ໂຮງຮຽນ ມສ ອົງແກ້ວ ຮ່ວມໃຈບໍລິຈາກເລືອດແບບສະໝັກໃຈ

ນ້ອງນັກຮຽນໂຮງຮຽນ ມສ ອົງແກ້ວ ຮ່ວມໃຈບໍລິຈາກເລືອດແບບສະໝັກໃຈ

12:40 07/02/2025

ໃນວັນທີ 5 ກຸມພາຜ່ານມາ, ອົງການກາແດງແຂວງສາລະວັນເຄື່ອນໄຫວຮັບບໍລິຈາກເລືອດແບບສະໝັກໃຈຢູ່ທີ່ໂຮງຮຽນມັດທະຍົມສົມບູນອົງແກ້ວ, ໂດຍມີ ທ່ານ ນາງ ວິໄລ ຈວງທະຈັກ ຮອງຫົວໜ້າອົງການກາແດງແຂວງ ສາລະວັນ,

ທ່ານ ນາງ ດາວວອນ ຈັນມະນີວົງ ຮອງຜູ້ອຳນວຍການໂຮງຮຽນມັດທະຍົມສົມບຸນອົງແກ້ວ ແລະ ນ້ອງນັກຮຽນເຂົ້າຮ່ວມ.

ທ່ານ ນາງ ວິໄລ ຈວງທະຈັກ ໄດ້ໃຫ້ຮູ້ວ່າ: “ເລືອດ” ບໍ່ມີໂຮງງານຜະລິດ ແລະ ບໍ່ແມ່ນວັດຖຸທີ່ຊື້-ຂາຍກັນໄດ້, ຄວາມຕ້ອງການເລືອດເພື່ອໃຊ້ເຂົ້າໃນການປິ່ນປົວໃນແຕ່ລະປີເພີ່ມສູງຂຶ້ນ ແລະ ຍັງບໍ່ມີຜູ້ໃດສາມາດຄິດຄົ້ນປະດິດສານອື່ນໆ ມາໃຊ້ແທນເລືອດໄດ້, ສິ່ງທີ່ໄດ້ຈາກການບໍລິຈາກເລືອດກໍຄື ໄດ້ສຸຂະພາບທີ່ແຂງແຮງໂດຍສະເພາະຫຼຸດຜ່ອນຄວາມສ່ຽງພະຍາດຫົວໃຈ, ຫຼຸດຜ່ອນຄວາມສ່ຽງພະຍາດມະເຮັງ, ຫຼຸດລະດັບຄໍເລດສະເຕລໍ, ສົ່ງເສີມການສ້າງຈຸລັງໃໝ່, ໄດ້ກະຕຸ້ນການເຮັດວຽກຂອງແອກະດູກ ທັງໄດ້ກວດສຸຂະພາບ, ຮູ້ໝວດເລືອດຕົນເອງ ແລະ ສິ່ງສໍາຄັນແມ່ນໄດ້ຊ່ວຍເຫຼືອຊີວິດຄົນອື່ນ.

ສໍາລັບເງື່ອນໄຂທົ່ວໄປຂອງຜູ້ບໍລິຈາກເລືອດ ເພດຊາຍ ອາຍຸ 17-65 ປີ, ເພດຍິງ, ອາຍຸ 17 -60 ປີ, ນໍ້າໜັກ 45 ກິໂລກຣາມ ຂຶ້ນໄປ, ມີສຸຂະພາບແຂງແຮງ ແລະ ເງື່ອນໄຂອື່ນໆອີກ.

ການລົງເຄື່ອນໄຫວຮັບບໍລິຈາກເລືອດແບບສະໝັກໃຈໃນຄັ້ງນີ້, ມີຜູ້ບໍລິຈາກເລືອດທັງໝົດ 8 ຄົນ, ໄດ້ເລືອດທັງໝົດ 8 ຖົງເທົ່າກັບ 2,800 ຊີຊີ

(ຂ່າວ-ພາບ: ວິໄລວອນ ສິດທິໄຊ)

