 |
ສະຫຼຸບຜົນການແຂ່ງຂັນມີດັ່ງລຸ່ມນີ້ : ກິລາເຕະບານ. ທີ1 ໂຮງຮຽນ ມສ ມະຍຸລີ ,ທີ 2 : ໂຮງຮຽນ ມສ ເຄເອັນຊີ , ທີ 3 ໂຮງຮຽນ ມສ ສາລາຄຳ ແລະ ທີ 4 : ໂຮງຮຽນ ມປ ບໍ່ໂອ ; ກິລາດຶງເຊືອກ: ທີ1 ໂຮງຮຽນ ມສ ເຄເອັນຊີ ,ທີ 2 : ໂຮງຮຽນ ມສ ມະຍຸລີ ,ທີ 3 : ໂຮງຮຽນ ມສ ສາລາຄຳ ແລະ ທີ 4 ໂຮງຮຽນ ມປ ບໍ່ໂອ ; ກິລາແລ່ນໄຖ່: ທີ1 ໂຮງຮຽນ ມສ ມະຍຸລີ ,ທີ 2 : ໂຮງຮຽນ ມສ ເຄເອັນຊີ ,ທີ 3 ໂຮງຮຽນ ມສ ສາລາຄຳ ແລະທີ4 ໂຮງຮຽນ ມປ ບໍ່ໂອ ; ກິລາແລ່ນ 3 ຂາ: ທ1 ໂຮງຮຽນ ມສ ມະຍຸລີ ,ທີ 2 ໂຮງຮຽນ ມປ ບໍ່ໂອ,ທີ 3 ໂຮງຮຽນ ມສ ສາລາຄຳ ແລະທີ 4 ໂຮງຮຽນ ມສ ເຄເອັນຊີ.
 |
ຕະຫຼອດໄລຍະການແຂ່ງຂັນນັກກິລາທຸກຄົນໄດ້ສະແດງໃຫ້ເຫັນເຖິງຄວາມສາມັກຄີ ແລະ ສະກັດກັ້ນສິ່ງເສບຕິດ, ໃຊ້ເວລາຫວ່າງໃຫ້ເປັນປະໂຫຍດ, ຫ່າງໄກຈາກປາກົດການຫຍໍ້ທໍ້ໃນສັງຄົມ ,ການພັດທະນາທັກສະ ໄດ້ເປັນການຍົກລະດັບລະບຽບວິໄນ ແລະ ສັກກາຍະພາບດ້ານກິລາໃຫ້ກ້າວໄກໄປອີກຂັ້ນ , ປູກຝັງຈິດສຳນຶກ "ຮູ້ຊະນະ, ຮູ້ແພ້, ຮູ້ອະໄພ" ແລະ ມີຄວາມຮັບຜິດຊອບຕໍ່ໜ້າທີ່.
ງານນີ້ບໍ່ພຽງແຕ່ເປັນການຊອກຫາຜູ້ຊະນະ, ແຕ່ເປັນການສ້າງຊັບພະຍາກອນມະນຸດ ທາງດ້ານວິທະຍາສາດການກິລາ ໃຫ້ມີຄວາມຍືນຍົງ, ສ້າງນັກກິລາດີເດັ່ນໃນອະນາຄົດ ແລະ ທີ່ສຳຄັນຄືການຮັດແໜ້ນຄວາມສາມັກຄີສາຍພົວພັນມິດຕະພາບລະຫວ່າງ 4 ໂຮງຮຽນ ໃຫ້ຍິ່ງແໜ້ນແຟ້ນຂຶ້ນເລື້ອຍໆ.
 |
ຄະນະຈັດງານ ສະແດງຄວາມຂອບໃຈຢ່າງສູງ ມາຍັງທຸກໆພາກສ່ວນ, ທ່ານແຂກຜູ້ມີກຽດ, ຜູ້ໃຫ້ການສະໜັບສະໜູນ, ຄູ-ອາຈານ, ນັກຮຽນ ແລະ ກອງເຊຍທຸກຄົນ ທີ່ຮ່ວມເປັນສ່ວນ
ໜຶ່ງໃນຄວາມສຳເລັດອັນຍິ່ງໃຫຍ່ໃນຄັ້ງນີ້.
ງານກິລາ ປະສົບຜົນສຳເລັດໄດ້ ໂດຍໄດ້ຮັບການສະໜັບສະໜູນຫຼັກ ຈາກ ບໍລິສັດ ລາວ ໂຄຄາ-ໂຄລາ ບ໊ອຕຕລິ້ງຈຳກັດ ດ້ານງົບປະມານທັງໝົດໃນການຈັດງານຄັ້ງນີ້, ພ້ອມດ້ວຍ ຫ້ອງການສຶກສາທິການ ແລະ ກິລາ ເມືອງຫາດຊາຍຟອງ ແລະ ຄະນະບໍລິຫານ, ຄູ-ອາຈານ ຈາກທັງ 4 ໂຮງຮຽນ ທີ່ຮ່ວມມືກັນຢ່າງພ້ອມພຽງ. (ຂ່າວ:ຕຸໄລເພັດ)
ຄໍາເຫັນ