບວນການມະຫາຊົນເຂົ້າຮ່ວມໃນການພັດທະນາການທ່ອງທຽວຕາມເງື່ອນໄຂແລະທ່າແຮງຂອງແຕ່ລະທ້ອງຖິ່ນ.

2. ສໍາລັບທິດທາງແຜນການໃນຕໍ່ໜ້າບັນດາທ່ານຄິດວ່າຄວນຈະມີວິທີການແລະມາດຕະການແກ້ໄຂໃດຕື່ມເພື່ອສະເໜີຕໍ່ລັດຖະບານໃຫ້ເອົາໃຈໃສ່ເປັນພິເສດເພື່ອເຮັດໃຫ້ວຽກງານການທ່ອງທ່ຽວໄດ້ຮັບການຈັດຕັ້ງປະຕິບັດຢ່າງມີຄຸນນະພາບ, ປະສິດທິພາບ, ປະສິດທິຜົນ, ແລະສາມາດບັນລຸຕາມແຜນການທີ່ວາງໄວ້.

ນອກຈາກນີ້ບັນດາທ່ານຜູ້ແທນກອງປະຊຸມຍັງເຫັນວ່າມີບັນຫາໃດຕື່ມທີ່ສໍາຄັນທີ່ຄວນສະເໜີໃຫ້ບັນດາທ່ານມີຄໍາເຫັນເພີ່ມເຕີມ.

(ຂ່າວ-ພາບ: ສຸກສະຫວັນ)

ຄໍາເຫັນ

ຂ່າວການເມືອງ

ອົງການກາແດງແຫ່ງຊາດລາວ ເຜີຍແຜ່ເຊື່ອມຊຶມກົດລະບຽບພັກ

24/08/2026 14:47

ຫ້ອງການອົງການກາແດງແຫ່ງຊາດລາວ ໄດ້ຈັດພິທີເຜີຍແຜ່ ແລະ ເຊື່ອມຊຶມກົດລະບຽບຂອງພັກປະຊາຊົນປະຕິວັດລາວ ສະໄໝທີ XII ແລະ ຄໍາແນະນໍາ ວ່າດ້ວຍ ການຈັດຕັ້ງປະຕິບັດກົດລະບຽບພັກ ສະໄໝທີ XII, ໃນວັນທີ 24 ສິງຫານີ້ ທີ່ຫ້ອງປະຊຸມຂອງສະຖາບັນເລືອດແຫ່ງຊາດ. ເປັນກຽດໃນພິທີ ພ້ອມທັງເຜີຍແຜ່ ໂດຍ ທ່ານ ຄໍາລາວັນ ຈັນທະລາວັນ ກໍາມະການສູນກາງພັກ ເລຂາຄະນະພັກ ປະທານອົງການກາແດງແຫ່ງຊາດລາວ, ທ່ານ ຈັນທະລາ ສຸກສາຄອນ ຮອງເລຂາຄະນະພັກ ຮອງປະທານອົງການກາແດງແຫ່ງຊາດລາວ, ມີບັນດາຄະນະພັກ-ຄະນະນໍາ, ຄະນະກົມ, ສະຖາບັນ, ຄະນະພະແນກ ພ້ອມດ້ວຍພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.

ສະເຫຼີມສະຫຼອງ ວັນສ້າງຕັ້ງໂຮງໝໍສູນກາງ 103 ກອງທັບ ຄົບຮອບ 50 ປີ

20/08/2026 15:06

ພິທີສະເຫຼີມສະຫຼອງວັນສ້າງຕັ້ງໂຮງໝໍສູນກາງ 103 ກອງທັບ ຄົບຮອບ 50 ປີ (12 ສິງຫາ 1976-12 ສິງຫາ 2026) ໄດ້ຈັດຂຶ້ນໃນວັນທີ 19 ສິງຫາ 2026 ນີ້, ໂດຍການເຂົ້າຮ່ວມປະດັບຫຼຽນໄຊພິລະອາດຫານ ຊັ້ນ I ໃຫ້ໂຮງໝໍສູນກາງ 103 ກອງທັບ ຂອງສະຫາຍ ພົນເອກ ຄໍາລຽງ ອຸທະໄກສອນ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ມີຄະນະພັກກະຊວງປ້ອງກັນປະເທດ, 4 ກົມໃຫຍ່, ຫ້ອງວ່າການກະຊວງປ້ອງກັນປະເທດ, ບັນດາກົມ, ວິທະຍາຄານ, ໂຮງຮຽນ, ໂຮງໝໍ, ກົມກອງອ້ອມຂ້າງ, ເອກອັກຄະລັດຖະທູດ ແຫ່ງ ສສ ຫວຽດນາມ, ສປ ຈີນ, ສ ກຸຍບາ ປະຈຳ ສປປ ລາວ, ມີຮອງລັດຖະມົນຕີ ກະຊວງສາທາລະນະສຸກ, ຕາງໜ້າບັນດາໂຮງໝໍສູນກາງ, ສູນ, ສະຖາບັນ, ກະຊວງປ້ອງກັນຄວາມສະຫງົບ, ໂຮງໝໍສູນກາງ 108 ກອງທັບປະຊາຊົນ ຫວຽດນາມ, ໂຮງໝໍ ຊິຈິງ ກອງທັບປົດປ່ອຍປະຊາຊົນຈີນ, ພະນັກງານອາວຸໂສ-ບໍານານ ແລະ ແຂກຖືກເຊີນ ເຂົ້າຮ່ວມ.