ຄໍາເຫັນ

ຂ່າວສືກສາ-ກິລາ

ແຂ່ງຂັນຍິງປືນ ລະດົມທຶນຊຸກຍູ້ທີມນັກກິລາຍິງປືນຄົນພິການລາວ ຮ່ວມອາຊຽນພາຣາເກມ 2026

05/06/2025 15:19

ແຂ່ງຂັນກິລາຍິງປືນສັ້ນມາດຕະຖານ ໄລຍະ 15 ແມັດ ປະເພດດ່ຽວຊາຍ-ຍິງ ຊີງຂັນປະທານຄະນະກຳມະການພາຣາແລມປິກແຫ່ງຊາດລາວ ຫຼື ຄພລ ເພື່ອເປັນການລະດົມກອງທຶນສະໜັບສະໜູນທີມນັກກິລາຍິງປືນຄົນພິການທີມຊາດລາວ ເຂົ້າຮ່ວມງານມະຫະກຳກິລາ ອາຊຽນພາຣາເກມ ຄັ້ງທີ 13 ຕົ້ນປີ 2026 ທີ່ປະເທດໄທ ແລະ ຍັງເປັນການສ້າງຂະບວນການສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ 2025 ໃຫ້ເປັນຂະບວນການຟົດຟື້ນ.

ໄຊສົມບູນ ເປີດຊຸດຮຽນທິດສະດີການເມືອງ ຂັ້ນກາງໄລຍະ 6 ເດືອນ ຮຸ່ນທີ II

05/06/2025 10:17

ພິທີເປີດຊຸດຮຽນທິດສະດີການເມືອງ ຂັ້ນກາງ ໄລຍະ 6 ເດືອນ ຮຸ່ນທີ ll ຢູ່ແຂວງໄຊສົມບູນ ໄດ້ຈັດຂຶ້ນໃນຕອນເຊົ້າຂອງວັນທີ 3 ມິຖຸນາຜ່ານມາ ທີ່ຫ້ອງປະຊຸມຫ້ອງວ່າການແຂວງ ພາຍໃຕ້ການເປັນປະທານຂອງ ສະຫາຍ ພູວົງ ອຸ່ນຄໍາແສນ ກຳມະການສູນກາງພັກ ເລຂາຄະນະບໍລິຫານງານພັກ ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ໂດຍການເຂົ້າຮ່ວມ ຂອງ ສະຫາຍ ພົຈວ ບົວພັນ ອິນທະປັນຍາ ຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ.

ໂຮງຮຽນອະນຸບານກະຊວງສາທາລະນະສຸກຈັດກິດຈະກຳວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

02/06/2025 13:43

ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົົົົົົົົົົົົົົົົົົົົົົ້ນໄມແຫ່ງຊາດ ໂຮງຮຽນອະນຸບານກະຊວງສາທາລະນະສຸກໄດ້ຈັດພິທີສະເຫຼີມສະຫຼອງວັນສຳຄັນດັ່ງກ່າວຂຶ້ນໃນວັນທີ 30 ພຶດສະພາຜ່ານມາທີ່ໂຮງຮຽນດັ່ງກ່າວ, ໂດຍການເຂົ້າຮ່ວມຂອງທ່ານ ນາງເພັດສະໄໝ ໄຊຍະມຸງຄົນ ພັນລະຍາຜູ້ອໍານວຍກາຍໂຮງໝໍມະໂຫສົດ, ທ່ານ ພອນປະດິດ ສັງໄຊຍະລາດ ປະທານສະຫະພັນກຳມະບານກະຊວງ, ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ,ມີບັນດາຫຼານນ້ອຍ, ພໍ່ແມ່ຜູ້ປົກຄອງແລະ ພາກສ່ວນກ່ຽວຂ້ອງເຂົ້າຮ່ວມ.

ປະດັບຫຼຽນໄຊ-ຫຼຽນກາ-ໃບຍ້ອງຍໍ ໃຫ້ຄະນະນັກກິລາເພາະກາຍລາວ

02/06/2025 13:15

ພິທີປະດັບຫຼຽນໄຊແຮງງານຊັ້ນ I, II, III,ຫຼຽນກາແຮງງານ ແລະ ໃບຍ້ອງຍໍລັດຖະບານລາວໃຫ້ຄະນະບໍລິຫານງານສະຫະພັນກິລາເພາະກາຍແຫ່ງຊາດລາວ (ສພກລ) ລວມເຖິງຄູຝຶກນັກກິລາ ແລະ ບັນດາຜູ້ສະໜັບສະໜູນຂຶ້ນໃນວັນທີ 31 ພຶດສະພາຜ່ານມາທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໃຫ້ກຽດປະດັບຫຼຽນໄຊໂດຍທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການໂອແລັມປິກແຫ່ງຊາດລາວ,

