ເຂົ້າຮ່ວມເປັນປະທານໂດຍ ທ່ານ ນາງ ຫຼິງທອງ ແສງຕາວັນ ກໍາມະການປະຈໍາພັກແຂວງ ຮອງເຈົ້າແຂວງສະຫວັນນະຂດ, ທ່ານ ພັນເອກ ແສງອໍາພອນ ພູມີເງິນ ຮອງຫົວໜ້າກົມອົບຮົມກົມໃຫຍ່ເສນາທິການກອງທັບ ກະຊວງປ້ອງກັນປະເທດ, ທ່ານ ພັນເອກ ສຸກສະໝອນ ສີພັນດອນ ຫົວໜ້າການທະຫານແຂວງສະຫວັນນະເຂດ ທັງເປັນຄະນະກຳມະການຈັດງານແຂ່ງຂັນກິລາທົ່ວກອງທັບເຂດ III ພາກກາງ-ພາກໃຕ້.
ສະຫາຍ ພັນເອກ ສຸກສະໝອນ ໄດ້ລາຍງານການກະກຽມງານແຂ່ງຂັນກິລາໃນຄັ້ງນີ້ ວ່າ: ງານແຂ່ງຂັນກິລາຄັ້ງນີ້, ເປັນການຄັດເລືອກເອົາຕົວແທນທີ່ຊະນະເລີດ ກິລາແຕ່ລະປະເພດເຂົ້າຮ່ວມງານແຂ່ງຂັນກິລາແຫ່ງຊາດ ຄັ້ງທີ 12 ທີ່ນະຄອນຫຼວງວຽງຈັນເປັນເຈົ້າພາບ ໃນທ້າຍປີ 2025, ພ້ອມກັນນີ້ ກໍເປັນການພົບປະສາມັກຄີແລກປ່ຽນບົດຮຽນເຊິ່ງກັນ ແລະ ກັນ ລະຫວ່າງອົງການ-ກົມກອງ, ກໍາລັງຫຼວງ ແລະ ທ້ອງຖິ່ນ ເພື່ອເປັນການກວດກາຍົກລະດັບຄຸນນະພາບວຽກງານອົບຮົມ-ຫັດແອບ, ວຽກງານກິລາການທະຫານ ແລະ ກິລາມວນຊົນຂອງກອງທັບ. ໃນນີ້, ມີກົມກອງເຂົ້າຮ່ວມແຂ່ງຂັນທັງໝົດ ຈໍານວນ 19 ກົມກອງຄື: ກອງພົນທະຫານຮາບທີ 4, ກອງພົນທະຫານຮາບທີ 5, ກອງບັນຊາການທະຫານແຂວງບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື, ກອງພັນໃຫຍ່ 642, ກອງພັນໃຫຍ່ 621, ກອງພັນໃຫຍ່ 644, ກອງພັນໃຫຍ່ 645, ກອງພັນໃຫຍ່ 611, ກອງພັນໃຫຍ່ 619, ໂຮງຮຽນເລກ 2 ວຽງໄຊ, ໂຮງໝໍບໍລິເວນ 106, ໂຮງໝໍບໍລິເວນ 109 ແລະ ໂຮງງານປະສານເຫຼົ່າພາກກາງ. ມີນັກກິລາເຂົ້າຮ່ວມແຂ່ງຂັນທັງໝົດ 649 ສະຫາຍ, ກໍາມະການຕັດສິນ 60 ສະຫາຍ ໂດຍປະກອບມີກິລາ 6 ປະເພດຄື: ກິລາບານເຕະຊາຍ ມີ 5 ຄະນະ, ກິລາບານສົ່ງຊາຍມີ 5 ຄະນະ, ກິລາກະຕໍ້ດ່ຽວຊາຍ 12 ຄະນະ, ກິລາເປຕັັງປະສົມຍິງ-ຊາຍ 17 ຄະນະ, ກິລາການທະຫານ ມີ 165 ຄະນະ ແລະ ກິລາຍິງປືນທະຫານຮາບ ມີ 130 ຄະນະ, ສ່ວນການແຂ່ງຂັນຈະໄດ້ດຳເນີນໄປເປັນເວລາ 7 ວັນຈຶ່ງຈະສຳເລັດ. (ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