ປະກາດແຕ່ງຕັ້ງບຸກຄະລາກອນ ປະຈໍາ 2 ເຂດເລືອກຕັ້ງພາກເໜືອ

20/08/2026 11:48

‎ ວັນທີ 19-20 ສິງຫານີ້, ໄດ້ມີພິທີປະກາດກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ ແລະ ການແຕ່ງຕັ້ງບຸກຄະລາກອນປະຈໍາເຂດເລືອກຕັ້ງທີ 6 ແຂວງຫຼວງພະບາງ ແລະ ເຂດເລືອກຕັ້ງທີ 7 ແຂວງໄຊຍະບູລີ ໂດຍການເປັນປະທານຂອງທ່ານ ມອນໄຊ ລາວມົວຊົ່ງ ກຳມະການສູນກາງພັກ ຮອງປະທານຄະນະປະຈໍາສະພາແຫ່ງຊາດ (ຄປຈສພຊ); ເຂົ້າຮ່ວມມີບັນດາທ່ານປະທານ-ຮອງປະທານສະພາປະຊາຊົນແຂວງ (ສພຂ); ຄະນະປະຈໍາ ແລະ ກໍາມະການພັກແຂວງ, ຄະນະປະຈໍາສະພາປະຊາຊົນແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ (ສສຂ), ພະແນກການອ້ອມຂ້າງ, ຄະນະຫ້ອງວ່າການ ແລະ ພະນັກງານເສນາທິການຂອງ ສພຂ 2 ແຂວງດັ່ງກ່າວເຂົ້າຮ່ວມຢ່າງພ້ອມພຽງ.

ຄຳມ່ວນ ເປີດຮຽນ ທິດສະດີການເມືອງຂັ້ນຕົ້ນ ຮຸ່ນທີ IX

19/08/2026 09:35

ໂຮງຮຽນການເມືອງ ແລະ ການປົກຄອງແຂວງຄຳມ່ວນ ໄດ້ຈັດພິທີເປີດຊຸດຮຽນທິດສະດີການເມືອງຂັ້ນຕົ້ນ ຮຸ່ນທີ IX ໃນວັນທີ 18 ສິງຫານີ້ ໂດຍການເຂົ້າຮ່ວມເປັນປະທານຂອງທ່ານ ສົມໃຈ ພານີຈັນ ຮອງເລຂາຄະນະບໍລິຫານງານພັກແຂວງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກພະນັກງານ, ມີຄະນະນຳໂຮງຮຽນ, ຄູ-ອາຈານ, ແຂກຖືກເຊີນ ແລະ ນັກສຶກສາເຂົ້າຮ່ວມ.

ພະແນກ ກສ ແຂວງຄໍາມ່ວນເຊື່ອມຊຶມກົດລະບຽບຂອງພັກສະໄໝທີXII

12/08/2026 10:21

ກອງປະຊຸມເຜີຍແຜ່-ເຊື່ອມຊຶມກົດລະບຽບຂອງພັກປະຊາຊົນ ປະຕິວັດລາວ ສະໄໝທີ XII ແລະ ເຜີຍແຜ່ຄໍາແນະນໍາສະບັບເລກທີ 303/ຄຈສພ ກ່ຽວກັບການຈັດຕັ້ງປະຕິບັດກົດລະບຽບຂອງພັກປະຊາຊົນປະຕິວັດລາວ ສະໄໝທີ XII ໄດ້ຈັດຂຶ້ນໃນວັນທີ 11 ສິງຫາຜ່ານມາທີ່ຫ້ອງປະຊຸມຂອງພະແນກກະສິກໍາ ແລະ ສິ່ງແວດລ້ອມ (ກສ) ແຂວງຄໍາມ່ວນ ໂດຍການເປັນປະທານ ແລະ ເຜີຍແຜ່ຂອງສະຫາຍ ສີປະໄທ ເພົ່າພົງສະຫວັດ ຮອງເລຂາຄະນະພັກຮາກຖານ, ຮອງຫົວໜ້າພະແນກກະສິກໍາ ແລະ ສິ່ງແວດລ້ອມແຂວງ, ມີບັນດາສະຫາຍໃນຄະນະພັກຮາກຖານ, ມີສະມາຊິກພັກເຂົ້າຮ່ວມຮັບຟັງ.