ໂຮງຮຽນລ້ຽງເດັກ-ອະນຸບານ-ປະຖົມສຶກສາປັນຍາມະນີເອົາໃຈໃສ່ ສອນດີ ມີວິໃນ ໃສ່ໃຈຄຸນນະພາບ (ເນື່ອງໃນໂອກາດວັນເດັກນ້ອຍສາກົນ ວັນທີ 1 ມິຖຸນາ)

30/05/2025 09:50

ໂດຍ: ພູວັນ ເດັກນ້ອຍໃນວັນນີ້ ຄືຜູ້ໃຫຍ່ທີ່ມີອະນາຄົດສົດໃສໃນວັນໜ້າ ວັນເດັກນ້ອຍສາກົນເປັນວັນທີ່ມີຄວາມໝາຍສຳຄັນເພາະເດັກນ້ອຍແມ່ນໜໍ່ແໜງທີ່ຈະສືບຕໍ່ວຽກງານທີ່ສຳຄັນຈາກຮຸ່ນນີ້ສູ່ຮຸ່ນຕໍ່ໆໄປ, ພັກ ແລະ ລັດຖະບານເວລາໃດກໍ ໃຫ້ຄວາມສຳຄັນຕໍ່ເດັກນ້ອຍ, ທາງໂຮງຮຽນໄດ້ອົບຮົມບົ່ມສອນ, ພັດທະນາ ແລະ ສົ່ງເສີມໃຫ້ເດັກນ້ອຍຂອງພວກເຮົາເປັນຄົນທີ່ມີຄຸນນະພາບ, ມີຄຸນນະທໍາ ແລະ ມີຄວາມຮັບຜິດຊອບຕໍ່ສັງຄົມ.

ພິທີມອບ-ຮັບ ນໍ້າລິນ ໃຫ້ໂຮງຮຽນ ມໍສ ເທດສະບານເມືອງນາເເລ

28/05/2025 12:57

ພິທີມອບ-ຮັບ ນໍ້າລິນໃຫ້ໂຮງຮຽນ ມໍສ ເທດສະບານເມືອງນາເເລ ເເຂວງຫຼວງນໍ້າມາ ໂດຍການສະໜັບສະໜູນຈາກສິດເກົ່າ ຊຽງຄໍາວິທະຍາຄົມ ລຸ້ນ 2520-2522 ຈັງວັດຊຽງລາຍປະເທດໄທ ໄດ້ຈັດຂຶ້ນ ໃນວັນທີ 27 ພຶດສະພາຜ່ານມາທີ່ສະໂມສອນໂຮງຮຽນມໍສ ເມືອງນາເເລ, ໃຫ້ກຽດເຂົ້າຮ່ວມຂອງທ່ານ ຕັນ ວັນປະເສີດ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາສັງຄົມ, ທ່ານ ອຸໄທ ຫອມນ້ານ ຕາງໜ້າທິມງານຈາກປະເທດໄທ.

ມອບ-ຮັບເຄື່ອງຫຼິ້ນໃຫ້ໂຮງຮຽນລ້ຽງເດັກ-ອະນຸບານ ໂຮງໝໍມິດຕະພາບ

28/05/2025 12:28

ໂຮງໝໍມິດຕະພາບ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ວັນທີ 1 ມິຖຸນາ ຄົບຮອບ 101 ປີ, ວັນປູກຕົ້ນໄມ້ແຫ່ງຊາດ ຄົບຮອບ 45 ປີ ແລະ ມອບ-ຮັບເຄື່ອງຫຼິ້ນໃຫ້ໂຮງຮຽນລ້ຽງເດັກ-ອະນຸບານ ໂຮງໝໍມິດຕະພາບ ມູນຄ່າ 32,900,000 ກີບ. ຈາກພັນລະຍາການນໍາພັກ-ລັດ ຂຶ້ນໃນວັນທີ 27 ພຶດສະພານີ້ ໂດຍການເຂົ້າຮ່ວມຂອງ ທ່ານ ສອນໄຊ ລາດຊະວົງ ກຳມະການຄະນະພັກກະຊວງ ເລຂາຄະນະພັກຮາກຖານຜູ້ອໍານວຍການໂຮງໝໍມິດຕະພາບ, ພັນລະຍາການນໍາພັກ-ລັດ, ມີຄະນະອໍານວຍການ, ຕາງໜ້າສາມອົງການຈັດຕັ້ງ, ພະນັກງານແພດໝໍ ແລະ ພະຍາບານ ເຂົ້າຮ່ວມ.

ສະເຫຼີມສະຫຼອງ ຄົບຮອບ 10 ປີ ພັດທະນາການສຶກສາຊັ້ນປະຖົມສຶກສາ

28/05/2025 12:25

ກະຊວງສຶກສາທິການ ແລະ ກິລາ ແຫ່ງ ສປປ ລາວ (ສສກ) ແລະ ສະຖານເອກອັກຄະລັດຖະທູດອົສຕຣາລີ ສະເຫຼີມສະຫຼອງ ການຈັດຕັ້ງປະຕິບັດ ແຜນງານປັບປຸງຄຸນນະພາບການສຶກສາຂັ້ນພື້ນຖານ (ບີຄວາ) ຄົບຮອບ 10 ປີ ການຮ່ວມມືເພື່ອການຫັນປ່ຽນໄດ້ສ້າງຄວາມເຂັ້ມແຂງໃຫ້ແກ່ລະບົບການສຶກສາ ແລະ ປັບປຸງການເຂົ້າເຖິງການສຶກສາຊັ້ນປະຖົມສຶກສາທີ່ມີຄຸນນະພາບໃຫ້ແກ່ເດັກນ້ອຍໃນ ສປປ ລາວ, ໂດຍສະເພາະຢູ່ເຂດຫ່າງໄກສອກຫຼີກ ແລະ ມີຄວາມຫຍຸ້ງຍາກ, ໄດ້ຈັດຂຶ້ນໃນວັນທີ 26 ພຶດສະພານີ້ ທີ່ນະຄອນຫຼວງວຽງຈັນ.

ຟີຟາ ມອບສະໜາມເຕະບານຫຍ້າທຽມ ໃຫ້ໂຮງຮຽນ ມສ ນາຄວາຍ

27/05/2025 13:20

ສະຫະພັນບານເຕະສາກົນ ຫຼື ຟີຟາ ມອບສະໜາມກິລາເຕະບານຫຍ້າທຽມທີ່ແທດເໝາະສຳລັບການພັດທະນານັກກິລາຮຸ່ນອະນຸຊົນ ແລະ ເຍົາວະຊົນຍິງ-ຊາຍ ທີ່ນອນໃນເປົ້າໝາຍຂອງໂຄງການ "FIFA Arena Project" ໃຫ້ແກ່ໂຮງຮຽນມັດທະຍົມສົມບູນ ນາຄວາຍ ເມືອງໄຊເຊດຖາ ນະຄອນຫຼວງວຽງຈັນ ຊຶ່ງເປັນໂຮງຮຽນແຫ່ງທຳອິດໃນ ສປປ ລາວ ໂດຍສະໜາມດັ່ງກ່າວຈະສາມາດສ້າງນັກກິລາຮຸ່ນສືບທອດກ້າວສູ່ທີມຊາດໃນອະນາ ຄົດ.

ງານແຂ່ງຂັນກິລາການທະຫານ ແລະ ກິລາມວນຊົນ ທົ່ວເຂດແຂ່ງຂັນທີ 3 ພາກກາງ-ພາກໃຕ້ ໂດຍແມ່ນກອງບັນຊາການທະຫານແຂວງສະຫວັນນະເຂດເປັນເຈົ້າພາບ

20/05/2025 14:58

ງານແຂ່ງຂັນກິລາການທະຫານ ແລະ ກິລາມວນຊົນ ທົ່ວເຂດແຂ່ງຂັນທີ 3 ພາກກາງ-ພາກໃຕ້ຊິງຂັນລາງວັນຂອງທ່ານລັດຖະມົນຕີກະຊວງປ້ອງກັນປະເທດ ໄດ້ເປີດຂຶ້ນຢ່າງເປັນທາງການໃນທ້າຍອາທິດຜ່ານມາ ຢູ່ທີ່ສະໜາມກິລາແຂວງສະຫວັນນະເຂດ ໂດຍແມ່ນກອງບັນຊາການທະຫານແຂວງສະຫວັນນະເຂດເປັນເຈົ້າພາບ ເພື່ອສ້າງຂະບວນການຂໍ່ານັບຮັບຕ້ອນ 3 ວັນປະຫວັດສາດຂອງຊາດ-ຂອງພັກ.

ເພີ່ມເຕີມ