ສານປະຊາຊົນແຂວງເຊກອງ ເຊື່ອມຊຶມເອະກສານສໍາຄັນ ຂອງພັກ

05/08/2026 13:47

ໃນວັນທີ 4 ສິງຫາ ນີ້, ສານປະຊາຊົນແຂວງເຊກອງ ໄດ້ຈັດພິທີເຜີຍແຜ່ເຊື່ອມຊຶມເອກະສານສໍາຄັນຂອງພັກ ໂດຍການເຜີຍແຜ່ເອກກະສານຂອງທ່ານ ນາງ ສີວິໄລ ຜາວິໄລ ປະທານສານປະຊາຊົນແຂວງເຊກອງ, ມີຄະນະພັກ-ຄະນະນໍາສານປະຊາຊົນແຂວງ, ສານປະຊາຊົນເຂດ, ຜູ້ພິພາກສາ ພ້ອມດ້ວຍສະມາຊິກພັກ, ພະນັກງານລັດຖະກອນເຂົ້າຮ່ວມ.

ກອງປະຊຸມຄົບຄະນະບໍລິຫານງານພັກເມືອງໂຂງ ຄັ້ງທີ 7 ສະໄໝທີ IX

30/07/2026 13:52

ຄະນະບໍລິຫານງານພັກເມືອງໂຂງ ແຂວງຈຳປາສັກ ໄດ້ເປີດກອງປະຊຸມຄົບຄະນະ ຄັ້ງທີ 7 ສະໄໝທີ IX ໃນວັນທີ 30 ກໍລະກົດນີ້ ທີ່ ຫ້ອງວ່າການເມືອງ, ໂດຍການເປັນປະທານຂອງ ສະຫາຍ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ມີບັນດາສະຫາຍໃນຄະນະປະຈຳພັກເມືອງ, ກຳມະການພັກເມືອງເຂົ້າຮ່ວມ.

ກອງປະຊຸມຄົບຄະນະບໍລິຫານງານພັກເມືອງຊານໄຊ ຄັ້ງທີ 4 ສະໄໝທີ XIV

29/07/2026 13:09

ເມືອງຊານໄຊ ແຂວງອັດຕະປື ໄດ້ເປີດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ4 ສະໄໝທີ XIV ໃນວັນທີ 28 ກໍລະກົດຜ່ານມາ ທີ່ຫ້ອງວ່າການເມືອງຊານໄຊໂດຍການເປັນປະທານຂອງ ສະຫາຍ ຫັດສະໄນ ສີບຸນເຫຼືອງຄະນະກຳມະການພັກແຂວງເລຂາພັກເມືອງຊານໄຊ,ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສນຊ ເຊື່ອມຊຶມຜົນສໍາເລັດກອງປະຊຸມໃຫຍ່ຜູ້ແທນແນວລາວສ້າງຊາດທົ່ວປະເທດ ຄັ້ງທີ XII

21/07/2026 15:54

ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມເຊື່ອມຊຶມຜົນສໍາເລັດກອງປະຊຸມໃຫຍ່ຜູ້ແທນແນວລາວສ້າງຊາດທົ່ວປະເທດ ຄັ້ງທີ XII ແບບປົກກະຕິ ແລະ ອອນລາຍ ຂຶ້ນໃນວັນທີ 21 ກໍລະກົດນີ້ ທີ່ ສນຊ, ໂດຍການເປັນປະທານ ຂອງທ່ານ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ ປະທານ ສນຊ, ມີພະເຖລານຸເຖລະ, ມີບັນດາຮອງປະທານ ສນຊ (ປະຈຳການ ແລະ ບໍ່ປະຈຳການ), ມີບັນດາກຳມະການ ສນຊ, ກໍາມະການ ສນຊ ປະຈໍາຢູ່ນະຄອນຫຼວງ-ບັນດາແຂວງ, ພະນັກງານຫຼັກແຫຼ່ງຂອງບັນດາແຂວງ ໃນທົ່ວປະເທດ, ແຂກຖືກ ເຂົ້າຮ່ວມ.

ຄອນວ ເຜີຍແຜ່ເອກະສານສໍາຄັນຂອງພັກ

21/07/2026 14:46

ຄະນະໂຄສະນາອົບຮົມ ນະຄອນຫຼວງວຽງຈັນ (ຄອນວ) ໄດ້ຈັດກອງປະຊຸມເຜີຍແຜ່, ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ ຕິດພັນກັບມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກ ນະຄອນຫຼວງວຽງຈັນ, ໃນວັນທີ 21 ກໍລະກົດນີ້ ທີ່ສໍານັກງານປົກຄອງ ນວ.

ເພີ່ມເຕີມ